Hosué21
Haburugute Lewitagu
1Aba houdin hábutigu haduheñu Lewitagu Siló, lóubawagu Kanán, adimureha luma fádiri Eleasárü, luma Hosué, luma hama hábutigu haduheñu türibugu Ísüraelina. Hariñaga houn:—Ariñagati meha Wabureme liyumulugiñe Moisesi lun lichugún uburugu woun lun waganóun ñein, lau fulasu houn walügüniña.3Ábati híchugun Ísüraelina lídangiñe haburugute houn Lewitagu, luma fulasu houn halügüniña kei buga lariñaguni Wabureme.4Furumiñe aba ladügǘn ubunuruni houn Lewitagu ha ladügawagun Keatü. Houn Keátüna ha ladügawagun Aarón, tareisiñein uburugu ichugúti houn, le meha hani lani Hudá, Simeón luma Benhamín türibu.5Ha híbiri Keátüna, díisiñein uburugu ichugúti houn, le meha hani lani Éfürain türibu, Dan luma hamidan lani Manasési türibu.6Lárigiñe le, aba latokarun houn Lewitagu ha ladügawagun Gerüsón, tareisi uburugu le meha hani lani Isakárü türibu, Aserü Nefütalí luma lamidan lani Manasési türibu le Basanbei.7Houn Lewitagu ha ladügawagun Merarí dúusuñein uburugu ichugúti, le meha hani lani Rubén, Gadü luma Sabulón türibu.8Afanreinhatiña Ísüraelina uburugu hadan Lewitagu lau ubunuruni, luma fulasu burí houn halügüniña kei buga lariñaguni Wabureme liyumulugiñe Moisesi.9Uburugu burí le, le lunbei liridún, türibu ha lani Hudá hama ha lani Simeón íchugubalin,10aba líchuguniwa houn Lewitagu ha liduheñu Keatü, ha ladügawagun Aarón, ladüga houn lichugúa furumiñeti ubunuruni.11Lidan fulasu le gáraabutebei lóubawagu Hudá, ibiha hamuti Ebürón, uburugu le wéirigutimabei haburuguterugu ladügawagun hígandei Anakü, lau burí fulasu houn habiñanigu.12Ánheinti lumúan uburugu le luma burí lirahüñü aüdü le geyegubei lau, lun Kalebü le liráü Hefuné lichugúa.13Bóugudin luéi Ebürón, le uburugubei aramudaguagülei houn áfarahatiña, ibiha hamuti ladügawagun fádiri Aarón, uburugu burí le: Libüná,14Hatirü, Ésütemoa,15Olón, Debirü,16Ain, Hutá, luma Betü-sémesi. Lidan nefu uburugu le anihein fulasu houn ibiñanigu.17Hámagiñe lani Benhamín türibu, ibiha hamuti Gabaón, Geba,18Anatótu luma Alümón, gádürü uburugu lau fulasu houn ibiñanigu,19tareisiñein lubeiti haburugute fádirigu ha ladügawagun Aarón, kada uburugu lau fulasu houn ibiñanigu.20Houn ha híbiri Lewitagu ha ladügawagun Keatü, afanreinhóuati uburugu houn lídangiñe lani Éfürain türibu.21Luagu burí luwübüri Éfürain, ibiha hamuti Sikemü kei uburugu aramudaguagülei houn áfarahatiña, luma Géserü,22Kibüsaímü, luma Betü-orón, gádürü uburugu lau fulasu houn ibiñanigu.23Hámagiñe lani Dan türibu, ibiha hamuti Eliteké, Gibetón,24Ayalón, luma Gatü-rimón, gádürü uburugu lau fulasu houn ibiñanigu.25Hámagiñe lamidan lani Hosé türibu le gíribei Manasési, ibiha hamuti Taanakü luma Gatü-rimón, bián uburugu lau fulasu houn ibiñanigu.26Díisiñein lubeiti haburugute Keátüna ha, lau fulasu houn ibiñanigu.27Biámañein uburugu ichugúti houn Lewitagu ha ladügawagun Gerüsón, le meha hani lamidan lani Manasési türibu, lau fulasu houn ibiñanigu: Golán le Basanbei, lun leseriwidun kei uburugu aramudaguagülei, luma Besüterá.28Hámagiñe lani Isakárü türibu, ibiha hamuti: Kisión, Dawerátü,29Harümútu, luma En-ganimü, gádürü uburugu lau fulasu houn ibiñanigu.30Hámagiñe lani Aserü türibu, ibiha hamuti: Misaeli, Abüdón,31Elikátü luma Reobu, gádürü uburugu lau fulasu houn ibiñanigu.32Hámagiñe lani Nefütalí türibu, ibihatiña ǘrüwa uburugu lau fulasu houn ibiñanigu: Kedesi le Galiléabei, lun leseriwidun kei uburugu aramudaguagülei houn áfarahatiña, Amotu-doru luma Karütán;33tareisiñein lubeiti haburugute ladügawagun Gerüsón kada aban lau fulasu houn ibiñanigu.34Iduheñu Lewitagu, ha ladügawagun Merarí, ibiha hamuti hámagiñe lani Sabulón türibu: Hokuneámü, Karütá,35Dimüná luma Naalali, gádürü uburugu lau fulasu houn ibiñanigu.36Hámagiñe lani Rubén türibu, ibiha hamuti: Béserü, Haasü,37Kademótu luma Mefatü, gádürü uburugu lau fulasu houn ibiñanigu.38Hámagiñe lani Gadü türibu, ibiha hamuti: Ramotu le lani Galaadü, lun leseriwidun kei uburugu aramudaguagülei houn áfarahatiña, Manaímü,39Esübón luma Haserü gádürü uburugu lau fulasu houn ibiñanigu,40dúusuñein lubeiti uburugu ichugúti houn haduheñu Lewitagu ha ladügawagun Merarí.41Bián-wein-wídüñein haburugute Lewitagu hamúanrugu Ísüraelina kada aban lau fulasu houn ibiñanigu,42le burí geyegubei lau kada uburugu. Ítara liña kada aban lídangiñe uburugu burí le.
Gúnfuliti Wabureme lau le füramase lubéi
43Ítara liña líchuguni Wabureme múa le buga füramase lubéi lau fiñún houn hagüchagu Ísüraelina houn Ísüraelina, aba herederun aganóua ñein.44Gúnfuli lumuti Wabureme lererun, aba líchugun darangilaü houn lidan sun hamúan. Siñati hararamun háganiñu hagibugiñe, lugundun Wabureme ageindagubei haweigiñe.45Meredeti ni aban dimurei magunfulirunga lídangiñe sun lubuidun füramasei le buga ladügübei Wabureme houn Ísüraelina.Bible Society of Honduras