2 Krónikasi27
Larúeihan Hotamü
1Wein-seingü irumu lau Hotamü dan le lagumeserunbei arúeiha, arúeihati disisi irumu Herusalén. Herusá bugaha tíribei lúguchu, liráü Sadoku.2Buiti bugaha lóuserun Hotamü ligibugiñe Wabungiute, kei meha Osiasi le lúguchi. Lau sun lira mebeluti litenpulunrugun Wabureme. Gama lumoun adügameme hamuti lílana fulasu lagübüri igaburi le uágubei héchuda.3Hotamü adügübalin bena le íñugiñebei tibiti litenpulun Wabungiute, adüga ligía saragu bunaguaü luagu baríeiru le lani Ofeli.4Iñuraguati giñe burí uburugu láraabuterugu Hudá, luma burí uburugu le ñein lumuti tareidahóua áruma luma burí wáyelesi dabíararugu.5Awuribuhati luma harúeite Amonna aba lagañeiruni wuribu. Lidan irumu ligía, gasu hafayeihan Amonna keisi liseinsuna gumadi lun: Sedü-milu-bián-san-ǘrüwa-wein líburu pülata, bián-míñunu-bián-san-milu líburu türigu, luma bián-míñunu-bián-san-milu líburu sebada. Ligiaméme giñe hederegerubei lun lidan kada aban lídangiñe bián irumu le lárigibei.6Aba laweiridun lubafu Hotamü lugundun buiti lóuserun ligibugiñe Wabureme.7Le líbiri luáguti Hotamü lau sun láfuridun burí awuribuha luma sun le ladügübei, anihein bürüwañu tidan haliburun lurúeitegu Ísüraeli luma Hudá.8Wein-seingü irumu lau Hotamü lagumeserunbei arúeiha, arúeihati disisi irumu Herusalén.9Danbei lounwen, aba hábununi haganagua lagüchagu luburuguterugu Dawidi. Aba larúeihan Aasi le liráü leweñegua.Bible Society of Honduras