Madiu4
Fafali kavovona wagaine Seitani Yeisu gialadibidibiyena.
1Aku Yeisu gibabitaiso gufa Yolidani wagaine, muliya Aluwaluwa Tabuna ginagoyena ada ginauwena fafali kavovona wagaine ke Seitani gina aladibidibiyena.2Ada yadayada foti (40) ke bogi foti wagaidiya kani giiloilovau, ada tova-nai anaebalauyabu wagaine mafa gilavuna.3Ada toaladibidibi Seitani ani giyegemona Yeisu wagaine ada givonenaga, “Kai Oyeni velemoena Yaubada Natuna aga kabala taidei una veimeyedi inave aa.”4Aku Yeisu gilufata givona, “Yaubada yana vona vetovetokilumina givonaga,‘Keke aa gaga wagaine kaliva yawai ina nuwanuwaga,aku Yaubada yana vona seyana seyana giyegeyegemonaawane, ani wagaine yawai ina nuwanuwagana.’” 5Kaduwe Seitani Yeisu ginauwena Yelusalema, tayuwe Yaubada yana melala tabutabuna, ada manuwa tabu tabone-mwane givemididina6ada givonena, “Kai Oyeni velemoena Yaubada Natuna, aga una towavila unaobu babi wagaine, faina Buki Tabu wagaine ivetokilumina, givona,
‘Yaubada yana aneloseyavo gina veimeyedi o fainiya,ke nimadiya ina kilakaini e ada keke ageuna vetutu kabala wagaine.’” 7Aku Yeisu Seitani givonena, “Aku kaduwe Yaubada yana vona vetovetokilumina givonaga, ‘Keke KAUVEYA ya Yaubada una galuvaluva.’” 8Kaduwe, Seitani gilakavena oya manamanawe-moena tabone, ada ebaveimeya moyaidi babi matatabuna wagaine wa adikaikaiwabu nodi givewalena.9Ada givonena, givona, “Kai una iboula-mowa ke una oduodu Iya wagaikuya, aga ebaveimeya taidei moyaina gana veleni.”10Aku Yeisu givonena, “Seitani, auwe unanau! Faina Yaubada yana vona vetovetokilumina givonaga,
‘KAUVEYA ya Yaubada wagaine una oduodu,ada Banae anakaibe-mowa faine una gugai.’” 11Ada Seitani gisegena aku Yaubada yana aneloseyavo iyegemona ke Yeisu ilemelemena.