2 Lúrudu25
1—Danme anihein lan somu turobuli haganagua bián Ísüraelina, lunti houdin ligibugiñoun lúrudu lun haguserun, ábame híchuguni aguseragüdütiña liricha le madurunbei lun, siadi hameime le gadurunbei.2Anhein lun lubéi labeichún gadurunti ligía, ábame lariñagun aguseragüdüti lun harounragüdüni múarugu lun labeichún liñúarü luagu lidurun.3Michugúnbei lóugiñe bián-wein beiti luagu ni aban gürigia, luéi wéiriya lan labeichún luéi lasandiragun lungua ǘnabu higibugiñe.4—Míchiga humá busali luagu liyuma bulu bágasu dan le luadigimaridun lidan léferehouniwa lila nadü.
—Ánhaña aganawa bián íbirigu tidan aban muna, aba lounwen aban hádangiñe masaaniga, siñabei tamarieidun lúmari luma amu wügüri le hádangiñeti amu iduheñu. Gasu lanügünu tuguñoun lúmarime lun lagunfulirun tuma keisi aban uguñouni.6Furumiñetime irahü tagaraüdün gasu lanügüni liri le buga óunwebei, lun magumuchagun lan liri hádangiñe Ísüraelina.7Gama lumoun anhein maha wügüri ligía lamarieidun tuma luguñoun, ábame tidin ligibugiñoun lúrudu tariñagame houn ábutigu: “Máhati nuguñoun lun lerederun liri líbiri wínwanñu Ísüraeli; máhati lagunfuliruni échuni numa kei uguñouni.”8Ábameti hanügüni ábutigu ábame hadimurehan luma, ánheinti mahaméme lamarieidun tuma,9ábameti tiabin lígatu luagun ábame taragachunu ligeidin luéigiñe lugudi hagibugiñe ábutigu, ábame tásueragun ligibuagun, tariñagame: “Ítara liña ladügǘn lun eyeri le máhati líchugun adügawaguni lun líbiri!”10Ábame lagúarun houn liduheñu hadan lílana Ísüraeli: “Liduheñu wügüri le aragachúbei igeidin.”
Luáguti hamarieidun uguñouni
5Lariñaga Moisesi houn gürigia:—Ánhaña aganawa bián íbirigu tidan aban muna, aba lounwen aban hádangiñe masaaniga, siñabei tamarieidun lúmari luma amu wügüri le hádangiñeti amu iduheñu. Gasu lanügünu tuguñoun lúmarime lun lagunfulirun tuma keisi aban uguñouni.6Furumiñetime irahü tagaraüdün gasu lanügüni liri le buga óunwebei, lun magumuchagun lan liri hádangiñe Ísüraelina.7Gama lumoun anhein maha wügüri ligía lamarieidun tuma luguñoun, ábame tidin ligibugiñoun lúrudu tariñagame houn ábutigu: “Máhati nuguñoun lun lerederun liri líbiri wínwanñu Ísüraeli; máhati lagunfuliruni échuni numa kei uguñouni.”8Ábameti hanügüni ábutigu ábame hadimurehan luma, ánheinti mahaméme lamarieidun tuma,9ábameti tiabin lígatu luagun ábame taragachunu ligeidin luéigiñe lugudi hagibugiñe ábutigu, ábame tásueragun ligibuagun, tariñagame: “Ítara liña ladügǘn lun eyeri le máhati líchugun adügawaguni lun líbiri!”10Ábame lagúarun houn liduheñu hadan lílana Ísüraeli: “Liduheñu wügüri le aragachúbei igeidin.”
Amu burí lúrudu
11—Anhein añaha lubéi bián wügüriña ageindagua, aba tiabin lúmari aban hádangiñe lun tanügün fulasu luéigiñe túmari, aba tárügüdüni le aban tuéigiñe lóustarun12lunti híchugun dimurei magudemenihabuga lun libigúniwa túhabu würi tuguya.13—Mayusura humá balansu le híweruti ni lun hagañeihan ni lun halugurahan.14Makipu hugíame biama eweehagülei húbiñe aban wéiriti luéi le aban.15Úaraguala hubalansun, gabagari humaamuga saragu dan lidan ageiraü le lunbei líchuguni Habureme hun.16Ladüga mínsiñetiña gürigia ha lun Bungiu ha adügübalin sun burí katei le, hama ha madügünbaña irichaü lugundun iyereegutiña sun ha adügübaña líbeina katei le lun Bungiu.Lichugún dimurei lun hagumuchaguagüdüniwa Amaléküna
17—Haritagua humá luagu le meha ladügübei Amalékü hun dan ǘmadaruguñadün lubéi lárigiñe háfuridun Ehiptugiñe;18haritagua humá luagu mineben lan Bungiu lun, aba lábürühan huagun ǘmadarugu, kei lasubudiruni luagu buchaali lan huagu aba lábürühan hawagun ha débilibaña, ha erederubaña árigi.19Danme lubeiti sefu laadün Wabureme le Hubungiute hawéi sun háganiñu ha geyegubaña hau lidan ageiraü le lunbei líchuguni hun, lunti hagidaruni laritawagún luagun Amalékü fulasurugugiñe. Mabulieida humeitia!Bible Society of Honduras