1Wo co terka fulen kerer Yecu kritti bi bwe kwama.2Nawo mulangnum mwor icaya nii tomangeu, To mi tung nii tomange mii ti kabum mwem wuro a ywel mwen nure tiyeu.3Diro wo cuo bi cuor ti mwor yere ywelum nure kwamau, kom ywel nure cew na tiken cer.
Yowana bow, yu mwem kwamam boti mor yere, yila ci merang nubo nen yila kakoti wo aboutiki tabka bwirang kerekeu.Mor bi ten Juda gwam kange nubo Urcalima cerangu yaken cinen. cin yu cinen mwem kwamambo mor carci urdu, laci tok bwiranker cero ti.Yowana dum ki belle yiri telemer kange tei bwam fercere, cari cero bikwanke kange ywiti to kiyeu.
4Yowana bow, yu mwem kwamam boti mor yere, yila ci merang nubo nen yila kakoti wo aboutiki tabka bwirang kerekeu.5Mor bi ten Juda gwam kange nubo Urcalima cerangu yaken cinen. cin yu cinen mwem kwamambo mor carci urdu, laci tok bwiranker cero ti.6Yowana dum ki belle yiri telemer kange tei bwam fercere, cari cero bikwanke kange ywiti to kiyeu.7Cin toki ki Nii kange atin bwou bwigobmib wo kwami layereu, dukka taceko milabo cungi nami kwiye.8Miki yu kumen mwem kwamam bo ki mwem, dila ca yukumen ceki yuwa tangbe ko wuccakeu.9Layilam nyo ki kume tinimbo curo Yecu ceru nazared mor Galiliri, la Yuwana yucimen mwem kwamambo mor carci urdunen.10Kambo Yecu cerou mor mwekyeri cin to lo kwamau wumom dila yuwa tangbeko yirau dorcer na nagumfe yii ti lakwom cem.11Diro yirau di kwama, kiwo cu bwe neremiu min nuwa luma mwekti.12La yuwa tangbeko cuk co naci yaken mor yere.13Cin wi mor yere kume kwina'ar bwe kelkeleu cuwa coti ci wari kange nange kiye, la-nob tomangeb bo bow macinen nangenti14La ki kwama wo ci tam Yuwana ri, Yecu bou mor Galili merange fullen ker kwamaroti.15Cin toki, ki “kwama diim la liyar kwamaro darum yuloten kom ciya kange fullen kerero”.16Ki kwama wo ci yakenti cunge wima Galiliye, cin to cimon kange Andirawu Kece ci mer biliyar mor wima wori cin nob taka jingeb.17Yecu yici, “kom bou kom bwangtenyeri man yilam ki kom nob taka nobeb”.18La danjang danjang cin dubom biliyaro ri cin bwangten co.19Kambo Yecu yakenti kab bi duwareri cin to Yakubu bibwe zebedee kange Yuwana kece, ciki no mor tokum bwatiyem ci ywilan biliyar certi.20Cin cuo ci lacin dubom tece zebedee mor tokum bwatiyen bo nin kange canga bo ci tuweu, la cin bwanten c.21La cin bou mor kafarnaumeri, ki bidiye fobkari, Yecu yaken mor Bikur waber la meranyi.22Merangka ceko yila cinen diker nyimanka wori cin merang cimen niwo kibi kwan kere reu la kebo na nob mulankab.23Ki kwama cuo ni kange wii mor bi kur waber cero nin wo ki yuwa tangbeko bwir kwa dir kibi kwan.24Ciki ye yonyowi kange mwe, Yecu wo Nazared deu? mwibow namwi twellangum nyoka? min nyumum we mo. muna wo kwamace wucakke.25Yecu werang kelkelito ciki kumom na cerucinen?26La yuwa tangbeko bwirko kwaco mirang wi bitine Yila cerum cinen ki kwamawo ci werna kiyange27Nubo wiyak nyimangi la cin mekang bwiticeu “Ye wo? merang kako fwir ki bi kwan keret! cin yi Yuwa tangbeko bwir ker kibi kwan neret di ciin bwangten dir cero!28Fulen keret cero wam mor biten Galili nin wiyak.29Kambo ci ceriu mor bikur wabereri, cin bou mor luwe cimone kange Andirawuc ci wari kange Yakubu kange Yuwana.30La fer cimone nawiyeu damda nuwabo luma ki kwiirombwim la cin yi Yecu ker cero.31La cin bow cin tam kangceko cin kung cori la kwiimrom bwimbo dubomco, la cin teri ci macinen cariti.32Ki me cuo kambo kwama yarum meri, ciin borang cinen Ki nubo nuwarangbo lumau kaka nubo ki kelkeliyeu.33Cina loro gwam mweri wari nyilok.34Nubo kila wo nuwa bo luma ki wang twirankeko ki dimen kidimeneu ri cin cikangum kelkelito kila la ci dobbo kelkelito a tokker wori ciin nyimon co.35Cin kweni ki gwamje bwiri kumeu wi cin yaken fiye nob maneu la cin kwob dilo wii.36Cimon kange nubo ci wariyeu do co.37Ci fya cori cin yi coki “nubo wuyak donenti”.38Ciki “kom biya fiye kange mor cunnukertimbo ken tngeum, beu nabi merangi wi ken co diker bowkimo fea.39Cin yaken biten Galili gwam merangti mor bikur waber cer kange cokka kelkelib.40Nii wale kan-nge bou cinen ci ken coti, cin cungen bitineri layin coki “no mwi cii tiri, mwatin yilam kimo wucak”.41Dim ki winangtum, Yecu tar kanceko keco, layi ki “mi ki cui yillam wucak”.42Danjang -Danjang waleu dubom co, lacin yilam wucak.43Yecu macmen biweret ducceri la yico ki ciyakenti.44Cin yico, “ciyare yi kange Nii diker la yari nun dor mwero nii wabenen na twi nuwanko ficange wo wucak mweko cew nawo nerofun muncaro togeu, na buka kange ko ce.45Dila cin ceri kaleri cin yoten tok kako yanglang laci waa kero la Yecu mani a certi cinar lor yanglangeu dila cin yaken fiye nob mani wiyeu duwal nubo yarankenti cimen fiye gwam. Dimero 21kambo ci yilau kafanaum kume tini biduwar cumeu lan nuwam ki cii wii lo.2ducce mweri wi wo fiye kumbo wiyeu ki nyilocek, la Yecu yicii kero.
Dila nubo kangembo boutiki kilenir nubo naar tum ki ce.Kambo mani ci lati bido kange co wori nuo dim fye cuo ri cin wumom dor kuwero dong dong fye Yecu time kambo ci wumbuwakeri cin cuku biciri wo kilendo damdor cereu.
3Dila nubo kangembo boutiki kilenir nubo naar tum ki ce.4Kambo mani ci lati bido kange co wori nuo dim fye cuo ri cin wumom dor kuwero dong dong fye Yecu time kambo ci wumbuwakeri cin cuku biciri wo kilendo damdor cereu.5Ki toka bilenkercerori, Yecu yi kilen niro “bwe bwirang ker tini mwero an tabum cuo.6ls nob mulangkabo kangembo yim wiri cin kwabi mor nere ce.7Man yi niwo a tok ti nawe? cin man dur we tab bwirang kerer tiye. dila kwama kikwace.8Dangjang Yecu nyumom mor tangbece yeci kwati tiber cere, cin yi ci “ye bwi com kwa wuro ti mor nere kume?9Ye bwaibe ayi kilen niir tiye bwirang keti mwero tabum kaka na yiki kwen ti, tum biciri mweu ayakenti.10Dila nako nyumom komki bibwe nifire wiki bikwan keret dor bitiner na tabum bwirang keret cin yi kilendo.11“Min yinen, kweniti tum biciri mweu na mwa yakenti lomo.12Cin kweni cin ti dangjang dangJang tum biciriu la cerum mor luwe nin kabum nubo gwam na yila cimen diker ynumankar gwame la cin ne kwama duktangka la cin yiki, nyi tombo dikero kange ni nuwau.13Cin cerken kale tak kong cuarek la kacinube gwam bou cimen di cin merang cimen.14Kambo ci cuken tiyeri, cin to lewi bibw lfayo yim fiye yime nob oka dorek la cin yila bwangmen ten. cin kweni lacin bwangcinenten15Yecu wiki cikka la levi kange kangenob yoka dorer ducce kange nob mwiang kerer cati wari kange co kange nob bwang kabcebo wori nubo nkila lacin bwang cimen ten.16Kambo nob mulangkab, wo no dinglibbeu to Yecu cati kange nob bwirangkeret kange nob yoka dorekeri cin yi nob bwankako ye bwi ci cati kange nob yoka doreke bwangkacebo kange nb bwirangker.17Kambo yecu nuwa weri cin yi ci nubo kwamer bwiyeu mani cai ni twakati dila kan nubo nubo nuwa lumau cii cotiye. ma boubo nami cuo nubo wo cak-cake dila nob bwirangkerer.18La nob bwangkab Yohanabo kange nob dinglingeb yim ngak nubo kangmbo bow la yicu “Ye bwi nob bwangka Yohanna bo kange nob bwangkabo nob dinlngebo yim ngak ri nob bwanga mwebo yibo ngange?19Yecu yici “farub niwo ki bincu atin yi dilomeu ngak kaka ki wura ki kwamawo niwo kibneu wi wari kange ciya? tano niki bincuwe kange ciri, mani ciya yiti (Ngak ki wura kaka ki dilomwe).20Dila kumeni atin bau wo ciya tum ni ki bineuti cineneu, la ki kumeni curori ciyatin (yiki yi Ngak dulomweu kange wura).21Ni mani wo a cur fiti kwilene fwir ti dor kwilendo car, kebo nyori wo taltiyeu ati woram wi bwilco, carko bwi fir ko nen, dila worakako antin bwira22Ni mani wo a corten mwem bituttuimbo fwir ti mor benti lando cereu kebo nyori mwem bituttuimbo an fwii dila ni atinn la bantilando kange mwem bituttutuimbo Nyori mwem bituttuimbo fwir ko a cori mor bangtilando fwir.23Ki diye kakuk fobkak, Yecu do or to cange dila no bwangkabcebo yoten kyang dor cange roti.24Nob dinklibo yico “too ye bwi cima dikero kange ti fwam werfun kakuk fobkake?”.25Cin yici, km kiye bo inye Dauda mane ki kwamawo ci cwi dikerti takeu ci nuwa wurati ci kange numo wo ci wariyeu.26Kambo ci doken mor lo kwama ki kwama wo Abiyatar co nii biwabero dur keu, la cin cam tiilita wo daten bo kange no kebo ni werfun di acatiye yila cinnen nubo wo kange ce nin?27Yecu yiki, die fwob kabo ci mam ki nii ci mabo nii ki diye fwobka.28Nyori bibwe nii tee luwe wiyak kange wo diye fwobkakoe. Dimero 31La Yecu yila ten mor bikur waber la nikange wo Yecu kanko nom-nokeu.2Nubo kangem cii cinen ten niwe naci to keno can tam niwo ki kakon fobka di na ci mwelcinen ti dor.
