1 Krónikasi29
1Lárigiñe aba lariñagun urúei Dawidi lun sun damuriguaü:
—Salomón le niráü, le lanúadirubei Bungiu, aban nibureinti ñǘraügili ligía, ani wadagimanu le, wéiriti, lugundun mámaba luban urúei ábunawagua, litenpulunba Bungiu ábunawagua.2Au lau saragu áfaaguni, aranse naali le mégeibei tun litenpulun Aburemei le Wabungiute: Golu, pülata, buronse, gürabu, fulansu, dübü lun ladügǘn bídiriu, dübü buíduburiti, dübü le ámuñegueinarügüti likolorun lun turageirugu ténpulu, luma saragu márümolu.3Gama lumoun bóugudin luéi sun le aranse náalibei tubá ténpulu, luma luagu ínsiñehabuni le nuágubei tun litenpulun Wabungiute, derege numuti golu luma pülata le nani tun ténpulu:4Bián-san-wein-milu líburu lídangiñe lubuidun-agei golu, seingü-san-wein-widü-milu líburu pülata fínuti lun lafurarún burí touba muna.5Sun golu luma pülata lun ladügün le lunbei ladügün lau, luma lun sun wadagimanu le lunti hadügüni nadagimeintiña. Guentoti, ka busenbei líchuguni lufanran lau ugundani, lau ledewehan somu katei lun Bungiu?6Sunti ábutigu, hábutigu iduheñu, hábutigu lani Ísüraeli türibu, hábutigu súdaragu hama hábutigu ha nadagimeinbaña luma urúei, aba hedewehan saragu katei.7Rútiña ǘrüwa-san-ǘrüwa-wein-ǘrüwa-milu líburu luma diisi-milu murusun golu, sedü-san-wein-sisi-milu líburu pülata, luma yarafa lun aban-míñunu-ǘrüwa-san-wein-milu líburu buronse, luma sedü-míñunu-bián-san-ǘrüwa-wein-milu líburu gürabu.8Ha gámabaña burí dübü buíduburiti, derege hamuti lidoun tirisin ténpulu le lábugiñebei laríaahan Heieli le liráü Gerüsón.9Aba hagundaarun gürigia luagu idewesei ligía, lugundun tau sun hanigi hedeweha lun Bungiu. Wéiriti giñe lagundaarun urúei Dawidi.10Ábati labiniruni Dawidi Bungiu ligibugiñe damuriguaü, lariñaga:
—Biniwabá lun súnwandan, Bungiu, Lubungiute Wáguchi Ísüraeli!11Bungiu Baba, wéirigutibu ani gabafutibu, íñugutibu ani úaraguatibu! Lugundun bani sun katei le siélubei luma le ubouagubei. Buguya urúeibei, buguya agumadihati le tímatimaati.12Búmagiñe liabin irisini luma inebesei. Buguya abugurubalin sun katei. Búhaburuguñein erei luma ubafu, buguya giñe íchugubei uéiriguni luma ubafu houn súngubei.13Ligía lébubei weteingiruñadibu lubéi guentó Bungiu Baba, eremuha wagía lun biri le íñugubei;14lugundun, kátañadinagia ani kátañanu numutuniña lun wíchuguba lan katei gíbeti bun? Lidan linarün katei, búmagiñe liabin sun katei, le wibihibei búmagiñe ligía wíchugubei bun.15Ítara waña bigibugiñe kei terencha ha ásügürütiña kei habéi meha sun wagüchagu, ani ítara liña wabagari ligibuagu ubóu le kei aban lamuñounga, úati ni murusun emenigini luagu.16—Aburemei, le Wabungiute, bani ani búmagiñe liabin sun irisini le, le waranserubei lun wábunagun aban ténpulu lun biri le sándubei!17Subudi numuti Bungiu Baba, luagu aríaahabani saminaü luma luagu hínsiñe lan úaraguni bun. Ligía lau lubéi lúaragun aritaguni níchigei sun le bun. Ani guentó, ariha naali lau ugundani luagu lau lan ugundani híchigei bánigu ha óundaragubaña ya hadewese bun.18Bungiu, Lubungiute Abüraámü, Isaakü luma Hakobu, ha wagüchagu, adügabá lun ñein lan erei le hadan bumutuniña súnwandan, adundehabóun hanigi lun hafalarunibu.19Ruba giñe aban anigi dayarütu lun Salomón lun gayaraabei lan lagunfuliruni bugumadin luma bilurudun, luma lun gayaraabei lan lábunagunu ténpulu to ubaaboun naranseha.20Lárigiñe aba lariñagun Dawidi lun damuriguaü:
—Guentó, heremuha lun Aburemei le Wabungiute.
Ábati lagumeserun sun damuriguaü eremuha lun Bungiu, le Habungiute hagüchagu, aba háhuduragun bulugua hagía ligibugiñe Bungiu luma ligibugiñe urúei.21Larugan aba híchugun adagaragüdüni luma adagaragüdüni gudawarügüti lun Bungiu: Milu bágasu wügüriña ha ñǘbürigiña, milu mudún hama milu harahüñü mudún, lau hadewese to diwéin luma saragu adagaragüdüni luagu sun Ísüraeli.22Weyu ligía, hóutiña, gurá hagía lau saragu ugundani ligibugiñe Bungiu. Lárigiñe ábaya hagúarahani Salomón luagu libiaman wéiyaasu keisi urúei. Aba hanúadiruni ligibugiñe Bungiu keisi urúei, Sadoku keisi fádiri.23Aba lubeiti lañuurun Salomón keisi urúei leweñegua Dawidi le lúguchi, aba lawanserun saragu. Adüga hamuti sun Ísüraelina le lubeibei.24Sun ábutigu ha wuriburuguna hau sun lirahüñü urúei Dawidi, luéigiñeñanu lufulesein Salomón.25Adügati Bungiu lun wéirigu lan hanügüni sun lílana Ísüraeli Salomón, ani wéirigüda lumuti Bungiu sügǘ hau sun ha arúeihabaña lubaragiñe Ísüraeli.
—Salomón le niráü, le lanúadirubei Bungiu, aban nibureinti ñǘraügili ligía, ani wadagimanu le, wéiriti, lugundun mámaba luban urúei ábunawagua, litenpulunba Bungiu ábunawagua.2Au lau saragu áfaaguni, aranse naali le mégeibei tun litenpulun Aburemei le Wabungiute: Golu, pülata, buronse, gürabu, fulansu, dübü lun ladügǘn bídiriu, dübü buíduburiti, dübü le ámuñegueinarügüti likolorun lun turageirugu ténpulu, luma saragu márümolu.3Gama lumoun bóugudin luéi sun le aranse náalibei tubá ténpulu, luma luagu ínsiñehabuni le nuágubei tun litenpulun Wabungiute, derege numuti golu luma pülata le nani tun ténpulu:4Bián-san-wein-milu líburu lídangiñe lubuidun-agei golu, seingü-san-wein-widü-milu líburu pülata fínuti lun lafurarún burí touba muna.5Sun golu luma pülata lun ladügün le lunbei ladügün lau, luma lun sun wadagimanu le lunti hadügüni nadagimeintiña. Guentoti, ka busenbei líchuguni lufanran lau ugundani, lau ledewehan somu katei lun Bungiu?6Sunti ábutigu, hábutigu iduheñu, hábutigu lani Ísüraeli türibu, hábutigu súdaragu hama hábutigu ha nadagimeinbaña luma urúei, aba hedewehan saragu katei.7Rútiña ǘrüwa-san-ǘrüwa-wein-ǘrüwa-milu líburu luma diisi-milu murusun golu, sedü-san-wein-sisi-milu líburu pülata, luma yarafa lun aban-míñunu-ǘrüwa-san-wein-milu líburu buronse, luma sedü-míñunu-bián-san-ǘrüwa-wein-milu líburu gürabu.8Ha gámabaña burí dübü buíduburiti, derege hamuti lidoun tirisin ténpulu le lábugiñebei laríaahan Heieli le liráü Gerüsón.9Aba hagundaarun gürigia luagu idewesei ligía, lugundun tau sun hanigi hedeweha lun Bungiu. Wéiriti giñe lagundaarun urúei Dawidi.10Ábati labiniruni Dawidi Bungiu ligibugiñe damuriguaü, lariñaga:
