1 Timɔti1
1Nɔ nyɔ̀ʼ Bɔɔ nyɔ̀ʼ ŋwɔʼnə-ɔ̄ŋ ndə bɛ lɔntəŋ-Klai Jiso. Nyii Ŋkwaa-yʉʼʉ ghɔŋbə Klai Jiso ndə bʉʼʉ yʉ́əʼnə ndəŋ ɔŋ nɔʼ kàhə mbɔ m̈ɔ bɛ lɔntəŋ.2Mɔ nɔ tʉʼ nyɔ̀ʼ tʉ Timɔti, ŋkɛŋ vaa-ɔŋ ndə bʉʼka baʼa ɔ bɛ ndəŋ wukə imɔʼ ndə məmɔ̀ʼfyii ndəŋ Klai.
Tə Nyii mbʉ Tie ghɔŋbə Klai Jiso Tiekətʉ-yʉʼʉ dʉ̀ʼ buuŋjyu, tʉvyiikə leʼnə fyiighʉ́ənə tʉ bʉʼʉ.3Ndʉʉ ndə mɔ kə́ gɛ̀ Masɛdonia, mɔ fʉ̀ʉtə a mbɔ ä káa mu Ɛfɛso chʉʼ kɔ́tuu tʉ bʉə ndə bɔ̂ŋ tʉʼ dàhə ŋgieNyiikə ndə i gòʼ təmə kʉ̀ʼnə fɛ.4Téʼ tʉ bɔŋ, b̈ɔ̂ŋ káa məmɔ̀ʼ chəŋ-mbi-nduɔŋ-bə leʼnə mə-kə́-súu nubə te bətietie-bʉə ndə i kyinə lìʼ fɛ. Ñubə-ɔ̄ŋ nɔ gwè nə bəŋʉʉ. I kyinə kwáa bʉə ndə məfɔ̀ʼ nubə ndə Nyii kʉ̀ʉ fɛ ndə bə fɔ̀ʼ tíŋ hə ndəŋ məmɔʼfyiihə-ʉə ndəŋ ɔŋ.5Luu ŋkahə-ɔ̄ŋ nɔ bɛ ndə məgwè nə ŋkʉ̂ʉ ndə i gwè hə ndəŋ mu fyii tʉ́ʉnə, ŋkwɔʼtə jyujyu leʼnə ŋkɛŋ məmɔ̀ʼfyii ndəŋ Nyii təmə mbii chɔ fɛ.6Bɔŋ bəbɛʼbʉə dàhə nɔʼ kíahə ŋwɔŋtə-ʉə ndəŋ nubə-ɔ̄ŋ mɔ̀ʼ fia bɛ kɔ́ ŋwɔŋtə-ʉə ndə kwə́ʼ bənɔ̌ʼɔ.7Bɔ̂ŋ kə́ kʉ́ʉ ndə məbɛ bʉə dàhə nuʼ-Mushi, təmə kə́ kínə nubə ndə bɔ̂ŋ tʉʼ gìe fɛ byuunɔ nubə ndə bɔ̂ŋ tʉʼ dàhə nə fyii shʉ́əshʉ́ə fɛ.8Bʉʼʉ nɔ kínə mbɔ nuʼ nɔ bʉ̀ʉ kaʼ wo lʉ̀ ndə ntɛ ndə bə kie ndə məlʉ̀.9Bʉʼʉ nɔ kínə mbɔ bə kə mɔ̀ʼ nuʼ tʉ bʉə ndə bɔ̂ŋ bɛ ndyʉndyʉ fɛ, bə nɔ nə mɔ̀ʼ tʉ bʉə ndə b̃ɔ̂ŋ bə́ʼ nuʼ ghɔŋbə bʉə-kwɛ̀ŋhə, tʉ bʉə ndə bɔ̂ŋ gòʼ təmə kínə Nyii fɛ ghɔŋbə bʉə-bʉ̂ʼʉ, tʉ bʉə ndə bɔ̂ŋ gòʼ təmə kə́ kɔ́ kuŋhə tʉ Nyii fɛ ghɔŋbə bʉə ndə gòʼ təmə kə́ fàa Nyii fɛ, tʉ bʉə ndə bɔ̂ŋ yítə bətie-bʉə byuunɔ bəŋkwe-bʉə, tʉ bʉə yi bʉə,10tʉ bəŋghaa-bəsəŋ, tʉ bələŋ ndə bɔ̂ŋ tʉʼ chí ghɔŋbə bələŋ, tʉ bʉə ndə bɔ̂ŋ tʉʼ chìi vyii fʉəhə, tʉ bʉə chʉ̀ə kəlɛɛŋ, tʉ bʉə ndə bɔ̂ŋ nú gwù nə mbii byuunɔ bʉə ndə bɔ̂ŋ tʉʼ chìi nubɛʼkə təmiyɔŋ ndə i gòʼ təmə tòʼ ghɔŋbə nu-shʉəŋ-bə ndə bə tʉʼ dàhə fɛ.11Mbʉ bənu ndə bə tʉʼ dàhə nɔ bɛ yi-yə ndə i bɛ mu ntəŋjyujyu ndə bə kə chɔ̀ʼhə kɔ́ tʉ mɔ ndə məlɔ̀ʼ, ntəŋjyujyu ndə i kie məgʉ́ə gwè hə kəghɔ-Nyii ndə ɔ leʼ bɛ Nyii tʉʉjyu.12Mɔ nɔ tʉʼ kɔ́ ndɔ tʉ Klai Jiso Tiekətʉ-yʉʼʉ ndə ɔ nɔʼ kɔ́ mɔ nə ghʉəʼkə bɔŋleʼ nyíɛ mbɔ mɔ kʉ̀ʼnə tʉ ɔŋ, ɔ dùʼhə mɔ ndə wofɔ̀ʼ-ɛ,13mɔ bɔŋ fəŋ kə́ gìe bʉ̂ʼʉ te ɔ, kə́ chɔ́ŋhə bʉə-bi, kə́ chɛ̀ŋtə ɔŋ. Bɔŋ tʉ-Nyii-kə vyíi ndəŋ mɔ bʉʼka mɔ nɔ nə kə́ chìi ndəŋ tʉŋkwɔŋ təmə nɔʼ bɛ́ŋ ɔŋ fɛ.14Tiekətʉ-yʉʼʉ nɔ kə dʉ̀ʼ buuŋjyu yɔ́ŋyɔ́ŋ-ɛŋ tʉ mɔ, kɔ́ mɔ nə məmɔ̀ʼfyii ghɔŋbə ŋkʉ̂ʉ ndə bʉʼʉ kie ndʉʉ ndə bʉʼʉ tùotə bʉʼʉbə Klai Jiso.15Nɔ bɛ ŋgie-shʉəŋ-kə nɔ ndə bə kie ndə məbɛ́ŋ nə fyii inchəŋ mbɔ, Klai Jiso la kə gwè kəwʉʉnəmbi ndə məkwáa bʉə-bʉ̂ʼʉ, mɔ kə bɛ fɔŋ-yʉə.16Bɔŋ tʉ-Nyii-kə vyíi ndəŋ mɔ mbɔ Jiso Klai chʉʼ dʉ̀ʼ fɔŋ məyá fyii tʉ mɔ, fɔŋ wo-bʉ̂ʼʉ, mɔ chʉʼ bɛ fʉʼkənu tʉ bʉə ndə bɔ̂ŋ bu yi bɛ́ŋ ɔŋ bɔ̌ŋ bɔŋleʼ kie məchímbi təmə liʼ-i ghɔ fɛ.17K̈uŋhə ghɔŋ məgʉ́ə bɛ tʉ Nyii təmə liʼ-i ghɔ fɛ. Ɔ nɔ bɛ Fɔŋ ndə sɔ́ʼ-ɛ kie liʼ fɛ, təmə ɔ mə nə kwú fɛ, təmə bə kə́ nyíɛ ɔŋ fɛ, nɔ bɛ haʼ ɔ bɛ Nyii tətɛʼ ɔ. Ï bɛ haʼ nɔ.18Vaa-ɔŋ Timɔti, mɔ nɔ kɔ́ ŋkahə-ɔŋ mu kəghɔ-a, ndə i gwù nchəŋhə ndə nukə ndə bʉəyʉkəŋgieNyii nɔʼ kə kwə́ʼ te a. Lʉ̀ mbʉ bəŋgie ndə fɔ-chɔ̂-bə ndə məgwúu nə yɔŋ jyujyu.19Fyii ndə a mɔ̀ʼ ndəŋ Jiso Klai yá tə́nə chɔ shʉ́əshʉ́ə nə ŋkwɔʼtə jyujyu. Bəbɛʼbʉə tʉʼ yʉ́ nukə ndə ŋkwɔʼtə-yʉə tʉʼ gìe fɛ, i chìi məmɔʼfyiihə-ʉə ndəŋ Jiso Klai kùunə nə buukə bəviabəvia.20Mu bʉə-bɔ̄ŋ, nɔ bɛ Himənu ghɔŋ Alɛsaŋnda ndə mɔ nɔʼ chɔ̀ʼhə bɔŋ kɔ́ mu kəghɔ-Sata mbɔ bɔ̂ŋ chʉʼ yétə ndaa ndə məkáa mə-kə́-dʉ̀ʉhə yie-Nyii.