Yecu yimom kanko nomnowen, kwentittiye tiber nobero gwam.la co i nubo ki daten a ma dikero ken ki kakuk fobkak, kaka a madiker yorbeu, a cer dume kakaa twal dume? la cin kumangum
3Yecu yimom kanko nomnowen, kwentittiye tiber nobero gwam.4la co i nubo ki daten a ma dikero ken ki kakuk fobkak, kaka a madiker yorbeu, a cer dume kakaa twal dume? la cin kumangum5La con to ciki funer, nercero kayam kaya kibi kwan duwer cin la co yi nii co, tarken kanmweko la can tarken kance kori la Yecu tamco.6La faricawa ceri wulom-wulom yaken fiye nubo lo Hiridu wiyeu la tokkangum nure wo ciya twalum co tiyeu.7La Yecu kange bibei tomange ceu ci yaken koncaci la nubo kila bwang cinenten, tabti Galili kange Yahudiya.8Tabti Urcalima kange Edom kab kange Urdun kange kentankako Tayau kange Cido. La ci nuwa dikco matiyeri nubo kila bou cimen.9La ci mwe bibei tomangeb ceu a docimen nabire mwenge biduware a timtiye worinubo kila, kati yilo ci kwenan cinenten.10Con too nubo kila kila, wo nubo twirau doti kawo naci kem bwiciu.11No na kelkelibo tocori ciki cung cung kaaco ci kwa kiyange kibi kwan ciki mo bi bwe kwama.12La con yi cikibi kwan ci a dok re nubo a nyomom co.13La con kwiken dor banged, la con co nubo co cui tiyeu, co ciya cinen.14con cokum kwob cilombo yobeu (con co cibibei tomange) buro a yiti kange ceu, naco twom ci naci tok fulen kereroti.15Con ne ci bikwan kerer wo ci a cokum kelkelibotiyeu.16Con cokum nubo kwob cilombo yob, won caminu co ne co dendo Bitru.17Yakubu bi bwe Jabadi kange Yuwana yii Yakubu, wo ca ne ci dendo Buwanarji no co bibei kunye.18Kange Andirawu, kange Filibu, Kange Batilomi, Kange Matta, Kange Toma, Kange Yakubbu bibwe Alfa, Tadawu Caminu bwekananiya.19Kange Yafuda ikariyoti wo a miye co tiyeu.20La con doken mor luwe nubo kila kicangeu yila bourengu mwerti wo dokci ci cabo cariye.21Nubo lo ce nuwa nyori, co ci ceru we naci tamco, ci tokti ciki, mani mor dume nece.22Nob mulankabo yirau Urcalimau, ki ba'al zabu kwiken dor cere, kibi kwan liya kelkelir co cokan kelkelib tiye.23Yecu cou ci fiye co wiye, la yici dangeke ki, bwe kelkele a cok bwe kelkele nyi?24La nyo na liyar an tikan bwiciri, liyardo co manki tika.25No na luwe yalkan bwiti ciyeri luwe co mani a tii ti.26La no bwekelkele kung dor ceri nin ten yalkangum ri mani a titi tak, ciile ceu beken.27Nii mani a doti lo nibi kibi kwan na yem kulen do mor luweu, kebo kiwo ca bwabangum na'a ni bikwaneu. na nimre co yem kulendo mor luwe ceu.28Kibi com maa yikomti bwiranker bibe ifire maneu an to tabum ciko, kange ketito bwirko wo ci tokkeu.29Nii wo na tok kero bwir dor yuwa tangbaek kwamereri, mani a fiya tabkati, la mani a ma bwirangkero ti tak bak ni bak.30Yecu tok wori ciyico tiki con wiki yuwa kelkelek.31La neece kange yitub cebo bou tirangum kale, lacin two cimen ki nyiyal co a bou.32Nubo mwerum kentangum co, coci yico ker kinee mwe kange yitub mwebo wo fo kale, ci donenti.33La cin karcimen we nemi kange yitub mibo?34La yila con to nubo yii kentangum ceuri, yici ki nemi wo kange yitub mifo foo.35Niwo ma dike kwama cuitiyerii ni co yim, kange kor-yami kange nemi. Dimero 41La con ter merankako kong caji. nubo kilakila mwrum wi kentangum co, ta con doken mor nabire menge mor caji con yiken morcer. Nubo mwerum wiyeu yim ciye dukle kong caji.2La co merang cinen dikero ducce ki dangke, mor merangka ceko con yiki.
Ko to cinen nii fike kange yaken fik dumek.Co mor waka dumek ri, kangem dumembo yarangti mure bilibeteni bon mirangum.kangembo yarangken fiye ki tetten, bitine cuwabo.
3Ko to cinen nii fike kange yaken fik dumek.4Co mor waka dumek ri, kangem dumembo yarangti mure bilibeteni bon mirangum.5kangembo yarangken fiye ki tetten, bitine cuwabo.6La kakuko kwiuri cin comam, wori ci manki niye niye ken cin kwicim.7kangembo cin yarken mor cuiwakkek ci dwiyang ken tiwi la cuiwakko cakkangum ci, cimabo nuni.8Kangem dumebbo yarangken bitine ken kwen tuu duyangi ma nuni kangembo bilako kwini taar, kangem bo kwini nukkun, kangembo kwini kwob.9La yi ci niwo ki tu'u nuwakakeri anuwa.10La Yecu ki kwaceri, nubo bi dom knge ceu kange kwob cilombo yobeu, cin me co diker dangke wo nung tiyeu.11La yila yici kumeu ciya ciya cumenko nyomom yur ker liyar kwamaro, nubo bro mani more kumeu ciyeu kero gwam kan danke.12wori to ka ki nuwe cin tom, laci nyombo, nuwakako cin nuwam fire ci bo, kati ci yilamri tabcinen bwirangkeu.13La can yici ka nyombo danke wa? la ka nyom tangnim dankembo fiyang?14Nii fikeu, co ker kwamaro co fitiye.15nubo brom yarong nureu cin nubo fiti kero mor nere ce, laci nuwamri, kuta bo bwekelkele bou bon tum kere fi mor nee ciyeu.16Nyo tak nubo brou cifii mor tetteneu, ci nubo na nuwa kero danjangri yoki for nerer.17ciyeu la ci manki niti, manki bikwan, no dotange kange bune bou ki kero wori can candowo cin an yarum.18Brou ci worombo yaranken mor cuiyakkeu, ci nubowo cin nuwa kereu.19La dikero fo kaceleweu, kange biboler cuiyekar, kage kum kange kangem dikerem cin doken cin cakkangum kero nercireu, cii manki nagen.20Nubo woro ciyar dor bitine keneu cii nubo nuwa kerceri cin yoo naci ma nagen ciko kangembo blako kwini taar kangembo kwini nukkun kangembo kwini kwob.21Yecu yii ci kom bou ki kira mor luwe na kom cumom ki bulen kaka kati buwak kwangnik? kom ki bou ciko mor nako tikken fiye timtiyeu.22Kange diker mani yuramyurange wo mani a nyomtiye, nyo tak kange yurken maniwo mani a tokti tareu.23Nii kitu'u anuwakau anuwa.24La cin yici ki kum cwatu naku nuwa dikero mwanuwau, kwele mwa cwa cikeu ciya cwa mwen ki kwele cwoo yila yuk mwenten.25wori nii ki dikereu ki yok cimenten yok, nii man cikeu an yom cinen na yok nii cikeu nenten.26Con yiten ci liyar kwamaro kino na nii fiidum diker bitineu.27Bi dabi kweni dumbo kiu, dwiyom ca nyumbo keno ma nyiri.28Bitineu kibwici kinem cari nyo, kii kako co kabako.29Na doro na nimre nuni ken. No na cori to bimdi can tubi lure co kiyem ciko cancan dowo cwakiya kon lam.30Yitenci kinye ba bongang liyar kwamaro ti cike? kaka ki dangke wini a dango ti cike?31Na nun nyincine, no na fii cori co bi duwareu mor nuni dor bitinereu.32Na fim cori ki dwidwi la tangnim tinimbo mor kiyeu, kani ceu ka dur wo bilibeu ki yulang tende locio wiyeu.33Kange danke kla-kla na brou co yi cki kere dong dong kange yomka ceko.34ma coyici kange diker ki tok kin danke, na ciyim cungari co ki fwetang-fwetang bibei tomangece nen dikero gwam.35Kidiye ciro kimeri layici bi yabken firen dinge wurendo.36Lacin dubom nubo mwerumeu cin tu Yecu mor nabire mwenge kange ci, kangem nabire mwengem bo kange co.37La yunwa mwengeko kwam kwameu kwenu kange mwelankako mwelantiyeu diikenti mor nabire mwegero nin, wo kiyang nabire mwengeu dim ki mwem.38Yecu wi mor nubo yim wii nabire mwegnero neneu, la dumbo tuu co dorkuncalar ci yung co nii merangka, mwa yumbo kambo yin darum bware ka?39La Co yuramdi La ci tok ker kange yuwa ko, ki “Atiyo” La yuwako tacemendi, luma bwocemen.40La cinyi ciki, yee bwiye kom cwatai tiye? kom manki belingker ka?41La bwiciyeu tum katai la ciki tokange bwitice mwewo ar kange yuwako, kange caciyo neco dur. Dimero 51Cin beken dinge caciyo wineu mor Gerasenes.2Na wo dang Cang, la Yecu yiram mor nabire kange nii kidwiti yuwa cerou mor twe tinin con wakanco.
