Agumesehani30
1Dan tarihinbei Rakeli luagu siñá lan tagaraüdün lau Hakobu, aba tagimugadun tun tíbugaña aba tariñagun lun túmari:
—Garaügüdabana, ánhana magaraüdagüdün ban nóunweba.2Aba lagañidun Hakobu tuma, lariñaga tun:
—Bungiu funagia au? Bungiu mígirunbei lun bagaraüdün.3Ábati tariñagun lun:
—Barüboun Bilá to numusun, gámariboun; danme tagaraüdün, kéigubeirügüme nuguya lan agaraüdübei. Ítara luba gayara lan garahüñü nan.4Ítara liña tíchugunu Rakeli Bilá to tumusun lun Hakobu lun lúmarime aba larounrun Hakobu tuma Bilá,5aba tíchugun aban irahü lun Hakobu.6Ábati tariñagun Rakeli:
—Dan, ligíaba liri irahü le, ladüga aganba laali Bungiu nafurieidun aba larichadun numa, aba líchugun aban irahü nun.7Ábaya tagaraüdün Bilá lau Hakobu.8Aba tariñagun Rakeli:
—Nefütalí, ligíaba liri irahü le, lugundun ageindaguaadina saragu tuma níbugaña ani gañei numutu.9Dan le tarihinbei Lía luagu siñá lan tagaraüdün, aba tíchugunu tumusun to Silüpá lun Hakobu lun lúmarime.10Danti le tagaraüdünbei Silüpá lau Hakobu.11Aba tariñagun Lía:
—Ubunuruni! Gadü Ligíaba liri irahü le.12Lárigiñe ábaya tagaraüdün Silüpá lau Hakobu,13ábati tariñagun Lía:
—Ugundani! Guenlé hariñaguba hiñaruñu luagu gunda nan. Aserü ligíaba liri irahü le!14Luagu aban weyu, aba lidin Rubén áraabu lidan lidaani lalubahóun türigu. Aba ladarirun aban luwuyeri tin wewe gíritu mandürágora ñein, aba lanügünu tun Lía to lúguchu. Dan le tarihinu Rakeli tin wewe tuguya, aba tariñagun tun Lía:
—Adügabá fulesei nun, ruba tídangiñe mandürágora, to lanügüboun biráü nun.15Gama lumoun aba tóunabunu Lía:
—Lóuguagili san bun banügüni númari nuéi? Busentibu giñe banügünu lumandürágoran niráü nuéi!
Tariñaga Rakeli tun:
—Larumuguba Hakobu buma áriebu le teweñegua lumandürágoran biráü.16Dan le liabin Hakobu áraabugiñe guñoun, aba táfuridun Lía lubaroun, tariñaga lun:
—Barumuga numa uguñe, ladüga akilaha náadibu tuagu lumandürágoran niráü.
Aba larumugun Hakobu tuma Lía áriebu ligía.17Aba tagaraüdüni haseingün tirahüñü lau, ladüga laganbuni Bungiu tafurieidun.18Ábati tariñagun Lía:
—Isakárü ligíaba liri irahü le, ladüga rúhali lan Bungiu nafayeiruaha ladüga níchugunu numusun lun númari lun lagamaridunu.19Lárigiñe aba tagaraüdüni Lía hasisin tirahüñü lau Hakobu,20aba tariñagun:
—Rúhali Bungiu aban buiti idewesei nun. Nínsiñedatimaha lun númari guenlé, ladüga sísihaña nirahüñü lau.
Ligía Sabulónba lubéi liri irahü le.21Le lagumuhóun aba tagaraüdün Lía aban würi irahü aba tíchugun Dina tuagu.22Aba laritagun Bungiu tuagun Rakeli; aba laganbuni tafurieidun, aba ladügün lun tagaraüdün,23danti le tagaraüdüni furumiñeti, aba tariñagun:
—Gidala Bungiu busiganu lánina maraüni nuéi.24Garaüdügüya náamuga aban! Ligía Hoseeba lubéi liri irahü le.
—Ígirabana lun nagiribudun nageiroun.26Rúbaña nirahüñü nun hau númarigu, ladüga nadagimeinhaadina buma hawagu, ígirabana lun nidin. Subudi bumuti buidu ida liña lan nuadigimaridun bun.27Gama lumoun aba lóunabuni Lawán:
—Adügabá fulesei nun, rédeiba numa. Ariha naali luagu biní laadina lan Bungiu bídangiñe.28Ariñagabéi nun átiri lan babusenrun bagañeirun, nafayeirubei bun.29Ábati lariñagun Hakobu lun:
—Subuseti bun buidu ida liña lan buga nuadigimaridun bun, góuniginaña bibiñanigu;30lubaragiñebei niabin míbetiña meha buma, guentó, gíbetimahaña buma. Biní laadibu Bungiu lúmagiñe nachülürün; gama lumoun ídabati nagumesera nadagimein houn niduheñu?31Aba lagiribuhan Lawán:
—Átiriñein babusenrun nafayeirunibu?
