Sálumu122
Alawahani lun Herusalén
1Wéiriti nugundan dan le hariñagun nun: «Keima lúbiñe Aburemei!»2Herusalén, awanheinhadiwa múnada libiti bubenari!3Herusalén, uburugu adügǘti lun hóundaragun lílana fulasu ñein.4Ñeinhin hayabin lani Aburemei türibu lun halawahani liri, kei lariñawagún lun Ísüraeli.5Ñeinñoun burí lúbaana aguseruni, tani lúbaana larúeihan Dawidi aguseragülei.6Ariñaga humá tau hanigi: «Ñeinlá darangilaü bidan, Herusalén; darangilañu lan hawinwandun ha hínsiñehabubaña bun.7Ñeinlá darangilaü lidan bubarieirun, ñeinlá achoururuni tidan bani palasiu».8Guentó nariñaguba hawagu níbirigu hama numadagu: «Ñeinlá darangilaü bidan.9Náfaaguba luagu buiti bun, tuagu luban Aburemei le Wabungiute».Bible Society of Honduras