Nii cuwo kiyi mor twetinin nii kange mani win a tacoti ki diker ko carka.cin bwabangum coki kol kene kange bwatiye kiriti-kiriti con biyetangum nii mani a bwacoti takke
3Nii cuwo kiyi mor twetinin nii kange mani win a tacoti ki diker ko carka.4cin bwabangum coki kol kene kange bwatiye kiriti-kiriti con biyetangum nii mani a bwacoti takke5Kume kange kakuk mor tuwetinim kange bang nii ci kwabang kyanye ti ci biye bwiceti ki tero caayeu.6La con to Yeco firen kutan con cwa con ya cinen ci cung-cunge kabum cem.7Con Cii wiye kidiro dor, ki “Yee ma mati kange mwe Yecu?” Bibwe kwama kibwico, min kennen neyere dotange.8La yii coki cerou kale mwo bwekelkele cerum bwice.9Meco wi denmwero co tok ki den miro meki nyo dutce.10La ta kenang coti ki tikan cire kange bitiwo11Kilan nyere durko kange wi yare cuwo ma canati fer bangye de cuwo nin.12Ci kenco ca dobci na cin doken bwi co kene ciya cinen. Kelkeliyo ceri doken bwi nyere ci bikate yob.13Ngere bikate yobeu yiram firen bang ci yarken mor mweme.14Nobo to ngere tiyeu cin doken mor cinan lor kange cinokur bidom, ci ne fulen dike bwiyeu. Nubou kila cinya nacin too diker bwiyeu.15Cin bo Yecu nen cin too nii woki kelkeli yimye, kwamer merum ki kulen taito tamco.16Nubowo tum diker fiya nii wo ki kelkeliye, cin ya cin yi nubo diker citoo bwi kange Ngereu.17Nubo kenanco ca cerum mor bitineciyeu.18Co nii wo kelkelibo ma liyar ti ki ceu la co too Yecu a dokenti mor na bire mwenge co ya cokken Yecu na ci bwangtenco.19Dila Yecu ciya cinenbo, Yi co mo yakenti lokum fiye nubo lokume wiyeu, yici luma ko teluwe ma mweneu.20Nii wo doken dikafoli co tok diker durko Yecu ma cimeneu gwam ce cin dimki yumanka.21Yecu yabken dingye caciyo wineu mor na bire mwenge, na bom nubo kentangum co dinge cacionen.22La kange win mor nubo dur kuwabi coti ki Yayiru nbou fiye co wiye yira cunken kabunce co to ce.23Kenan coti, tokti bibwemi nuwabo luma, da dom bwar. Ma ken nenti biya lomi na yoti kan docer na co fiya luma, na co bum.24La co yaken wari kange co, na bom nobe cin bwang cimenten, ci kukkan coti.25kange nawiye wi corbwiyale ti con din caro kwob culomboyob.26Nuwa dotange bicum cin ya nob twakabo nin con twal kiyemer duce dila co fiya bo luma, dikerero yokka mattiye.27Co cin nuwa fulen Yecu coci bwangum bwi ceko ci yakenti mor nube, la con tei bwi bellece.28Wori co tok ki tano man tayum bwi belleceri man fiya luma.29Ka taikamiko, curka bwilko an tim, la con nuwa bwi ci con fiya luma komka ceko nen.30Can nawo Yecu nuwa bikwando ceri bwici. La con yilakange mor mwerkankako con mee “we tai bellemi?”.31Bibei tomange ce yiki “Mor mwerkanka nubo kila nyeu mon mwe muke “we tai nene?32Yecu wulongi na co too we tai ce.33Nawiye co nyomom diker bwiye co bo mor taiye kange yilang bwiyek kabum Yecu co yi co bilenke.34Yii co, bwe bilenker mwero twam nen, ya kwamer mo fiya luma twirak mweko nen.35Co tokkankeroti kange nawiye wo nyori kangem no mor lo dur waber ciki bibwemwe bwiyam ye bwi mo tom nii meranka tiye?36Yecu nuwa diker ci tokeri co yi nii dur kurbi wabero ki nure tai ne bilenker.37Dob kange nii wari kange co, kan Bitru, Yakubu kange Yuwana yii Yakubu.38Cin dou mor Lor nii dur kubi waber co to nubo mor fir nere ci ciwiyeti kamboken.39La cin do luwe nendi coyi nubo “ye bwi kom dor kumeroti kange wiye?” Bubiya bwiyabo kidadum.40La ci nung co ti Di co cokken ci kale gwamce coo te bwe kange nee bubiya kange kangem wari kange ceu cin do mor fiye bubiya wiye.41Con ta kang bubiyako yi co ki “Tilatha koum” ki yiki bubiya Kweni”.42Can nawo bubiya kweni ta yambo [Cor cero dim kwobcilombo yob]. can nawo nobu yila ki diger nyomanka bicum.43Yi ci nii na nyomde. yi ci ciya ne co cari. Dimero 61Nobom ci con dou cinanlorciye, bi bei tomange ceu bwangu co.2Bi diye fobkako bo con do bilkur waber co merang cimenti. Nubo duce nuwa meranka ceko diger nyomanka tam ci. ciki fiya merankakowo fee? Yilen do wini kwama nece nye? nangen nyomanka ko wini co mati ki kang ceke?3Kebo bibwe nii kwanka kuweko wabi bwe maryamu, yii Yakubu kage Yoci kange Yahuda kange Caminu? Kebce bo natubo wo bo wari kange ci? ci nuwa bo luma nerciyer ki Yecu.
“Yecu tokki nii dukume mani le dur, ki le lo co kange curnukur cer kange naniya cek.mabo diker nyomankar wi, kan nob nyo bi dob wo co yo cimen kange ci fiya luma.Bwini bilenker ciye neco nyomka. la co cu curnukur co merangti wi.
4“Yecu tokki nii dukume mani le dur, ki le lo co kange curnukur cer kange naniya cek.5mabo diker nyomankar wi, kan nob nyo bi dob wo co yo cimen kange ci fiya luma.6Bwini bilenker ciye neco nyomka. la co cu curnukur co merangti wi.7La con co kwobculombo yobeu con tom ci yob yob con ne ci bikwan dor yuwatangbeko bwir.8Werang ci ciya ture kange diker na yame ce kand dang cari man cwaye man, kiyemer man mor bila ce.9Ci ya du kan taa ciya dure belle yob bwi ci.10Yici tano kom do mor luweri ka yimwi luwe cuwo nen, bo kom kwenti.11Na ko ya kange luwe ci kokomeri kom ferum kwero na kume keu, a yilam warke dor nubo cinan loro cuwo.12Cin ceri ciyi nuboti, ciya yioten bwiranker cero.13Cin cukum kelkelito kila, cin belti nubo nen duce nuwa twirak ciye ko dim.14Liya Hiridu nuwa nyo den Yecu ylam nyomom nyome nubo nin gwam. kangem bo yiti ki Yuhana nii yumweti kweni tuwe co diker bwi ci maran nagen nyomankako wo ticinene.15Kangem bo yiti ki Iliya nyo na wo kangem yiti ki win mor toka dukume16Hiridu nuwa wori con yiki Yuwana wo ma mwotum dore co kwene ka?17Hiridu doki a ta Yuhana na merken fucina ki ker Hirodiya (wii Filibu yice). Na co nam co.18Wori Yuwana yi Hiridu ki dabo ca na wi yice.19La Hirodiya tii ner na co twalum Yuwana dila mabo.20Nori Hiridu nuwa Tai Yuwanati con Nyomom Yuwana nii wucakke take cakcak. Hiridu ciya bo knage dikero a fiya Yuwana. na co nuwa fulen kerero Yuwana toktiyeu funer cero kweni kange nyo ki furwor neret coki cuware tuu nuka ceke.21La hirodiya fiya da can ma diker co cwi makatiyeu kakuk boka ceko kentangu Hiridu co cika, nubbo durko ma mangenti mor liyare ceu, kange nubo durtinimbo mor Galili.22Bubiya Hiridu yelyilako yori Hiridu kange fabubcebo nen Liya yi bubiya ca tok diker co cwitiyeu man nenen.23Con ner cinen ki ye co cwitiye, bwen Liyar cerdi can biyeri co nen co.24Ceri yaken ya me nece “Ye ma yi coti ca ne yere?” La ki dor Yuwana nii yuka mwem me.25Bubiya wo yilau wulom mor kuwe nubo mwerum wiye ki a neco dor Yuwana nii yuka mwemek mor fantilange.26Ko liya kambo ken, co manki diker maka kweri co tum nor kabum nob nangeneb ceb.27Liya twom nii bwa dak tiye ca ya ca bo cinen ki dor Yuawanako.28Nii bwa dak tiye ya matuii dor Yuawana ro, furcuna nyou fantilan bo ne bubiya, bubiya ya nee nece.29Bibei tomange ci nuwa Nyori yatu bilendo fwerum tuwe.30Bibei tomange bo Yecu nen cin yi co diker ci mane gwam kange diker ci merange.31La cin yii ciki, kom ya kom fubom bikole nii maniyeu, wori nubo yati yilai, ci fiyabo fobka, tenkan caka cari.32La cin ceri mor nabire mwenge ki bwitici.33Nubo dutce tom ci yaken ti, cin yomom ci, la ci cerangum cinan loronen ka cwak, ci yulum ci.34Boka ceko kon caciYecu to na bom nubo kila, la co cii ci, cina kwametinin manki nii bi yuware. La con yoten ci merang cinen dikeroti dutce.35Kambo me domeri bibei tomange ce bou cin yi co fiye wo cungakin, wo me dom.36Yo nubo brombo a yakenti faya naci do cinan lor kange, cunnukur na ci do diker ciya cati bwiti cii.37Kar cinen kom ko neci carito, La ci yice ya nyan tiyenu carito na cule kwini kwob yob na nyo ne ci, ci cam me.38me ci ki cwen carito nyi kom cike? kom ya, ya kom tou “ya ci touri chwendo nung kange jinge yob”.39Kom yi nubo a yiken bitine dor yerako yiber.40Ci yi wenange, wenange kangembo kwenii kwob, kangembo kwinii nug.41La con u cwen carito nug kange jinge yob, con kunken dor cer con yoti bibwiyer wi, co kiyangum cwen carito con ne bibei tomange ce na ci kabkan nubo nen kwarub.42Gwam ciye cin ca cin bwam.43Cin morang fiti ce kumeu cin dim bulendo kwob cilombo yob kange fiti jinge.44Nubo ca cariteu cin lam bikate nung.45Can nawo co yi bibei tomange ceu ciya kwinken nabire mwengeu ciya tiken kab nimre co bo, ciya ya Baitcaida. ce con tim naco yo nubo.46Bwiko ci cuwe ri con kwiken dor ban-nger Kwobka dilo.47Me dom, nabire mwenge tiber wimar, ce co dor banger ki kwa ce.48Co to ci, ci nuwa dotange ti, yuwako yuwamci yam. keno lam nar na kwomce ce la con bo fiye ci wiye, yakenti dor mwenger, co citi na co cuken kabum cem.49Di cin to co yakenti dor mwenger la ci kwati keno kelkeliri, cin kwa kiyange.50Gwam ciye cin tomco, tai to tam ci. can nawo con tok ker kange ci coki, kom ma bi kwan neret kom nuware tai.51Doken mor nabire mwenge wari kange ci, la Yuwako tam figlanka ciyeko, diker nyomankar tam ci kambo kem.52Ci ynombo ker cwen do. Nyori ner ciyero kiyabo.53Di la cin yabum cin yaken biten Janicarita co ci dok nabire mwenge nin gwelmare.54Ci cerou ti mor nabire mwengeri, nubo nyomom Yecu.55Nubo yala ka cwak mor curnukur cit, ya cin borangu ki nubo ki twirakeu dor kwang ni ciye cinen fiye ci nuwa co wiye.56Fiye gwam co dowe cinan lor kange cunukur, mor bitine cuwo ci bo ti ki nubo nuwa bo luma, fiye miyaka kange tiyenka ci kencoti na cin tai bwi belleceu, gwam nubo tai yange cin fiya luma. Dimero 71Faricawa muri yecunin kange nob mulankabo firen Urcalima
