Hosué16
Lumúan Éfürain luma Manasési
1Múa le atokarubei houn ladügawagun Hosé lau ubunuruni, lagumesera luéigiñe oubaü le ñéingiñe lubéi laboucha weyu libiti duna Hordán, úaragua luma lísensen duna le lani Herikó, luagun fulasu mageirawati louba louba áraabu le Herikógiñebei chülǘ Beteli.2Beteligiñe, lásügüra hamúanrugugiñe Arükítagu darí Asütarótu;3lásügüra hamúanrugugiñe Hafülétina luagun oubaü le ñeinhin lubéi lálüda weyu, darí lumoun láfadaragun Betü-orón le ǘnabugiñebei, darí Heserü. Ñéingiñe lun luagun barana Mediteraniu.4Anihán burí fulasu le heresibirubei lani Manasési luma Éfürain türibu ha ladügawagun Hosé.5Hamúan lani Éfürain türibu: Lúmagiñe luéigiñe oubaü le ñéingiñe lubéi laboucha weyu libiti Atarótu-adarü, darí Betü-orón le Íñugiñebei.6Ñéingiñe darí barana Mediteraniu. Mikümetátü, ligía lébehabei hamúan luagun nórute, liabin fadaguaü ñéingiñe luagun oubaü le ñéingiñe lubéi laboucha weyu, darí Taanatü-silo, lásügüra Hanoagiñe,7laragacha luagun Atarótu luma Naará darí labuguchun Herikó, láfurida luagun duna Hordán.8Lúmagiñe Tapuagiñe, lagumesera fadaguaü luagun oubaü le ñeinhin lubéi lálüda weyu darí liraüraü duna le lani Kaná luma barana Mediteraniu. Ligía múa le atokarubei houn lani Éfürain türibu, le afanreinhóubei hadan haduheñu.9Ñeinñein giñe uburugu lau lirahüñü fulasu lidan hamúan lani Manasési türibu le atokarubei houn lánigu Éfürain.10Gama lumoun mabugun hamutiña lani Éfürain türibu Kananna ha meha aganóubaña Heserü, ígira hamutiña lun haganóun hadan, fósurügü hamutiña lun hafayeihan seinsu lun urúei. Ñein haganawa Kananna chülǘ lumoun dan le.Bible Society of Honduras