Sálumu118
Wéiriti lubafu Aburemei
1Ru humá eteingiruni lun Aburemei luagu lareini ladüga magumuchaditi línsiñehabu.2Ariñaga hamá Ísüraelina: «Magumuchaditi línsiñehabu Aburemei»3Ariñaga hamá fádirigu: «Magumuchaditi lugudemenihabu Aburemei».4Ariñaga hamá ha inebehabubaña lun Aburemei: «Magumuchaditi lugudemenihabu Aburemei».5Wátina lun Aburemei lidan nidiheri, aganba lumutina aba lesefurunina.6Anihein Nabureme numa, manufudetina. Kaba gayara lan gürigia adüga nau?7Anihein Nabureme numa, íderagua lumutina. Narihibei hagañeirúniwa ha iyereehabúbaña nun!8Buítimati lemenigidun luagu Aburemei sügǘ lau lemenigidúniwa luagu gürigia.9Buítimati lemenigidúniwa luagu Aburemei sügǘ lau lemenigidúniwa hawagu gürigia wéirigutiña.10Geyegua hamutina yebe sun néchanigu, gama lumoun gañei numutiña lidan liri Aburemei.11Geyegua hamutina luéigiñe sun oubaü, gama lumoun gañei numutiña lidan liri Nabureme.12Geyegua hamutina kei hulahüñü, gama lumoun aba léñeguchun lanarime hagañi kei ligemeri hiiyu; gañei numutiña lidan liri Aburemei!13Da hamutina here lun yebe néiguadun, gama lumoun ñǘbuinti Nabureme íderaguana.14Eremuhatina lun Nabureme le íchugubei erei nun; ligía nesefuragülebei!15Tidan haban wügüriña gúnfulitiña, anihein burí uremu gúndaati le lánina agañeiruni: «Darí lumuti lubafu Aburemei agañeiruni!16Hanarimeguti lubafu Aburemei! Darí lumuti lubafu Aburemei agañeiruni!»17Móunwenbadina, nabagariduba lun nabahüdaguni le ladügübei Nabureme!18Bei láadina Aburemei here, gama lumoun mígirun lumutina lun nounwen.19Daragua huméi tubenari luban Bungiu, busentina nebelurun íchiga seremei lun!20Anihán lubenaribei Aburemei, ani ñéingiñeba hebelura ha gúnfulibaña luma.21Seremei numutibu, Nabureme, luagu bóunabunina, ladüga buguya lan nesefuragülebei.22Dübü le meha aubei meberesen hamá ábunagutiña, ligíaali dübü le tímatimaati.23Aburemei adügübalin le, wéiritu wanigi lau katei le.24Anihán weyu le ídanbei luadigimarida Aburemei: Gunda wamá uguñe!25Adügabá fulesei woun Aburemei, sefubáwa! Fuleseibawa Aburemei, adügabá lun buidu lan lidin woun!26Biniwati le ñǘbuinbei lidan liri Aburemei! Biní wamutün tídangiñe luban Aburemei.27Bungiu Aburemeibei; harugoungadagüdati wau! Gumese huméi fedu, barǘ humá burí limu luagun larigei latarü.28Seremei numutibu alawahanei buéirigun ladüga Nubungiute lan buguya.29Ru humá seremei lun Aburemei ladüga buiti; ladüga magumuchaditi línsiñehabu.Bible Society of Honduras