Heremíasi9
1Dúnadügü hamuga nichügü, lísensen hamugati águiraü nagu, lun nayahun áriebu wéyuagu hárigi numutuniña ha óunwegubaña!2Aniheindügü hamuga aban fulasu numa lidan fulasu mageirawati lun nidin aganawa ñein lun nidin diseun luéi nageira. Lugundun wuribatiña sun hagía, ani bóugudin luéi lira mabusenrúntiña haganbun nuagu.3Aranseñu haña súnwandan lun hariñagun iyeeni kamá hamuga hachüühaña gimara. Iyeeni anügübei fulasu fulasurugu, mama inarüni; wuribatimarügaaña, lariñagati Aburemei: «Máhatiña hánharun nun».4Moun lumuti lafiñerún ni luagu umadaü; ni íbini luagu íbiri siñati lafiñerún; lugundun yéeguatiña íbirigu hóuniwagua, adimureha hagía umadagu wuriba hawougua.5Adaaguati aban bula lau le aban, ani úati ariñaguti inarüni. Héchuhaña eyeeha; salufuritiña,6masansirúnti hóuserun.
Lariñahare Aburemei: «Wuribanigubeirügü luma iyeeni hadüga numutuniña, máhatiña hánharun nun.7Ligía nariñagunbei, au, le Aburemei Suntigabafu: Kagia amu katei gayaraabei nadügün hau numutuniña, luéidigia lun nádaruniña wáturugun lun nafinuhaniña?8Ítara tiña hañeñe kei gimara gáfarahatu: Iyeeni hadimurehabei. Busuguatiña houn hamadagu, gama lumoun híchuguña sádara habá.9Lunti mabeichun nubaña lan luéigiñe burí katei le? Lun michu nubéi lan le hadünabei gürigia ítaratiña houn? Au, le Aburemei, ariñagubalin.10«Hayahuaha lárigi burí wübü heremuha lánina ayahuni luagu sagadi-agei, ladüga gudaburiha, úaaña ásügürütiña ñéingiñe; maganbúnhali hamuuhan bágasu, íbini dunuru hama animaalu gáñitiña anurahouga.11Nadügaali Herusalén ábanme bugan dübü, nadügaali lun hábanme hewe; nadügaali luburugute burí Hudá fulasume mageirawati, úabaña aganóutiña ñein».12Ka chubei lau buidu lun gunfurandalani le? Ka un lasubudiragüdei Aburemei burí katei le, lun gayaraabei lan lafuranguagüdüni houn híbiri? Ka uagu günringua lubéi ageiraü, mabei ligía kei aban fulasu mageirawati, le ñéingiñe lubéi ua hamá ásügürütiña?13Lóunaba Aburemei:
—Lasuseredunbei sun le, ladüga hígiruni Ísüraelina arufudahani le níchugubei houn; maganbun hamutina ani madügün hamuti le nubeibei.14Falá hamuti lagübüri haritagun, aba heseriwidun houn búngiugu ha mama Bungiu kei harufudahan hagübürigu houn.15Ligía nariñagunbei au, le Aburemei Suntigabafu, le Lubungiute Ísüraeli: Néigagüdaaña katei gífiti, nátagüdaaña duna péisiniti.16Nachagaragubaña hadan gürigia ha ibidiñetiña houn, ni houn hagübürigu; nadügüba lun héibaahoun tau eféin, darime lun merede lan ni aban hádangiñe.
—Anitebei weyu lun nabeichaguniña sun ha adügübaña seini tuagu hóustarun gama lumoun magunfulirun hamuti nidaradun, kei burí:26Ehiptu, Hudá Edomu, Amón luma Moabü, hama sun ha aganóubaña lidan fulasu mageirawati, ha ásaragubalin herebe. Lugundun sun hagía luma sun Ísüraeli, gabungiutetiña amu nuéi.
Lariñahare Aburemei: «Wuribanigubeirügü luma iyeeni hadüga numutuniña, máhatiña hánharun nun.7Ligía nariñagunbei, au, le Aburemei Suntigabafu: Kagia amu katei gayaraabei nadügün hau numutuniña, luéidigia lun nádaruniña wáturugun lun nafinuhaniña?8Ítara tiña hañeñe kei gimara gáfarahatu: Iyeeni hadimurehabei. Busuguatiña houn hamadagu, gama lumoun híchuguña sádara habá.9Lunti mabeichun nubaña lan luéigiñe burí katei le? Lun michu nubéi lan le hadünabei gürigia ítaratiña houn? Au, le Aburemei, ariñagubalin.10«Hayahuaha lárigi burí wübü heremuha lánina ayahuni luagu sagadi-agei, ladüga gudaburiha, úaaña ásügürütiña ñéingiñe; maganbúnhali hamuuhan bágasu, íbini dunuru hama animaalu gáñitiña anurahouga.11Nadügaali Herusalén ábanme bugan dübü, nadügaali lun hábanme hewe; nadügaali luburugute burí Hudá fulasume mageirawati, úabaña aganóutiña ñein».12Ka chubei lau buidu lun gunfurandalani le? Ka un lasubudiragüdei Aburemei burí katei le, lun gayaraabei lan lafuranguagüdüni houn híbiri? Ka uagu günringua lubéi ageiraü, mabei ligía kei aban fulasu mageirawati, le ñéingiñe lubéi ua hamá ásügürütiña?13Lóunaba Aburemei:
—Lasuseredunbei sun le, ladüga hígiruni Ísüraelina arufudahani le níchugubei houn; maganbun hamutina ani madügün hamuti le nubeibei.14Falá hamuti lagübüri haritagun, aba heseriwidun houn búngiugu ha mama Bungiu kei harufudahan hagübürigu houn.15Ligía nariñagunbei au, le Aburemei Suntigabafu, le Lubungiute Ísüraeli: Néigagüdaaña katei gífiti, nátagüdaaña duna péisiniti.16Nachagaragubaña hadan gürigia ha ibidiñetiña houn, ni houn hagübürigu; nadügüba lun héibaahoun tau eféin, darime lun merede lan ni aban hádangiñe.
Ayahuahani Herusalén
17Lariñahare Aburemei Suntigabafu: «Wa humá hawagu würiña ha gabeimahadibaña».18Ñübuin hamá furese ayahuaha hamaamuga wawagu; buinla wagu lau águiraü darime lun ladüdürün liyu wagu lárigi wayahun!19Aganbatiwa ayahuni lánina igarigu Sióngiñe: Rédeihadiwa lidan günringuaü! Barühadiwa busiganu! Gasu wígiruni wageira, günringua burí waban.20Würiña, aganba huméi lererun Bungiu, teni humá lun luganute. Arufudaha humá houn hirahüñü lun hayahun luma houn humadagu lun hamumehan ítara:21«Beluti óunweni wábiñoun, chülüti dagá tidoun burí wani palasiu; áfaragua lumutiña irahüñü ǘmadarugu, hama nibureinhaña párükerugu.22Rédeitiña hágubu wügüriña hilaguaaña roun áraabu kei hádiga animaalugu kei lilimun türigu le ginti ani úati abuduti». Aburemei ariñagubalin.23Lariñahare Aburemei: «Mapantahalá chu tau lau lichú lau, ni gabafuti lau lubafu, ni rísiti lau lirisin.24Le busenti lapantahan, lapantaha lau lasubudirúnina, lau lasubudirúni luagu au lan Aburemeibei, le adügübalin sun katei ubouagu lau ínsiñehabuni, irichaü luma úarani, lugundun ligía katei le aubei nagundaara. Au, le Aburemei ariñagubalin».25Lariñahare Aburemei:—Anitebei weyu lun nabeichaguniña sun ha adügübaña seini tuagu hóustarun gama lumoun magunfulirun hamuti nidaradun, kei burí:26Ehiptu, Hudá Edomu, Amón luma Moabü, hama sun ha aganóubaña lidan fulasu mageirawati, ha ásaragubalin herebe. Lugundun sun hagía luma sun Ísüraeli, gabungiutetiña amu nuéi.
Bible Society of Honduras