লূক4

1যীশুআ, গৗথার জিউজৗং বুংফাওনানৈ যর্দ্দন দৈমানিফ্রায় ফৈফিনবায়, আরৗ বিয়ৗ জিউজৗং মারু গৗরান ফৗথার বারিয়াও দৈদেনলাংজাদৗং,2জেরৗও বিয়ৗ চল্লিশ দিন শয়তানজৗং আনজাৎ লাজাদৗং মৗন। বি দিনফৗরাও বিয়ৗ জেবৗ জায়াখৈমৗন, বিনিখাইনৗ চল্লিশ দিন জৗবথানাইয়াও বিয়ৗ উখৈদৗং মৗন।
3অব্লা শয়তাননা বিখৌ হৗনদৗং, “নৗং ঈশ্বৗরনি বিসাহৌয়াব্লা, দে, বে অন্ঠাইখৌ সিঠাও জানৗ থৗন।”
4নাথায় যীশুআ বুংফিন্দৗং; “শাস্ত্রয়াও বেবাদি লিৎনায় দং, ‘মানসিয়া সিঠাওজৗংবান ঠাংনানৈ থায়া।’” 
5বিনি উনাও শয়তানা যীশুখৌ মৗনছে গৗজৌ জায়গায়াও লাংনান মৗখ্রেবগাছেয়াওনৗ সংসারনি গাছেন রাইজৗফৗরখৌ দিন্ঠিদৗং।6আরৗ শয়তাননা বিখৌ হৗনবায়, “আং বে রাইজৗফৗরনি গাছেন সমায়নাইখৌ, আরৗ বে গাছেননি একথিয়ারখৌ নৗংনৗ হৗনায়, বে গাছেনখৌবৗ আংনৗ গথাইখাদৗং, বেখৌ আং জাইনৗ গৗসৗ জায়ৗ, বিনৗ হৗনৗ হাগৌ।7নৗঙৗ আংখৌ গংনানৈ খুলুমৗব্লা, বেফৗর গাছেনবৗ নৗংনি জাজৗবনায়।”
8যীশুআ হৗনফিনবায়, “শাস্ত্রয়াও লিৎনায় দং, ‘নৗঙৗ গাওনি ফৗরবু ঈশ্বৗরখৌ খুলুম আরৗ বিখৌ বান সিবি!’”
9বিনি উনাও শয়তাননা যীশুখৌ যিরূশালেমাও লাংদৗং, আরৗ বিখৌ মন্দিরনি ঠিখিনিয়াও ফছংদৗং আরৗ হৗনদৗং, “নৗং ঈশ্বৗরনি বিসাহৌয়াব্লা বেনিফ্রায় বাজ্রুুমদৗ।10মানৗনা শাস্ত্রয়াও লিৎনায় দং,‘ঈশ্বৗরা নৗংখৌ রক্ষাখৗলামনৗগাওনি আরফ'ফৗরখৌ আদেশ খৗলামনায়;11আরৗ নৗংনি আঠেংফ্রা অন্ঠাইফৗরাও ছৗখ্ঠুয়াবাদিবিছৗরৗ নৗংখৗ গাওনি আখাইফৗরজৗং দিখাংনানৈ লানায়।’”
12যীশুআ উত্তর হৗফিনবায়, “শাস্ত্রয়াও বুংদৗং, ‘নৗঙৗ গাওনি ফৗরবু ঈশ্বৗরখৌ আনজাৎ দালা।’”
13জেব্লা শয়তানা বেফৗর গাছেন আনজাৎখৌ লাখাংঙৗ অব্লা বিয়ৗ গুবুন মৌখা মৗনসানদিসিম বিখৌ নাগারনান থাঙাছৈ।
14উনাও যীশুআ গৗথার জিউনি বৗলৗজৗং গালীলয়াও থাংফিনদৗং। আরৗ যীশুনি বিষয়ৈ খবরফ্রা জেরেওবৗ মিথিসাৎ জাদৗং।15বিয়ৗ বিছৗরনি সিবিগ্রা ন্ব'ফৗরাও ফৗরৗংবায়দৗং, আরৗ সাফ্রৗমবৗ বিখৌ বাখ্নাইদৗং।
16যীশুআ নাসরৎনাও থাংফিংদৗং, জেরও বিয়ৗ দেৎদৗংমৗন। আরৗ বিয়ৗ গাওনি হুদা বাদি সাব্বাথনি দিননাও সিবিগ্রা ন্ব'য়াও থাংনানৈ শাস্ত্র ফরাইনৗ গছংবায়।17আরৗ যিশাইয় নবিনি বিজাবখৌ বিনৗ হৗনায়জাদৗং। বিয়ৗ শাস্ত্রনি বিথৗনখৌ জেব্লা খেওয়ৗ, অব্লা বিয়ৗ বে লিৎনায়খৌ মৗনবায়:18“ফৗরবুনি জিউয়া আংনেও দং,হাওরিয়াফৗরনৗ মৗজাং খবরখৌ খৗথানৗ বিয়ৗ আংখৌ সাইখবায়।জৗবজানাইফৗরনৗ বাইখোনায়নি খৗথা খৗথানৗ,আরৗ খানাফৗরখৌ নুহৗনায়নি খৗথা খৗথানৗ থাখৈ আরৗনাছয়জানায়ফৗরখৌ, গহৗনৗ থাখৈ বিয়ৗ আংখৌ থৗনহৗৎদৗং।19আরৗ ফৗরবুনি অন্নায়নি সম ছফৈনায়খৌ ফৗস্রাওনৗ থাখৈ বিয়ৗ আংখৌ থৗনহৎবায়।”
