Isaíasi64
1Baheiridaguei hamuga sielu, aba hamuga bararirun lun ladadagarunga wübü lau biñuarü,2ítara kei dan le láguduni watu gemeti búbugati o láhuragüdüni lan duna. Aba hamuga hasubudiruni báganiñu biri, adadagara hagía hamuga néchanigu bigibugiñe.3Dan meha le badügünbei katei hanarime buriti le magurabun wamuti, dan le baragachunbei, adadagarati burí áraabu bigibugiñe.4Maganbúnñahagili luagu, marihín ligía amu bungiu buéi le adügüti burí katei le luagu hafulesein ha hemenigibaña luagu.5Resibi bumuti le adügübalin le buídubei lau ugundani ani adügaléi le babusenrubei.
Gáñitibu ladüga afigouhaadiwa lan; anabagua wamaadibu lúmagiñe binarü.6Ítara waña sun wagía kei aban wügüri wíyeti; sun buiti le wadügübei ítara liña kei gamisa wíyetu; ábürühaadiwa sun wagía kei ubanaü sáühali, aduruuha lumutiwa wáfarahan kei garabali.7Úati agúahatibu, ua áfaaguti labalachun buagun; ligía baramudagunbei wawéi, aba bígiruniwa ladüga wariban.8Lau sun lira Aburemei, buguya Wáguchibei; múa wagía, buguyati nadagimeinti múa ligía, ladügün lubeiti búhabu sun wagía!9Aburemei, magañidabá saragu, maritagun buguyame luagu wariban súnwandan. Bumutuniñatia wagía!10Ítara liña burí buburugute le sándubei, kamá fulasu mageirawati, günrinwagua Herusalén.11Gumuguagüdalá watu gemeti wani sanduariu, to meha ñein lubéi heremuha wagübürigu bun. Sun le meha hínsiñetimabei woun, günringua!12Lau sun burí katei le, Aburemei, Beredera san deregüdagu? Beredera san maniñu ǘnabugüdawa sunsuinagubei?
Gáñitibu ladüga afigouhaadiwa lan; anabagua wamaadibu lúmagiñe binarü.6Ítara waña sun wagía kei aban wügüri wíyeti; sun buiti le wadügübei ítara liña kei gamisa wíyetu; ábürühaadiwa sun wagía kei ubanaü sáühali, aduruuha lumutiwa wáfarahan kei garabali.7Úati agúahatibu, ua áfaaguti labalachun buagun; ligía baramudagunbei wawéi, aba bígiruniwa ladüga wariban.8Lau sun lira Aburemei, buguya Wáguchibei; múa wagía, buguyati nadagimeinti múa ligía, ladügün lubeiti búhabu sun wagía!9Aburemei, magañidabá saragu, maritagun buguyame luagu wariban súnwandan. Bumutuniñatia wagía!10Ítara liña burí buburugute le sándubei, kamá fulasu mageirawati, günrinwagua Herusalén.11Gumuguagüdalá watu gemeti wani sanduariu, to meha ñein lubéi heremuha wagübürigu bun. Sun le meha hínsiñetimabei woun, günringua!12Lau sun burí katei le, Aburemei, Beredera san deregüdagu? Beredera san maniñu ǘnabugüdawa sunsuinagubei?
Bible Society of Honduras