মথি27
1নখা নাইগ্রৗমৗনা ফুংজানি গাহায় যাজকফৗর আরৗ মানসিফৗরনি প্রাচীনফৗরা গাছেন যীশুখৌ সিথাৎনৗ জ'জানানৈ সানজ্লাইবায়।2আরৗ বিছৗরৗ যীশুখৌ খানানৈ রোমনি শাসনগিরি পীলাতনিয়াও গথাইহৈবায়।3জেব্লা যিহুদা, জাইয়া যীশুখৌ বিসারুফৗরনৗ গথাইদৗং, নুবায় যে যীশুখৌ দাইয়াও খৗখ্লৈনায় জাবায়, অব্লা বিহা বিখা খামদৗং আরৗ গাও লানায় ত্রিশটা রুপানি পায়সাখৌ গাহায় যাজকফৗর আরৗ প্রাচীনফৗরনৗ হৗফিনদৗং।4আরৗ বিয়ৗ হৗন্দৗং, “আঙৗ দায় গৗয়ি থৈখৌ সিথাৎনৗ হমনানৈ হৗনানৈ পাপ মাওবায়।” বিছৗরৗ বিখৌ উত্তর হৗবায়, “জৗং মা মিথিগৌ, বি নৗংছৗরনি খামানি।”5বিনিখাইনৗ যিহুদাআ টাকাখৌ মন্দির সিঙাও গাহৎনানৈ থাংবায়, আরৗ বিয়ৗ থাংনানৈ গাওনৗ ফারসি নাংহৈবায়।6গাহায় যাজকফ্রা বি পায়সাখৌ খংখাংনানৈ হৗনবায়, “বে টাকাখৌ মন্দিরনি ভান্ডারাও দৗনব্লা আইনি বিরুদ্ধ জানায়, মানৗনা বে থৈনি দাম।”7আরৗ বিছৗরৗ সানজ্লাইনানৈ বে টাকাখৌ গুবুনহারিফৗরনৗ গৗথৈ সালিনি থাখৈ দৈহু দাগ্রানি হুখৌ বাইবায়।8বিনিখাইনৗ বে ফাথারখৌ দিনৈসিমবৗ, “থৈনি ফৗথার মুংখয়ৗ।”9বেবাদিনৗ যিরমিয় নবিনি ভাববাণীজৗং বুংজানায় বে খৗথায়া জাফুংবায়, “বিছৗরৗ ত্রিশটা রূপানি টাকা লাবায়। বে টাকা বি মানসিনি দাম, ইস্রায়েলনি মানসিফ্রা বিনি থাখৈ বি দামখৌ ঠিক খৗলামখাদৗংমৗন।10আরৗ বিছৗরৗ ফৗরবু থৗন্নায় বাদি বে টাকাখৌ দৈহু দাগ্রানি হুখৌ বায়নাইয়াও বাহায়বায়।”11বেনিগেজরাওনৗ যীশুখৌ শাসনগিরিনি সিগাঙাও গছংহৗবায়, আরৗ শাসনগিরিয়া যীশুনিয়াও সৗংবায়, “মা কি নৗঙৗ যিহূদিয়ারিফৗরনি রাজা?” যীশুআ বুংফিনবায়, “বেখৌ নৗংনৗ বুংবায়।”12জেব্লা গাহায় যাজকফ্রা আরৗ প্রাচীনফৗরা বিখৌ দোষী খৗলামদৗং, অব্লা বিয়ৗ জেবৗ উত্তর হৗয়াখৗছৈ।13বিনিখাইনৗ পীলাতনা বিনিয়াও সৗংবাওদৗং, “নৗঙৗ খৗনায়াখৈ না, নৗংনি বিরুদ্ধনাও বিছৗরৗ সাক্ষী হৗফৈদৗং।”14নাথায় যীশুআ খৗথা ফংছেবৗ বুংফিনাখৗছৈ; বেখৌ নুনানৈ শাসনগিরিয়া মৗজেন সৗমৗ নাংদৗং।