20উনাও বিয়ৗ বিজাবখৌ খৗবনানৈ মাওগ্রানি আখাইয়াও হৗনানৈ জিরাইবায়। সিবিগ্রা ন্ব'য়াও থানায় সাফ্রৗমবৗ বিখৌ নাইহাববায়।21অব্লা বিয়ৗ মানসিফৗরখৌ হৗন্দৗং, “শাস্ত্রনিফ্রায় ফৗরাইনায়, দিনৈ নৗংছৗর খৗনানায় বে খৗথায়া জাফুংবায়।”
22বয়বৗ বিখৌ বাখ্নায়দৗং, আরৗ বিনি অন্নায়গৗনাং খৗথাফৗরখৌ খৗন্নানৈ মানসিফ্রা সৗমৗ নাংদৗং আরৗ সাক্ষ্য হৗদৗং, “বিয়ৗ যোষেফনি বিসাজ্লা অৗঙা না?”
23যীশুআ বিছৗরখৌ হৗন্দৗং, “নৗংথারগৌয়ৈ নৗংছৗরৗ বে গিয়াননি খৗথাখৌ আংনৗ বুংফিন্নায়, ‘ও, ডাক্তার গাওখৌনৗ ছৗখানানৈ লাদৗ!’ আরৗ জেরেই জৗঙৗ নৗংখৌ কফরনাহুমাও মাওনায় খৗনাদৗং, বেবাদিনৗ গাওনি জায়গায়াওবৗ মাওনানৈ দিন্ঠিদৗ।”
24যীশুআ হৗনবাওবায়, “নংথারগৌয়ৈ আঙৗ নৗংছৗরখৌ বুঙৗ, রাওবৗ নবিআ গাওনি গামি এবা নৗগৗরাও নাজাওজায়া।
25বে নংথারগৌ, এলিয়নি সমাও জেব্লা বৗছৗরথাম ছয় মাস নখ্রাংনিফ্রায় নখা হায়িয়াও হাদৎয়াও গৗব্রাবথার আংখাল জাদৗংমৗন, বে সমাও ইস্রায়েললাও গৗবাং রান্ডিফৗর দংমৗন।26অব্লাবৗ এলিয়আ বিছৗরনি সাছেনেওবৗ থৗনহৎজায়াখৈমৗন, নাথায় সীদোন হাদৎনাও সারিফনি সাছে গুবুনহারি রান্ডিনেওছৗ থৗনহৎজাদৗংমৗন।27আরৗ ইলীশায় নবিনি সমাও ইস্রায়েল হাদৎনাও গৗবাং খুরিয়া রগ জাজানায় মানসিফৗর দংমৗন, নাথায় বিছৗরনি হাদৎনাও গুবুনহারি সুরীয়ানি নামানখৌ নাগারনানৈ সাছেবৗ ছৗখাজায়াখৈমৗন।” 
28যীশুনি বে খৗথাফৗরখৌ খৗনানানৈ সিবিগ্রা ন্ব'য়াও থানায় মানসিফৗরা বিমাইনৗ রাগ জৗংবায়।29আরৗ বিছৗরৗ জিখাংনানৈ যীশুখৌ নৗগৗরনিফ্রায় বাইরায়াও বয়ননাছৈ, আরৗ যে হাজৗয়াও বিছৗরনি নৗগৗর লুজাদৗংমৗন বি হাজৗ ঠিখনিয়াও লাংনানৈ, বিখৌ বিছৗরৗ বিনিফ্রায় নাৎখালাইনৗ হাস্থায়দৗং।30নাথায় বিয়ৗ হান্জাফৗরনি গেজের গেজের থাবায়নানৈ বিনিফ্রায় অৗংখাৎলাঙাছৈ।
31বিনিফ্রান যীশুআ গালীলনি কফরনাহুম নৗগৗরাও থাংদৗং, আরৗ বিয়ৗ সাব্বাথনি দিননাও বিহানি মানসিফৗরখৌ ফৗরৗংনৗ হমবায়।32বিছৗরৗ বিনি ফৗরৗংনাইয়াও সৗমৗ নাংদৗং, মানৗনা বিনি খৗথাফ্রা একথিয়ার গৗনাংমৗন।
33সিবিগ্রা ন্ব'য়াও ভুত হমজানায়, আরৗ বাদুয়া জিউ গৗনাং সাছে মানসি দংমৗন, আরৗ বিয়ৗ গৗব্রাবমৈ হজ্রিখাংনানৈ হৗন্দৗং,34“অৗ, নাসরৎনি যীশু, নৗংহা জৗংজৗং মা খামানি দং? নৗঙৗ মা জৗংখৌ ফৗজৗবস্রাংনৗ ফৈদৗং? আং মিথিগৌ নৗঙৗ ছৗর, নৗং ঈশ্বৗরনি বি গৗথার বিসাজ্লায়ানৗ!”