Aba lóunabun Hakobu:
—Mafayeirabana ni kata. Nóunigirayabaña bilügüniña mudún ánhabu gundan lau nidaradun.32Ígiraba lun nebelurun hadoun sun bilügüniña uguñe, ábame nafanreinruniña sun mudún ha wuriburibaña hama sun gábara ha singa. Hagíaba nafayeiruaha.33Ítara luba danme biabin arihei le nagañeirubei líteme; bóuchagubadina luagu míweruhangidina lan buéi ánhabu adarira gábara ha mama singa o mudún ha máwurintiña, níweruhan buéi.34Lariñaga Lawán lun, buiti:
—Gúndaatina lau bidaradun.35Gama lumoun weyuméme ligía, aba lafanreinraguniña Lawán sun gábara wügüriña ha singa hama gábara singa ha würiña ha burí barütiña murusun haruti, hama sun mudún wuritiña, aba líchuguniña houn lirahüñü lun hóunigiruniña.36Lárigiñe aba lidin hau mudún lídangiñe fulasu le ñein lubéi Hakobu lidoun amu fulasu le díseti ǘrüwa weyu éibuguni ñéingiñe. Ábati lerederun Hakobu óunigiraña híbiri lilügüniña Lawán mudún.37Aba láchuahan lilimun wewe le wurigili: Álamu, alüménduru luma kasütáñu, aba lélehani limu ligía lun larihín líharun.38Aba líchuguni burí wewe léwaali ligía hagibugiñe animaalu, le ñein lubeiha hayabin ata duna. Ñeinha hawariraña gábara wügüriña gábara würiña, kéitiha ligibugiñe lan wewe ligía hadügei, dan le hemeilihan, hayabin harahüñü, singa.40Hati mudún, ábaha lanügüniña Hakobu, aba líchuguniña hagibugiñe animaalu ha singa hama ha wuritiña hádangiñe lilügüniña Lawán. Ítara liña adügeinalani Hakobu lani lungua luéi lani Lawán.41Ságüha lidaani hawariruniña animaalu wügüriña ha dibunebaña würiña, ábaha líchuguni Hakobu wewe lidan fulasu le ñein lubéi hata duna, lun gayara lan harihini wewe ligía dan le lawarirunu wügüri würi;42gama lumoun danha le hayabin ha dúreitimabaña, michu lumuti wewe. Ligía sun lubeiha animaalu ha dúreibaña lilügüniña Lawán, ha dibunebaña lilügüniña Hakobu.43Ítara liña larisidun Hakobu saragu, aba hagibedun lilügüniña mudún, lidamun, lilügüniña kameyu hama burigü.
—Garaügüdabana, ánhana magaraüdagüdün ban nóunweba.2Aba lagañidun Hakobu tuma, lariñaga tun:
—Bungiu funagia au? Bungiu mígirunbei lun bagaraüdün.3Ábati tariñagun lun:
—Barüboun Bilá to numusun, gámariboun; danme tagaraüdün, kéigubeirügüme nuguya lan agaraüdübei. Ítara luba gayara lan garahüñü nan.4Ítara liña tíchugunu Rakeli Bilá to tumusun lun Hakobu lun lúmarime aba larounrun Hakobu tuma Bilá,5aba tíchugun aban irahü lun Hakobu.6Ábati tariñagun Rakeli:
—Dan, ligíaba liri irahü le, ladüga aganba laali Bungiu nafurieidun aba larichadun numa, aba líchugun aban irahü nun.7Ábaya tagaraüdün Bilá lau Hakobu.8Aba tariñagun Rakeli:
—Nefütalí, ligíaba liri irahü le, lugundun ageindaguaadina saragu tuma níbugaña ani gañei numutu.9Dan le tarihinbei Lía luagu siñá lan tagaraüdün, aba tíchugunu tumusun to Silüpá lun Hakobu lun lúmarime.10Danti le tagaraüdünbei Silüpá lau Hakobu.11Aba tariñagun Lía:
—Ubunuruni! Gadü Ligíaba liri irahü le.12Lárigiñe ábaya tagaraüdün Silüpá lau Hakobu,13ábati tariñagun Lía:
—Ugundani! Guenlé hariñaguba hiñaruñu luagu gunda nan. Aserü ligíaba liri irahü le!14Luagu aban weyu, aba lidin Rubén áraabu lidan lidaani lalubahóun türigu. Aba ladarirun aban luwuyeri tin wewe gíritu mandürágora ñein, aba lanügünu tun Lía to lúguchu. Dan le tarihinu Rakeli tin wewe tuguya, aba tariñagun tun Lía:
—Adügabá fulesei nun, ruba tídangiñe mandürágora, to lanügüboun biráü nun.15Gama lumoun aba tóunabunu Lía:
—Lóuguagili san bun banügüni númari nuéi? Busentibu giñe banügünu lumandürágoran niráü nuéi!
Tariñaga Rakeli tun:
—Larumuguba Hakobu buma áriebu le teweñegua lumandürágoran biráü.16Dan le liabin Hakobu áraabugiñe guñoun, aba táfuridun Lía lubaroun, tariñaga lun:
—Barumuga numa uguñe, ladüga akilaha náadibu tuagu lumandürágoran niráü.
