Áfuriduni25
Idewesei tun sanduariu
1Lariñaga Bungiu lun Moisesi:2—Ariñagabá houn Ísüraelina lun hóundarun aban idewesei nun. Lunti hóundaruni hadan sun ha gagundantiña lun híchuguni tau sun hanigi,3Anihán le lunbei hóundaruni: Golu, pülata, kóbüre.4Gamisa to koloru guchu, koloru guchu le héretimati, koloru funatu, linu to fínutu, liyu gábara,5lura mudún le féindiwati lau funati, uraü fínuti, wewe le akasia,6gasi lun lanpu, ibiñein hémeti lun garaba le lánina anúadiruni, luma lun kupali hémeti,7dübü burí le buíduburiti, luma amu burí dübü fínuti lun lichugún tuagu ladaüragun fádiri.8Adüga hagíame aban sanduariu nun, lun naganóun hadan.9Gama lumoun fulasu ligía, le lunbei ñein lan naganawa luma sun ílagu le lunbei ñein lan, gasu hadügüni libe le lunbei narufuduni bun.Bágüsi lánina daradu
10—Ariñagabá houn Ísüraelina lun hadügün aban bágüsi lautu akasia, to ábantu méturu diisi sentimeturu timigifen, ǘrüwa-wein-seingü sentimeturu tidabuberen, ǘrüwa-wein-seingü sentimeturu tiñun.11Hafurarounme lau golu dandu turageirugugiñe kei bóugudigiñe tibiti, ru huguyame aban riban golu geyegua tau.12Hadügame giñe gádürü bángüli golu bíchigeime luagu gádürü tugudi, biama luéigiñe aban oubaü, biama luéigiñe le aban.13Hadügame ebu lauti fulansu akasia, hafurareime lau golu,14háchareime lidoun bángüli le tóubawagubei bágüsi lun gayara lan tiñurawagun lau,15ábame magida baali lan; bígireime ñein lidan tubangülin bágüsi,16ábame bíchuguni lúrudu le lunbei níchuguni bun tidoun bágüsi.17—Hadügame giñe aban idáü lau golu le tímatimaati, aban méturu diisi sentimeturu limigifen, ǘrüwa-wein-seingü sentimeturu lidabuberen,18hau bián kátaña garünatiña láutiña golu le nadagimeinwati lau marüdiyu luéigiñe biángubei oubaü ligibuagu tidáü bágüsi.19Idáü hama bián kátaña garünatiña hagía ábanmemebaña pisi, luágubei aban oubaü ligibuagu idáü aban, le aban luagu le aban oubaü ligibuagu idáü,20gagibuguhaba gama lumoun lau hagibu luagun idaüni, lerederame harüna le ítarabei kei tarüna ágila tuleñu ligibuagu idaüni, lun hadouragun lau idaüni lau harüna.21Lárigiñe ábame bíchuguni idáü tuagu bágüsi, bíchigeime lúrudu le lunbei níchuguni bun tidoun bágüsi.22Ñeinba nadunragua buma, íñugiñe libiti idáü, habadinaguagiñe bián kátaña garünatiña hagía ábame nasubudiragüdüni nilurudun bun lun bíchuguni houn Ísüraelina.Dábula tubá fein to lánina iñúarü
23—Hadügame aban dábula lauti fulansu akasia, gádürü-wein-diisi sentimeturu limigifen, bián-wein-seingü sentimeturu lidabuberen, ǘrüwa-wein-seingü sentimeturu liñun.24Hafurareime lau golu, híchigame aban riban lauti golu geyegua lau.25Hadügeime lau aban árurugu le sédüti sentimeturu lidabuberen ábame híchugun aban riban lauti golu luagu árurugu ligia;26Hadügame giñe gádürü bángüli lauti golu, bíchigeime luagu gádürü larigei le ñéingiñe lubéi gádürü lugudi,27lerederame lubadu árurugu lun lacharúniwa ebu ñeinhin, lun gayara lan lanügǘn.28Badügeime ebu le lanaaha dábula lau akasia, bafurareime lau golu,29lauba golu badügei lasietena, guliyeru, fudu luma burí kopu lun idewesei le tauti diwéin.30Lunti bíchugunu fein to anuadirúaboun nun luagu dábula niñúarü súnwandan.Lebu sanudelu lauti golu
31—Ariñagabá giñe houn lun hadügün aban lebu sanudelu lauti golu, le nadagimeinwati lau marüdiyu. Ábanmemebei lebu, lugudina likopun, lani kálisi luma pétalu,32láfuriduba sisi arünaü lóubawagugiñe, ǘrüwa luéigiñe aban louba, ǘrüwa luéigiñe le aban.33Kada aban lídangiñe sisi arünaü le lunbei láfuridun luéigiñe lugudina lebu sanudelu ligía ñeinbei ǘrüwa kopu luagu le ítarati kei tílewe alüménduru lau lani kálisi luma pétalu,34Ñeinbei gádürü kopu luagu guánarügü lugudina, le giñe ítarati kei tílewe alüméndüra, lau lani kálisi luma pétalu.35Kada aban lídangiñe ǘrüwa feru arünaü le luágubei lebu sanudelu ligía, ñeinbei aban kálisi ǘnabugiñe libiti.36Ábanmemebei kálisi luma arünaü luma lebu sanudelu, le lunbei gólubei lan le nadagimeinwati lau marüdiyu.37Hadügame giñe sedü lanpu, híchigeime lun ladurangun ligibugiñoun,38láutibei giñe golu litenasan luma lasietena.39Yusu humá darandi ǘrüwa kilu golu lun hadügüni lebu sanudelu luma sun lumegegu,40houchabá lun badaagüdüni kei le narufudubei bun luagu wübü.Bible Society of Honduras