cintori mor nob toma nge cebo kan nyem cinbo ca caritoti ki kan dwitik cinirbo nire kanci koWori Faricawa kange Yahudawa maci ca cari ci nirbo kang yora wuro ci bwangten dam nubo carem cem tiTano faricawa miyeka kange tenkari yilacimen kanciyan yumwen na yime cica cari dambo carko kangenwi nawo cibwangtentiye nanirka kwelmungek, kange kangum koltini wo kemero kucerkoceu ku caka cark
2cintori mor nob toma nge cebo kan nyem cinbo ca caritoti ki kan dwitik cinirbo nire kanci ko3Wori Faricawa kange Yahudawa maci ca cari ci nirbo kang yora wuro ci bwangten dam nubo carem cem ti4Tano faricawa miyeka kange tenkari yilacimen kanciyan yumwen na yime cica cari dambo carko kangenwi nawo cibwangtentiye nanirka kwelmungek, kange kangum koltini wo kemero kucerkoceu ku caka cark5Faricawa kan-nge nob mulangka me Yecu, yebwei nob bwangka mweko bwangtenbo yimbo caeko tiye, wori ca cari to nirbõ nirbo kanciko?6Dila ciya cimen yiici, Icaya tok ker dukemer ki bwanka kumeko natoka nuwekoce, woca bulan-nyi cayiki nubowo kineye durko foni dila nerciro kutan kan-nge mwo7wabkako kebo na bilikece cimeran bidoti nuberti nawo kebo ceu Yecu yiici, weendi kom manki yomka?8kom cutang werfun kwama rowi komtam kabidoti nuber.9yici kii komcam turini ka tumgum werfun kwamaro nakom bwan-ngum bidotini kume niffireu.10Maca bulan nyi kii, ne teemwe durko kan-nge nii mwe, niwo too teece kan'nge nii cire lame buwar dangjang11komtoki komki, cano nii i teebcebo, kwarb Tikali daten kom fiya mineneu yilam yomyowe [ min neken kwama ]12nawori kon nemco ciyaka ciya mare teecenin kan-nge nii cenin dike kannge13kom yoken werfun kwamaro ti dikero bwir, wori ka komnekenci bidotini kumero. wuro, kan-nge kangum bikulentin nyo kom matiye.14yilan cwoten mwer kangka yiici, ko cuwa tu fiye miwe yeu kom nyimmwom.15Nike kan-nge mani fiye niffir wiyeu nakagum a komco tiye cano doken morfwe fiye ceri. dikowuro ciro morfweceu co curo kangco tiye16la nii ki tuu nuwakau, anuwa.17kanbo Yecu dubom mwer kange nube ko dukceri, doken lõ, dila nob bwankacebo meco diko yirombo tok tiyeu nyomka ka?18ka nyombo komki dikero fokaleu do mor fuye niyeu mani kangcore,19wori mani lauti mor nere ce, atin dogen mor fuyece yela cerum na bween fiye tekii co kinco kerowo Yecu yilaken kicarito wuyak yilam kicaccakẽ.20yii ciki, dikero mor fuye niyeu coco a kangco tiye.21wii mor fuye nii, kan-nge mor nerece, kwaka neroko bwir, ka yaka, kwii, twalka22Burotum, moodike, biciren, mantum, kucuni ƙõr, kwaneri, cwika duwek, kuleen.23kulento bwir ko kwarub ciki ciranguu mor fuye niffire, cii cikang nii tiye.24kweni wifo yaken biten cur kan-nge cida. doken mor luwa kan-nge wori cicwibo kan-nge anyimi cin wifo, dila dolbõ yurangka25dila caneko cuwo Nawiye kan-nge anyimi cin wifo, wo bi bwece cokkangti ki yuwako bwireu nawiye wuro nuwa fulen Yecu dila bou boncungngi koco.26Nawiye kino biten cirka, twe luweceu kino foniciya. ken Yecu a cokum yowako bwirko mor bwiye bi bwece27dillan yuo, bẽ acam ki bi biyo bwiririni. wori yorbo a tuu cari bi28biyer ane bi cuwetin29yi co na wo mutokedi. moyakenti bwekelkele bi bwamwe nen30yilaken lori kakwabti bi bwece dam kwangni31yilan cari biten cur cin bwanguu cidon, yaken ciko caji Galili biten dikafolin32cin bo cinen ki niwo tuwo mani nuwa tiyeu, kan-nge wo nyiyo tabangti tabangngeu, cii kencoti ciya yo ciimenti kangceko dorcir33laci kwoomco mor kali nuberronin, yau cun-ngacek, laci yoti kangceko tuni niwo mani nuwati yenin kanbo ci twomti bi wombo wiyeri boci ke biyencero34ci to dikwama ci fwoob fubombo ciyicoki, Ifatha la kiyiki wumuom35nawo -nawo netenco nuwakaceko wi dike bwam biyen cereu nyamkangcinen, later tokko kereko yora36yici kinyal kiciya yire nii gwam kan-nge nyaldowo ciyi citiyeu tikkan kerceroti37dila cita nyimanti kii mabikulenti yori, dok nubo tuwo mani nuwatiyeu nuwa kerti nubo nuwati tokkerti. Dimero 81ki kumetin dowo, nakali mwer kangka nubek, laciman kicari2Yecu cwo nob bwang kaceb yiciki mici bwini nubo wuroti wuri lamkume taar ciwari kan-nge moo cari mani. n3non yokenci miniya yilarenggen loci cari maniri ciyan cuwela nure wori loniceu kutagnyii kabo.4nob bwangka cebo ciya yiki, ba fiya tillita wurofe mor kiye wuro alam nubo wuro nyeu?
meci tiilita nyii kom ciya? cinyiki niber.yi nubo ki ciya yironken. cintu tiilitau kambo ci danbuka kan-nge keri kiyan tiilita cuwo, laciyi nobbwanka cebo ciya kabkan nubo nin la cin kabkang nen.
5meci tiilita nyii kom ciya? cinyiki niber.6yi nubo ki ciya yironken. cintu tiilitau kambo ci danbuka kan-nge keri kiyan tiilita cuwo, laciyi nobbwanka cebo ciya kabkan nubo nin la cin kabkang nen.7ciki jinye biduwattini. kanbo ci danbuka kange keri yi nob buwanka cebo ciya kabkang nubo nin.8cinca cin bwam. cin murang dike kumeu ariniber.9nabarobo wii bikate nar Yecu yokenci.10widanjang Yecu doken tukom mungngem kange nobbuwanka cebo cin yaken biten dalmanuta.11dila faricawa bow cin ter mulendo kange coci cuiti nadancimen yirombo wori naci cuwaco.12cin kuob fubombo yuwatang becekonin yiki, yebui kaldo wuro dotika yiromme. bilinke miyi komti yironbo kange mani wuro ane kaldo wuro tiye13landubomci doken tukom mungem yabken din nge mun nge wineu14kwama wuro nobbwanka cebum ciya ture tiilita. wori tiilita wincwar ci cikẽ mor tukum munngem me.15yici kom kabati ki yicti Faricawa kannge yicti tiriduceu.16nob bwanka cebo cin ter fuwakankako tiber ciyer wori binmanki tiilita.17Yecu nyumũomwo, colayici yebũi ko fuwakanti ker tiilitaree? ka nyombo duwalka duwal kom manki nyomkaka? kaka nwr kumero fimkumtacileka?18kom wiki nuwe, makom toyiya? komwikitũ, mani kom nuwatiya? kom kwãba?19ma kiyan tiilia mor nubo bikate nungeu, carito nyi kum kafiya? ciyi coki kwab cilombo yob.20kannge tiilita maki yannyin mor nubo bikate na'ar caarito nyi kayeu dimki wuro kummeu? ciyico ki niber.21yiciki, dilanaweu ka nyomba?22cinbou Betcaida dilanubo wiyeu boo cinen ki fukma, laciin kenco a teico.23Yecu taukan fukmako, Yecu tacinin bideyeceu yaken kico bwilom cunnukut remboco kaci twombitom cembo nuwe niccore, kannge yoka kanngek dornicor, dilan meco muto fiye tiya?24kun nunweceu yiki, mito nuboti yakenti na tini.25yila kunka yocinenti, nii co wumwom nuwe ceu, cola tertoka fiyeko yora26Yecu yokenco yakenti loco dangjang, yicoki, dore mor cinalloret.27Yecu kange nobbwanka cebo cin doken cinallo kaicariya wo filibiceu. kanbo cidor nure reri, inmeci nubo kiyi kiminwe?28cin ciyaco cin yiki, yahaya nii yuka munyek. kanyunboki Iliya. kanyembo tak tak ki win mor nob tomanyeb29kom ki tok ki me wei? Bitru ki mon kiritti30Yecu werci kuyire kange nii31la merancinenti bi bwe nii an nuwa dotange nubo dur kange nob mulanka kange durem faricawa ciyan koco, ciyan twalumco. ki kume taareri an kwenum tuwee32tok wuro dangla nyori Bitru kwobco. yakenki co cunnya yoten yicoti33dila Yecu nuwe tonob bwanka cebo, layi Bitru mwerumboti yitiki, bwe kelkele, wori muki to ka diker nuber koni, kebo kwama ce34dila co mwer kanka nob bwankacebo fiye win, tona niwo cuiti naci bwank menteneri ako dor cero, atu cuktum bwatiyeceu na bwagmenten.35tanu niwo cuiti naci fulo dorcereri canlem co tano niwo lemdumeceu kermir kange ker wabbab kwama reri, an fuloco36ye nii abuti cike noci fiyam kale wuro gwam laci lemdumeceuri,37ye nii aneb nabe yam dumece?38kwarub niwo nuwa kwenduwemi kakakermero buroka kallekowo ki bwiran kere reri, bibwe ken atin nuwa kwenduwece ki kwama wo ci yila mor duktangka teecek kange nobtoman nyeb burombo wucakkeu. Dimero 91cin yici bibicum min yikom kangem ki membo wii timfo mani ciya to bwar ti na nimde ci to liyar kwama bou cinen kibi kwan,2kume nugkun cume Yecu tu yowana filibu kange Yakubu kange co dii dor banger do cwemet ki kwaci3la fulongum bwici kabum ciye ni kulendo bwiceu fuwo kulek miblanti miblanti cum na dige kange forkalewo
