Sálumu130
Afiñeni luagu Aburemei
1Nabureme, agúahatina bun lídangiñe lilulin-agei huyu.2Aganbabéi numalali Aburemei! Tenilá barigeirugu lun nagúaragun ayumuragua!3Aburemei, Aburemei, lun hamuga babahüdüni wafigoun, ka hamuga san gayaraabei lerederun lara?4Gama lumoun daritiwa ferudun bidan ligía gadüna bubéi lun wíchugun uéiriguni bun.5Aguraba numuti lídemue Nabureme tau sun nuani; ani afiñe au luagu lererun.6Aguraba numuti Nabureme tau sun nanigi sügǘ lau hagurabuni ha óunigirubaña áriebu larugadun. Ítara kei hagurabuni óunigirutiña larugadun,7ítarala giñe bagurabuni Aburemei, Ísüraeli, ladüga anihein ínsiñeni luma esefuruni le tímatimaati luma Bungiu.8Lesefurubei Bungiu Ísüraeli lídangiñe sun luriban!Bible Society of Honduras