Sálumu113
Uremu lun lareini Aburemei
1Alawaha huméi Bungiu! Eseriwidutiña lun Aburemei, alawaha huméi Aburemei!2Alawahoualá liri Aburemei guentó luma súnwandan!3Alawahoualá liri Aburemei lúmagiñe láfuachagüle weyu darí lumoun lálüdagüle.4Hóugiñeñein sun néchanigu Aburemei; lóugiñeñein sielu luéirigun!5Úati kei Aburemei le Wabungiute, le arúeihabei yágüta iñu;6ani lau sun lira lemuti lun larihini sielu luma múa.7Iñuragua lumutiña Aburemei gudemetiña múarugugiñe, sagaláña ha mégeihabubaña lídangiñe fulasu le ǘnabutimabei;8lun lañuuragüdüniña hadan gürigia wéirigutiña, hadan harahüñü urúei ha lídanbaña lageira.9Tun würi to buga maraütu ruti ugundani lau tagaraüdün, lun giñe tagabandun tungua.Alawaha huméi Bungiu!
Bible Society of Honduras