Isaíasi4
1Míbebaña wügüriña erederutiña lídanme weyu ligía, darime lun hageindagun sedü würiña luagu aban wügüri, hariñagame lun: «Wagüriaguba woungua, agañeiha wamounme wadaüragun woungua, wabusenrúnrügüñein lun wanügüni biri, sefubáwa luéi wabusigari luagu werederun mámariga».
Füramasei lánina ugundani lun Herusalén
2Lídanme weyu ligía, iseri láhüchagun ídibu le lunbei liñuraguni Wabureme, ligíaba hawendegun luma haweirigun ha lúnbaña herederun wínwanñu Ísüraeli; le burime alubahóuni le lunbei líchuguni múa, ligíaba hapantagüle luma henebese.3Hame erederutiña wínwanñu Sión, luma Herusalén, redei hagíame aganawa ñein, lagúaruba houn «lánigu Wabureme».4Danme le lasiadihan Wabureme ani beigua láñame ha lúnbaña labeichuniña, larumadagüdübei Herusalén lídangiñe hitaü, chibaléime dáseiti le hawagubei lílana Sión.5Lóunahaba Wabureme aba huánriñu búrigati wéyuagu lóugiñe luwübüri Sión luma larugounga watu gemeti áriebu. Ñeinbei luéirigun Wabureme hóugiñe súngubei,6lun lóunigiruniña luma lun ladouragun hau, lichugúba lamuñounga houn luéi lárouga wéyuagu darugua ligíame hau luéi huya luma luéi luriban dan.Bible Society of Honduras