Filimu1
1Nɔ nyɔ̀ʼ mbəŋ-ɔŋ Bɔɔ nyɔ̀ʼ ŋwɔʼnə-ɔ̄ŋ ndə mɔ bɛ wo-njaa-chaŋ bʉʼka Klai Jiso baʼa Timɔti liŋ-yʉʼʉ.
Kə́ nyɔ̀ʼ tʉ Filimu ndə ɔ bɛ ŋkɛŋ tieŋkɔŋ-yaʼ ndə baʼa bɔŋ tʉʼ fɔ̀ʼ mɔʼɔ.2Kə leʼ nyɔ̀ʼ ghɔ tʉ Afia liŋ-yʉʼʉ woke leʼnə Akibu, wo bəsɔge ndə bʉ̂ʼʉ bɔŋ tʉʼ mɔ̀ʼ chɔ̂ Nyii mɔʼɔ, leʼnə chɔshi ndə i bɛ mu njaa-a.3Tə Nyii mbʉ Tie-yʉʼʉ ghɔŋbə Tiekətʉ-yʉʼʉ Jiso Klai dʉ̀ʼ buuŋjyu tʉ bii bɔŋleʼ kɔ́ bii nə fyiighʉ́ənə.4Filimu liŋ-ɔŋ, ndʉʉtəmiyɔŋ ndə mɔ tʉʼ gháaNyii yie-a nɔ, mɔ kɔ́ ndɔ tʉ Nyii bʉʼka a.5Bʉʼka mɔ nɔ yʉ́ ntɛ ŋkʉ̂ʉ ndə a kie tʉ bʉə-Nyii leʼnə məmɔ̀ʼfyii ndə a kie tʉ Jiso Tiekətʉ.6Mɔ nɔ tʉʼ gháaNyii tʉ a mbɔ məgètə fɔbə ndə bʉʼʉ tʉʼ gètə ndə bʉə ndə bɔ̂ŋ nɔʼ mɔ̀ʼfyiihə-ʉə ndəŋ Nyii bu chìi ä shʉ̀tə kínə nu-jyujyu-bə inchəŋ ndə bʉʼʉ kie mu məchimbi-bʉʼʉ bʉʼka bʉʼʉ nɔʼ fúu ŋwɔŋ-yʉʼʉ bʉʼʉbə Klai.7Liŋ-ɔŋ, ŋkʉ̂ʉ-a nɔʼ kɔ́ tʉʉjyu tʉ mɔ daa bɔŋleʼ kwèʼhə mɔ, bʉʼka a nɔʼ chìi fʉʉkə tɔ́ ndəŋ bʉə-Nyii.8Bʉʼka yɔ̄ŋ-yə bəkɔ mɔ kie fyii shʉ́əshʉ́ə nə liŋ-aŋ mu Klai ndə məkàhə a mbɔ ä fɔ̀ʼ nukə ndə a kie ndə məfɔ̀ʼ.9Bɔŋ bʉʼka mɔ kʉ̀ʉ a, mɔ nɔ tʉʼ fʉ̀ʉtəfʉ̀ʉtə. Mɔ nɔ tʉʼ fʉ̀ʉtə a nə Bɔɔ, woghəŋ ndə mɔ bɛ nduɔ mu njaa-chaŋ bʉʼka Klai Jiso.10Mɔ nɔ tʉʼ fʉ̀ʉtə a bʉʼka vaa-ɔŋ, Onisimu, ndə mɔ kə bɛ tie-e ndʉʉ ndə mɔ bɛ mu njaa-chaŋ.11Ɔ nɔ nə fəŋ bɛ fɔ-njʉnjʉ-kə tʉ a bɔŋ nduɔ ɔ nɔ bɛ yʉʼ wo tʉ a leʼnə mbəŋ-ɔŋ.12Mɔ nɔ tʉʼ bʉ̀nə tə́ŋ ɔŋ kɔ́ tʉ a, bɔŋ kɛŋ kə́ tə́ŋ bə vaafyii-ɔ.13Tʉʉ-ɔ nɔ kə́ kʉ́ʉ bɛ jyujyu ndə məmɛ̀ʼtə ɔŋ fɛ̄ŋ, ɔ kə́ fɔ̀ʼ tʉ mɔ yie-a ndʉʉ ndə mɔ bɛ mu njaa-chaŋ bʉʼka ntəŋjyujyu.14Bɔŋ təmə mɔ kʉ̀ʉ ndə məchìi nukə yie-a təmə a kínə fɛ, bʉʼka məfɔ̀ʼ bʉʉ-a mə yi bɛ fi nə mɔ tʉʼ kwɛ̀ŋhə aŋ kwɛ̀ŋhə. Bɔŋ mɔ nɔ kʉ̀ʉ mbɔ ï bɛ ndə ya-yə ŋkʉʉnə tʉʉ.15Ndʉʉbɛʼ nɔ bɛ luu-i nɔ ndə Nyii kə mɛ̀ʼtə ɔŋ ɔ̈ kwɛ̀ʼtə mbʉə-a ndəŋ kʉʉkə məniʼ mbɔ ɔ chʉʼ bʉ̀nə gwè tʉ a vɛʼ mɔʼ gɛ̀ nə shʉbə,16təmə leʼ bɛ bə haʼ fʉə tʉ a fɛ, bɔŋ bu chàa fʉə tə bɛ ndə ŋkɛŋ liŋ-aŋ. Mɔ nɔ kʉ̀ʉ ɔ yɔ́ŋyɔ́ŋ a bɔŋ bu kʉ̀ʉ ɔ tə chàa mɔ ndə fʉə-a leʼnə liŋ-aŋ ndə bii ɔ bɛ mu Tiekətʉ.17Kaʼ a nyíɛ mbɔ mɔ leʼ bɛ wo ndə bii ɔ tʉʼ fɔ̀ʼ mɔʼɔ, ä lʉ̀ ɔ haʼ ndə a lʉ̀ mɔ.18Kaʼ ɔ nɔʼ mɔ̀ʼ bɛ́ tʉ a, byuunɔ ŋkwo-a kə́ bɛ bətɔ-ɔ, a nyɔ̀ʼ yie-mɔ.19Nduɔ, mɔ bu nyɔ̀ʼ yɔ̄ŋ-yə nə yɔŋ-yə ghɔkə mbɔ, “Mbəŋ-ɔŋ, Bɔɔ, bu bʉ̀nə lɔ̀ʼ ŋkwo-a.” Təmə mɔ bɔŋ kʉʉ kwɛ́nə tʉ a mbɔ a bɛ woŋkwo tʉ mɔ nə ŋkwê kətʉ-a fɛ, bʉʼka mbɔ mɔ nɔ kwáa a ghɔ ndə məbɛ́ŋ Jiso Klai.20Ɔŋ liŋ, mɔ nɔ tʉʼ kʉ́ʉ yú sii kəghɔ-a ndə wo ndə ɔ bɛ́ŋ Tiekətʉ. Chìi f̈ʉʉkə tɔ́ mbʉə-mɔ mu Klai.21Mɔ nɔ tʉʼ nyɔ̀ʼ yɔ̄ŋ-yə tʉ a nə fyii ɔ i tə́nə kə́ kínə mbɔ a bu fɔ̀ʼ nukə ndə mɔ tʉʼ bíʼtə tʉ a, tə buŋ fɔ̀ʼ i chàa nɔ.22Ndə məbìʼ chɔ, shʉ̀tə njəŋ-njaa-bʉə-mətòʼ tʉ́ʼ tʉ mɔ, bʉʼka mɔ nɔ tʉʼ chyìi nə fyii shʉ́əshʉ́ə mbɔ Nyii bu yʉ́ məghaaNyii-yii byʉ̀hə mɔ kɔ́ tʉ bii.23Ebafla ndə baʼa ɔ bɛ chaŋ mɔʼɔ bʉʼka Klai Jiso nɔ tə́ŋ nchaʼtə tʉ a,24ghɔŋbə Mak, Alistaku, Dɛma leʼnə Luk kə́ bɛ bʉə ndə baʼa bɔŋ tʉʼ fɔ̀ʼ mɔʼɔ.25Tə Jiso Klai Tiekətʉ dʉ̀ʼ buuŋjyu-i tʉ bii mu fyii-bii.