35যীশুআ বাদুয়া জিউখৌ রাইনানৈ হৗনবায়, “সিরি থা, বে মানসিনিফ্রায় অৗংখাৎলাং!” বি সময়াওনৗ বাদুয়া জিউয়া বিখৌ মানসিফৗরনি সিগাঙাও হায়াও খৗখলায়দৗং, আরৗ বিখৌ জেবৗ ক্ষতি খৗলামা মাৎনিন বিনিফ্রায় অৗংখাৎলাংদৗং।
36যীশুনি মাওনাইখৌ নুনানৈ মানসিফ্রা সৗমৗ নাংদৗং, আরৗ গাওজৗং গাও সৗংজ্লাইদৗং, “বিনি খৗথায়া মা বাদি? একথিয়ার আরৗ বৗলৗজৗং বিয়ৗ বাদুয়া জিউখৌ হুখুম হৗয়ৗ, আরৗ বেফৗরৗ অৗংখাৎলাঙৗ!”37আরৗ বি জায়গানি জেরাওবৗ যীশুনি খৗথায়া মুং দাংখা জাদৗং।
38যীশুআ সিবিগ্রা ন্ব'নিফ্রায় শিমোননি ন্ব'য়াও থাংদৗং। শিমোননি বিখুনজৗয়া গৗব্রাবথার লুমজানাইজৗং ভুগিদৗংমৗন, আরৗ বিখৌ ছিখানৗ থাখৈ বিছৗরৗ যীশুখৌ খাওলাইদৗং।39আরৗ যীশুআ শিমোননি বিখুনজৗনি সাখাঠিয়াও গছংহৈনানৈ লৗমজানায়খৌ অৗংখাৎলাংনৗ হুখুম হৗদৗং, আরৗ লৗমজানায়া বিনিফ্রায় গাদৗং, আরৗ বি সমাওনৗ বিয়ৗ ছিখাংনানৈ যীশু আরৗ বিজৗং লৗগৗয়াও থানায় মানসিফৗরখৌ সেবা খৗলামদৗং।
40মৗনাবিলিয়াও মানসিফৗরা গুবুন গুবুন রগ জাজানায় মানসিফৗরখৌ যীশুনেও লাবৗদৗং, আরৗ বিয়ৗ সাফ্রৗমখৌবৗ গাওনি আখাইজৗং দাংনানৈ ছৗখাদৗং।41আরৗ গৗবাং মানসিফৗরনিফ্রায় ভূতফ্রাবৗ অৗংখাৎলাংদৗং, আরৗ বেফৗরৗ হজ্রিনানৈ হৗন্দৗং, “নৗং ঈশ্বৗরনি বিসাজ্লায়ানৗ!”
যীশুআ ভুতফৗরখৌ সিরি থানৗ থৗনদৗং। মানৗনা বিখৌ মসিহ হৗন্নানৈ ভুতফ্রা মিথিদৗং মৗন।
42নখা নাইয়ৈ বেরে ফুংজানি নৗগৗরনিফ্রায় সুনসান জায়গায়াও থাংদৗং, মানসিফ্রা বিখৌ গাছেননাওবৗ নাগিৎবাইদৗং আরৗ মানসিফ্রা জেব্লা বিখৌ মৗনহৈদৗং, অব্লা বিছৗরৗ যীশুখৌ বিছৗরনিফ্রায় দাথাংথৗং হৗন্নানৈ দৗন্নৗ হাস্থায়দৗং।43নাথায় যীশুআ বিছৗরখৌ হৗন্দৗং, “আং ঈশ্বৗরনি রাইজৗনি মৗজাং খবরখৌ গুবুন গুবুন নৗগৗরাওবৗ ফৗসাওথারনাংগৌ, মানৗনা, বিনিখাইনৗ আঙৗ থৗনহৎজাদৗং।”
44আরৗ বিয়ৗ যিহূদিয়া হাদৎনাও জেরৌবৗ সিবিগ্রা ন্ব'ফৗরাও খৗথাবায়দৗং।

The Seed Company

https://app.library.bible/content/4e52604fbda8b59f