Aba larumugun Hakobu tuma Lía áriebu ligía.17Aba tagaraüdüni haseingün tirahüñü lau, ladüga laganbuni Bungiu tafurieidun.18Ábati tariñagun Lía:
—Isakárü ligíaba liri irahü le, ladüga rúhali lan Bungiu nafayeiruaha ladüga níchugunu numusun lun númari lun lagamaridunu.19Lárigiñe aba tagaraüdüni Lía hasisin tirahüñü lau Hakobu,20aba tariñagun:
—Rúhali Bungiu aban buiti idewesei nun. Nínsiñedatimaha lun númari guenlé, ladüga sísihaña nirahüñü lau.
Ligía Sabulónba lubéi liri irahü le.21Le lagumuhóun aba tagaraüdün Lía aban würi irahü aba tíchugun Dina tuagu.22Aba laritagun Bungiu tuagun Rakeli; aba laganbuni tafurieidun, aba ladügün lun tagaraüdün,23danti le tagaraüdüni furumiñeti, aba tariñagun:
—Gidala Bungiu busiganu lánina maraüni nuéi.24Garaüdügüya náamuga aban! Ligía Hoseeba lubéi liri irahü le.
Iwiyei hádangua Hakobu luma Lawán
25Lárigiñe tágurahani Rakeli Hosé, aba lariñagun Hakobu lun Lawán:—Ígirabana lun nagiribudun nageiroun.26Rúbaña nirahüñü nun hau númarigu, ladüga nadagimeinhaadina buma hawagu, ígirabana lun nidin. Subudi bumuti buidu ida liña lan nuadigimaridun bun.27Gama lumoun aba lóunabuni Lawán:
—Adügabá fulesei nun, rédeiba numa. Ariha naali luagu biní laadina lan Bungiu bídangiñe.28Ariñagabéi nun átiri lan babusenrun bagañeirun, nafayeirubei bun.29Ábati lariñagun Hakobu lun:
—Subuseti bun buidu ida liña lan buga nuadigimaridun bun, góuniginaña bibiñanigu;30lubaragiñebei niabin míbetiña meha buma, guentó, gíbetimahaña buma. Biní laadibu Bungiu lúmagiñe nachülürün; gama lumoun ídabati nagumesera nadagimein houn niduheñu?31Aba lagiribuhan Lawán:
—Átiriñein babusenrun nafayeirunibu?
Aba lóunabun Hakobu:
—Mafayeirabana ni kata. Nóunigirayabaña bilügüniña mudún ánhabu gundan lau nidaradun.32Ígiraba lun nebelurun hadoun sun bilügüniña uguñe, ábame nafanreinruniña sun mudún ha wuriburibaña hama sun gábara ha singa. Hagíaba nafayeiruaha.33Ítara luba danme biabin arihei le nagañeirubei líteme; bóuchagubadina luagu míweruhangidina lan buéi ánhabu adarira gábara ha mama singa o mudún ha máwurintiña, níweruhan buéi.34Lariñaga Lawán lun, buiti:
—Gúndaatina lau bidaradun.35Gama lumoun weyuméme ligía, aba lafanreinraguniña Lawán sun gábara wügüriña ha singa hama gábara singa ha würiña ha burí barütiña murusun haruti, hama sun mudún wuritiña, aba líchuguniña houn lirahüñü lun hóunigiruniña.36Lárigiñe aba lidin hau mudún lídangiñe fulasu le ñein lubéi Hakobu lidoun amu fulasu le díseti ǘrüwa weyu éibuguni ñéingiñe. Ábati lerederun Hakobu óunigiraña híbiri lilügüniña Lawán mudún.37Aba láchuahan lilimun wewe le wurigili: Álamu, alüménduru luma kasütáñu, aba lélehani limu ligía lun larihín líharun.38Aba líchuguni burí wewe léwaali ligía hagibugiñe animaalu, le ñein lubeiha hayabin ata duna. Ñeinha hawariraña gábara wügüriña gábara würiña, kéitiha ligibugiñe lan wewe ligía hadügei, dan le hemeilihan, hayabin harahüñü, singa.40Hati mudún, ábaha lanügüniña Hakobu, aba líchuguniña hagibugiñe animaalu ha singa hama ha wuritiña hádangiñe lilügüniña Lawán. Ítara liña adügeinalani Hakobu lani lungua luéi lani Lawán.41Ságüha lidaani hawariruniña animaalu wügüriña ha dibunebaña würiña, ábaha líchuguni Hakobu wewe lidan fulasu le ñein lubéi hata duna, lun gayara lan harihini wewe ligía dan le lawarirunu wügüri würi;42gama lumoun danha le hayabin ha dúreitimabaña, michu lumuti wewe. Ligía sun lubeiha animaalu ha dúreibaña lilügüniña Lawán, ha dibunebaña lilügüniña Hakobu.43Ítara liña larisidun Hakobu saragu, aba hagibedun lilügüniña mudún, lidamun, lilügüniña kameyu hama burigü.
Bible Society of Honduras