Sálumu12
Afurieiduni amuriahei ídemuei lúmagiñe Bungiu
1Sefubána Nabureme, ladüga úaaña afiñetiña gúnfulitiña le tímatimaati; úaaña gürigia buítiña.2Eyeedaguatiña houngua, hadimurehan lau bián luwuyeri ani mafurangudunti.3Aburemei, hulabei hálagüle biangua tigibu hama ha adimuredügübaña,4ha ariñagubaña: «Buídurügüti wayuma woun; tageindaguba wañeñe waweigiñe. Kábagia ariñaga woun: Adügabéi le?»5Anihán le lariñagubei Aburemei: «Násaara guentó ladüga hamudirawaguña gudemetiña, agúarahatiña débilitiña lau igarigu. Níchugubei ídemuei le hemegeirubei houn».6Inarüniti füramasei le líchugubei Wabureme woun; ítara liña kei pülata le fínutimabei, le adarúbei sedü wéiyaasu lidoun régigi!7Wabureme, bóunigirubadiwa; súnwandan baramudubadiwa lan hawéi hawuyeri gürigia hagía!8Éibugañaha haña wuribatiña lidan sun fulasu, ani sun gürigia gúndaatiña lau wuribani.Bible Society of Honduras