নুজাহৗজানায়7
1বিনি উনাও আঙৗ সাব্রৈ আরফ'খৌ বুহুমনি কোণা ফাৎব্রৈয়াও গছংনায় নুবায়। বিছৗরৗ বুহুমনি ফাৎব্রৈনি বারখৌ হমনানৈ দৗনদৗং, জেন বুহুমনি কিন্বা সাগৗরনি কিন্বা বিংফাংনি ফ্রায় বারয়া বাররা।2উনাও আঙৗ গুবুন সাছে আরফ'খৌ সানজানিফ্রায় গাখৗবৗনায় নুবায়, বিনিয়াও গৗঠাং ঈশ্বৗরনি সীলমহর বুগ্রা দংমৗন। বিয়ৗ গৗব্রাবমৈ বুংবায়, যে সাব্রৈ আরফ'খৌ বুহুমনি আরৗ সাগৗরখৌ নষ্ট খৗলামনৗ একথিয়ার হৗয়াজাদৗং মৗন,3“জেব্লাগৌমানি জৗঙৗ ঈশ্বৗরনি দাসফৗরখৌ খাফালাও সীলমহর বুয়াগৌমানি, নৗংছৗরৗ বুহুমনি কিন্বা সাগৗরনি ডংফাঙফৗরখৌ হানি দাখৗলাম।”4অব্লা আং খৗনাদৗং সীলমহর বুজানায়নি সংখ্যা, ইস্রায়েলনি গাছেন বংশফ্রা এক লক্ষ চোয়াল্লিশ হাজার সীলমহর বুজাবায়।5যিহূদা বংশনিফ্রায় বারো হাজার মানসি সীলমহর ছাপ জাবায়, রূবেণ বংশনি বারো হাজার, গাদ বংশনি বারো হাজার,6আশের বংশনিফ্রায় বারো হাজার, নপ্তালি বংশনিফ্রায় বারো হাজার, মনঃশি বংশনিফ্রায় বারো হাজার।7শিমিয়োন বংশনিফ্রায় বারো হাজার, লেবী বংশনিফ্রায় বারো হাজার, ইষাখর বংশনিফ্রায় বারো হাজার,8সবূলূন বংশনিফ্রায় বারো হাজার, যোষেফ বংশনিফ্রায় বারো হাজার, বিন্যামিন বংশনিফ্রায় বারো হাজার সীলমহর ছাপ জাবায়।9বিনি উনাও আং নুবায়, আরৗ মৗনফ্রৗমবৗ জাতিনি আরৗ বংশনি আরৗ মানসিফৗরনি আরৗ মৗনফ্রৗমবৗ ভাষানি মানসিফৗর, বিহা গেদেৎ হান্জা দংমৗন, বিছৗরৗ সিংহাসননি সিগাং আরৗ মেন্ডা বিসানি সিগাং গছংনানৈ দং, বিছৗরৗ গুফুৎ সি' গাননায়, আরৗ বিছৗরনি আখাইফৗরাও খিজুরনি ডালাইফ্রা।10আরৗ বিছৗরৗ গাবজ্রিখ্রাওদৗং গৗব্রাব রাওয়ৈ, “উদ্ধাররা জৗংনি ঈশ্বৗরনিফ্রায়, জাইয়া সিংহাসননি ছায়াও জিরাইয়ৗ, আরৗ উদ্ধাররা মেন্ডা বিসানিফ্রায়।”11গাছেন আরফ'য়া সিংহাসননি সৗরগিদিং আরৗ প্রাচীনফৗর আরৗ মাব্রৈ জিব জিরাত গৗঠাং জুনারফৗরনি সৗরগিদিং গছংদৗংমৗন। বিছৗরৗ মৗখাং গুগ্রুবনানৈ সিংহাসননি সিগাং ঈশ্বৗরখৌ খুলুুুুমদৗং।12“আমেন, বাখ্নাইনায় আরৗ মহিমা আরৗ জ্ঞান, ধন্যবাদ আরৗ মান, গৗহৗ আরৗ বৗলৗ জৗবনৗ গৈয়া জাছে জেব্লাইবৗ ঈশ্বৗরনি জাথৗং। আমেন!”13উনাও প্রাচীনফৗরনি গেজেরাও সাছেয়া আংখৌ বুংবায়, “গুফুৎ সি' গাননায় বে মানসিফ্রা ছৗর, বিছৗরৗ ববেহানিফ্রায় ফৈদৗং?”14আঙৗ বিখৌ উত্তর হৗবায়, “ও আংনি ফৗরবু, নৗঙৗ মিথিগৌ।” আরৗ বিয়ৗ বুংবায়, “বেছৗরৗ বি মানসি, জাইফ্রা বি গেদেৎ কষ্টনি গেজেরজৗং ফৈদৗং, আরৗ মেন্দা বিসানি থৈয়াও গাও গাওনি সি'খৌ ছুবায়, আরৗ গুফুৎ খৗলামবায়।15বিনিখাইনৗ, বিছৗরৗ ঈশ্বৗরনি সিংহাসননি সিগাঙাও দং, আরৗ বিছৗরৗ হর সান বিনি মন্দিরাও সিবিয়ৗ, আরৗ জাইয়া সিংহাসনাও জিরাইনান দং, গাওনি নুজাথিনায়নি গেজেরজৗং আশ্রয় হৗনায়।16বিছৗরৗ মাব্লাবাবৗ উখৈনায় অৗংলে, আরৗ মাব্লাবাবৗ গাংনায় অৗংলে, আরৗ বিছৗরৗ মাব্লাবাবৗ সাননি গরমজৗং খামনায় অৗংলে।17মানৗনা সিংহাসননি গেজেরাও মেন্দা বিসায়া বিছৗরখৌ খাংনায়, আরৗ গৗঠাং দৈয়নি নিজারানি সাখাঠিয়াও গুমনায়, আরৗ ঈশ্বৗরা বিছৗরনি গাছেন মগননি মৗদৈখৌ হুগারনান হৗনায়।”
The Seed Company