Hosué19
Hamúan lani Simeón türibu
1Le libiaman fulasu le ichugúbei lau ubunuruni, houn lani Simeón türibu lichugúa. Lidan buga hafulasun lani Hudá türibu leredera fulasu ligía,2fulasu burí ligía, uburugu Bérüsewa, Sebá, Moladá,3Asarü-suali, Balá, Ésemü,4Elitoládü, Betulu, Orumá,5Sikülágü, Betü-marükawótu, Asarü-susá,6Betü-lebaotu luma Saruén, tareisi uburugu lau burí lirahüñü aüdü le geyegubei lau.7Ibiha hamuti giñe uburugu En-rimón, Éterü luma Asán lau burí lirahüñü aüdü le geyegubei lau,8luma burí lirahüñü aüdü le ñeinbei darí Baalatü-berü, lememe uburugu Ramatü, lóubawagu Négebü. Ligía burí múa le atokarubei houn liduheñu Simeón.9Lídanñein lumúan Hudá hafulasun lani Simeón türibu, lugundun gíbeyati hamúan lani Hudá türibu, aba líchugun lídangiñe múa le atokarubei lun Hudá houn lánigu Simeón.Hamúan lani Sabulón türibu
10Le lǘrüwan fulasu le ichugúbei lau ubunuruni, houn haduheñu lani Sabulón türibu lichugúa. Darí Saridü lébeda láfadaragun,11lasigira luagun oubaü le ñéingiñe lubéi laboucha weyu darí Maralá ñéingiñe darí Dabeseti, lagumucha luagu liraüraü duna le ligibugiñebei Hokuneámü.12Saridügiñe, lidin fadaguaü le luágunbei oubaü le ñéingiñe lubéi laboucha weyu darí Kisilótu-taworu, ñéingiñe lásügüra luagun Dawerátü, lamudeira darí Hafía.13Ñéingiñe, lidin fadaguaü luéigiñe oubaü le ñéingiñe lubéi laboucha weyu luagun Gatü-éferü, lásügüra Ita-kasingiñe, lachülüra darí Rimón, lagararaagua luéigiñe Neá.14Luéigiñe nórute, lagararaagua darí Anatón, láfurida luagun fulasu wayati le gíribei Hefüté-eli.15Lidan múa le, ñeinñein duusu uburugu lau burí sun lirahüñü aüdü le geyegubei lau, ñeinñein: Katatü, Naalali, Simürón, Idalá, luma Belén.16Anihán múa le atokarubei houn haduheñu lani Sabulón türibu lau luburugute luma lau burí lirahüñü aüdü le geyegubei lau.Hamúan lani Isakárü türibu
17Ligadürün fulasu le ederegerúabei lau ubunuruni, houn haduheñu lani Isakárü türibu lichugúa.18Lidan hamúan, ñeinñein uburugu Hesüreeli, Kesulótu, Sunemü,19Afaraímü, Sihón, Anaarátü,20Rabitü, Kisión, Ewesi,21Rémetü, En-ganimü, En-adá luma Betü-pasesi.22Chülüti láfadaragun darí Taworu, Saa-simá, luma Betü-sémesi, lagumucha luagu duna Hordán; disisi uburugu lau burí lirahüñü aüdü le geyegubei lau.23Anihán fulasu le atokarubei houn haduheñu lani Isakárü türibu, lau burí luburugute luma lau burí lirahüñü aüdü le geyegubei lau.Hamúan lani Aserü türibu