15বেবাদি নিয়ম দং, বৗছৗরফ্রৗমবৗ ফাসকা ফরবনি সমাও পীলাতনা জৗবথেসালিয়াও দৗনজানায়ফৗরনিফ্রায় সাছেখৌ, মানসিফ্রা জাইখৌ হগারজানৗ সাইখয়ৗমৗন, বিখৌনৗ হগারৗমৗন।16বি সমাও যীশু বারাব্বা নামনি মুং দাংখা সাছে মানসি জৗবথেসালিয়াও জৗবজাদৗংমৗন।17মানসিফ্রা জেব্লা জ'জায়ৗ, অব্লা পীলাতনা বিছৗরনিয়াও সৗংদৗং, “নৗছৗরৗ ছৗরখৌ আংজৗং হগারজানৗ লুবৈয়ৗ? বারাব্বাখৌ না যীশু হৗন্নায় মসিহখৌ?”18মানৗনা পীলাতনা মিথিখাদৗং, বিছৗরৗ যীশুখৌ মগন ছানানৈছৗ বিনৗ গথাইদৗং।19জেব্লা পীলাতনা বিচারনি আসননাও জিরাইনান দংমৗন, অব্লা বিনি হিন্জাওয়া মানসি থৗনহৎনানৈ বেবাদি বুংহৗৎদৗং, “বে দায় গৈয়ি ধার্মিক মানসিনি ছায়াও নৗং মৗংবৗ অন্যায় দামাও, মানৗনা থাংনায় হরাও বিনি থাখৈ সিমাঙাও আং মৗজেন সৈনাংদৗং।”20নাথায় গাহায় যাজকফ্রা আরৗ প্রাচীনফৗরা ভিরখৌ তুলুংগাহৗনানৈ বেবাদি বুংনৗ থৗনবায়, “যে যীশুখৌ হগারালাবানৗ বারাব্বাখৌনৗ হগারদৗ।”21বিনিখাইনৗ শাসনগিরিয়া সৗংবায়, “বে সানৈনি গেজেরাও নৗংছৗরৗ ছৗরখৌ আংজৗং হগারজানৗ লুবৈয়ৗ?” ভিড়রা উত্তর হৗবায় “বারাব্বাখৌ!”22পীলাতনা বিছৗরনিয়াও সৗংবাওবায়, “অব্লা, আঙৗ মা খৗলামনৗ যীশু জাইখৌ মসিহ হৗন্নৗ?” বিছৗরৗ গাছেন উত্তর হৗবায়, “বিখৌ ক্রুশয়াও হৗ!”23পীলাতনা বিছৗরনিয়াও সৗংবায়, “মানৗ, বিখৌ ক্রুশয়াও হৗনৗ, বিয়ৗ মা দায় মাওদৗং?” নাথায় বিছৗরৗ বয়বৗ গৗব্রাবমৈ হজ্রিখাওনানৈ হৗনবায় “বিখৌ ক্রুশয়াও হৗ!”24পীলাতনা নুবায় যে বিয়ৗ জেবৗ খৗলামনৗ হানায় অৗংলে আরৗ দাওরাওয়া রাসিনছৗ জালাংদৗং, বিনিখাইনৗ বিয়ৗ দৈ লানানৈ ভিড়নি সিগাঙাও গাওনি আখাইখৌ ছুনানৈ হৗন্দৗং, “বে মানসিনি থৈনি দাইয়া আংনি অৗঙা, বিনি দাইয়া নৗংছৗরনি জানায়।”25গাছেন মানসিফ্রা উত্তর হৗবায়, “বিনি থৈনি দাইয়া জৗংনি আরৗ জৗংনি বিসাফৗরনি ছায়াও জাথৗং।”