Hobu19
1Ídaba san lásura híchugun lidere dan nun luma hañawarihan nun lau hererun?3Anaba humutina saragu wéiyaasu; úati san nibusigari humá hóuserunina ítara?4Íbini hamuga gadurun nan, áurügüñein hamuga lañawariha nidurun.5Huguya buítimatün nuéi lidan haritagun, ábati hadimurehan luagu nilamiserun nun nigibuagun.6Subudi huméi lubeiti buidu luagu huchú laadina lan Bungiu, luagu ligía lan adügübei lun nábürühan tidoun sádara.7Wáguatina: «Háfaraadinaü!» Ani úati óunabutina; amuriahatina ídemuei, ani úati adügüti irichaü nun.8Darú laali Bungiu üma nuéi, luéi násügürün; búrigagüda laali némeri.9Gidá laali nirisin luma niridin nuéi.10Ígira láadina lidan günringuaü le gumuti, ígira laali nemenigin málagüleuga!11Rariguagüda laali ligañi nuagun, óusera lumutina keisi lágani.12Ñǘbuintiña sun lisudaranigu nuagun; geyegua hamutu nuban, aranseñu lun hábürühan nuagun.13Adügaali Bungiu lun hadisedun níbirigu hama numadagu nuéi, óusera hamutina kei aban terencha.14Fui hamaadina niduheñu hama numadagu; bulíei hamaadina ha meha aganóubaña núbiñe. Ítara niña kei aban terencha houn numusuniña, ibidiñedina houn.16Ánhana agúara lun aban numusun, móunabunti, ni íbini ánhana ayumuragua lun.17Ánhana ayarafada tun númari, tádarunina tuáriua; mínsiñetina ni houn nirahüñü.18Íbini irahüñü barǘ hamutina kei ni kata; kei násaarun, ítara hadimurehan wuriba nuagu.19Iyereegutina houn meni numadagu; ha hínsiñetimabaña nun, garabagua nuagun.20Badüle nura luagu nabu, nere nabua nabagarida.21Gudemehabu humá nun, numadagu, lugundun ábürügüda laali Bungiu lúhabu nuagun.22Ka san uagu héibaahana kei Bungiu? Ma san gürügua humaadina saragu?23Gúndaatina hamuga labürühóun nererun luagu katei lauti gürabu!24Gúndaatina hamuga labürühóun lau chíchili luma balu luagu dübü lun sun dan.25Subudi numuti luagu winwan lan le ageindagubei nuéigiñe, ani ligíaba lan abuyeiha nuagu ya ubouagu.26Ani íbini léiguadun nura murusun murusun, au kei nubéi, narihubei Bungiu.27Narihubei lau nagu guánarügü, au guánarügüba arihei, mámaba aban terencha.
Gumuguati nere,28dan le naganbun hariñagun: «Ida luba san gayara lan wéibaahani? Lidan guánarügüñein lílagüle luriban»29Gama lumoun hanufude humá tuéi eféin, eféin to auboun labeichei Bungiu wuribani. Subudi huméi luagu anihein lan aban aguseragüdüti.
Gumuguati nere,28dan le naganbun hariñagun: «Ida luba san gayara lan wéibaahani? Lidan guánarügüñein lílagüle luriban»29Gama lumoun hanufude humá tuéi eféin, eféin to auboun labeichei Bungiu wuribani. Subudi huméi luagu anihein lan aban aguseragüdüti.
Bible Society of Honduras