Nu-kɛ̀ʼ-bə3
1“Nyɔ̀ʼ nubə-ɔ̄ŋ kɔ́ tʉ wontəŋNyii ndə ɔ bɛ mu chɔshi ndə i bɛ Sadi shyíi ɔ mbɔ, ‘Nɔ bɛ ntəŋ nɔ ndə i gwè hə kəghɔ-wo ndə ɔ kie lyʉʉhəNyiibə təkwiitia bɔŋleʼ yá bəlɔʼɔ təkwiitia kəghɔ-ɔ.
“ ‘Mɔ nɔ kínə fɔʼtə-ii. Bii nɔ kie yie jyujyu mbɔ bii la bɛ ŋɛnə, bii bɔŋ nɔʼ kwú.2Nɔ, b̈ii lɔ̀ hə sê, bʉ̀nə kɔ́ ghʉəʼkə tʉ nubə ndə i bíe, i buŋ yi mìʼtə kwú, bʉʼka mɔ nɔ nyíɛ təmə bii nɔʼ lìʼ fɔʼtə-ii shʉ Nyii-ɔŋ fɛ.3Ndʉʉmɛ, b̈ii kwɛ́nə nubə ndə bə dàhə bii nə yɔŋ, b̈ii yʉ́, tʉ́ʼ mbʉ bənu bɔŋleʼ shìe liɛŋtə-ii ndəŋ bʉ̂ʼtə. Kaʼ bii gòʼ təmə lɔ̀ hə sê fɛ, təmə mɔ bu gwè nə lʉʼ təmə bii kínə ndʉʉ ndə mɔ bu gwè tʉ bii chɔ fɛ.4“ ‘Bii bɔŋ kie mbyu-bʉə-hə Sadi ndə bɔ̂ŋ gòʼ təmə nɔʼ túɔtə ndyihə-ʉə fɛ, baʼa bɔŋ bu tòʼ mɔʼɔ, bɔ̂ŋ bu mɔ̀ʼ ndyi-kəfyuʼ-hə bʉʼka bɔ̂ŋ nɔ kʉ̀ʼnə ndə məmɔ̀ʼ.5Wo ndə ɔ mɔ̀ʼ chɔ̂-ɔ̄ tə yú, bə bu véʼ ɔ nə ndyi-kəfyuʼ-hə, təmə mɔ kʉʉ nə yʉ̀əʼ yie-e mu ŋwɔʼnə məchímbi fɛ. Mɔ bu tíi yie-e jyujyu bəshʉ Tie-ɔ ghɔŋbə bʉəntəŋ-bi.6“ ‘Wotəmiyɔŋ ndə ɔ kie tyunəkə, ɔ̈ yʉ́ nukə ndə LyʉʉhəNyiikə gìe tʉ bəchɔshi.’7“Nyɔ̀ʼ nubə-ɔ̄ŋ tə́ŋ tʉ wontəŋNyii ndə ɔ bɛ mu chɔshi ndə i bɛ Filadefia shyíi ɔ mbɔ, ‘Nɔ bɛ ntəŋ nɔ ndə i gwè hə kəghɔ-wo ndə ɔ bɛ ŋkʉʉ bɔŋleʼ kə́ bɛ wo-kəŋgie-shʉəŋ, ndə ɔ kie nchoʼ kəfʉəŋ Fɔŋ-Dɛbi ndə bɛ ghʉəʼkə, ndə kaʼ ɔ chóʼ njaa, wo mə fʉ̀əŋ fɛ, kaʼ ɔ fʉ̀əŋ, wo mə chóʼ fɛ.8“ ‘Mɔ nɔ kínə fɔʼtə-ii. B̈ii nyíɛ, mɔ nɔʼ chóʼ chusii bəshʉ-bii, tʉ́ʼ ighʉ́ʉnə, təmə wo mə fʉ̀əŋ fɛ. Mɔ nɔ kínə mbɔ ghʉəʼkə-ii