26অব্লা পীলাতনা বিছৗরনি খৗথা বাদি বারাব্বাখৌ হগারবায়। নাথায় যীশুখৌ ছাবুকজৗং বুহৗনানৈ ক্রুশয়াও হৗনৗ গথাইবায়।27পীলাতনি দাওহা নাংগ্রাফ্রা যীশুখৌ রাজমহল সিঙাও লাংদৗং, আরৗ গাছেন দাওহা নাংগ্রাফ্রা বিনি সৗরগিদিং জ'জাদৗং।28বিছৗরৗ যীশুনি সি'খৌ খুনানৈ বিনৗ গৗজা রংনি খসাব গানহৗদৗং।29আরৗ সুজাইনি বিন্ডৗংখৌ মুকুট বাদি হেবনানৈ খর'য়াও হমহৗদৗং, আরৗ আগ্ডা আখাইয়াও গংছে লাওঠি লাহৗদৗং, বিনিফ্রায় বিনি সিগাঙাও হান্ঠুখরাইনানৈ বিখৌ হাজিগদাওনানৈ বেবাদি হৗন্দৗং, “গৗজৗনথৗং, যিহূদিয়ারিনি রাজা!”30বিছৗরৗ বিনিয়াও মুজুদেৎদৗং, আরৗ লাওঠি লানানৈ বিখৌ খর'য়াও গলে গলে বুদৗং।31আরৗ বিছৗরৗ হাজিগদাওনায়নি উনাও, গানহৗনায় খসাবখৌ খুফিন্নানৈ বিনৗ গাওনি সিখৌখৌ গানহৗফিনদৗং, আরৗ ক্রুশয়াও দৗখঠাবনৗ বিখৌ লানানৈ থাংদৗং।32আরৗ জেব্লা বিছৗরৗ বাইরাও থাংদৗংছৈমৗন, বিছৗরৗ কুরীণীয়নি শিমোন নামনি সাছে মানসিখৌ লামায়াও লৗগৗ মৗন্নানৈ যীশুনি ক্রুশখৌ বিনৗ ব্রা ব্রা বানহৗবায়।33আরৗ বিছৗরৗ গলগাথা নামনি মৗনছে জায়গায়াও লাংদৗং, বে জাবায়, “খরঃ বেগেংনি জায়গা”34বিয়াও বিছৗরৗ যীশুনৗ গৗখা রস গলাইনায় দ্রাক্ষা বিদৈখৌ লৗংনৗ হৎদৗং, নাথায় যীশুআ বিখৌ ছাখিনানৈ লৗঙাখৈছৈ।35জেব্লা বিছৗরৗ বিখৌ ক্রুশাও ডৗখ্ঠাবনায়, যীশুখৌ ক্রুশয়াও দৗখঠাবনায়বিছৗর সিঠিক গেলেনানৈ যীশুনি সি'খৌ রান্জলায়বায়।36আরৗ জিরাইনানৈ বিছৗরৗ বিহা বিখৌ নেবায় থাদৗং।37আরৗ বিখৌ দসি খৗলামনায়নি নামৈ বেবাদি লিৎনানৈ বিনি খর'নি গৗজৌয়াও ছৈনানৈ হৗবায়: “বে যীশু, যিহূদিয়ারিনি রাজা”38বিছৗরৗ যীশুজৗং লৗগৗছে সানৈ ডাখুফৗরখৌবৗ ক্রুশয়াও ডৗখ্ঠাবনায় সাছেখৌ বিনি আগ্ডাঠিং আরৗ গুবুন সাছেখৌ আখছিঠিং।39বে সমাও জাইফ্রা বে লামাজৗং থাংয়াছৈ, বিছৗরৗ গাওছৗরনি খর'খৌ ঠিখং ঠিখং খৗলামনানৈ বিখৌ নিন্দিনান40হৗনবায়, “নৗংনৗ অৗঙা মৗন খৗমাছৗ, মন্দিরখৌ ছিফাইনানৈ সানথামজৗং লুখাংফিনগ্রায়া! নৗং ঈশ্বৗরনি বিসা হৌয়ালা, দানৗ নৗং ক্রুশনিফ্রায় অৗংখাৎবৗ আরৗ গাওখৌ বাছায়দৗ!”41বেবাদিনৗ গাহায় যাজকফ্রা আরৗ আইন গুরুফ্রা আরৗ প্রাচীনফৗরা যীশুখৌ হাজিগদাওদৗং।