Read SAAMUNƆ 32

SAAMUNƆ32bus_sim

Durun'ona Ludanɛ

Dauda lɛ̀.

¹Aubarikadeen gbɛ̃ kɛ̀ Luda pↄ́ kù à taarinↄlaà à durunnↄ kɛ̃̀nɛ ũ.²Aubarikadeen gbɛ̃ kɛ̀ Dii è à durun yã daroo ũ,bensↄ̃ mↄnafiki kú à nↄ̀sɛ guuro.

³Kɛ̀ ma yĩtɛ kↄ̃n ma durun-o, ma yãyã,ma wiii ègↄ̃ dↄ zaa kↄngↄ ai uusiɛ.⁴N ↄ tↄ̃̀ma fãantɛ̃ kↄ̃n gwãavĩo,ma gbãaa yã̀a lán guwãagurↄ ↄfãntɛ̃ bé à ma lɛɛ bà.⁵Ben ma wennɛ ma durunzi,mɛ́ɛ ma yã zaaa utɛnnɛ dↄro.Ma bè, mɛ́ ma taarinↄ o Diinɛ,ben à ma durun kɛ̃̀mɛ.

⁶Beee yãnzi n náanɛkɛri wɛ́ɛ kɛmma a gurↄↄazi,tó yã zĩ'ũu e mↄↄ, eé à lero.⁷Ma utɛkiin n ũ,nɛɛ̀ ma bↄ wɛ́ɛtãmma guu,nɛɛ̀ ligamazi ǹ ma mì sí.

⁸Mɛ́ yã dannɛ mà n da zɛ́ kɛ̀ dɛ ǹ sɛ́a,mɛ́ lɛ́ damma, ma wɛ́ɛ gↄ̃ tɛ́nzi.⁹Ǹtongↄ̃ kuu laasuu sailán sↄ̃ ke bãagãsↄ̃ bàro,tó nɛ́ɛ aizi káńnɛ kↄ̃n a bàoro,aↄ̃è da n dↄ̀rↄaro.¹⁰Yã'ↄ̃amma è da gbɛ̃ zaaanↄla,Dii yenzi è liga à náanɛkɛrinↄzi.

¹¹Gbɛ̃ maaanↄ, à pↄnnaa kɛ Dii yãnzi,nↄ̀sɛpuradeenↄ, à guda kɛ à yáa dↄ.

SAAMUNƆ 32 / bus_sim

Durun'ona Ludanɛ

SAAMUNƆ32bus_sim