Read YAASINƆ 18

YAASINƆ18bus_sim

¹Zĩnda pↄyezi è dↄ gbɛ̃ kɛ̀ è kɛ̃ḿmanɛ aɛ,è gí lɛ́damma píngizi.²Yↄ̃nkↄↄ è pↄnnaa kɛ làakari yã musuro,yã kɛ̀ bↄ̀ à lɛ́n è o.³Zaakɛna è mↄ́ kyakanguomɛ,kpɛbↄyã è wí ińnɛ.⁴Gbɛ̃ntee lɛ́gbɛ nɛ́ í lↄ̀mɛ,swa'i bàalɛnamɛ, íbↄki wɛ̃̀ndideemɛ.⁵Kɛna zaakɛrinɛ kɛ̀rɛkɛrɛke yãkɛna taarisaideenɛ lɛ̀kpɛɛ maaro.⁶Yↄ̃nkↄↄ lɛ́ è à da swèen,à yã'ona è à kpá gbɛ̃nazi.⁷Yↄ̃nkↄↄ lɛ́ è à yaka,à yã'ona è à kũ lán takutɛɛ bà.⁸Gbɛ̃peri yã è kɛńnɛ lán zↄ́ bà,è gɛ̃ lɛ́n dↄ̃̀ↄ ai nↄ̀sɛ guu.⁹Gbɛ̃ kɛ̀ è pã kpá a zĩizi nɛ́mↄ́nzide dãaromɛ.¹⁰Dii tↄ́ nɛ́ utɛki lezĩmɛ,gbɛ̃ maaa è bàa lɛ́ à gɛ̃̀n à aafia e.¹¹Ɔↄde auziki dɛnɛ lán wɛ́tɛ kɛ̀ wà lɛ̀kaa lìgazi bà,lán bĩi kɛ̀ weé fↄ̃ wà didiaroo bà.¹²Zĩndasɛna lezĩ è mↄ́ gbɛ̃nɛ kↄ̃n lɛɛnao,zĩndabusana è mↄ́ bɛ̀ɛo.¹³Gbɛ̃ kɛ̀ è weńla swãkpana sai,mìsaikɛɛ kↄ̃n kpɛbↄnao gↄ̃̀nɛ.¹⁴Kãgbãakɛɛ è gbɛ̃ gba gbãaa gyãpɛa,mↄde dé bé eé pↄsiaa fↄ̃ↄ?¹⁵Làakaridee è yã dada a swɛ̃̀n,ↄ̃ndↄ̃dee swã ègↄ̃ dↄ dↄ̃nazi.¹⁶Gbaa kɛ̀ gbɛ̃ dà è zɛ́ kɛkɛnɛ,è zɛ́ wɛ̃nɛ gana gbɛ̃nsinↄ kiia.¹⁷Gbɛ̃ kɛ̀ yã ò káakun wè à gwa yãnnadee ũ,ai à ibɛɛ gↄ̃ gá à ɛgɛ bo.¹⁸Kàbankpɛkɛna è swèe mì dɛ,è gↄ̃sa gbãaanↄ yokↄ̃a.¹⁹Danɛ kɛ̀ wà taari kɛ̀nɛ yã ègↄ̃ gbãa lán bĩi bà,aↄ̃ swèe dɛ lán zɛ́tatana kↄ̃n lɛ̀o bà.²⁰Yã'ona dↄ̃ↄ è mↄ́ gbɛ̃nɛ kↄ̃n kãnao,à lɛ́gbɛ è tó pↄ́ mↄ́a.²¹Gaa kↄ̃n wɛ̃̀ndio kú lɛ́mmɛ,gbɛ̃ kɛ̀ ye yã'onazi è a gbɛ̀ e.²²Gbɛ̃ kɛ̀ nↄↄ è ń sɛ́ n pↄ́ maaa è,aubarika beee bↄ̀ Dii kiiamɛ.²³Takaasidee è yã o wɛ̃ndawɛ̃nda,auzikidee è weńla gbãngbãn.²⁴Gbɛ̃nna bɛrɛkɛtɛ è à zaaa ińnɛmɛ,gbɛ̃nna kenↄ kuu aↄ̃ègↄ̃ na gbɛ̃a dɛ ua gbɛ̃la.

YAASINƆ 18 / bus_sim

YAASINƆ18bus_sim