Áfuriduni36
1—Óunaha lumuti Bungiu Besaléli luma Oliabü hau sun ha gadiñeburibaña lun hadügün katei burí tun sanduariu. Ligiaméme íchugubei subudi luma gunfurandaü houn lun hadügüni sun katei buidu lun kultu tidan sanduariu. Hadügübei sun le uágubei lariñaga Wabureme houn.
—Añaha gürigia anaaha sügǘ lau le mégeiwabei lun wadagimanu le uágubei lariñaga Bungiu lun ladügǘniwa.6Aba léibaaguagüdün Moisesi dimurei tidan sun kianpu-agei lun ni lan wügüriña ni würiña, lun hebé lan híchaahan idewesei tun sanduariu. Ítara liña herederun gürigia luéi hasigirun íchaaha idewesei,7ladüga gíbeeli, darí lun lígiragun.
Hanügün gürigia saragu idewesei
2Aba lagúarun Moisesi lun Besaléli luma Oliabü luma houn sun ha subudibaña hama ha únbaña líchigei Bungiu ubafu ligía, rugua hagía houngua lau hagundan lun hídehan lidan wadagimanu le.3Aba líchuguni Moisesi idewesei le híchugubei Ísüraelina houn lun hagumeserun adügei le mégeiwabei lun kultu tidan sanduariu. Sun bugati dan le, añahamémegua Ísüraelina anaaha idewesei sagü weyu.4Ábati hararamuni nadagimeintiña hawadigimari, aba houdin5ariñaga lun Moisesi:—Añaha gürigia anaaha sügǘ lau le mégeiwabei lun wadagimanu le uágubei lariñaga Bungiu lun ladügǘniwa.6Aba léibaaguagüdün Moisesi dimurei tidan sun kianpu-agei lun ni lan wügüriña ni würiña, lun hebé lan híchaahan idewesei tun sanduariu. Ítara liña herederun gürigia luéi hasigirun íchaaha idewesei,7ladüga gíbeeli, darí lun lígiragun.
Tadügǘn Sanduariu
8Ha gadiñebaña sügǘ hau híbiri nadagimeintiña, aba hadügünu sanduariu. Aba hadügünu tau diisi korutína tautu linu giñuriwatu, gamisa díngutu, gamisa koloru guchu gamisa funatu, aba burí haborudahan bián kátaña garünatiña tuagu.9Dúusuñein méturu dimí timigifen kada korutína, bián méturu tidabuberen. Ábanmeme tuéinamun súngubei.10Aba hadunraguagüdün seingü korutína lidan aban, aban tóubagiñe aban, keimeme giñe to tíbiri seingü.11Lárigiñe aba híchugun átiri uhali lauti gúrudu koloru guchu íñugiñe tibiti furumiñetu korutína to lídanboun aban sétanu, luma giñe ǘnabugiñe tibiti to tagumuhóun to lídanboun le libiaman sétanu.12Dandu tuagu korutína to lídanboun furumiñeti sétanu kei to burí lídanboun libiaman sétanu, adügatiña dimí-san uhali. Ábati lerederun kada aban uhali gagibugu luma aban.13Adügatiña giñe dimí san pini golu lun tadahirawaguniwa aban sétanu korutína tuagu to aban sétanu ítara liña toundarúniwa sun tikorutinan sanduariu.14Adügati giñe Besaléli unsu korutína lautu liyu gábara, lun tadügǘniwa aban kianpu lun tadouragun tau sanduariu.15Tareisi méturu dimí timigifen kada korutína, bián méturu tidabuberen, ábanmeme tuéinamun súngubei.16Aba láhüchün seingü korutína lidan aban, sisi lidan aban.17Lárigiñe aba ladügün dimí-san uhali tóubagiñe tagumuhóun korutína lídangiñe furumiñeti sétanu, lúmaya dimí-san uhali tóubagiñe tagumuhóun korutína lídangiñe libiaman sétanu.18Adügati giñe dimí-san pini lauti buronse lun tadunragun sunsuinagubei.19Tunti kianpu, adügati Besaléli aban idáü lautu lura mudún féindiwati lau funati, ánheinti lun íñugiñe tibiti adügati aban idáü lauti uraü fínuti.20Lárigiñe aba ladügüni fulansu lauti akasia tun sanduariu, aba lásuuragüdüni buidu buidu.21Gádürü méturu dimí limigifen kada fulansu, ǘrüwa-wein-seingü sentimeturu lidabuberen;22ñeinñein bián pini luagu kada fulansu lun lacharúniwa lóubawagun ábanya fulansu. Ítara liña ladügüni sun fulansu tun sanduariu.23Aban ladügün wein fulansu lun oubaü le suru,24aba líchugun bián wein ebu pülata lábugiñe. Kada fulansu ñeinñein bián ebu lábugiñe lun bián lipinin.25Adügati giñe wein fulansu lun le aban touba sanduariu, oubaü le nórute,26lau bián wein lebu le pülata lun ñeinbei lan bián ebu lábugiñe kada fulansu.27Adügati sisi fulansu lun tanagangiñe sanduariu, le oubaü le ñéingiñe lubéi lálüda weyu tibiti,28lúmaya bián fulansu lun tarigei le tanagangiñebei.29Fulansu burí le góubagueinati, dungu liña giñe luougua íñugiñe libiti darí lumoun furumiñeti bagü. Ligía katei le ladügübei lau bián fulansu lun bián tarigei sanduariu,30ñeinñein lubeiti widü fulansu lau disisi lebu lauti pülata, bián ebu lábugiñe kada fulansu.31Adügati giñe Besaléli seingü lebu fulansu lauti akasia lun aban touba sanduariu,32seingü lebu fulansu lun le aban touba, lúmaya seingü ebu lun fulansu le tanagangiñebei, le luéigiñebei oubaü le ñéingiñe lubéi lálüda weyu tibiti.33Ebu le amidanibei, aba ladügüni lun gayaraabei lan lásügürün luéigiñe aban oubaü lun luagun le aban, lamidanguagiñe fulansu.34Aba lafuraruni fulansu lau golu, aba ladügün bángüli golu luagu lun lacharúniwa tanaaha lidoun, le afurarúaali lau golu.35Aba ladügünu belu tau gamisa díngutu, gamisa koloru guchu gamisa funatu tuma linu giñuriwatu, aba ladügün bián kátaña garünatiña tuagu.36Lárigiñe aba ladibiragüdünu lau átiri pini golu luéigiñe gádürü wagabu lauti akasia afurarúati lau golu, luagu gádürü ebu lauti pülata.37Adügati aban korutína tautu gamisa díngutu, gamisa koloru guchu, gamisa funatu tuma linu giñuriwatu, aborudahóuatu korutína tuguya.38Adügati giñe seingü wagabu lau lipinin, lau seingü lebu buronse, aba lafuraruni íñugiñe libiti wagabu lau sun lubagünina lau golu.Bible Society of Honduras