Yuhanna4bsj_doo
1kambo Yeecu nyumom tancawa nnwam co fiye ten bi bei tomange ti, co yii' cinen mwem kwama ti lan wo Yuwana ceu,2(bwen no na kebo Yeecu ki bwici yu cinen mwembo tiyeu, bi bei tomangece.)3con dubom Yahudiya con yilaken Galili4la tam co tiyangi camariya.5la con bou cinen lor camariyaro kange wo coti, cika, bidom kange fiye Yakubu ne bi bwe ce Yucufu.6bwir Yakubu ro ki no wi. kanbo luwam Yeecu ki yamcem be ri la con yii ken kong bwirie. dong dong kamg keneko nukkun.7nawiye camanya kange bou a tuwa mwem, la Yeecu yii, neye mwembo nan nomwi,8nyeu bibei tomange ceu doken mor cinan lor a teyer cari.9la nawiye camiriya yii co la a manyi mo mon bayafude mwa me yeti mo min nawiye camariya mwem no kam tiye? Yafudawa mani yabkan na kange camariyawa.10Yeecu kar cen cinen na mon nyumom luma kwama ri, kange co nii wo yii nenti ne ye mwem nokameri, namotin ken co yii nentin ne nen mwembo ki dumeu.11nawiye yii co, nii merangka, mo manki tabwir, bwiro cuwa kabo, la mwa fiya mwembo ki dume fe?12be mwa la bo tenge Yakubu, mon la ca, co woca ne nyo bwireu, co ki bwici con no more ce. bibeyo lo ce no wi, kange bicir cero?13Yeecu yii co kange nii wo na no mwembo weri an nuwa dilo mwe tak14la nii mane co tiyeri, mani a nuwa dilomwe ti tak. yila nyen, mwembo ma ne co tiyeu an yilam kwen mwenger cinen ti bui yaken ciko dume diinyeu.15nawiyeu yii nii merangka neye mwembo wo nari nuware dilomwe tak. nan boure tuwaka mwengek fo.16Yeecu yii co, ya cou bwemwe. na kom bou fo.17nawiye yii co, mi man ki bwayile. Yeecu yii co mo tok dong-dong, mi man ki bwayile,18wori mon nam nabarob lam nung wo mo ciko na weu ke bo bweme. dike “mwa tokeu bilenker.19nawiye yii co, “nii merangka, ma to timon nii dukume.20tebnye bo wab fo bang ko wo, la mweu moki wurcalima co fiye daten nubo yam wabka ti wiye.21nawiye, ne bilenker kwamaco bouti wo mwa wab “Teeti fo dor bangero wo, bwenno wurcalima di.22kom ki wab dii ke ka nyombeu. nyeu nyo ki wab dii nya nyumom me wori fulokaka yau Yafudawa nin.23na co nyeu, kwama co wi bouti, na weu wo fo nob wabkako kendo an wab “tee mor yuwa tangbekcek kange bilenker. na teeu ki do co nubo buro na yilam nob wabbeceb.24kwama yuwa tangbek la nubo buro wabco tiyeu, tam wab co ki yuwa tangbek,25nawiyeu yii co “man nyumom kiwo maciya bouti (wori cu wo ti kiritti yeu) na co bou, can fuitang binen dikero gwam.26Yeecu yii co, “mo co, ceu yinen ker ti yeu.”27la na ceu bibei tomange ceu yilam. la ci nyumangi ye bwi co tok kan kerti kange nawiyeu, la kange ciye tok bo, “ye mo cuitiye? “kaka ye bwi mo tok kerti kange ce?28la nawiyeu dubom tabwir mangero, yilam ken mor cinan lor, la yii nubo.29bou kom to nii wo yii ye dike wo ma gwameu. wuro yilanin kiritti an yila ka?”30cin dubom cinan loro cin bou cinen.31na ceu bi bei tomange ceu yii co ti nii merangka cam carito.32la con yii ci min wi ki carito ma catiyeu wo ka nyom beu.33la bi bei tomange ceu ti tokkangi bwitici, kange nii bou cinen bo diker cakar for, lan wi ka?34Yeecu yii ci, canmiti co wo nan ma dike nii wo tomu ye maneu, la nan takum nangen cero.35ka tok bokum cuiyak na'ar la nanimde cuiyak ko bou ka? ma yii kom ti, kung nuwa ko to tanginiu, kweri bimye na cua kaba bi tokko ce.36nii wo biye butuwe tiyeu, yo nan nanger ceroti, la mur bi tutiyo wo ya ken dumen dii riye. wori niwo fiyeu, ci bi langi wari.37fo wori min, tokkako, wineu fi, la kange biyemeu bilenker.38man tuom kom ko ya biyeka. fiye koma bou nangen wiyeu. kangem bou mam nangendo kumeu kon do ti dotange ciyerin.39camariyawa ducce cinan loroco ne bilenker kange co ki ker nawiye wo ne warke dor ce reu. “con yii ye dike ma maneu gwam.”40la kambo camariyawa bou cinenu, cin ken co na yii kange, con ciya com dam kange ci kume yob.41nubo duccu tok ne com dam kange ci kume yob42cin yii nawiyeu, mani nya ne bilenker ti ka kero woma toku, wori nyo ki bwinyi nyon nuwam, la nyumom nii wo co nii fuloka dor bitiner.”43bwiko kume yobeko, la con kobum we con yaken Galili44Yeecu ki bwici toki, nii dukume mani fiya dur bitinece.45kambo co bou Galiliri, nubo Galili yo co. cin tom dikero co manangi wurcalima, ki duklume, wori cin ya'a duklumeu keu.46la yila con bou ten kana mor Galili, fiye yila mwem yilam mwem inabimmeu. kange nii wi wo ma nangen lo liyaru bibwece mor kafarnam nuwa bo luma.47kambo co nuwa Yeecu dubom Yufudiya yaken Galili di, co ya'a Yeecu nin la co me co no bou na twam bibwece, woro dadom bwiyakau.48Yeecu lam yii co na ka to bo yirom kange diker nyumankardi, ma ka ne bilenkerti.49nii nangen ne wo yii co “nii merangka, yirau nanimre bibwe mi bwiyam50Yeecu yii co “ya bibwe mwen bum.” nii co ne bilenke kange kero Yeecu. Yeecu yii ceu, la con cu.51kambo co yiraken tiyeri, canga ceu wabkang co yii co bibwe bum ki dume,52co ca me ciye kang keneko nibereu, kwirum bwiu dubom co.53co teeu la nyumom kin co kang keneko co Yeecu yii co, “bibwemwe bum” la co ki bwici kange loceu gwam cinne bilenker.54wuron co diker nyuman karo Yeecu manau kambo co ceru Yafudiya co yaken Galili.