42“বিয়ৗ গুবুনফৗরখৌ বাছাইগ্রা, নাথায় গাওখৌ বিয়ৗ মানৗ বাছাইনৗ হায়া! বিনৗ ইস্রায়েলনি রাজা, বিয়ৗ দানৗ ক্রুশনিফ্রায় অৗংখাৎবৗথৗং অব্লা জৗঙৗ বিখৌ ফৗথায়নায়!43বিয়ৗ ঈশ্বৗরনিয়াও ভরসা খৗলামৗ, দা ঈশ্বৗরা বিখৌ বাছাইথৗং, বাছাইনৗ লুবৈয়ৗব্লা মানৗনা বিয়ৗ বুংনানৈ লাদৗংমৗন, ‘আং ঈশ্বৗরনি বিসাজ্লা।’”44বিবাদিনৗ জাইফ্রা বিজৗং ক্রুশয়াও দৗখঠাবজানায় ডাখুফ্রাবৗ যীশুখৌ দিন্ঠিদৗং।45সানজুফু বারোটানিফ্রায় বেলাছিনি তিনটাসিম গাছেন হাদৎনাও খৗমশি ফৈদৗংমৗন।46তিনটাও যীশুআ গৗব্রাবমৈ গাবজ্রিনানৈ হৗন্দৗং, “এলী, এলী, লামা শবক্তানি,” বেনি অৗংথিয়া জাবায়, “আংনি ঈশ্বৗর, আংনি ঈশ্বৗর, নৗঙৗ আংখৌ মানৗ নাগারখৗ?”47আরৗ জাইফ্রা খাঠিয়াও গছংনানৈ দৗংমৗন, বিছৗরনি খাইছেয়া বে গাবজ্রিনাইখৌ খৗনানানৈ হৗন্দৗং, “বিয়ৗ এলিয়খৌ গাবজ্রিদৗং!”48বে সমাও বিছৗরনি গেজেরাও সাছেয়া খাৎলাংনানৈ ছৗবখাংগ্রা মৗঙাজৗং গৗখৈ আংগুর বিদৈখৌ ছৗবখাংহৗদৗং, আরৗ বিখৌ নৗলৗ গন বিজৌয়াও ঠুনানৈ যীশুনৗ লৗংনৗ জাছিদৗং।49নাথায় গুবুনফ্রা হৗনদৗং, “দে, নায়নি! এলিয়আ বিখৌ বাছাইনৗ ফৈয়ৗ নামা!”50আরৗ জেব্লা যীশুআ গৗব্রাবমৈ গাবজ্রিনানৈ গাওনি জিউখৌ হগারদৗং।51বে সমাও মন্দিরনি সি' খৗংনাইয়া গৗজৌনিফ্রায় গাহায়সিম খাওনৈ স্রা জিখাওদৗং। আরৗ হ্বায়াও গাংগ্রিম মাওদৗং, আরৗ অন্ঠাইফ্রা গাওফ্রুদৗং।52আরৗ গৗথৈ হাখরফ্রা গেওদৗং, আরৗ মৗদৗমাও থৈনানৈ থাংনায় গৗবাং ঈশ্বৗরনি মানসিফ্রা জিউয়াও ঠাংখাংফিনদৗং।53আরৗ যীশু ঠাখাংফিননাইনি উনাও বিছৗরৗ গৗথৈ দন্দরনিফ্রায় অৗংখাৎনানৈ গৗথার নৗগৗরাও থাংনানৈ গৗবাং মানসিফৗরজৗং নুজাহৈদৗং।