na nir kange diger bwici la Iliya kange muja ceru fo cinen laci tok kettiYecu kange Bitru ciya lan me Yecu, nii meranka no yori kabo nyi few yi yiwel bikur nyo taar, win na mwe win na muca ce kange wo Iliya ceco yumbo dige co toktiye kweri cin cwamtai
4na nir kange diger bwici la Iliya kange muja ceru fo cinen laci tok ketti5Yecu kange Bitru ciya lan me Yecu, nii meranka no yori kabo nyi few yi yiwel bikur nyo taar, win na mwe win na muca ce kange wo Iliya ce6co yumbo dige co toktiye kweri cin cwamtai7kambo bo ken la kange bilor woo bau bon cumomci dila diro cirou mwor bi lorer. won co bwe neremi ki nuwaco,8kutang bo kambo cito bwicikodi ci tobo kange nii kange Yecu9kanbo ci yirauti dor bange di werangci ciya yire ni kange dige co toweu bibwe niffire a kwenum bar buri la cin dobti10na conyo tiber ciyer la ci mekanti bwiticiye nye kwenka nob bwareb bo nung tiye?11cin meco manyi nob wer fumed tok ki Iliya coniwo a bauti ki kaba?12cin nyi ci nyo Iliya an ter boka na yulang digero gwam la nye bwi ci mulangii nyo bi bwe niffire an nuwa dotange ki mwan ki mwan na ci kote co tok13na wonyo Iliya kwerin biyegen la kweri biyegen cin macimen dige daten matiya na wuro bifimer tinimbo chi tok ker dor cereu14kambo ci bou fiye tangnim bibei tomange kwama wiyeri cin to nubo duce cima wab kanketi15wari tangnim nob werfumer ka. ki tokak cekdi nubo duce yilam ki nyimanka ki bi cuwom cin yarum coti16anme bi bai tomange ce wab kangka ker yeci mati kange ciye?17di nyo mwor fiye curo nii ciya nimerangka bei wo non wi ki yuwa kelkeli no kwenci nen dii kwaco mirang wi bi tine min18nyi bi bei tomange mwe ciya cukom cin fwe cuko19ni ciya cemen tokki kom nubo kalewo canen kiritti ma yi kom tiye? kiri tinyi mi wari kange kome? kom bou ciko20la cin bo cinen ki bweu kambo yawako to Yecu tabbo bwi kwa bwe nyar ken bitine bwiyo ti kai beltangti bitine nyi ceu ka funi.21Yecu me tebweu dige wo fiya bwe terfiyang teebebweu ki cibi durar mau nyo22mamwi merken cowi mwor mwenge kakkamwor kiranma na cim kange co no mwan ma dige kange dor cer di ci bwini nyero na tikangyo23Yecu nyi co no mwan ci yadi digero gwam na ken minen niwo no ciyari tabbo bwi24Tee bwe ciwiye lan tokki min ciya ti kang nimi25wo no yo nenbeu kambo Yecu to nubo ducu cwa tiyeri cin cakkom ninga bwerko tokki mo ninga wo cirom bwi bwe wo na fwelde doka bwi ci tan.26la ninga wo kwa dir cin cirom bwi bwe wo la bwe yilam tamwi buyam buya, la ta ngnim nubembo ci tok bwiyam27Yecu ya tamkag bweco con kungi dii la bwe tarke cer28kambo Yecu do ken luweri bi bai tomange ceu cin meco nye bwi nyo dolbo cokka cekke?29nyici dige wuro mani cerer ama ki kwobka dulo30la cin kutaten bi ten cealili ci cwibo kange ni nanyimom fiye ciwiyeu31kanbo cimerang bi bei yo loce nin tiyeu nyici dii kange wi bouti wo ciya neken bi bwe nifireti kange nubek, ciyan twalum co no ci twalcotiri ki kume Teer con kwenum32nyori twetang ci bo ker cero laci cwatai me kacekkoti33la cin biyegen kafanau ki kwa co mwor luwe meci bi bei tomangeceu nye kom tokti dor cer nure34nyori cin kumagum dige bwiyeu citi kwabkangti bwitici nure we ayilan durti more ciye35la cin yiken cok con cuwo bitomange ce kwab culombo yob nyi ci ni wo cwiti na yilam dureti ca kungde dor ca yilam canga nubonin gwam36la cin tu bwerbi dure kancek bau coko tiber ciyer con korubco lakgwam cem37nyi cii min yo nikang con yoye la kebo kamo gwam kange niwo yo yere38la yowana yi co ni merangka yin toni ksnge cok ninga ki den mwer nyon mani ca dobti cin co chige bwiyeu ci man kange nyo39la Yecu nyici ki dobco ni kange mani wo a madige datan neri kange tangnim dige co to ke dikerti nimdi yilam kero bwir dor ki mer40niwo manki kiye kange nyeri na nye41niwo nekom mwem kom noweri kom na kiritti ce bilenke mi nyi kom tiye mani ca le lima cedi42niwo dor bwerbi dwere kottangari ciya yei cinen ter nerer kwircer naci mer ken comwor wimer43no kange mwe ko an dok nen kottang kari daten mwatum daten do lo kwama ki kan kange wuro mwa doti lokira ki kange ko kenne44no na yuwetinim mani bwiyati kirako tak mani bwiyati45nonamweko an dok nen kottangka di mwatum mirowi an lamwen do lo kwama ki nako win kange wo mwa doti lokira ki nako yobe46no na ywiya mani bwiyati kara ko mani bwiyati47no nuwemwe an an doknen kottangka kuraum na mirang wi daten do lokwama ki nuwewin kange wo mwa doti lokire duwe yobe48no na ywiye tinim manang bwiyati kira mani bwiyati49dige bwiyeu kira ciya cwekom ti cike50mambo luma lano dobo yorari mwa nuwanyi ki yilam kiluma kom yi lumam kange nubo gwam Dimero 101Yeecu dubonm fiye cure yakin chinge biten urdun la nubo nya cinen co meran cinen kambo yilam na dum ci ceyerm be.2Lafaricawa bou ci nen citokki, dong dongka nina twal wice nin naka? me kewo cimane naci cuwa co.3Ciya cimen nye mu ca yi ko na kom ma ne?4Muca ki mulang bifumer twalka naka yiken wi mweca cirli.
In cwika nere kimer co cil mulang kumen twal kaka yeecu nyi ci.Nyo ki kaba kwama fwel dor bi tinere kwama fwel ninabare kange nawiye.
5In cwika nere kimer co cil mulang kumen twal kaka yeecu nyi ci.6Nyo ki kaba kwama fwel dor bi tinere kwama fwel ninabare kange nawiye.7Dike bwiyeu nina dobom tece kange nece na yi kange wice.8Ci bi yobo cin yilam bwiyo win kebo yob.9No nyori dige kwama mwer kange ni kange na tikangde.10Ki kwama ci laweu bi bei merang ka ceko me co co tak11Cin yici nyo niwo twal wice nin nau kange nawiyeri ki ma burotum12Mo nawiye twallum na kangeri bwiratum ci men.13Cin bou ki bi bei bi dwudtinim ciye bo cimen naci teiyi labi bei tomange ceu nako14Nyo kambo kriti nyom meri ciya ci menbo kom dob bi beiyo daten nyo lo kwama na ciye15Bilenke mi yi kom tiye no niwo yobo liyar kwamari nabwer bidwareri co labo nii yaka liyar kwama16Con korumci la conyo ci mon bi bwiyer17Kambo cota yam bedi ni kange cau cinnen cono cungyi kaco con meco mwo nimeranka kaken nye ma mati nan fiya dume chiri yeu18Kriti ciya nye bwi mo cuwoye ti teluwe kenne teluwe ken mani kan kwama ki kwaco.19Mun nyi momwer fumiro kure tlwicwerde cwerke, dore kange wi nii warka cweke, yore dige kebo na mwa ne temwe dur knge ne mwe dur20La ni curo tokki ni meranka min digewuro ki kwama mi bweb bi duware21Kriti toco toka luma yico diger win ku mwen ne neken dige mu cikeu nubo buro mani cikeu dibo nofiya mwanfiya dige la cure bo biya22Kambo co nuwa nyeri con cu bunangtang rer cero kayam kaya nwori cin ni ki yeme23Kriti to bi bei tomangeu ceu con yici anbwai nubo ki kiye me nodo liyar kwama24Bi bei tomange ceu cima nynika kero ti kriti kombi beiyo lomi am bwai naye ni na fiya liyar kwana.25Anyilam ki luma telembo na do bwok bi ki fira kange cweka na fiya liyar kwama26La cin ki nyimangka kanbo ken ci tok ti ci no nyori nwe daten acerum wiye?27Kiriti tomci la tokki niffit nin bwai kabo la mani kwanin nyo. kwama nindi digero gwam yori kabo28Bitru yoten tok ketti. to yondogero gwam wuro yon bwang tennen29Kirti tokki bilonre men nyi kam ni kange mani dubom yitub cebe kakka kor bi butob kakka nemwe kakka temwe kakka takka ki deb dormir den fulenkeret.30No nyo man ca fiya ti kwini kwab mwor kele caneu wo bouti yeu la naca fiya wo man ki clika.31La nubo kiba nyilam nubo cuwa bwire.32Ci kino nure diye wo yakenti wurco ma la kirti wi yakenti, kab kange ci bi bei tomange ci ma nyimang kati, nubo bwongten ciyeu cin cwamti kirti yila cukka chi kwamculom yobbe weu ter yika ci dige bwitiyeu.33Kom to bi bwe niffire kang nobbi do dur kange nobwerfunero ci yan war cinen bwolemg twaka naci neken co kange nubo yim kumtaciliu,34Ciyan ma cinen dige dabe cor cinen to tom ci malico ci twalco ki kume tareri an kwenum.35Yakubu kange yuwana bi bei jabadi, cin bou ci nen ci tokki ni merengka nyi cuiti na manyinen gwam dige nyi kinong none.36Con yici yakom cuiti nan maki mone?37Ci tokki mwo ciyayinen diye duktongka mwo kangka nya yi wari kange mwo kangko cattiyet mwer win tak kangko moket mwer38Kirti yici kom nyombo dige kom kinong tiye kan fiya noka mwor kwace ma noweu? kakka ciyen yuki men mwem namiyu?39Cin co ciyan mani kirti nyi ci kwele ma ma nowe kico ka notiye yuka mwengko ciya yutiyeu40Nyeri yim catiyetmir kakka mokkomir kebo nami na nekom nyo ki nubo ci ywelcine ne.41Di tang ni bi bei tomang weu kwabbeu ci nuwa cin nuwa funer yuwana kange Yakubu42Kirti cuwo ci ki bwici din tokki kom fiyam nubo cinyimomci nob werfumero dur nob nungka liyar nyumka ciyeko dolba43Di la nyori mani ayilamti tiber kimer tano niwo cui dur tiyeri tamnyo ca yilam cangya kume.44Gwam niwo cuiti ni na yilam dur kumer claten ca yilam cangya nobo.45Dige bweyeu nyo bi bwe niffire bou kebo nobo neco durtano nyori ca ma nangen naci dumeceu dor nubo min.46Ki kwama ci lau yariko co cetti nyori co kange bi bei tomangeceu kange kali nubo mweru bme dila fukma kange ni kini dondo batilawuc bi bwe Timawuc co yimwi tiber nurer.47Kambo co nuwa kirti banazare ri chiter kange diroko co tokki mo kirti bi bwa Dauda ci buni mito48Nubo dutce cin ywaco ciko kumom la com cubten diro kidari tokti ki mwo bi bwe Dauda cibuni mito49Kiritti tim tokki ki cuwou co. ci keneu cin cuwou fukmau di cin nyico mwerumum kwenu co cuwo nenti50Fkwma lan mirang yilancekowi dii kutou kiritti. min kiritti maco nyi fiya nene meco nye mu cuiti ma mwen ne? nimerangka mi cwiti to fiye kiritti51Meco nyi fiya nene meco nye mu cuiti ma mwen ne? nimerangka mi cuiti tofiye52Kiritti yico kernure mwebilen kemweu la tikangnen tabbo bwi na curonyo nuwe ce wumom cin bwangten kiritti cin cu wari Dimero 111nawo cibo Urcalima cibi dom kange Betafaji kange Betanya fiye bang zaituneke. yeecu tom bi bei tomange ce yob2Yi ci ki kom domor cunkurdo wo bi dom kange be, yo kodoti nyori kan to beikelba tekum, wo nii kwimbo wiye, kom kwiu combõmen ciko3Tano kange yi co kom ki nye bweiye, kom yi co kom ki teluwe co cwitiye, an yilau ciko comnawo
Co ci cuwe ya cin fiya bi gelba tekum nyilo luwe dor nure, kwiwe.Nobotin wiye mẽciye bwei kom kwi bẽgelba wo tiye?Co ci yi dige Yeecu tonge, cin dobci cuwe bõ Yeecu nin ki bẽge lba, co ci
4Co ci cuwe ya cin fiya bi gelba tekum nyilo luwe dor nure, kwiwe.5Nobotin wiye mẽciye bwei kom kwi bẽgelba wo tiye?6Co ci yi dige Yeecu tonge, cin dobci cuwe bõ Yeecu nin ki bẽge lba, co ci7Meti yilan ciye ko dorcer, co ci kwikenne, nobo dutce miti8Yilan ciye ko dor nure, kangem lalu wo ci ki yanguwe co ci miti nure.9Bũro kabkange ceu kange bũro bwi ceceu. ci kã nuweti ciki Hocanna bi bwiyer ki niwo bõmor den kwamare.10Bibwiyer ki liyar dowo bõtiye wotebe Dauda ce, duktonka mor dii kwama.11Wo la Yeecu a doti Urcalima; dõ bi kurwabe con to digero gwam, yoti kume mam, conceri con cu Baitanya kange kwob ci lom bo yobe wo.12Cel fini cin kweni Baitaya, la con nuwa wuro13Di cu tõu tii nyin cin clo ki kalukutan, co ci yatan dumer cere ce keno can fiya ki bitutti. con lau dume co tõ bo kange diger wi kan law labo tuti.14Yi tii nyincindo, tabti duwen nii mani ca bi tutti mwe ti tak diri, bi bei tomange ceu nuwam kerowo.15Cin lau Urcalima, ki doka ciye di, co yuwa nob miyeka kange tiyenka, waken tokum nob fulanka kiyemer kange fiya nobo miye na bakta tiye.16Yuwab kangum ni na ti kange diger na miye kako ce mor kurbiwabe.17Merang cinen ki kebo mulangum mulange ka. kẽ lomi lo dilo, na nobo ce gwam kume kom yilam fiye nob kwiyeb ciko.18Nob wabeb bo dor ko kange nob mulangka werfuner, ci nuwa kero wo co tokẽri, co cido nure ciya twalum co riye. dicin nuwa tai wore na nobo ma nyoman ka ti ki merangka ceko.19Mẽgwam citi ceri cinanlor.20Ki bwiri ci cutiri, ci tõ tii nyencen do kucum.21Bitru blangi, ki nii merangka tõ tii nyengcen do mo cilume kicum.22Yeecu ciya la yi ci ki kom nẽ bilenke kwama nin.23Bicom ma yikomti niwo yi tero wo ki kweni yarken mor caji, ner ce ro co tiye man di con nẽbilenke nyo abwi tiye. nyokwama anmani24Nyori ma yi komti gwam dike kom keni kom nẽ bilenke fiya. an yinlan na kume25Ben fiyan kom dilo tiyeri kom cutag nobo wuro ma kume bwiranke, be na Te kume diye na cutang kumen bwiranke wi.26Tana kom cutangbo nobo nin bwirang ke ciye wiri, Tekume wodiye mani acutang27Ci yilau Urcalima, Yeecu yakenti mor bikurwabe, la dor nob dinglibo kange nob mulangka ko kange nobo durtinimbo cin bo cinen.28Cime co ki kibi kwan do wini mo man dige wuro tiye? kaka wẽnenen bi kwan makake?29Yeecu ciya la yi ki man me kom kange ker, nakom diye men, mi man yi kom keno kibi kwando wi ni ma man dige wuro ticikeri?30Yuka mwenge wo yowana mane yi raw dii kaka, bi bwe nifire nin? laci kobkanti bwitic; ciki ca tano boyi boki yirau dii an yiki yebwe kom ne bo bilankere,31Tano boyi boki bi bwe nifire nin di, ci yan mobanbo ki ter, wori ci nuwa tai noboti,32wori nobo gwam nyomom yowana nii tomange kwama33Yila cin ciya yeecu, ciki nyo mo ken mani ma yi kom ti keno kibi kwando wani ma man kulando wuroti cike. Dimero 121Yecu yo meranka cinenti ki dange, coki nii kange wii twi take ce, kwarum, con wob buwak yamka? biti kam no maka naneg mor take. lam cuken bitine.2Cwakiya law con tom kange ya ayocinen bitungtunge mor take.3Nom takebo taco buk cu ywico kam koni.
Yila tunten kange cange cokene cin nuwa cie cin necoder.Yila tunten kange cin taluco nyo ci mati kange kiumebo kila, kila cinen bu kumbo cin twarum kangumbo.
4Yila tunten kange cange cokene cin nuwa cie cin necoder.5Yila tunten kange cin taluco nyo ci mati kange kiumebo kila, kila cinen bu kumbo cin twarum kangumbo.6Bi be tomange nuna yorin cin yarken citikom. bi nine yarken ki tikom bitine wori taito tamci.7Cin yi bwiti ciye tii won co ni cu cwitiye bo tairum cu nabo ten kwarito.8cin tarum cin merken co mor take.9Laye ni take amatiye anyom knke nom tomebo yila anneken kakumbo takeu.10Yori kom kiyebo diker bi fumerowonen terowo nom mukako kowe co biya yilam tero kentiye.11woro ceru fiye kwama wii nye yori kabo nuwege.12Na wo nyori nubo dur yahudawa kwa diro ti ki ciya tem Yecu wori kercero co tontiye dorcer laci cotai nubero.13Cin tun kamum fariciyawa knage Heriduyawa naci ci cninen cito mor kerceronen.14Ci bo cinen ci yiki nii merank nyo nyumom, yo nebo kange, kange nii mwu nung bo cwika dore ti ber nober moki meranka nure kwama. yori kabo nyo ya kaicar kiyemer dorerka? nyo ya co, kaka nyo ya core ka?15Yecu yubom muren ciro layi ciki ye kam cuyayeti kombou ki kemro nan to.16Cin bo Yecu nen ciko wing la meci ki cerkan we woro we wiye? cin yiki Kaicar.17Yecu yi ciki kom ne kaicar dikero yiam na kaicarecu. kom ne kwama dikero yilam na kwama ceu.18La cadukiyawa nubo tonki kwan ka? maniyela bo cinen meti ki.19Nii meranka monca murank yinen ki nani kece bwiyameri dubanti wice wiyeri bobo bwe kake ceri kece ayiti nawiyenen, na yo kece nen dumbo.20Cibi niber nikaba tu nawiyeu la buyam yobo dum.21Yo beu tuken bwiyam yobo dum tareu tuken yobo dum.22Niberou yobo dum la nawiyeu bwiyam.23Gwanka nubo bwiyam naci gwaniri wiwe ayila tiye? wo gwamkume kom tuco wikeme.24Yecu yi ciki wo keboker wori kom yom bo ker kwamaro kange bi gwan kere.25No ci gwinum ci bwardi mani ciya nati, mani a naciti nakati ciki no na bibai tomangeu wucake.26Dor nubo bwiyam an akwan tiy, mo kebo mor bifumer mucaka, dige bwi kume, kambo kwama toki yi co ki mo kwama Abrame kange kwama icaku, kange kwama yakubu?27Co kebo kwama nubo buyam buyam con kwama nubo ki dume mon lerab.28win nob mulangka bou na co nuwa kero lan to Yecu ciya cinen yora. Me ciki mor werfumer cowini yoryoreu gwame.29Yecu yici dikero kendo lau nuwa Icreal teluwe bwe kwama cowin.30Cwi kwama kicur mero kwam ki dume me gwam, ki ner mero gwam kange bikwan mero gwam.31Werfumer yobeu co wo, cwi ni bi dom kange meu, nawo mo cwi dor mwero tiyeu. Werfumer mani kwami naweu.32Nob nonka be werfure yora ni mulankako ni kange mani wo la ceu.33Kom cwico ki ner kumer gwam kibi kwan mor, ki dume win, cwi nii bidom kange mweu inla tuka nwing.34Yecu to co yici kero ki yilan, co layice mo bo kange liyar kwama, buko wuro kange ni me co bo diker tak.35Yecu kari fiya co ci merangti bikur wabere yiki, nyi nob mulangka warfumer ci yi Kritti bi bwe Kwamaka?36Dauda ki bwico mor yuwa tangbe kwamak ko wuccakeu, yiki 'Teluwe mi yiken kan catiyer miik no jukum, kunka dorek nob jukum, kunka dorek nob kiyeb mweko mor nawori nyimde.37Dauda ki bwico co cou ki Teeluwe la amanyi Kritti ayila bi bwe Daudatiye?38Mor merangka ceko nin ye kiki, kom ma bati ki nob mulangkab, wo bilang duka bilenko cuwe mer lamu a yarum citi fiye mekak.39La cin wiki fiti yime ken mor bikur waber kange fiye neka durek fiye caka.40Tak ri ci yorangum loni tatub kwalebo ri ciki kwob dilo cem cou nubo nato, nubo buro an fiya dur.41La Yecu yiken kwele lume to lume mako ti nubo netiu.42Nubo cwiye cwiye kira cor kemeo ti duce la nawi bune anini ce nyo yom cwiken kwolo ruma.43La co nubo bwanka ceka ki mayikom ti diker nawin bune mor kwele luma la nuboce gwam.44Ciye cinen mor woci cike cou ne dekewo co cike na bi duware. Dimero 131Yecu Ceru bikurwab wiin mor nom bukacebor yi cui ni meranka. to iker yumaka yabraka terek ko wo kange yobraka luwatimuwo.2Yicu ki, mun to yobraka luweinbowura? bero nakye man wu a dob ti dr kece, mana buubatiye.
