Honasi2
1Ábati layumuragun Honasi lun Aburemei le Lubungiute lurageirugugiñe udu ligía,2lariñaga:
«Wa numutibu lidan nasufurirun Nabureme, aba bóunabunina. Lídangiñe lilulin-agei óunweni nagúarabu, aba baganbunina.3Fui bumutina lidoun lilulin-agei barana, aba lanügünina ébeini. Ásüühati lanarime burí lugudi barana le bóunahabei nóugiñe.4Chülütina asandiragua nungua kamá hamuga bugá baadina biñuarürugugiñe; haritaguatina yebe luagu marihindigia naaru lan buban to sánduboun.5Daruguati duna nau sunsuinagubei; daruguati barana le hulilibei nau; dahiguati híduru baranahana nábulugu.6Bulubudu bumutina chülǘ lumoun lébeha lilulin-agei barana, sandiguatina nungua kamá hamuga ñéindügaadina! Gama lumoun buguya Nabureme, Nubungiute, aba besefurunina lídangiñe óunweni.7Dan le nasandirunbei luagu lídiña lan nibagari, aba naritagun buagun Nabureme, chülüti nafurieidun bumoun tidoun bitenpulun to sánduboun.8«Ha afalarubaliña guáriua, múaraduntiña lau le bubeibei;9ánheinti au nadagaragüdüba bun lau umalali le lánina eteingiruni; nagunfulirubei füramasei le nadügübei bun. Buguyarügüñein gayara besefuhan Nabureme!»10Ábati ladügün Bungiu lun lewerahani udu Honasi múarugun.
«Wa numutibu lidan nasufurirun Nabureme, aba bóunabunina. Lídangiñe lilulin-agei óunweni nagúarabu, aba baganbunina.3Fui bumutina lidoun lilulin-agei barana, aba lanügünina ébeini. Ásüühati lanarime burí lugudi barana le bóunahabei nóugiñe.4Chülütina asandiragua nungua kamá hamuga bugá baadina biñuarürugugiñe; haritaguatina yebe luagu marihindigia naaru lan buban to sánduboun.5Daruguati duna nau sunsuinagubei; daruguati barana le hulilibei nau; dahiguati híduru baranahana nábulugu.6Bulubudu bumutina chülǘ lumoun lébeha lilulin-agei barana, sandiguatina nungua kamá hamuga ñéindügaadina! Gama lumoun buguya Nabureme, Nubungiute, aba besefurunina lídangiñe óunweni.7Dan le nasandirunbei luagu lídiña lan nibagari, aba naritagun buagun Nabureme, chülüti nafurieidun bumoun tidoun bitenpulun to sánduboun.8«Ha afalarubaliña guáriua, múaraduntiña lau le bubeibei;9ánheinti au nadagaragüdüba bun lau umalali le lánina eteingiruni; nagunfulirubei füramasei le nadügübei bun. Buguyarügüñein gayara besefuhan Nabureme!»10Ábati ladügün Bungiu lun lewerahani udu Honasi múarugun.
Bible Society of Honduras