Tə Nyii mbʉ Tie ghɔŋbə Klai Jiso Tiekətʉ-yʉʼʉ dʉ̀ʼ buuŋjyu, tʉvyiikə leʼnə fyiighʉ́ənə tʉ bʉʼʉ.3Ndʉʉ ndə mɔ kə́ gɛ̀ Masɛdonia, mɔ fʉ̀ʉtə a mbɔ ä káa mu Ɛfɛso chʉʼ kɔ́tuu tʉ bʉə ndə bɔ̂ŋ tʉʼ dàhə ŋgieNyiikə ndə i gòʼ təmə kʉ̀ʼnə fɛ.4Téʼ tʉ bɔŋ, b̈ɔ̂ŋ káa məmɔ̀ʼ chəŋ-mbi-nduɔŋ-bə leʼnə mə-kə́-súu nubə te bətietie-bʉə ndə i kyinə lìʼ fɛ. Ñubə-ɔ̄ŋ nɔ gwè nə bəŋʉʉ. I kyinə kwáa bʉə ndə məfɔ̀ʼ nubə ndə Nyii kʉ̀ʉ fɛ ndə bə fɔ̀ʼ tíŋ hə ndəŋ məmɔʼfyiihə-ʉə ndəŋ ɔŋ.5Luu ŋkahə-ɔ̄ŋ nɔ bɛ ndə məgwè nə ŋkʉ̂ʉ ndə i gwè hə ndəŋ mu fyii tʉ́ʉnə, ŋkwɔʼtə jyujyu leʼnə ŋkɛŋ məmɔ̀ʼfyii ndəŋ Nyii təmə mbii chɔ fɛ.6Bɔŋ bəbɛʼbʉə dàhə nɔʼ kíahə ŋwɔŋtə-ʉə ndəŋ nubə-ɔ̄ŋ mɔ̀ʼ fia bɛ kɔ́ ŋwɔŋtə-ʉə ndə kwə́ʼ bənɔ̌ʼɔ.7Bɔ̂ŋ kə́ kʉ́ʉ ndə məbɛ bʉə dàhə nuʼ-Mushi, təmə kə́ kínə nubə ndə bɔ̂ŋ tʉʼ gìe fɛ byuunɔ nubə ndə bɔ̂ŋ tʉʼ dàhə nə fyii shʉ́əshʉ́ə fɛ.8Bʉʼʉ nɔ kínə mbɔ nuʼ nɔ bʉ̀ʉ kaʼ wo lʉ̀ ndə ntɛ ndə bə kie ndə məlʉ̀.9Bʉʼʉ nɔ kínə mbɔ bə kə mɔ̀ʼ nuʼ tʉ bʉə ndə bɔ̂ŋ bɛ ndyʉndyʉ fɛ, bə nɔ nə mɔ̀ʼ tʉ bʉə ndə b̃ɔ̂ŋ bə́ʼ nuʼ ghɔŋbə bʉə-kwɛ̀ŋhə, tʉ bʉə ndə bɔ̂ŋ gòʼ təmə kínə Nyii fɛ ghɔŋbə bʉə-bʉ̂ʼʉ, tʉ bʉə ndə bɔ̂ŋ gòʼ təmə kə́ kɔ́ kuŋhə tʉ Nyii fɛ ghɔŋbə bʉə ndə gòʼ təmə kə́ fàa Nyii fɛ, tʉ bʉə ndə bɔ̂ŋ yítə bətie-bʉə byuunɔ bəŋkwe-bʉə, tʉ bʉə yi bʉə,10tʉ bəŋghaa-bəsəŋ, tʉ bələŋ ndə bɔ̂ŋ tʉʼ chí ghɔŋbə bələŋ, tʉ bʉə ndə bɔ̂ŋ tʉʼ chìi vyii fʉəhə, tʉ bʉə chʉ̀ə kəlɛɛŋ, tʉ bʉə ndə bɔ̂ŋ nú gwù nə mbii byuunɔ bʉə ndə bɔ̂ŋ tʉʼ chìi nubɛʼkə təmiyɔŋ ndə i gòʼ təmə tòʼ ghɔŋbə nu-shʉəŋ-bə ndə bə tʉʼ dàhə fɛ.11Mbʉ bənu ndə bə tʉʼ dàhə nɔ bɛ yi-yə ndə i bɛ mu ntəŋjyujyu ndə