Read SAAMUNƆ 139

SAAMUNƆ139bus_sim

Dii yã sãnda píngi dↄ̃

Dauda lɛ̀.

¹Dii, n ma yã gwàgwa ń dↄ̃̀,²ń ma vɛ̃ɛna kↄ̃n ma fɛɛnao dↄ̃,zaa zã̀azã ń ma laasuunↄ dↄ̃.³Nɛɛ̀ ma táa'ona kↄ̃n ma daɛnao tàasi kɛ,n kↄ̃ dↄ̃̀ kↄ̃n ma yãnↄ píngi.⁴Lɛ yã kpɛ́ à bↄ ma lɛ́n,Dii, ń dↄ̃ sãnsãn.

⁵Ń ligamazi kpɛɛ kↄ̃n aɛo,n ↄↄ kúmala.⁶Dↄ̃na beee dɛmɛ dabuyã ũmɛ,à dɛmala, ma ↄ̃ndↄ̃ↄ e káaro.

⁷Mán mɛ́ gán mà kɛ̃ n Niniia?Mán mɛ́ bàa sí mà gán mà koranzii?⁸Tó ma fɛɛ ma gaa musu, ń kú gwe!Tó ma daɛkii kɛ̀ gɛ̀wãan, ńyɛ gwa!⁹Tó ma fɛɛ ma gaa ↄfãntɛ̃bↄɛ kpa,tó ma gaa vɛ̃ɛ ísia baa ↄfãntɛ̃gɛ̃kpɛn kpa,¹⁰baa gwemɛ má na n ↄzĩ,nɛ́gↄ̃ ma kũna n ↄplaao.

¹¹Tó ma bè gusiaa damala,ke gupuraa kɛ̀ ligamazii li gwãavĩ ũ,¹²guu ègↄ̃ siannɛro,gwãavĩ ègↄ̃ dɛnnɛ lán fãantɛ̃ bàmɛ,gupura kↄ̃n gusiaao ègↄ̃ sɛ̃nkpɛnnɛmɛ.

¹³Ḿbe n ma guu kɛ̀,n ma í kàsa ma da gbɛɛɛn.¹⁴Ma sáabu kɛ̀ kɛ̀nnɛ ma kɛna naasi vĩbensↄ̃ à yãbↄnsaɛ vĩ.N yãkɛnanↄ è bↄ ń saɛ,má dↄ̃ sãnsãn ma nↄ̀sɛn.¹⁵Gurↄↄ kɛ̀ n ma í kàsa nɛ́'isↄ guu,ma wá kee utɛnannɛro.Kɛ̀ ma mɛ̀ e lii asii guu gwe,¹⁶n wɛ́ɛ sì ma nɛ́gberelɛ.Lán n ma gurↄↄ dìɛ nà píngi,à lɛ́ kú n takadanzaalɛ à kee e naaro.

¹⁷Luda, n laasuu bɛ̀ɛ vĩmɛ maamaa,à lɛ́ vĩro fá!¹⁸Tó má yezi mà naro,aↄ̃ↄ pari dɛ bùsu'ãatɛ̃la.tó ma vu,mɛɛ̀gↄ̃ kúnyo ai tia.

¹⁹Luda, tó nɛ́ gbɛ̃ zaaanↄ dɛdɛ dé?À gumala a gbɛ̃dɛrinↄ!²⁰N ibɛɛnↄ è n yã o kↄ̃n nↄ̀sɛ zaaao,n tↄ́ bɛ̀ɛ vĩ n lɛ́nlo.²¹Dii, mɛɛ̀ za gbɛ̃ kɛ̀ aↄ̃ zanguunↄnloo?Mɛɛ̀ gí gbɛ̃ kɛ̀ aↄ̃ fɛ̀ɛnzinↄ kãzi.²²Má yãke vĩńnɛro, se zangu,mɛɛ̀ ń diɛ ma ibɛɛnↄ ũmɛ.

²³Luda, ǹ ma gwagwa ǹ ma nↄ̀sɛ dↄ̃,ǹ ma yↄ̃ ǹ ma gwa ǹ ma laasuu dↄ̃.²⁴Ǹ gwa tó má laasuu zaa ke vĩ,ǹ ma da zɛ́ kɛ̀ ègↄ̃ kuu gurↄ píngia guu.

SAAMUNƆ 139 / bus_sim

Dii yã sãnda píngi dↄ̃

SAAMUNƆ139bus_sim