Read YAASINƆ 11

YAASINƆ11bus_sim

¹Dii zà pↄ́yↄ̃na kↄ̃n mↄnafikion,kilooyↄ̃na súusun à yezi.²Zĩndasɛna lezĩ è mↄ́ wíyão,zĩndabusanan ↄ̃ndↄ̃yã ũ.³Gbɛ̃ maaa nↄ̀sɛpuraa è a da zɛ́a,náanɛsaidee nↄ̀sɛ zaaa è à yaka.⁴Auziki àre vĩ yãkpaɛkɛgurↄↄ zĩro,yãkɛna a zɛ́a sↄ̃ è ń sí gaaa.⁵Taarisaidee maakɛna è zɛ́ poronɛ,zaakɛri zaakɛna è à nɛ.⁶Nↄ̀sɛpuradee maakɛna è à bↄ,náanɛsaide pↄ́nidɛna sↄ̃ è à kũ.⁷Tó gbɛ̃ zaaa gà, à tãmaa è mì dɛ,pↄ́ kɛ̀ à náanɛkɛna a gbãagurↄ píngi è yãa.⁸Gbɛ̃ maaa è bↄ wɛ́ɛtãmman,ben gbɛ̃ zaaa è gɛ̃n à gɛ̃ɛ ũ.⁹Ludayãdarisai lɛ́ è à gbɛ̃daaa yaka,mↄde dↄ̃na è gbɛ̃ maaa bↄn.¹⁰Tó gbɛ̃ maaanↄↄ kú nnamanan,wɛ́tɛ ègↄ̃ nna,tó gbɛ̃ zaaanↄ gàga, wè guda kɛ.¹¹Wɛ́tɛ è kaara nↄ̀sɛpuradeenↄ gãzĩ,gbɛ̃ zaaanↄ lɛ́ è wɛ́tɛ dɛ.¹²Faasaidee è a gbɛ̃daaa fabo,làakaridee è a lɛ́ kũ.¹³Kↄmↄtↄdee è bↄ asiiyão gupuraaa,gbɛ̃ náanɛdee è ń asii ta.¹⁴Dↄn'aɛdesaikɛɛ è tó gbɛ̃nↄ fu,yãkɛkɛri pariinↄ è tó wà zĩ̀ ble.¹⁵Tó n gbɛ̃ pãnde fĩa dì n musu,n ka wɛ́ɛtãmmalamɛ,gbɛ̃ kɛ̀ a ↄↄ bↄ̀ɛn è gↄ̃ a làakaria.¹⁶Gbãamↄnnɛri ègↄ̃ auziki vĩ,mↄde nↄgbɛ̃ nↄ̀sɛmaadee ègↄ̃ bɛ̀ɛ vĩńnɛ.¹⁷Sùudee è maaa i a zĩndanɛ,gbɛ̃ pãsĩ è a zĩnda kpá nawɛ̃azi.¹⁸Gbɛ̃ zaaa asaia ègↄ̃ aubarika vĩro,yãmaatↄ̃ri è àre e yãpura.¹⁹Kuuna maa yãpura è ń ká wɛ̃̀ndia,tɛna à zaaazi è mↄ́ gaao.²⁰Dii tɛ̃̀n nↄ̀sɛzaadeenↄ ũ,à pↄↄ è kɛ nna taarisaideenↄa.²¹Yãpura, gbɛ̃ zaaanↄ é bↄ pãro,mↄde gbɛ̃ maaanↄ é bↄ aafia.²²Lán vura tãnga dɛ nà alɛdɛ yĩn,lɛn nↄ maa ↄ̃ndↄ̃saidee dɛ lɛ.²³Gbɛ̃ maaanↄ pↄyezi è ń ká nnamanan,gbɛ̃ zaaanↄ tãmaa è ń nɛ.²⁴Gbɛ̃ kɛ̀ è gbaa daa è kaarana e,gbɛ̃ kɛ̀ gì pↄ́ kɛ̀ dɛ à kpá kpázi è gↄ̃ takaasimmɛ.²⁵Gbɛ̃ntee aubarikadee é nnaa ma,gbɛ̃ kɛ̀ è ń pↄ́yĩi kũ é pↄ́yĩi e se.²⁶Wè gbɛ̃ kɛ̀ è pↄ́wɛɛ utɛ ká,wè sa maaa o gbɛ̃ kɛ̀ è yáḿmanɛ.²⁷Gbɛ̃ kɛ̀ è à maaa wɛtɛ égↄ̃ nna kↄ̃n gbɛ̃nↄ,gbɛ̃ kɛ̀ è à zaaa wɛtɛ, yã zaaa é à le.²⁸Gbɛ̃ kɛ̀ è a auziki náanɛ kɛ é lɛ́ɛ,gbɛ̃ maaa è ↄ tá lán lí ládee bà.²⁹Gbɛ̃ kɛ̀ yã ì a uanɛ é gↄ̃ kori,yↄ̃nkↄↄ é gↄ̃ ↄ̃ndↄ̃dee zↄ̀ ũ.³⁰Gbɛ̃ maa yãkɛnnɛna nɛ́ lí wɛ̃̀ndideemɛ,gbɛ̃ kɛ̀ è gbɛ̃nↄ ee ↄ̃ndↄ̃ↄ vĩ.³¹Zaakɛ Luda è fĩa bo gbɛ̃ maaanɛ andunan,weé ludayãdarisai kↄ̃n durunkɛrio pↄ́ o dↄↄ́?

YAASINƆ 11 / bus_sim

YAASINƆ11bus_sim