nɔ tə́ʼ, bii bɔŋ nɔʼ tʉ́ʼ ŋgiekə-ɔŋ təmə tɛ́ŋ yie-ɔ fɛ.9B̈ii nyíɛ, mɔ bu chìi bʉə-nuɔ-Sata, ndə bɔ̂ŋ tʉʼ tíi ŋwɔŋtə-ʉə nə bʉə-Juu, təmə bɔŋ kə́ bɛ fɛ, kə́ bɛ lɛɛŋkə, nyíɛ, mɔ bu chìi b̈ɔ̂ŋ gwè bʉ́ʉnə bəshʉ bii, bɔ̂ŋ bu kínə mbɔ mɔ la kʉ̀ʉ bii.10“ ‘Bʉʼka mbɔ bii nɔʼ tʉ́ʼ ŋgiekə-ɔŋ, lyʉ̀ʉtə́nə yá fyiihə-ii, mɔ bu yá bii ghɔ tʉ́ʼ ndʉʉ ndə ŋgʉəʼ tʉʼ gwè kəwʉʉnəmbi ndə məyúotə bʉə-kəchisê.11Kʉʉkə məniʼ nɔ m̈ɔ gwè, yá fɔkə ndə bii kie tə́nə chɔ shʉ́əshʉ́ə, bʉʼka wo mə yi fí ŋgʉʼʉ-yii.12Wo ndə ɔ mɔ̀ʼ chɔ̂-ɔ̄ tə yú, mɔ bu chìi ɔ bɛ kyʉʉ mu njaafɛ̀ʼndɛŋNyii-ɔŋ ndə ɔ mə nə fyú chɔ fɛ. Mɔ bu nyɔ̀ʼ yie Nyii-ɔŋ ndəŋ ɔŋ ghɔŋbə yie kəyəŋkwɛʼtəŋ Nyii-ɔŋ, mbʉ Jɛlosalɛŋ fefe, ndə i bu shíʼ gwè hə yuo kəghɔ-Nyii-ɔŋ, ghɔŋbə yie-fefe-ɔ.13“ ‘Wotəmiyɔŋ ndə ɔ kie tyunəkə, ɔ̈ yʉ́ nukə ndə LyʉʉhəNyiikə gìe tʉ bəchɔshi.’14“Nyɔ̀ʼ nubə-ɔ̄ŋ tə́ŋ tʉ wontəŋNyii ndə ɔ bɛ mu chɔshi ndə i bɛ Laodesia shyíi ɔ mbɔ, ‘Nɔ bɛ ntəŋ nɔ ndə i gwè hə kəghɔ-wo ndə bə tíi ɔ nə Ï Bɛ Haʼ Nɔ, mbʉ wo-kəŋgie-shʉəŋ ndə ɔ nú gwù shʉəŋ, ndə ɔ bɛ wo ndə Nyii kə chìi fɔbə inchəŋ tíŋ hə bɔ̌ŋ ɔŋ.15“ ‘Mɔ nɔ kínə fɔʼtə-ii, mbɔ bii ghɔʼ fɛ təmə bɔŋ ghʉ́ə fɛ, mɔ nɔ tʉʼ gwía mbɔ, nɔ kə bʉ̀ʉ b̈ii ghʉ́ə byuunɔ ghɔʼ.16Nɔ, bʉʼka mbɔ bii bɛ muu-ghɔ́nə-mə, təmə ghɔʼ fɛ, təmə ghʉ́ə fɛ, mɔ bu tyù bii chu-mɔ.17Bʉʼka bii nɔ tʉʼ ghɔ̀ŋ mbɔ, “Baʼa nɔ bɛ bʉə-kəfʉʼ, baʼa nɔʼ kie fɔbə yɔ́ŋyɔ́ŋ, baʼa tʉʼ leʼ byúu fɔkə fɛ!” Təmə bii bɔŋ kə́ kínə mbɔ bii bɛ bənyíɛ ŋgʉəʼ, tʉ-bʉə-kə kə́ vyíi ndəŋ bii, bii kə́ bɛ bʉə-mbʉʼ, bəfʉ̀əŋtəshʉ bɔŋleʼ kə́ bɛ kənchiʼtʉʉ fɛ.18Mɔ nɔ tʉ́ʼ bii mbɔ b̈ii nyúɔ goo kəghɔ-mɔ ndə bə nɔʼ tɔ̀ŋ nə viʼi i tʉ́ʉnə, mbɔ bii chʉʼ bɛ bʉə-kəfʉʼ, bɔŋleʼ nyúɔ ndyi kəfyuʼ, bɔ̀ŋ nchiʼtʉʉkə-ii nə yɔŋ, fyúhə tʉvyiikə mbʉə-bii, ghɔŋbə ŋgwomə ndə məchɛ̀nə shʉ-yii nə yɔŋ mbɔ bii chʉʼ kə́ nyíɛ yəŋkə.19M̃ɔ nɔ sɔ́ʼ bʉə ndə mɔ kʉ̀ʉ bɔŋleʼ gwúu bɔŋ, nɔ, b̈ii kɔ́ fyiihə-ii shʉ́əshʉ́ə ndə məshìe liɛŋ-yii ndəŋ bʉ̂ʼtə.20“ ‘B̈ii nyíɛ, mɔ nɔ tə́nə chusii kə́ kwɔ̀ŋtə. Kaʼ wo yʉ́ gyʉʉ-ɔ, ŋɔ́ʼhə chusii, mɔ ŋíi gwè bìatə ɔŋ, mɔ yú baʼa ɔ, ɔ bɔŋleʼ yú baʼa ɔ mɔʼ.21Wo ndə ɔ mɔ̀ʼ chɔ̂-ɔ̄ tə yú, mɔ bu kɔ́ ghʉəʼkə tʉ ɔŋ baʼa ɔ yétə mɔʼ ndəŋ yetəkə-ɔŋ, haʼ ndə mɔ kə mɔ̀ʼ tə yú, baʼa Tie-ɔ yétə mɔʼ ndəŋ yetəkə-i.22“ ‘Wotəmiyɔŋ ndə ɔ kie tyunəkə, ɔ̈ yʉ́ nukə ndə LyʉʉhəNyiikə gìe tʉ bəchɔshi.’ ”
“ ‘Mɔ nɔ kínə fɔʼtə-ii. Bii nɔ kie yie jyujyu mbɔ bii la bɛ ŋɛnə, bii bɔŋ nɔʼ kwú.2Nɔ, b̈ii lɔ̀ hə sê, bʉ̀nə kɔ́ ghʉəʼkə tʉ nubə ndə i bíe, i buŋ yi mìʼtə kwú, bʉʼka mɔ nɔ nyíɛ təmə bii nɔʼ lìʼ fɔʼtə-ii shʉ Nyii-ɔŋ fɛ.3Ndʉʉmɛ, b̈ii kwɛ́nə nubə ndə bə dàhə bii nə yɔŋ, b̈ii yʉ́, tʉ́ʼ mbʉ bənu bɔŋleʼ shìe liɛŋtə-ii ndəŋ bʉ̂ʼtə. Kaʼ bii gòʼ təmə lɔ̀ hə sê fɛ, təmə mɔ bu gwè nə lʉʼ təmə bii kínə ndʉʉ ndə mɔ bu gwè tʉ bii chɔ fɛ.4“ ‘Bii bɔŋ kie mbyu-bʉə-hə Sadi ndə bɔ̂ŋ gòʼ təmə nɔʼ túɔtə ndyihə-ʉə fɛ, baʼa bɔŋ bu tòʼ mɔʼɔ, bɔ̂ŋ bu mɔ̀ʼ ndyi-kəfyuʼ-hə bʉʼka bɔ̂ŋ nɔ kʉ̀ʼnə ndə məmɔ̀ʼ.5Wo ndə ɔ mɔ̀ʼ chɔ̂-ɔ̄ tə yú, bə bu véʼ ɔ nə