Esekiéli35
Ñunsu kóntüra wübü Seirü
1Aba ladimurehan Aburemei nun, lariñaga:2—Liráü wügüri, gararaguabá luagun wübü le Seirü, badimurehame lidan niri kóntüra ligía.3Ariñagabá lun:«Buguya luwübüri Seirü, ariñagatina bun báganihadina lan, ani nabeichubadibu, ábameti nígirunibu málouga luma lidan günringuaü.4Nagünrinchaguaali burí buburugute, ábame berederun kei fulasu mageirawati. Ligíame basubudiruni luagu au lan Aburemeibei.5Háganigubeiñadibu Ísüraelina gumugua dan, awuribuhatibu hama dan le heresibirunbalin lagumuhóun habeichún luagu hafigoun.6Gama lumoun au le Aburemei, fiñutina luagu nibagari luagu nederegerubadibu lan lun óunweni, ábame léibaahanibu óunweni. Gaduruntibu lun bounwen, léibaahabadibu óunweni.7Wübü Seirü, nígirubadibu málouga, lidan günringuaü, mígirunbadina lun lásügürün ni aban buéigiñe.8Nadügüba lun lerederun buwübüri bani fulasu wayati luma bidunari buin lau hágubu óunwegutiña wuriburugu.9Nígiruba lun aban ban fulasu mageirawati lun sun dan, úaalime ni aban aganóuti buburuguterugu. Ábameti hasubudiruni luagu au lan Aburemeibei».10—Ariñagatibu: “Nánibei lageira Ísüraeli lau biángubei larúeihan, auba labureme, lau sun ñein lan laganawa Aburemei.11Gama lumoun au, Aburemei, fiñutina luagu nibagari luagu nóuserubadibu lan laumeme igañi, gimugaü luma iyereehabúni le aubei bóuserei Ísüraeli. Danme nabeichunibu, ábame hasubudirunina.12Ábameti barihini luagu au lan le Aburemei aganba nani sun anabahani le bahunrubei luagun burí luwübüri Ísüraeli. Ariñagatibu: Málougati ñein; gayaraati wagumuchaguagüdüniña guentó.13Aganba numuti bagúahan nun lun bageindagun numa, adimurehatibu saragu anabana”.14—Nariñahareti au, le Aburemei: “Lagundaaruba sun ubóu danme le nagünrinchagunibu.15Gúndaaguatibu dan le lagünrinchawagunbei ageiraü le buga leresibirubei Ísüraeli keisi lani, gama lumoun ligiamémeba asusereda bun: Berederuba keisi aban fulasu mageirawati, buguya luwübüri Seirü, lóubawaguna Edomu. Ábameti hasubudiruni luagu au lan Aburemeibei”.
Bible Society of Honduras