Apurichihati5
Gasu lagunfulirúniwa lau le füramasewaalibei
1Danme bidin litenpulunrugun Bungiu, góunigibei ligaburi bóuserun lubaragiñe bíchugun adagaragüdüni kei hadüga híbiri gürigia ibidiougua tau ha mefenbaña luagu wuriba lan le hadügübei, yarafabá aranseñu lun gaganbadi ban.2Móufudahaba adüga füramasei lun Bungiu, ni lau biyuma ni lidan bisaminan, lugundun siéluñein Bungiu, buguya múarugu. Ligía lubeiti mibelá lubéi badimurehan;3lugundun lídangiñe liibe saminaü liabin uénedü, lídangiñe liibe dimurei lariñawagúa libidiounigan aau.4Danme badügün aban füramasei lun Bungiu madarasahabá lun bagunfuliruni, lugundun magundanti Bungiu hau ha ibidiouguabaña aau. Gúnfulibei lubeiti le füramase bubéi,5lugundun buítimati lun ua lan füramase ban sügǘ lau füramase ban ani magunfuliruntibu.6Mígiraba lun lafigougüdünibu biyuma, ábame bariñagun ligibugiñe lóunagüle Bungiu luagu bulíeiguarügü ban. Kábagia uagu bagañidagüdei Bungiu lau le bariñagubei agünrinchagueime le adüga báalibei?7Labadinagua lubeiti saragu luriban uénedü luma saragu dimurei málati, lunti barufuduni lineben Bungiu bun.Ámuñegueina burí katei lidan ibagari
8Maweiridatá banigi ánhabu ariha lamudirawagun aban gudemeti lidan somu fulasu, adügǘwa ligía anarimeni luma irichaü ñein, lugundun anihein aban úfisi íñutimati lóugiñe aban úfisi íñuti, añahein giñe úfisigu íñutimatiña hóugiñe biángubei hagía.9Hariñaga: «Sun gürigia dariguatiña houngua áraabu, ánheinti urúei luagu le leresibirubei lídangiñe alubahani dipeni lan!»10Le hínsiñehabubei lun seinsu súnwandan busén lan lanwoun liseinsun; le hínsiñehabubei lun irisini, súnwandan laritagun luagu lougua lan le lúmabei. Katei giñe málati lira,11lugundun gagibedun lúmati gürigia, gagibedun lawesirun. Kati lagañeirubei gürigia lau liibe liseinsun bóugudin luéi laríaguni?12Le nadagimeinbei, gibe yebe leigin mibe yebe leigin, arumugati buidu; ánheinti le rísibei, marumugagüdün lumuti lirisin.13Anihein aban katei narihin ligibuagu ubóu le ruti íruni: Barǘ lan lareidahóun seinsu wuribani houn gürigia,14lugundun gayaraati lagumuchun aban marasun mabuidunti lau sun lirisin, ani ánheinti garáü lubéi aban, úaalime ni kata luma lun lígiruni lun.15Ani ítara kei ligaburi liabin ubouagun, ítara luba lidin: Surusu kei dan le lágurahounbei, manügünga ni kata lídangiñe lebegi luadigimari.16Barüti katei le íruni le tímatimaati: Lun ítara lan kei liabin ubouagun, ítara lan giñe lidin. Kati lagañeirubei lau luadigimaridun saragu lun ni kata?17Lanwoun lira, lidan luburiga lásügürei sun libagari, lau saragu ligariga uraü luma lagüürün wuribani tidan lanigi.18Ariha naali luagu lubuidun-agei lan katei le lunbei wadügüni, lun weigin, watun ani efeduha wameime lebegi wawadigimari ya ubouagu lidan murusun ibagari le líchugubei Bungiu woun lugundun ligía wafanranbei.19Luéigiñe amu oubaü, sun le unbei líchiga Bungiu saragu irisini, ruti giñe ubafu lun, lun leigin lídangiñe, luma lun lárügüdüni le yuubei lun, lugundun lúmagiñe Bungiu liabin lira.20Keiti buíngüdalanu Bungiu lanigi gürigia lau ugundani, maweirinti ladiheridun luagu libagari.Bible Society of Honduras