bə kə chɔ̀ʼhə kɔ́ tʉ mɔ ndə məlɔ̀ʼ, ntəŋjyujyu ndə i kie məgʉ́ə gwè hə kəghɔ-Nyii ndə ɔ leʼ bɛ Nyii tʉʉjyu.12Mɔ nɔ tʉʼ kɔ́ ndɔ tʉ Klai Jiso Tiekətʉ-yʉʼʉ ndə ɔ nɔʼ kɔ́ mɔ nə ghʉəʼkə bɔŋleʼ nyíɛ mbɔ mɔ kʉ̀ʼnə tʉ ɔŋ, ɔ dùʼhə mɔ ndə wofɔ̀ʼ-ɛ,13mɔ bɔŋ fəŋ kə́ gìe bʉ̂ʼʉ te ɔ, kə́ chɔ́ŋhə bʉə-bi, kə́ chɛ̀ŋtə ɔŋ. Bɔŋ tʉ-Nyii-kə vyíi ndəŋ mɔ bʉʼka mɔ nɔ nə kə́ chìi ndəŋ tʉŋkwɔŋ təmə nɔʼ bɛ́ŋ ɔŋ fɛ.14Tiekətʉ-yʉʼʉ nɔ kə dʉ̀ʼ buuŋjyu yɔ́ŋyɔ́ŋ-ɛŋ tʉ mɔ, kɔ́ mɔ nə məmɔ̀ʼfyii ghɔŋbə ŋkʉ̂ʉ ndə bʉʼʉ kie ndʉʉ ndə bʉʼʉ tùotə bʉʼʉbə Klai Jiso.15Nɔ bɛ ŋgie-shʉəŋ-kə nɔ ndə bə kie ndə məbɛ́ŋ nə fyii inchəŋ mbɔ, Klai Jiso la kə gwè kəwʉʉnəmbi ndə məkwáa bʉə-bʉ̂ʼʉ, mɔ kə bɛ fɔŋ-yʉə.16Bɔŋ tʉ-Nyii-kə vyíi ndəŋ mɔ mbɔ Jiso Klai chʉʼ dʉ̀ʼ fɔŋ məyá fyii tʉ mɔ, fɔŋ wo-bʉ̂ʼʉ, mɔ chʉʼ bɛ fʉʼkənu tʉ bʉə ndə bɔ̂ŋ bu yi bɛ́ŋ ɔŋ bɔ̌ŋ bɔŋleʼ kie məchímbi təmə liʼ-i ghɔ fɛ.17K̈uŋhə ghɔŋ məgʉ́ə bɛ tʉ Nyii təmə liʼ-i ghɔ fɛ. Ɔ nɔ bɛ Fɔŋ ndə sɔ́ʼ-ɛ kie liʼ fɛ, təmə ɔ mə nə kwú fɛ, təmə bə kə́ nyíɛ ɔŋ fɛ, nɔ bɛ haʼ ɔ bɛ Nyii tətɛʼ ɔ. Ï bɛ haʼ nɔ.18Vaa-ɔŋ Timɔti, mɔ nɔ kɔ́ ŋkahə-ɔŋ mu kəghɔ-a, ndə i gwù nchəŋhə ndə nukə ndə bʉəyʉkəŋgieNyii nɔʼ kə kwə́ʼ te a. Lʉ̀ mbʉ bəŋgie ndə fɔ-chɔ̂-bə ndə məgwúu nə yɔŋ jyujyu.19Fyii ndə a mɔ̀ʼ ndəŋ Jiso Klai yá tə́nə chɔ shʉ́əshʉ́ə nə ŋkwɔʼtə jyujyu. Bəbɛʼbʉə tʉʼ yʉ́ nukə ndə ŋkwɔʼtə-yʉə tʉʼ gìe fɛ, i chìi məmɔʼfyiihə-ʉə ndəŋ Jiso Klai kùunə nə buukə bəviabəvia.20Mu bʉə-bɔ̄ŋ, nɔ bɛ Himənu ghɔŋ Alɛsaŋnda ndə mɔ nɔʼ chɔ̀ʼhə bɔŋ kɔ́ mu kəghɔ-Sata mbɔ bɔ̂ŋ chʉʼ yétə ndaa ndə məkáa mə-kə́-dʉ̀ʉhə yie-Nyii.
Wycliffe Bible Translators, Inc.