Co yim dor bang cutum wobi dom kange bikurwabe, la Bitru, kange Yakubu, kange yahaya kange andirawu L meco Yuram yura. ciki.Yi yo diker buro a bwe fiyank? ye a yirom dike a bwitiye.
3Co yim dor bang cutum wobi dom kange bikurwabe, la Bitru, kange Yakubu, kange yahaya kange andirawu L meco Yuram yura. ciki.4Yi yo diker buro a bwe fiyank? ye a yirom dike a bwitiye.5Yecu yi ci ku cobi be kaage nii a blkom de.6Kila an bo ki denmir ci yiti, kin me co ci taan luritang nobo duce.7Na kom nuwa fulen kwene kange fulenticiye kom bwende wuro an bow, dika kale ko labo bati.8Bitene a ta gwam bitenen kange liyar an kuna liyarnin fiye kange bitene an muka buri diket terbo.9Ku yi ki bati ciya kikom makajica, ciya mli kom fiye wabe na ciya ki kom fiye liyar kange liyabo na ku nee bilenker mir.10Bitenen gwam an nuwam fulen kere miro.11Tano ci nen di, bunang de ki dike mwa tok tiye atan nenen dike nowa toktiyeu kebo mo; Bi yiten an kange biyiten bwiyam. Tee bibwe ce. an kwengtang tebcinin dokken bwar nubo an ko nen ki ker mir Nii wo mwirumum yaken cwile nii co biyan nii dukile ayaure lo ki ca ti dike.12Nii kange yice ne kece dotage ya ciko bwar. bibeiyo an kunung tece nen, dila ya ci ko bwar13Nob an konen ki den mir la wo mwirumum gwam meri nii an fiya dume.14No mun to diker tim fiye daten bo mo tim wiyeri, nii ki fiye ceu anyumum. Nobu wo mor Judiya ciya kwiken dor bangek.15Nii wo mani dor loweri ca yirau re bitine. na cori lowe ban tum wi fintano co nen.16Nii wo mor take ri ca yilare ca ture diker wi.17Kue a botiyen an kwanen nobo ki fure kange nobo kidi bai ye.18Kun kob dilo diker co a bwene ki melak.19Kume co a yila kume dotange wo fiya mambowiye ki kabo, yaken coko dii kwama fulo kale na wori man a bwititka.20Na ki teluwe kwin bo kume dii kange nii mani wo a fiya dume tiye ke nobo ma kwama nobo wuro ma cokange co ma kwenum kume.21no kange yinen ki to wo kiriti! wo co ciyare coko.22Cerka an ciro kiriti kange nii dukume. ciya manan diker Yumanka. bol komti na wo yeu, ma kwacibo.23Ti ki bati min yi kom diker buro kwam fiya kikume co.24Ki diye dotange wori, kakuko an fimkume cako mana ne filang ti.25Biterentinin an yare di kwama. an muka ki bikwan.26Mu to bibwe nii bou ti mor bi lore ki bi kwan wabe.27La can tun bibei tomange ceu wo ca cikan ci na mor fiye win. for dilime kalewo kange dii kwama.28Kom mereng yomka fo kiti yo wo bicuceu mari curum finidi, futi,29No ki to dike wo bwentiri kum yom ni bi dom kange yilok.30Bilenke mi yi kom ti kale wo mani a cuti la ciya to dike wo.31Dii kwama kange Bitineu la an cum la keriro man ki cuka.32Kume we bouti w bibei tomange kange bibwe ce ci manki yomka cumin tee ri.33Kom nyi ki bati kom to na wuri kom yob diyeceu.34La na Nii wo cuyammi dob loceu yo ti bwe tomange wi ati tou yi la neu nanger makar. la cin yi nii to kako na cati tou yora.35Na wo nyeu kom yiki bati com yombo diye nii luwe a boutiye, kangeri ki me kangeri kibi kume kaangeri ki bibwiri.36Kar no bouri bo fiya kom dadumti.37Dike mayi kom meu diker miyi nobo Gwam kange nii cerka ko. Dimero 141Duklume yabka, wo carito camfuwmbo maniye kum kume yob, durtinin nob wabebo, kange nob mulangkab werfunero cin do kambo ciya tam Yecu tiyeu yurangum yurange na cin bwalum co la.2ciki kebo ki duklume kari bouki kyan tiber neber.
Yecu kino Bettinya lo Caminu wale, yo na cin yaken cikka ri kange nawiye tum ki wer nuwager do ficange na keme ce kambo keng, con bultang cinen ti dor.kangyumbo wari kange Yecu mam funer, La cin tok ti ki.Nuwang ficangeb bo wo na keme ce kambo ken, kayabo a miyem di na tikan nub fuyabo nen kemera? Ye bwi kankako wo nawuri.
3Yecu kino Bettinya lo Caminu wale, yo na cin yaken cikka ri kange nawiye tum ki wer nuwager do ficange na keme ce kambo keng, con bultang cinen ti dor.4kangyumbo wari kange Yecu mam funer, La cin tok ti ki.5Nuwang ficangeb bo wo na keme ce kambo ken, kayabo a miyem di na tikan nub fuyabo nen kemera? Ye bwi kankako wo nawuri.6Yecu yici ki, “ko dob co, ye bwi kom werang co tiye.7Tano kon ki ner tikanka nob bwineb di kaka nob fuyabdi ci wari kange kom kang kang. Mi min man wari kange kange kom.8Na wiyewo ma nagen do ken na ywelka furka bwimiko ce.9Bilengke, ma yikomti, gwam fiye atokom fulen kerer miro tiyeri fou dorbintineret mani a tabti kange nawiye wuro, kange lumako ci mame neu.10Ki nuwa kako wori, Yahuza Icarioti, win mor nob bwangka cebo cer ka cwak yaken fiye nii dor wabero wiyeu be na co kangum co cinen.11La nob dor wabero nuwa yori, ci ma bilangtum kambo ken kange nor kiyemer ciya ne Yahuza tiye. Con yoten doka nureko ca neken co ci ti neneu.12Kakokko wine na caga carito camfuwam maniye kange twiranka bar kwame duklume yabka, nob bwanka cebo yi co ki “La baywel fiye caka duklume yab kako fe?”.13Twam yob mor nob bwangka ceb ki “Kom do mor cinar lor kan fiya kange nii tum ki tabwer mwenger.14Luwe ce dori kom bwang cinen ten ko yi nii luwa, nii merangka yi ki “Ma cwi fiye ceerka ti na canga duklume yabka kange nob bwanka meko?”15An nung kumen lowe diye durko ywelum ywele. “La kon ywelbenet wi firen”.16Ki do ka nob bwangka ceko cinan lor ci fiya dikero nyo nawo ci tokeu, ci keneu cin ywilangum duklume yabkako.17Kambo me domeri, cin bou kange kwobcilombeu.18Fiya ci yim La te caka cari, Yecu yi ki “Bilenke ma yi koti kange cati wari kange meu an kanye.”19La kwomci, ci me co, win bwiko wine ci ki “Bilenke kebo ma”.20Yecu ciya ci yiti ki, “Win more kwobcilombo yobe wo dokkan ti wari kange meu, can nawo mor kweleu”.21Bibwe nifire an cu kambo bifumero toki dor cere di la kwannen mou yni mo kance! “An la ci men, no ciki bou co bo.”22Fiya ci ca carito ti, Yecu tu carito yoti bibwiro wi, Con duwarangi con neci yiti ki, “Wo bwi mi”.23Con tu kweleu, con ne bouka kangek cin necii, cikeneu cin noo kwele nen.24Coki “Wuro bwiyale mi na nore ce wo cii cori ki nubo kila-kila.”25Bilenke, Man ma noten mwem tiyeb bo wuro ti kange kom, dila ma nou na fwir mor liyar kwamar26Bwiko ci kanuwe na wabka kwama co cela ciin cu bang zaitonek.27Yecu yi cii, “Gwam kume kan kottange, kom yari ki kermid, dila mulangum mulange wo yiti” Man mwe ni bi yuware kwame a yalam”.28Bwiko kwenka mib man cu kab yulum kom yaken Galili.29Bitrus yi co, “Bwen gwam ce ciya yari ri, o-ogn kebo kange ma”.30Yecu yi co “Bilenke min yi nen ti, mor kume wo kiyange barbicake na yobe ce, mwan kanang yomka mik kriti taar.”31Di Bitru yilan tok ten, “Bwen ciyan bwelye wari kange mori, mani ma kanang yomka mweti.” Gwam ce cin ma norowo.32Ci lam kange fiye ci coti Gethcemane, Yecu yi nob bwankab cebo “Ko tacinen fo ya ma kwob dilo.”33Con tu Bitru kange Yakubu, Kange Yahaya. con ter nuwa ka dotange ko kambo ken kange kwomka ducce.34Dila cin yi cii, “Dume mi nuwa dotange ti, tamwin bwiyan. Ko tam na fo, kom yi ki bati.35Yecu ya kab bi dob ri, cin yari bitine, con kwob dilo con yi ti, tano diker makar di, tu men dotange wo.36Co yi ki, “Abba Te” dikero gwam na makace monen Tum dotange di kebo cwika mik, namwe.37Con yilau bo ci fiya cii dam dum La coki Bitru, “Cimon, muki daduma? Maka corti na kene wine ce?38Co cori, kom kwob dilo kati doken duwaka. Yuwa tangbeko bicom ti cwi, dila nange yibed”39Tak con cu ya ci kwob diloti, ci tok ki ka co.40Tak ciyilau bo ci fiya ci dam dum, dil nuwe ce tuu, di ci yombo diker ciya yi co tiyeu.41Co bou na taare ceu, con yi ci, “Duwal kom da dumbo ti, kom ki fubiya? Cuwati! dikene dim. To! Bibwe nii ci kanco kan nob bwirange.42gweni, biya. To, wo kanyereu wo bidom.”43Ci mor toka kekre Yahuda, win mor kwobsolombo yobe, Lau, la kalito durko wari kange co, ki fulen daltomer fiye nii wabe dur ko knage nob mulangkab.44Nii kanka ce ko nun cimen yirom ki, “Nii wo ma kurumeu, co ni co kom tam co, kom yaken ki co bwambwabe.45Kambo Yahuda Lauweri, dang jang co bou Yecu nen co ki “nii meranka” con korum co.46Di cin yoti kan cinen cin tam co.47Di win wo timbidomeu kwou kulencero cwallum to canga nii waber durko.48Yecu yi ci ko borangum na nob taka nob kwiyeb ki