নুজাহৗজানায়4
1বেনি উনাও আঙৗ স্বৗর্গৗয়াও মৗনছে দরখং গেওনায় নুবায়, আরৗ সিগাঙাও যে গারাংখৌ খৗনাদৗং মৗন, জেরৈ ফেংফানি গারাং সিগাং আং খৗনায়া বিয়ৗ আংজৗং খৗথা বুংদৗংমৗন, “বেহা জিখাংনানৈ ফৈ, আরৗ উনাও যে যে জাথারনায়, বিফৗরখৌ আঙৗ নৗংখৌ দিন্ঠিনায়।”2বি সমাও আঙৗ জিউয়াও দৈদেনজাদৗংমৗন, আরৗ বিহা আংনি সিগাং স্বৗর্গৗয়াও মৗনছে সিংহাসননি ছায়াও ছৗরবা জিরাইনানৈ দং।3জাইয়া বিহা জিরাইনানৈ দং, বিনি মহরা নায়নৗ দাম গৗছা মৗঠাং অন্ঠাই আরৗ গৗজা অন্ঠাই বাদিমৗন। আরৗ বি সিংহাসননি সৗরগিদিং হারদৈখলং, বিয়ৗ জৗংব্লাওনায় নায়নৗ দাম গৗছা মৗঠাং অন্ঠাই বাদিমৗন।4সিংহাসননি সৗরগিদিং চব্বিশটা সিংহাসন দংমৗন, আরৗ বিহা চব্বিশ জন প্রাচীনফৗর জিরাইনানৈ দংমৗন, বিহা বিছৗরনি সি'ফ্রা গুফুৎ মৗন আরৗ বিছৗরনি খর'য়াও সোনানি মুকুট।5বে সিংহাসননিফ্রায় মৗফ্লামনায়, ছৗগৗননায় আরৗ খৗরৗমনায় সৗদৗব অৗংখাৎবৗদৗং। বে সিংহাসননি সিগাঙাও বিহা সাতটা বাতি জৗংব্লাওদৗং, বেফৗরৗ জাবায় ঈশ্বৗরনি সাতটা জিউফৗর।6বে সিংহাসননি মৗখাঙাও গুবুন রৗখৗমনি স্রাং স্রাং নুনাই অন্ঠাই বাদি আইনানি সাগৗর দং, আরৗ সিংহাসননি ফাৎব্রৈজৗং মাব্রৈ জিব জুনার দং। বিছৗরনি মৗখাংফাসি আরৗ উন ফাসি মগনজৗং খৗবজৗবনায় দং।7প্রথম জিবজুনারা মাছে সিংহ বাদি, দ্বিতীয়য়া মাছে মৗসৌ হালুয়া বাদি, তৃতীয়য়া জাবায় মানসিনি মৗখাং বাদি আরৗ চতুর্থয়া বিরগ্রা মাছে ঈগল দাওছেন বাদি।8বে মাব্রৈ জিব জুনার মৗনফ্রৗমহাবৗ ছয়টা গাঙখং দংমৗন আরৗ গাঙখংফ্রা মগনফৗরজৗং সিং আরৗ ছা খৗবজৗবনায়নি মৗন। হর আরৗ সান জিরাইয়াজাছে বিছৗরৗ বুঙৗ “গৗথার, গৗথার, গৗথার ফৗরবু জাইয়া বৗলৗগ্রাসিন ঈশ্বৗর, জাইয়া দংঙৗ আরৗ জাইয়া দংমৗন আরৗ জাইয়া ফৈগৗ।”9আরৗ জাইয়া সিংহাসনাও জিরাইনানৈ দং, জাইয়া জৗবনৗ গৈয়ি গৗঠাং, বি জিব জিরাতফৗরা জেব্লাইবৗ বিনি মহিমা হৗয়ৗ, মান আরৗ ধন্যবাদ জেব্লাইবৗনি থাখৈ খৗলামৗ।10চব্বিশ জন প্রাচীনফৗরা বিনি সিগাং গুগ্রুবনানৈ খুলুমৗ জাইয়া সিংহাসনাও জিরাইনানৈ দং আরৗ জাইয়া জেব্লাইবৗনি থাখৈ জৗবনৗ গৈয়ি গৗঠাং, আরৗ বিছৗরৗ সিংহাসননি সিগাং গাওছৗরনি মুকুটফৗরখৌ দৗন্নানৈ বুংবায়,11“নৗঙৗ যোগ্য, জৗংনি ফৗরবু আরৗ ঈশ্বৗর, নৗংনিনৗ মহিমা আরৗ মান আরৗ বৗলৗয়া, মানৗনা নৗংনৗ গাছেনখৌবৗ দাদৗং, নৗংনি গৗসৗ বাদি দাজাদৗং আরৗ বিছৗরৗ থায়ৗ।”
The Seed Company