—Biniwabá lun súnwandan, Bungiu, Lubungiute Wáguchi Ísüraeli!11Bungiu Baba, wéirigutibu ani gabafutibu, íñugutibu ani úaraguatibu! Lugundun bani sun katei le siélubei luma le ubouagubei. Buguya urúeibei, buguya agumadihati le tímatimaati.12Búmagiñe liabin irisini luma inebesei. Buguya abugurubalin sun katei. Búhaburuguñein erei luma ubafu, buguya giñe íchugubei uéiriguni luma ubafu houn súngubei.13Ligía lébubei weteingiruñadibu lubéi guentó Bungiu Baba, eremuha wagía lun biri le íñugubei;14lugundun, kátañadinagia ani kátañanu numutuniña lun wíchuguba lan katei gíbeti bun? Lidan linarün katei, búmagiñe liabin sun katei, le wibihibei búmagiñe ligía wíchugubei bun.15Ítara waña bigibugiñe kei terencha ha ásügürütiña kei habéi meha sun wagüchagu, ani ítara liña wabagari ligibuagu ubóu le kei aban lamuñounga, úati ni murusun emenigini luagu.16—Aburemei, le Wabungiute, bani ani búmagiñe liabin sun irisini le, le waranserubei lun wábunagun aban ténpulu lun biri le sándubei!17Subudi numuti Bungiu Baba, luagu aríaahabani saminaü luma luagu hínsiñe lan úaraguni bun. Ligía lau lubéi lúaragun aritaguni níchigei sun le bun. Ani guentó, ariha naali lau ugundani luagu lau lan ugundani híchigei bánigu ha óundaragubaña ya hadewese bun.18Bungiu, Lubungiute Abüraámü, Isaakü luma Hakobu, ha wagüchagu, adügabá lun ñein lan erei le hadan bumutuniña súnwandan, adundehabóun hanigi lun hafalarunibu.19Ruba giñe aban anigi dayarütu lun Salomón lun gayaraabei lan lagunfuliruni bugumadin luma bilurudun, luma lun gayaraabei lan lábunagunu ténpulu to ubaaboun naranseha.20Lárigiñe aba lariñagun Dawidi lun damuriguaü:
—Guentó, heremuha lun Aburemei le Wabungiute.
Ábati lagumeserun sun damuriguaü eremuha lun Bungiu, le Habungiute hagüchagu, aba háhuduragun bulugua hagía ligibugiñe Bungiu luma ligibugiñe urúei.21Larugan aba híchugun adagaragüdüni luma adagaragüdüni gudawarügüti lun Bungiu: Milu bágasu wügüriña ha ñǘbürigiña, milu mudún hama milu harahüñü mudún, lau hadewese to diwéin luma saragu adagaragüdüni luagu sun Ísüraeli.22Weyu ligía, hóutiña, gurá hagía lau saragu ugundani ligibugiñe Bungiu. Lárigiñe ábaya hagúarahani Salomón luagu libiaman wéiyaasu keisi urúei. Aba hanúadiruni ligibugiñe Bungiu keisi urúei, Sadoku keisi fádiri.23Aba lubeiti lañuurun Salomón keisi urúei leweñegua Dawidi le lúguchi, aba lawanserun saragu. Adüga hamuti sun Ísüraelina le lubeibei.24Sun ábutigu ha wuriburuguna hau sun lirahüñü urúei Dawidi, luéigiñeñanu lufulesein Salomón.25Adügati Bungiu lun wéirigu lan hanügüni sun lílana Ísüraeli Salomón, ani wéirigüda lumuti Bungiu sügǘ hau sun ha arúeihabaña lubaragiñe Ísüraeli.
Lounwen Dawidi
26Arúeihati lubeiti Dawidi le liráü Hesé lidan sun Ísüraeli.27Ligía meha lurúeitebei Ísüraeli luagu bián-wein-irumu, sedü irumu larúeihan Ebürón, darandi-ǘrüwa irumu Herusalén.28Lau uéiyani darangilati lounwe, lau saragu irisini luma uéiriguni. Aba larúeihan Salomón le liráü leweñegua.29Sun asusereduti luáguti Dawidi, lúmagiñe lagumeseha lumoun lagumuhóun, anihein bürüwañu tidan liliburun profeta Samueli tidan liliburun profeta Natán luma tidan liliburun profeta Gadü30labu sun luáguti larúeihan, lubafu luma burí sun katei le asuseredubei lun, lun Ísüraeli luma lun burí líbiri ageiraü.Bible Society of Honduras