Read SAAMUNƆ 77

SAAMUNƆ77bus_sim

Luda dↄnlɛ bɛgɛkɛna nawɛ̃a guu

Asafa lɛ̀.

¹Ma wii pɛ̀ Ludazi ma à sìsi,ma wii pɛ̀ Ludazi lɛ à ma yã ma.²Kɛ̀ má kú nawɛ̃a guu ma Dii kii wɛ̀tɛ,ma ↄ sɛ̀ musu gwãavĩ kámmabona sai,ma làakari wè à kpáɛro.³Kɛ̀ ma laasuu tà Luda kiia, ben ma ã'ã,kɛ̀ ma à yã wàari pà, ben ma suuna kɛ̀.⁴N ma wɛ́ɛ tɛ̃̀ iii,ma gↄ̃ bídi guu ma kora yãzi mà o.⁵Ma dↄ yã ziinↄnkↄ̃n wɛ̃̀ kɛ̀ gɛ̃̀tɛnↄ.⁶Ma laasuu lɛ̀ ma swɛ̃̀ guu gwãavĩ,ma a zĩnda là mà wɛtɛ mà dↄ̃.⁷Ma bè: Dii gìwazi mámmann yↄ́?À pↄↄ é kɛwa nna dↄroo?⁸À gbɛ̃kɛɛ yã̀a mámmann yↄ́?À yã égↄ̃ fɛɛna gurↄ píngin yↄ́?⁹Wa wɛ̃ndagwana yã sã̀ Ludann yↄ́?À pↄ fɛ̃̀wazi, eé sósobi kɛwao dↄroo?¹⁰Ben ma bè: Yã kɛ̀ ↄ̃̀maan yɛ̀.Luda Musude ↄↄ bùsawe.

¹¹Mɛ́ laasuu lɛ́ Dii yãbↄnsaɛnↄa,mɛ́ dↄ yã kɛ̀ à kɛ̀ yãanↄn.¹²Mɛ́ n dabuyãkɛnanↄ wàari pá píngi,mɛ́ n yãbitakɛnanↄ da ma swɛ̃̀n.¹³Luda, n zɛ́ kú adona.Dii kpare bíta bè à kà lán wa Luda bà?¹⁴Ḿbe Luda yãbↄnsaɛkɛri ũ,n n gbãaa mↄ̀ boriinↄnɛ.¹⁵N n gbɛ̃nↄ mì sì kↄ̃n n gã̀sã gbãaao,wamↄwa Yakubu kↄ̃n Yusufu boriinↄ.

¹⁶Kɛ̀ ísia wɛ́ɛ sìnlɛ Luda,kɛ̀ ísia wɛ́ɛ sìnlɛ, ben à kↄ́tↄ kpà,à dègedege ai a lↄ̀n.¹⁷Ludambɛɛ í kwɛ̀ɛ,lapatana kĩi gↄ̃ dↄ musu,n kànↄↄ e fãa loupina ũ.¹⁸N pũtãna kĩi dↄ zàga'ĩa guu,n loupina anduna pù píngi,tↄↄtɛ kɛ̀ gìri, à nìgãnigã.¹⁹N zɛ́ bↄ̀ ísiaan,n gɛ̃kii kɛ̀ í bítanↄ dagura,wèe n kɛ̀sɛgbɛ ero.²⁰N dↄ n gbɛ̃nↄnɛ aɛ lán sã kpàsa bàMusa kↄ̃n Arunao gãzĩ.

SAAMUNƆ 77 / bus_sim

Luda dↄnlɛ bɛgɛkɛna nawɛ̃a guu

SAAMUNƆ77bus_sim