Ariñawagúni19
1Buítimati lun gudeme ban ani harumatibu sügǘ lau ibidiougua lan bau, marasualugu buguyame.2Mabuidunti afuruduni masaminarunga buidu, saragu furesei barüti bulíeiguaü.3Féridigüda lumuti libidiounigan lau gürigia üma lun, lárigiñeti líchigei duru luagun Bungiu.4Chawati irisini saragu umadagu, ánheinti gudemeti, íbini lumadagu féridi lumutiña.5Gefentiña ha yeebaña habihubei habeichún, ha yéebaña mesefurunbaña.6Gürigia ha mánginbaña, áluaha hamutiña sun gürigia, aba gamada hamaniña.7Meberesenhaaña ligía líbirigu gudemeti lau, gúbume madisedun hamá lumadagu luéi.8Ha afurendeirutiña, adüga haméi le hafurendeirubei, hínsiñeguatiña houngua ani awansetiña.9Meredebaña gefentiña ha yéetiña mabeichúnga, lagurabuñanu óunweni ha marasualugubaña.10Mabagariduntiña ibidiougua tau lidan wendei, madünama ligía hagumadiruniña idamuni gürigia wéirigutiña.11Ragüguaü unguaü luéi agañiduni ligía lubuidunbei ichügü; lichugún mebereseni luagu anabawaguni inebeseibei.12Ítara liña ligañi urúei kei ladürürühan liñún; ánheinti lugundan ítara liña kei serenu ligibuagu sagadi.13Súfurigüda hamutiña isaanigu ibidiougua tau hagübürigu.
Würi ganigitu wuribu, ítara tiña kei lédedehan duna merederagunga.14Hámagiñe agübürigu habiha isaanigu muna luma irisini, lúmagiñe Bungiu úmari to huali tichügü.15Ruti magúali lilulin idabagu, ha magúalibaña háfaguba ilamaü.16Ha agunfulirutiña gumadi, góunigi hamuti habagari; ha íchugutiña mebereseni luagu larufudahan Bungiu, hilaguatiña.17Bafuredeihan lun gudemeti kéigubeirügü bafuredeihan lun Bungiu, ani Bungiu guánarügüba afayeirei dúeiti.18Ererehabá lun bisaani lau gayaraagili lan laganbunibu, gama lumoun mabeichabéi darí báfaruni hilagubei.19Ha hanarimebaña agañidun, resibi hamuti le hadünabei, ítara liña lesefuruniwa luéi abeichúni kéisigubeirügü laribadawagüdüntima katei.20Aganbabá eweridihani, anha buguyame lun ererehóuni, ítara luba biabin lun lachuudun bau.21Adügati gürigia saragu burí aransehani; gama lumoun laransehanrügüñein Bungiu agunfulira.22Arumani busenwabei lúmagiñe gürigia, buítimati gudeme lan gürigia sügǘ lau mafayeihadi lan.23Adundehati linebenwa Bungiu lidoun ibagari; abagaridúati gúndaañu masufurirunga ni murusun wuribani.24Da hamuti ha magúalibaña háhabu lidoun asiedu, gama lumoun siñá hamuti íchiga hayumulugun.25Lídangiñe habeichúniwa ha barüguabaña houngua, furendeitiña ha mabuidunbaña ichügü; ha chúbaña aau, furendeitiña láurügü lererúniwa houn.26Lóuseruni isaani lúguchi wuriba, luma labugunu lúguchu múnadagiñe, nibusigarídünati lira ani madünama ligía.27Niráü, ánhabu meberesen lau ererehani, badireiruba luéi eweridihani buiti.28Gefentiña ha yéetiña, adügatiña bula lau irichaü; furiti wuribani hayumulugugiñe ha salufuribaña.29Aranseñu liña fiedu habá ha barüguabaña houngua, luma abeichúagülei lubá hanagan ha ibidiouguabaña aau.
Würi ganigitu wuribu, ítara tiña kei lédedehan duna merederagunga.14Hámagiñe agübürigu habiha isaanigu muna luma irisini, lúmagiñe Bungiu úmari to huali tichügü.15Ruti magúali lilulin idabagu, ha magúalibaña háfaguba ilamaü.16Ha agunfulirutiña gumadi, góunigi hamuti habagari; ha íchugutiña mebereseni luagu larufudahan Bungiu, hilaguatiña.17Bafuredeihan lun gudemeti kéigubeirügü bafuredeihan lun Bungiu, ani Bungiu guánarügüba afayeirei dúeiti.18Ererehabá lun bisaani lau gayaraagili lan laganbunibu, gama lumoun mabeichabéi darí báfaruni hilagubei.19Ha hanarimebaña agañidun, resibi hamuti le hadünabei, ítara liña lesefuruniwa luéi abeichúni kéisigubeirügü laribadawagüdüntima katei.20Aganbabá eweridihani, anha buguyame lun ererehóuni, ítara luba biabin lun lachuudun bau.21Adügati gürigia saragu burí aransehani; gama lumoun laransehanrügüñein Bungiu agunfulira.22Arumani busenwabei lúmagiñe gürigia, buítimati gudeme lan gürigia sügǘ lau mafayeihadi lan.23Adundehati linebenwa Bungiu lidoun ibagari; abagaridúati gúndaañu masufurirunga ni murusun wuribani.24Da hamuti ha magúalibaña háhabu lidoun asiedu, gama lumoun siñá hamuti íchiga hayumulugun.25Lídangiñe habeichúniwa ha barüguabaña houngua, furendeitiña ha mabuidunbaña ichügü; ha chúbaña aau, furendeitiña láurügü lererúniwa houn.26Lóuseruni isaani lúguchi wuriba, luma labugunu lúguchu múnadagiñe, nibusigarídünati lira ani madünama ligía.27Niráü, ánhabu meberesen lau ererehani, badireiruba luéi eweridihani buiti.28Gefentiña ha yéetiña, adügatiña bula lau irichaü; furiti wuribani hayumulugugiñe ha salufuribaña.29Aranseñu liña fiedu habá ha barüguabaña houngua, luma abeichúagülei lubá hanagan ha ibidiouguabaña aau.
Bible Society of Honduras