Isaíasi12
Uremu lánina eteingiruni
1Lídanme dan ligía, bariñaguba: «Seremei numutibu, Nabureme, ladüga lau sun buga bagañidun numa, sügüha bigañi ani águyugüda baali darangilaü nun.2Bungiu esefurubalina, hemenigitina luagu, manufudetina. Aburemei naramudaguagülebei luma nere, ligía nesefuragülebei.3Gayaraabei giñe hidin ata lau ugundani lidan lísensen esefuruni ligía».4Ábameti hariñagun: «Ru humá seremei, agúaha humeime Aburemei, habahüdagua houn néchanigu luagu burí katei le ladügübei, haritaguagüda humaña luagu lóugiñeñein lan sun katei.5Heremuha lun Wabureme, ladüga adügaali katei wéiriguti le yuubei lun lasubudirúniwa lidan sun ubóu.6Hagúaraha lau ugundani lílana Sión, lugundun anihein Wabungiute le Sándubei le Lubungiute Ísüraeli huma lau sun luéirigun».Bible Society of Honduras