ጌስ ኩማኮክ ዎኖ
1ሂካኮ አባባተረ ቦላክ ጉምቢ ካኮባናራና ሳንሳላታ ገነቴሳይ ካአባተራ ኤርግቻት ዳሩርኮ ዳጋ ግራን አን ዴ፤2ዶቦስ አበጉረ ጌስ ኩማ ሽየ፤ ሂክ ዶቦንሳ ዱርሳ ጎርቱን ጻላየ ታአማማቶ ካሆሬ ሀበሳያ፤3ሂክ ዶቦስ እባዶ ጎጎሶቦንኮ ጌስ ኩማ ታ አማጋምሮን ኤርግቻት ሂካ ዶቦስ ቦዋክ ጉምቢ ኦሮዴሰ ሉጉደ፤ ጩፈጉረ ካካለ ማዮና ጎጎባኖንኮ ማታማ ካየ፤ ኤሰኮ አባባይረ ጎራታ ክጫሩን ኡሱ ፉራሚን ዶትሳራ።4ኤሰኮ አባባየረ አን ኮርፍንጄል ዴ፤ ኡሱ ኮርፍንጄል ጉት ካኮፍርዲሮ ኦዶናት ካአቦ ካሀማጼሮ ዴ፤ ጋራ ካየሱሳ ማንኮአቶቴራን ማራና ሃፉራ ካዋ ማራን መተክሶ ካኮጎሳመሮ እባዶኮት ኔፎ አን ዴ፤ እሶ ሱላለዉና ምዲ ታሱላለን ሳጋዶን ኦግራን ማላታኬሳ በቤድትሶይና ሌረ ገነትሶይ ጉት አንካኖን ኦግራንያን፤ እሶ ጎይኮ ኬንጉረን ክርስቶሳነ ዎታ ጌስ ኩማ ሬደን።5ካሄሰረ ካጎየራ እባዶ አደ ጌስ ኩማ ታአማጋምሮ ጎይኮ ላኮኬራን፤ ህክና ካሆራርጄ ጎይኮ ከያኖያ፤6ካሆራርጄ ጎይኮ ከያኖ ኦሄላቴራን ኦሶማሳሜና ቁሎሌያን፤ ካላም ጎይ እሶ ጉት ኦዶናት ላኮአቦ፤ እሶ ኦዋና ኦክርስቶሳ ቱቃሞል ልናራን፤ ክርስቶሳነ ዎታ ጌስ ኩማ ሬድናራን።ጻላየኮክ አዎዳማኖ
7ጌስ ኩማ ካኮጉዳተ ጎራታ ጻላየ ሻኖኮ ፉራምናታ፤8አላም ዱባ ጉት ካግሮ ጎሳ ጎግና ማጎግ ሶቢና ጀሬን ቶስ ታብስን ኤመይናራ፤ ሞጋንክሶና ላቡ ታግቶ ጨካለ አንያ።9እሶ ኡል ዱባ ጋምባሜን ካቁሎሌ ማማና ታጌላታንተቶ ካታማ ማራሙረን አበን፤ አየሱን ጎአመን ኤለን ዳሩርኮ ዳይደ እሶ ጉብተ ባሰ።10እሶ ካሶበረ ዱርሳ፥ ሱላለትና ካጣራ ካሄገሮ ማንኮግሮ ሬስ ታኮጉባታሮ ባድ ታኤሌነቲ ኦሮዴ ሻፋመን፤ ኤሰ አሪና ሄመን ጅሩ ጅሮማኮ ታ ጅሩ ጅሮማ ጌሮን አቦሳምናራን።ካጋቾ ፍርዳ
11ሂታኮ አባባየረ አን ካንጂንክ ጉማራክ ኮርፍንጀና ኮርፍንጄ ጉት ካሀማጼሮ ዴ፤ ኡልና ዳሩርና ሆረቴሳኮ ባቃተን፤ ባንኤና እሶን ላኮሄላንተ፤12ካጎየሮ እባዶ ካጪጫርና ካጂንጂ ኮርፍንጄ ሆረ ካአሌሮ አን ዴ፤ ማጻፋልና ባናመ፤ ካግር ማጻፋ ካሌራ ካካለ ማጻፋና ባናመ፤ ኦጎየራና ማጻፋ ፈሎኦትሶ ጻፋሜን ጎጎግራንክ ማለ ፍርዳ አታቴን፤13በከና እሶ ኦሮ ካግሮ ካጎየሮ ስሰን፤ ጎይና ቦዋና እሶ ኦሮ ካግረ ካጎየሮ እባዶ ስሰን፤ እባዶ መተመቴ ፈሎኦቴሳክ ማለ ፍርዳ አታተ፤14ጎይና ቦዋና ባድ ቶስ ሻፋመን፤ ህት ታኤሌነ ባድ ካላምክ ጎይያ፤15መገኬሳ ካግር ማዝጋባይ ጻፋም ካግኖን ዱባ ባድ ታኤሌኔ ቶስ ሻፋመ።