24Le liseingün fulasu le ichugúbei lau ubunuruni, houn haduheñu lani Aserü türibu lichugúa,25lidan fulasu ligía, ñeinñein uburugu Elikátü, Alí, Betén, Aküsáfü,26Alamélekü, Amadü luma Misali, chülütiti darí wübü Karümélu luma Sioru-libünátü luéigiñe oubaü le ñeinhin lubéi lálüda weyu.27Léibaagua fadaguaü le luéigiñebei oubaü le ñeinhin lubéi lálüda weyu luagun nórute, darí Betü-dagón, hamúan lani Sabulón türibu, lani Hefüté-eli fulasu wayati, Betü-émekü, Neieli, lasigira yagürounmeme luéi Kabulu,28Daruguati lubeiti lau Abüdón, Reobu, Amón luma Kaná, darí lachülürün luagun óunwenbu uburugu Sidón.29Lárigiñe aba lagararaagun fadaguaü luagun Ramá, darí lumoun Tiru, uburugu le derebugubei, lasigira luagun Osá, láfurida luagun barana Mediteraniu. Lumoun Maalebü, Aküsíbü,30Umá, Afekü luma Reobu, wein-biámañein uburugu lau burí lirahüñü aüdü le geyegubei lau.31Ligía fulasu le atokarubei houn haduheñu lani Aserü türibu.Hamúan lani Nefütalí türibu
32Lisisin fulasu le ichugúbei lau ubunuruni, houn haduheñu lani Nefütalí türibu lichugúa.33Lagumesera hamúan lúmagiñe Élefü, Elón-saananímü, Adamí-nékebü luma Habünéli, darí Lakumu, lachülüra luagun Hordán.34Luéigiñe oubaü le ñeinhin lubéi lálüda weyu lidin fadaguaü luéigiñe Asinótu-taworu, ñéingiñe luéigiñe Ukoku, láfadaraguati luma hamúan lani Sabulón türibu luéigiñe suru. Luéigiñe oubaü le ñeinhin lubéi lálüda weyu luma hamúan lani Aserü türibu láfadaragua. Luéigiñe oubaü le ñéingiñe lubéi laboucha weyu, chülǘ hamúan lani Nefütalí türibu darí luagun duna Hordán.35Uburugu burí derebuguti le atokarubei houn: Sidimü, Serü, Amatü, Rakatü, Kineretü,36Adamá, Ramá, Asoru,37Kedesi, Edüréi, En-asoru,38Irón, Migüdáli-eli, Oremü, Betü-anatü luma Betü-sémesi. Disinéfu uburugu lau burí lirahüñü aüdü le geyegubei lau.39Ligía fulasu le atokarubei houn haduheñu lani Nefütalí türibu.Hamúan lani Dan türibu
40Lisedün fulasu le ichugúbei lau ubunuruni, houn haduheñu lani Dan türibu lichugúa.41Lidan fulasu ligía, ñeinñein; Sora, Ésütaolu, Irü-semesi,42Saalübímü, Ayalón, Hetülá43Elón, Timünátü, Ekürón,44Eliteké, Gibetón, Baalatü,45Heudu Bené-berakü, Gatü-rimón,46Meharükón luma Rakón luma fulasu le ligibugiñebei Hope.47Gama lumoun kei lougua lubéi fulasu le houn, aba houdin lani Dan türibu ageindagua hama lílana uburugu Lésemü, aba hanügüni haburugute lárigiñe háfaraguniña sun ha aganóubaña ñein. Aba herederun aganawa lidan uburugu ligía, aba hasansiruni liri, aba híchugun Dan luagu le liri hagücha.48Ligía fulasu le atokarubei houn lánigu Dan.Hamúan lani Hosué türibu
49Lárigiñe lagumuchun hafanreinhani Ísüraelina fulasu le atokarubei houn kada türibu, aba híchuguni lufanran Hosué lun, lidan hamúan ha híbiri.50Kei buga lariñaguni Wabureme, aba híchuguni uburugu Timünátü-sera lun lidan áraabu le lani Éfürain, le lamuriahabei Hosué. Aba lararamagüdüni Hosué uburugu, aba laganóun lidan.51Anihán burí sun fulasu le, ligía líchugunbei fádiri Eleasárü, Hosué hama ábutigu hadan hani Ísüraelina türibu ligibugiñe Wabureme, tubenari kianpu lánina óundaruni, uburugu Siló. Ítara liña lagumuchun lafanreinhóun múa.Bible Society of Honduras