Kə́ nyɔ̀ʼ tʉ Filimu ndə ɔ bɛ ŋkɛŋ tieŋkɔŋ-yaʼ ndə baʼa bɔŋ tʉʼ fɔ̀ʼ mɔʼɔ.2Kə leʼ nyɔ̀ʼ ghɔ tʉ Afia liŋ-yʉʼʉ woke leʼnə Akibu, wo bəsɔge ndə bʉ̂ʼʉ bɔŋ tʉʼ mɔ̀ʼ chɔ̂ Nyii mɔʼɔ, leʼnə chɔshi ndə i bɛ mu njaa-a.3Tə Nyii mbʉ Tie-yʉʼʉ ghɔŋbə Tiekətʉ-yʉʼʉ Jiso Klai dʉ̀ʼ buuŋjyu tʉ bii bɔŋleʼ kɔ́ bii nə fyiighʉ́ənə.4Filimu liŋ-ɔŋ, ndʉʉtəmiyɔŋ ndə mɔ tʉʼ gháaNyii yie-a nɔ, mɔ kɔ́ ndɔ tʉ Nyii bʉʼka a.5Bʉʼka mɔ nɔ yʉ́ ntɛ ŋkʉ̂ʉ ndə a kie tʉ bʉə-Nyii leʼnə məmɔ̀ʼfyii ndə a kie tʉ Jiso Tiekətʉ.6Mɔ nɔ tʉʼ gháaNyii tʉ a mbɔ məgètə fɔbə ndə bʉʼʉ tʉʼ gètə ndə bʉə ndə bɔ̂ŋ nɔʼ mɔ̀ʼfyiihə-ʉə ndəŋ Nyii bu chìi ä shʉ̀tə kínə nu-jyujyu-bə inchəŋ ndə bʉʼʉ kie mu məchimbi-bʉʼʉ bʉʼka bʉʼʉ nɔʼ fúu ŋwɔŋ-yʉʼʉ bʉʼʉbə Klai.7Liŋ-ɔŋ, ŋkʉ̂ʉ-a nɔʼ kɔ́ tʉʉjyu tʉ mɔ daa bɔŋleʼ kwèʼhə mɔ, bʉʼka a nɔʼ chìi fʉʉkə tɔ́ ndəŋ bʉə-Nyii.8Bʉʼka yɔ̄ŋ-yə bəkɔ mɔ kie fyii shʉ́əshʉ́ə nə liŋ-aŋ mu Klai ndə məkàhə a mbɔ ä fɔ̀ʼ nukə ndə a kie ndə məfɔ̀ʼ.9Bɔŋ bʉʼka mɔ kʉ̀ʉ a, mɔ nɔ tʉʼ fʉ̀ʉtəfʉ̀ʉtə. Mɔ nɔ tʉʼ fʉ̀ʉtə a nə Bɔɔ, woghəŋ ndə mɔ bɛ nduɔ mu njaa-chaŋ bʉʼka Klai Jiso.10Mɔ nɔ tʉʼ fʉ̀ʉtə a bʉʼka vaa-ɔŋ, Onisimu, ndə mɔ kə bɛ tie-e ndʉʉ ndə mɔ bɛ mu njaa-chaŋ.11Ɔ nɔ nə fəŋ bɛ fɔ-njʉnjʉ-kə tʉ a bɔŋ nduɔ ɔ nɔ bɛ yʉʼ wo tʉ a leʼnə mbəŋ-ɔŋ.12Mɔ nɔ tʉʼ bʉ̀nə tə́ŋ ɔŋ kɔ́ tʉ a, bɔŋ kɛŋ kə́ tə́ŋ bə vaafyii-ɔ.13Tʉʉ-ɔ nɔ kə́ kʉ́ʉ bɛ jyujyu ndə məmɛ̀ʼtə ɔŋ fɛ̄ŋ, ɔ kə́ fɔ̀ʼ tʉ mɔ yie-a ndʉʉ ndə mɔ bɛ mu njaa-chaŋ bʉʼka ntəŋjyujyu.14Bɔŋ təmə mɔ kʉ̀ʉ ndə məchìi nukə yie-a təmə a kínə fɛ, bʉʼka məfɔ̀ʼ bʉʉ-a mə yi bɛ fi nə mɔ tʉʼ kwɛ̀ŋhə aŋ kwɛ̀ŋhə. Bɔŋ mɔ nɔ kʉ̀ʉ mbɔ ï bɛ ndə ya-yə ŋkʉʉnə tʉʉ.15Ndʉʉbɛʼ nɔ bɛ luu-i nɔ ndə Nyii kə mɛ̀ʼtə ɔŋ ɔ̈ kwɛ̀ʼtə mbʉə-a ndəŋ kʉʉkə məniʼ mbɔ ɔ chʉʼ bʉ̀nə gwè tʉ a vɛʼ mɔʼ gɛ̀ nə shʉbə,16təmə leʼ bɛ bə haʼ fʉə tʉ a fɛ, bɔŋ bu chàa fʉə tə bɛ ndə ŋkɛŋ liŋ-aŋ. Mɔ nɔ kʉ̀ʉ ɔ yɔ́ŋyɔ́ŋ a bɔŋ bu kʉ̀ʉ ɔ tə chàa mɔ ndə fʉə-a leʼnə liŋ-aŋ ndə bii ɔ bɛ mu Tiekətʉ.17Kaʼ a nyíɛ mbɔ mɔ leʼ bɛ wo ndə bii ɔ tʉʼ fɔ̀ʼ mɔʼɔ, ä lʉ̀ ɔ haʼ ndə a lʉ̀ mɔ.18Kaʼ ɔ nɔʼ mɔ̀ʼ bɛ́ tʉ a, byuunɔ ŋkwo-a kə́ bɛ bətɔ-ɔ, a nyɔ̀ʼ yie-mɔ.19Nduɔ, mɔ bu nyɔ̀ʼ yɔ̄ŋ-yə nə yɔŋ-yə ghɔkə mbɔ, “Mbəŋ-ɔŋ, Bɔɔ, bu bʉ̀nə lɔ̀ʼ ŋkwo-a.” Təmə mɔ bɔŋ kʉʉ kwɛ́nə tʉ a mbɔ a bɛ woŋkwo tʉ mɔ nə ŋkwê kətʉ-a fɛ, bʉʼka mbɔ mɔ nɔ kwáa a ghɔ ndə məbɛ́ŋ Jiso Klai.20Ɔŋ liŋ, mɔ nɔ tʉʼ kʉ́ʉ yú sii kəghɔ-a ndə wo ndə ɔ bɛ́ŋ Tiekətʉ. Chìi f̈ʉʉkə tɔ́ mbʉə-mɔ mu Klai.21Mɔ nɔ tʉʼ nyɔ̀ʼ yɔ̄ŋ-yə tʉ a nə fyii ɔ i tə́nə kə́ kínə mbɔ a bu fɔ̀ʼ nukə ndə mɔ tʉʼ bíʼtə tʉ a, tə buŋ fɔ̀ʼ i chàa nɔ.22Ndə məbìʼ chɔ, shʉ̀tə njəŋ-njaa-bʉə-mətòʼ tʉ́ʼ tʉ mɔ, bʉʼka mɔ nɔ tʉʼ chyìi nə fyii shʉ́əshʉ́ə mbɔ Nyii bu yʉ́ məghaaNyii-yii byʉ̀hə mɔ kɔ́ tʉ bii.23Ebafla ndə baʼa ɔ bɛ chaŋ mɔʼɔ bʉʼka Klai Jiso nɔ tə́ŋ nchaʼtə tʉ a,24ghɔŋbə Mak, Alistaku, Dɛma leʼnə Luk kə́ bɛ bʉə ndə baʼa bɔŋ tʉʼ fɔ̀ʼ mɔʼɔ.25Tə Jiso Klai Tiekətʉ dʉ̀ʼ buuŋjyu-i tʉ bii mu fyii-bii.
Wycliffe Bible Translators, Inc.