kulenti kange daltomer na kom tam ye?49Fiya mi meranti bi kur waberer kankantinwari kange kom ka tayebo, di la manyo be na dim dike bifumero tokeu.50Wi fiye wo, gwam nubo wari kange yecu mirang co wi, cin torum.51Kange bwayile ka co kange yilang kwabka cinen bwang ten Yecu ti. Kambo nubo tam ceri.52Cin dob cinen yilang kwabkako, cin cwa cin cu kwancer.53Cin yaken ki yeci ni wabe dur ko nen, wari kange ce liyar wabeko kange nubo dur tinimbo, kange nob mulanka tinimbo mwerum wi.54La Bitru bwang cinen ten kutan ya cuko lo nii dur wabere. Ci yi wari kange nubo cortiyeu, Ci cukira ko ti55Na wo liya wabe tinin gwam kange nob yimib Yahudawa bo, ci do warke ti dor Yecu, na ci fiya na ci twalum co dila ci fiyabo.56Nubo kila bou ki warke cwerke dor cer, dila yi ciye bou bo win.57La kangum bo kwanou tak cin ne warke cwerke dor cer ciki.58Yon nowa con toki 'Ki cn werum kurwabero nubo muweu, yila na ci muti kume taar'”. Kebo muka niik.59Gwam kange wo warke ce boubo win.60Di nii dur wabero kwenti tiber cer me Yecu ki mun manki karka ke dor warke wo nubo boro tok dor mwera?61Di kumom ci bir bir diker cer tok bo kange diker. Nii wabe durko yila me ten co, wentari mu Almacihu, bwe nii duktong kakaa?62Yecu yi ci ki “Mou kan to bibwa nifire yim kanko cattiyerer nii bi kwane ayilau mor bi lore.”63Di nii dur wabero wobrangum kulnecero warke wini tak ba dotiye?64Con nuwa dilakako con mani ye ka toye? Gwam ce ci mwati cinen warkere kin da twalka.65kangumbo yo ten twuman cinen bi twombi ti, bwam nuwe ceu, ci bok co ci yiti. “Yii bou diker ya bwitiyeu” nob corkabo malli coti.66Bitru ken yim bitin tare luwenen, kange Bubiya cange dur nii wabe bou.67Cin to Bitru cu kira ti, To co bicom coki. “Moken mo wari kange bwe Nazarene Yecu.68Di con kanagum Ciki. “Mi ma yumbo diker mo tok tiyeu tenkang fwetanka.” Cin cerou karak kale ri La barbicakeu mwob kiyangeu.69Di Canga to co yila tokten ki “Borombo wo tirangum wiyeu. Woken wi more ce.70Di la con kanag ten Kutang bo yori boro timtiyeu cin yi Bitru “Bicom mon wii win mo re ce, mun bwe Galili.71Di con ter cilka duwice, wabrangti, “Ma yumbo nii yo kom tok tiyeu.”72Cang Cang nawo barbi cake mwob kiyange yobe. Bitru bulange ki kero Yecu yi ceu. ki Fiya na barbicake na mubkyange kiriti yobe, mun kanang ye kriti taar, La bulangeri con taa cikawiyeko. Dimero 151La ki kwomceri nubo durko cin mwerkanye kange nubo dur mulanka, kange nubo durko. Cin tam Yecu cinyo cou kab, cin neken cou kan Bilatu.2Bilatu mee cou mwo dur liyar Yahudawa ka? con ciya ci kii ywo nawo mwa tikeu.3La nubo dur firitoci cin bou kii cwarum cembo ci ma co Yecu neneu.
Yila Cin mwe co tak, “Mwa karbo ker” too dikero yee ci bouti coko dor mwere.La Yecu yii co bo kange ker tak, la yila cimen diker yumankar.
4Yila Cin mwe co tak, “Mwa karbo ker” too dikero yee ci bouti coko dor mwere.5La Yecu yii co bo kange ker tak, la yila cimen diker yumankar.6No Idio lauri Bilatu kii ma cimen kii bi be dikero wo nubo cwitiyeu.7Mor lor furcina fiye ci kum nob bang tubbo wiyeu, kange nob twalkab nii twalka ko kange wii ci coti kii Barabas.8La nubo bou Bilatu nen na macinen nawo cimatiyeu.9La con ciya ciki “kom ki cwi na tung kumen liya yahudawaka?10La nubo dor ko cin yomum ciki ma funer cer nii tomanger.11La nub tomangebo cin cee kidir ki a tung cimen Baraba.12La cin ciya ciki yee ma mati ki Yecu Liya Yahudawa?13Cin ciya kidir ki “Ayeykenco”14La cin me ci ki Ye nii wo Mane? Yila cin kuntendir cero, “Akulken co”15Ci ma yori naci fou cimen ner la tunken baraba. Na ci malli Yecu ki balyange na nimde neken co fiye Kulka.16Nubo Yaken ki co mor fiye bwei yeuri la cin tuk nub dokabo ducce.17Lajin ducimen belle cwilanka cin bwa cinen lallang duwek ki cwiwak.18La cin cuccu co tiki ayarum Liya Yahudawa.19La cin twom dor cero ki kulki, ci twom cimenti bi bitwom dor, Yila ci cung cunge cin ma cimen wabka cwilanka.20La cin dim cwilanka ceri yila ci cukum belle ceu ci man ten ti ka bilankiya ce. La cin cukken co kale nacin kulken co bwatiye.21Kambo ci yaken ki co fiye kulka ri cin wabkan kange nii kanye cwiti na ci tum Bwatiye kulka Yecu ko dencero cimon nii Cyrene con Te Alexander kange Rufu22La cin bou ki Yecu fiye doro wiyeu.23Cin ne co mwem morum kange dikero bwiber, cin ko nokako.24Cin kulken co bwatiye, la cin worbangem belle ceu bwiti ci.25Ki kume tar di cin kulken co bwatiyeu.26Cin mulanti ki cin fulognum Liya Yahudawa.27Kange co cin kul nub kub yob, winew kino kan ceko catiyerd, winew kanko mwokke. cin mayo naci dim dikero bifimer tikeu.29La cin cukentiri, ci kwador certi ci torang coti cin yico ki “Mun bubam ku wabka kume win, mun muti kume tar.30Cer dor mwer, na yiram fiye kulka nen.31La Nii dor cero kange kangum nub yico ti ki Cin cuk kangum nub, la fwe ki cukka dor cer.32La di liya Yahudawa ayirau bitine, no ci tori ciya ne bilenker” kange nubo ci wariyeu yi co ti yo ken.33Kambo ki me kume fim ki diye nukkun yaciko ter.34La cin nuwa Yecu ciye ki diro dor ki “Kwama, Kwama, Yee bwi mwa dubyere.35Nubo wo tim wiyeu nuwa cori ki “kom nuwa wo co Elija ti”36Kange cwa mo rece yan tum mwem twibero dukti mor cor-cor, cin yiki bito kono Iliya am bou na cok cori.37Yecu kwa kiyange ki dir dume ceu cirom.38La ku wabkako tikangem yob kange dii kange tob.39Na wo nii wo tim to Yecu ti naweu yii ki nii wo bibwe kwama ciin.40knage natubo wii tim kutan kange ci Meri magdalin Ne Jame yii Jacob be kange Colomi.41Nawo ci mor Galili cin bwan ten co cin ma cimen wabka. Natub bo kila bwanten ci wi mor Jerucalem.42La me du cume wo ci yo na nime kume Asabare lau.43Yucufu nii Arimathea bou ken cin wii mor nubo wuro cen lokwama tiye, cin ken ci curen bwiyed Yecu ro.44Yi la cimen ki diker Nyumanka, ki Yecu bwiyam, con tuk nub na cin to no Yecu bwiyam di.45Kambo ci Nyumom Yecu bwiyameri cin neken Yucufu bilen cero.46Yucufu ten ci nen kule dukar, la cuk co fiye kulka yan yoken co tuwe woo ciwumeu yila cin comti tero wi tak fiye do kako nen.47Mery Magdalin kange Meri nee Yucufu cin tom fiye ci furom Yecu wiyeu. Dimero 161Kambo diye fufkako lame di Mari kange Magdaline nee Jame, colomi tenou nowan beltika wo ciya belti Yecu nen tiyeu.2Kii kwamce kume wine na kume nibere, cin yari tuwe wumom na nimde kakoko curou.
La ci takkanti ki we a tum cimen tero ti fiye doka?La cin too diyokori tero wum yiloko nen la fiye co kwaya.
3La ci takkanti ki we a tum cimen tero ti fiye doka?4La cin too diyokori tero wum yiloko nen la fiye co kwaya.5kambo ci dou mor tuwe ri cin too kalbwe bwayile tim wi dum ki kulendo fur, yim kanko mokke.6Yii ci ki “kom cware tai. komki do Yecu, Nazared, wo ci kulken coweu. Con kunum mani fou. kom too fiye ci yom co wiyeu.7Ya kom yi Bibei tomange ce kakye Bitru Ciya ya Galili nacin too cou wii nawo ca yi ciyeu.8Cin ceri kale ki cwak mor tuwi nen, Ci kwabbang nerti yila cimen diker yuanka. Ci tokbo ker kange nii bwiceu tum ka tai.9Ki kwomce kume win na kume nibere cin bou maryamu nen, niye wo ca cuk yuwa niber bwi ceu.10cin yaken kale ci yi nubo wo e kange ceu kambo kibi buri ci ciweye tiyeu.11La cin nuwa ki con wii ki dume cin tom cori, la ci ciya bo duwal.12Kambo dikero wo bwi nawori cin ceri nubo kange nen yob yakenti bitene kale.13La cin Yii nob tomageb cebori, ci ciya bo duwal.14Yecu la cerkanngi cimen nibere nen cin yim tang celan, kange nubo mani ki bilenkereu nawo ci ciya bo kange nubo wu to cor kambo ca gwunom loka ciyo ca bwiyam meu.15Cin Yi ci ki “kom ya mor kalewo nen kom yi wab ker miro gwam.16Nii wo yoo kermire ri kom yu cemen mwebo na ci fiya dume, nii wo nebo belinkere ri, ki yan kra.17Wo co diker a bwiti kange nubo wori ciya, nee bilenker ki dencereu, ciya cuk yuwa, ciyan tokker ki biyel kanyem.18ciyan ta na cuwi ki kan, no ci noo dikero bwir di mani a maci ti ki diker, ciya cuk twirak bwi nebe.19Kambo teluwe dim kero kange ciyeri, la cin tum co dikwama fiye ca yim tiyeu kanko wokkeu kwamak.20Bibei tomange ceu yala ciranken fiye kakyum tokker cero tii Yii neka dumeko wii kange cii.