Ahéu2
1Weyu wein aban lidan lisedün hati, ábaya ladimurehan Wabureme lun profeta Ahéu,2aba lariñagun lun, lun lariñagun lun Sorobaweli, lun Hosué luma houn ha híbiri gürigia:3—Ha meha arihubarun ténpulu lidan sun tuéndegun, ariñaga haméi ida liña lan harihin tun to guentoboun. Ma ni kata to, tigibugiñe to meha aban?4Gama lumoun gaguraasunbá Sorobaweli! Gaguraasunbá Hosué, hábuti fádirigu! Gaguraasun humá huguya lílana fulasu. Huadigimarida ladüga anahein huma. Au, le Aburemei Suntigabafu ariñagubalin.5Anihein nani Sífiri úara huma, manufudeda humá ítara kei meha füramase nani hun dan le háfuridunbei Ehiptugiñe.6—Málühali anhein adadagaragüda nan sielu luma ubóu, barana luma múa le derebugubei.7Nadadagaragüdübaña sun néchanigu, ábame hayabin lau harisin, ábame tabuinchun nitenpulun lau uéiriguni. Aburemei le Suntigabafu ariñagubalin.8Nani pülata luma golu.9Buídumeraüboun tibiaman ténpulu to sügǘ tau to furumiñetu. Nadügübati lun ñein lan darangilaü lidan fulasu le. Au, le Aburemei Suntigabafu ariñagubalin.10Weyu wein gádürü lidan linefun hati lídanmeme lagumadihan urúei Daríu, aba ladimurehan Wabureme lun profeta Ahéu,11aba lariñagun lun, lun ladügüni álügüdahani le lidan liri Wabureme houn fádirigu libügürü lúrudu:12—Anhein hamuga anüga aban gürigia úi le deregewati hóuburagu tidan ladaüragun, ladagara hamuga taru ladaüragun tuagu fein o gisóu, o diwéin, o garaba o luagu furumiñeguarügü amu éigini: Lerederuba san éigini ligía deregewañu ladüga lira?
Aba hariñagun fádirigu:
—Uá.13Ábayati lálügüdahan Ahéu, lariñaga:
—Aban hamuga gürigia le wíyeeli ladüga laguurun hilaali, aba liabin aba laguurun furumiñeguarügü lídangiñe katei le: Ma wiyemémebei burí katei ligía?
Hariñaga fádirigu:
—Wiyemémebei.14Ábati lariñagun Ahéu:
—Lariñahare Wabureme: “Ligiaméme suserebei hama gürigia ha: Sun le hadügübei luma sun le hálugubei híchugun nun, wíyeti.15Lúmagiñe guentó, samina humá luagu katei le. Lubaragiñebei hagumeserun adügoun ténpulu,16Káñahagia asuseredubei hun? Dan meha le lidin aban gürigia luagu wein lamisurahóun ilaü, díisirügüñein ladarirun; dan le lidin le ñein lubéi ladügǘwa diwéin, adabura dimí-san diná diwéin, wéinrügüñein ladarirun.17Günringua numuti huádigimari hau igei luma lúbara huya dereguati, gama lumoun magiribudúntün nun. Au, le Aburemei ariñagubalin.18Uguñe, weyu gádürü lidan linefun hati, bunawaali tuágaburi nitenpulun.19Lúmagiñe lubeiti uguñe, memegeirúnbei ilaü tidan lagei. Magindungiru beibei, ni igu, ni güranádu, ni oliwu; gama lumoun nabinirubadün lúmagiñe uguñe”.20Weyuméme ligía, ábaya ladimurehan Wabureme lun Ahéu,21aba lariñagun lun, lun lariñagun lun Sorobaweli le gumadimati Hudá:
—Nadadagaragüdübei sielu luma ubóu;22Nagünrinchagubei habafu arúeihatiña ubouagu; nagarabaaguboun burí karü lánina wuribu hama ha tídanbaña, hóunweguba gabayu hau sun ha awarihabaliña; kada aban táfarubei lefeinte líbiri.23Lídanme weyu ligía, buguya Sorobaweli, eseriwiduti nun, nóunigirubadibu kei nóunigiruni nubagün, ladüga anúadira náadibu. Au, le Aburemei Suntigabafu ariñagubalin.
Aba hariñagun fádirigu:
—Uá.13Ábayati lálügüdahan Ahéu, lariñaga:
—Aban hamuga gürigia le wíyeeli ladüga laguurun hilaali, aba liabin aba laguurun furumiñeguarügü lídangiñe katei le: Ma wiyemémebei burí katei ligía?
Hariñaga fádirigu:
—Wiyemémebei.14Ábati lariñagun Ahéu:
—Lariñahare Wabureme: “Ligiaméme suserebei hama gürigia ha: Sun le hadügübei luma sun le hálugubei híchugun nun, wíyeti.15Lúmagiñe guentó, samina humá luagu katei le. Lubaragiñebei hagumeserun adügoun ténpulu,16Káñahagia asuseredubei hun? Dan meha le lidin aban gürigia luagu wein lamisurahóun ilaü, díisirügüñein ladarirun; dan le lidin le ñein lubéi ladügǘwa diwéin, adabura dimí-san diná diwéin, wéinrügüñein ladarirun.17Günringua numuti huádigimari hau igei luma lúbara huya dereguati, gama lumoun magiribudúntün nun. Au, le Aburemei ariñagubalin.18Uguñe, weyu gádürü lidan linefun hati, bunawaali tuágaburi nitenpulun.19Lúmagiñe lubeiti uguñe, memegeirúnbei ilaü tidan lagei. Magindungiru beibei, ni igu, ni güranádu, ni oliwu; gama lumoun nabinirubadün lúmagiñe uguñe”.20Weyuméme ligía, ábaya ladimurehan Wabureme lun Ahéu,21aba lariñagun lun, lun lariñagun lun Sorobaweli le gumadimati Hudá:
—Nadadagaragüdübei sielu luma ubóu;22Nagünrinchagubei habafu arúeihatiña ubouagu; nagarabaaguboun burí karü lánina wuribu hama ha tídanbaña, hóunweguba gabayu hau sun ha awarihabaliña; kada aban táfarubei lefeinte líbiri.23Lídanme weyu ligía, buguya Sorobaweli, eseriwiduti nun, nóunigirubadibu kei nóunigiruni nubagün, ladüga anúadira náadibu. Au, le Aburemei Suntigabafu ariñagubalin.
Bible Society of Honduras