ndyi-kəfyuʼ-hə, təmə mɔ kʉʉ nə yʉ̀əʼ yie-e mu ŋwɔʼnə məchímbi fɛ. Mɔ bu tíi yie-e jyujyu bəshʉ Tie-ɔ ghɔŋbə bʉəntəŋ-bi.6“ ‘Wotəmiyɔŋ ndə ɔ kie tyunəkə, ɔ̈ yʉ́ nukə ndə LyʉʉhəNyiikə gìe tʉ bəchɔshi.’7“Nyɔ̀ʼ nubə-ɔ̄ŋ tə́ŋ tʉ wontəŋNyii ndə ɔ bɛ mu chɔshi ndə i bɛ Filadefia shyíi ɔ mbɔ, ‘Nɔ bɛ ntəŋ nɔ ndə i gwè hə kəghɔ-wo ndə ɔ bɛ ŋkʉʉ bɔŋleʼ kə́ bɛ wo-kəŋgie-shʉəŋ, ndə ɔ kie nchoʼ kəfʉəŋ Fɔŋ-Dɛbi ndə bɛ ghʉəʼkə, ndə kaʼ ɔ chóʼ njaa, wo mə fʉ̀əŋ fɛ, kaʼ ɔ fʉ̀əŋ, wo mə chóʼ fɛ.8“ ‘Mɔ nɔ kínə fɔʼtə-ii. B̈ii nyíɛ, mɔ nɔʼ chóʼ chusii bəshʉ-bii, tʉ́ʼ ighʉ́ʉnə, təmə wo mə fʉ̀əŋ fɛ. Mɔ nɔ kínə mbɔ ghʉəʼkə-ii nɔ tə́ʼ, bii bɔŋ nɔʼ tʉ́ʼ ŋgiekə-ɔŋ təmə tɛ́ŋ yie-ɔ fɛ.9B̈ii nyíɛ, mɔ bu chìi bʉə-nuɔ-Sata, ndə bɔ̂ŋ tʉʼ tíi ŋwɔŋtə-ʉə nə bʉə-Juu, təmə bɔŋ kə́ bɛ fɛ, kə́ bɛ lɛɛŋkə, nyíɛ, mɔ bu chìi b̈ɔ̂ŋ gwè bʉ́ʉnə bəshʉ bii, bɔ̂ŋ bu kínə mbɔ mɔ la kʉ̀ʉ bii.10“ ‘Bʉʼka mbɔ bii nɔʼ tʉ́ʼ ŋgiekə-ɔŋ, lyʉ̀ʉtə́nə yá fyiihə-ii, mɔ bu yá bii ghɔ tʉ́ʼ ndʉʉ ndə ŋgʉəʼ tʉʼ gwè kəwʉʉnəmbi ndə məyúotə bʉə-kəchisê.11Kʉʉkə məniʼ nɔ m̈ɔ gwè, yá fɔkə ndə bii kie tə́nə chɔ shʉ́əshʉ́ə, bʉʼka wo mə yi fí ŋgʉʼʉ-yii.12Wo ndə ɔ mɔ̀ʼ chɔ̂-ɔ̄ tə yú, mɔ bu chìi ɔ bɛ kyʉʉ mu njaafɛ̀ʼndɛŋNyii-ɔŋ ndə ɔ mə nə fyú chɔ fɛ. Mɔ bu nyɔ̀ʼ yie Nyii-ɔŋ ndəŋ ɔŋ ghɔŋbə yie kəyəŋkwɛʼtəŋ Nyii-ɔŋ, mbʉ Jɛlosalɛŋ fefe, ndə i bu shíʼ gwè hə yuo kəghɔ-Nyii-ɔŋ, ghɔŋbə yie-fefe-ɔ.13“ ‘Wotəmiyɔŋ ndə ɔ kie tyunəkə, ɔ̈ yʉ́ nukə ndə LyʉʉhəNyiikə gìe tʉ bəchɔshi.’14“Nyɔ̀ʼ nubə-ɔ̄ŋ tə́ŋ tʉ wontəŋNyii ndə ɔ bɛ mu chɔshi ndə i bɛ Laodesia shyíi ɔ mbɔ, ‘Nɔ bɛ ntəŋ nɔ ndə i gwè hə kəghɔ-wo ndə bə tíi ɔ nə Ï Bɛ Haʼ Nɔ, mbʉ wo-kəŋgie-shʉəŋ ndə ɔ nú gwù shʉəŋ, ndə ɔ bɛ wo ndə Nyii kə chìi fɔbə inchəŋ tíŋ hə bɔ̌ŋ ɔŋ.15“ ‘Mɔ nɔ kínə fɔʼtə-ii, mbɔ bii ghɔʼ fɛ təmə bɔŋ ghʉ́ə fɛ, mɔ nɔ tʉʼ gwía mbɔ, nɔ kə bʉ̀ʉ b̈ii ghʉ́ə byuunɔ ghɔʼ.16Nɔ, bʉʼka mbɔ bii bɛ muu-ghɔ́nə-mə, təmə ghɔʼ fɛ, təmə ghʉ́ə fɛ, mɔ bu tyù bii chu-mɔ.17Bʉʼka bii nɔ tʉʼ ghɔ̀ŋ mbɔ, “Baʼa nɔ bɛ bʉə-kəfʉʼ, baʼa nɔʼ kie fɔbə yɔ́ŋyɔ́ŋ, baʼa tʉʼ leʼ byúu fɔkə fɛ!” Təmə bii bɔŋ kə́ kínə mbɔ bii bɛ bənyíɛ ŋgʉəʼ, tʉ-bʉə-kə kə́ vyíi ndəŋ bii, bii kə́ bɛ bʉə-mbʉʼ, bəfʉ̀əŋtəshʉ bɔŋleʼ kə́ bɛ kənchiʼtʉʉ fɛ.18Mɔ nɔ tʉ́ʼ bii mbɔ b̈ii nyúɔ goo kəghɔ-mɔ ndə bə nɔʼ tɔ̀ŋ nə viʼi i tʉ́ʉnə, mbɔ bii chʉʼ bɛ bʉə-kəfʉʼ, bɔŋleʼ nyúɔ ndyi kəfyuʼ, bɔ̀ŋ nchiʼtʉʉkə-ii nə yɔŋ, fyúhə tʉvyiikə mbʉə-bii, ghɔŋbə ŋgwomə ndə məchɛ̀nə shʉ-yii nə yɔŋ mbɔ bii chʉʼ kə́ nyíɛ yəŋkə.19M̃ɔ nɔ sɔ́ʼ bʉə ndə mɔ kʉ̀ʉ bɔŋleʼ gwúu bɔŋ, nɔ, b̈ii kɔ́ fyiihə-ii shʉ́əshʉ́ə ndə məshìe liɛŋ-yii ndəŋ bʉ̂ʼtə.20“ ‘B̈ii nyíɛ, mɔ nɔ tə́nə chusii kə́ kwɔ̀ŋtə. Kaʼ wo yʉ́ gyʉʉ-ɔ, ŋɔ́ʼhə chusii, mɔ ŋíi gwè bìatə ɔŋ, mɔ yú baʼa ɔ, ɔ bɔŋleʼ yú baʼa ɔ mɔʼ.21Wo ndə ɔ mɔ̀ʼ chɔ̂-ɔ̄ tə yú, mɔ bu kɔ́ ghʉəʼkə tʉ ɔŋ baʼa ɔ yétə mɔʼ ndəŋ yetəkə-ɔŋ, haʼ ndə mɔ kə mɔ̀ʼ tə yú, baʼa Tie-ɔ yétə mɔʼ ndəŋ yetəkə-i.22“ ‘Wotəmiyɔŋ ndə ɔ kie tyunəkə, ɔ̈ yʉ́ nukə ndə LyʉʉhəNyiikə gìe tʉ bəchɔshi.’ ”
Wycliffe Bible Translators, Inc.