54জেব্লা শতপতি আরৗ জাইফ্রা লৗগৗছে যীশুখৌ নেয়িন দৗংমৗন বি সমাও গাংগ্রিম মাওনায় আরৗ গাছেন জানায়ফৗরখৌ নুনানৈ বিছৗরৗ গিখ্রংনানৈ হৗন্দৗং, “নংথারগৌয়ৈ বে মানসিয়া ঈশ্বৗরনি বিসাহৌয়ামৗন!”55আরৗ বিহা গৗবাংথার হিন্জাওফৗর দৗংমৗন, গৗজানাও থানানৈ নাইহৎদৗংমৗন। বিছৗরৗ যীশুনি দাও দাও খৗছায়ৈ খৗছায়ৈ গালীলনিফ্রায় বিহা ফৈবায়।56বিছৗরনি গেজেরাও মগ্দলীনী মরিয়ম, যাকোব আরৗ যোষেফনি বিমা সিবদিয়নি হিন্জাও মরিয়মাবৗ দৗংমৗন।57মৗনাবিলি সমাও অরিমথিয়ানিফ্রায় সাছে ধনি মানসি বিয়াও ছফৈদৗং, বিনি নামমা যোষেফ, বিয়ৗ গাওবৗনৗ সাছে যীশুনি ছেলামৗন।58বিয়ৗ পীলাতনিয়াও থাংনানৈ যীশুনি মৗদৗমখৌ বিহৈদৗং, আরৗ পীলাতনা বিনৗ হৗৎনৗ হুখুম হৗদৗং।59যোষেফমা যীশুনি মৗদৗমখৌ লাংনানৈ পরিষ্কার মিস মিস গাংছে সি'জৗং ফানফবদৗং,60আরৗ গেদেৎ অন্ঠাইখৌ দানখানানৈ বানাইগৗদান গাওনি খুর নায় গৗথৈ দন্দরাও দৗনহৈদৗং। বিয়ৗ গেদেৎ থাইছে অন্ঠাইখৌ গৗথৈ দন্দর মৗখাংয়াও নাৎথ্রৗনানৈ দৗনথেনান থাংবায়।61মগ্দলীনী মরিয়ম আরৗ গুবুন সাছে মরিয়মাবৗ বিয়াও গৗথৈ দন্দরনি ঠিঙৈ মৗখাং জানানৈ জিরাইবায় থাদৗংমৗন।62নখানায়, গাহায় যাজকফৗর আরৗ ফরীশীফ্রা পীলাতনিয়াও থাংদৗং।63বিছৗরৗ বুংবায় “মানিনাং নৗংথাং, জৗং গৗসৗখাংদৗং বি ধোকাহৗগ্রায়া, গৗঠাঙৈ থানায় সমাও বুংদৗংমৗন ‘আঙৗ সানথামাও ঠাংখাংফিনায়।’64বিনিখায় নৗং বিনি গৗথৈ দন্দরাও সানথামসিম গৗরায়ৈ নেহৈনৗ হুখুম হৗদৗ। নাথেব্লা ছেলাফ্রা বিনি মৗদৗমখৌ খাওনানৈ লাংনায় আরৗ মানসিফৗরখৌ বুংনায় ‘বিয়ৗ থৈনানৈ ঠাংখাংফিনবায়।’ বেবাদি জাব্লা সিগাংনিখুরৈ জৗবথানায়নি ছৗলৈজানাইয়া গাজ্রিসিন্থার জানায়।”65পীলাতনা উত্তর হৗবায়, “নেগ্রাফৗরখৌ লাংদৗ আরৗ থাং, নৗংছৗরৗ থাংনানৈ গৗথৈ দন্দরখৌ হাগৌমানি মৗজাংয়ৈ নেহৈদৗ আরৗ নৗংছৗরৗ মিথিখাগৌ বেখৌ মাব্রৈহায় খৗলাম নাংগৌ।”66আরৗ বিছৗরৗ থাংনানৈ গৗথৈ দন্দরখৌ ফাংথেনায় অন্ঠাইয়াও সীলমহর বুথেবায়, আরৗ পাহাড়া হৗগ্রাফৗরখৌ পাহাড়া হৗহৗবায়।
The Seed Company