Hobu22
Lǘrüwan liyanun Hobu hama lumadagu
1Haritaguatibu san luagu ladüga lan lueirin lichú lau aban gürigia, lahuuduba lan lun Bungiu?3Kagia lagañeiruña Suntigabafu lau surú ban ani haruma buguya?4Ánhabu labeicha, ani aba lagúarun buagu lun baguserun, mama ladüga beseriwidun lun lau úarani.5Ladüga lueirin buriban ani gibe ligía bifigoun.6Gidá bumutu meha hadaüragun bíbirigu hawéi, aba bígiruniña surusu, darí hafayeiruni hadúeihan bun.7Míchutibu meha duna houn ha mágürabubaña, michu buguya éigini houn ha lamabaña.8Kei meha gabafu bubéi ani inebewa buguya, aba baritagun luagu labureme ban ubóu.9Óunaha bumutiñaha würiña ha hilaaña úmari míchuga buguya ni kata houn, óuserabaña méteñuhaña wuriba.10Ligía geyegu liña lubéi denchaü bau guentó, aba basandiragun bungua sódini buin lau anufudei.11Búriti sun katei bun, siñati barihin ni kata, daruguaali saragu duna bau.12Lídanñein liñun-agei sielu Bungiu; ha burí hiñun-agei waruguma, lábugiñeñanu lugudi.13Ida lubagia bariñagun luagu mefén lan Bungiu, luagu rédeilani liduru dúeri luéi laguseragüdün? Ida lubagia bariñagun luagu marihin lan Bungiu ladüga lerederun asariñaha sielu lídangiñe aban fulasu lidoun aban?15Haritaguatibu san basigiruni üma búrigati le hasigirubei gürigia wuribatiña?16Fureseti hóunwegun kamá hamuga barürügü lumutiña duna le afuluduhati.17Ariñagatiñaha lun Bungiu: «Ígirabawa woungua!» Ka gayaraabei ladügün Suntigabafu luagu wafulesein?18Lau sun lira ligía abuinchagüdübarun haban lau buiduu. Mabusenruntina nasaminarun kei ha wuribabaña!19Ha richaguabaña ariha hamuti lira, aba hagundaarun; éherahatiña ha madurunbaña20dan le harihin lágudun harisin ha wuribabaña.21Arandarayabá luma Bungiu, ábame lagibedunya búmati.22Ígiraba lun larufudahan bun, areidabei lererun tidan banigi.23Ánhabu ǘnabudaguagüda bungua, aba barandarun luma Suntigabafu, dísegüdabeime wuribani búbiñegiñe,24ani arihabéime íbini lubuidun-agei golu kei lidübürina liraüraü duna,25ábameti Suntigabafu lan bigolun luma bani pülata le gíbeti.26Ligíaba bugundan, ani gayaraabei barihini lau emenigini.27Ánhabu amuriaha aban katei luma líchugubei bun, ábameti bagunfuliruni füramasei le badügün lun.28Buídubei lidin bun lidan sun le badügübei, harugoungabei bémeri.29Ladüga ǘnabugüda lumutiña Bungiu gürigia ha íñugubaña, ani sefuláña ha ǘnabugubaña.30Lesefurubadibu anhein madurun bubéi, anhein haruma bubéi lídangiñe figóu.Bible Society of Honduras