যোহন17
1যীশুআ বেফৗরখৌ মহিমা খৗলামখাংনায়নি উনাও, যীশুআ স্বৗর্গৗ ফাসি নাইগৗদাওনানৈ প্রার্থনা খৗলামদৗং “ও আফা, সমা ছফৈবায়, নৗং গাওনি বিসাহৌয়াখৌ মহিমাজৗং বুংফাওহৗদৗ, যেন নৗংনি বিসাহৌয়াআবৗ নৗংখৌ মহিমাজৗং বুংফাওহৗনৗ হানায় বাদি।2মানৗনা নৗং বিনৗ সাফ্রৗমনি ছায়াও একথিয়ারখৌ হৗবায়, যেন বিয়ৗ বয়নৗবৗ জৗবনৗ গৈয়ি গৗঠাংখৌ হৗনৗ হানায় বাদি, জাই মানসিফ্রা বিনৗ হৗবায়।3জৗবনৗগৈয়ি গৗঠাং জিউয়া বেনৗ যে বিছৗরৗ নৗংখৌ নংথারগৌ ঈশ্বৗরখৌ বান হৗন্নানৈ মিথিয়ৗ আরৗ বি যীশু খ্রীষ্টখৌ মিথিয়ৗ, জাইখৌ নৗং থৗনহৎদৗং।4নৗং আংনৗ সংসারাও মাওনৗ হৗনায় খামানিফৗরখৌ মাওজৗবনানৈ আঙৗ নৗংনি মহিমাখৌ নুজাহৗবায়।5আরৗ দানৗ, ও আফা! সংসারখৌ সৗরজিনায়নি সিগাং নৗংজৗং আংহা যে মহিমা দংমৗন, নৗংজৗং লৗগৗছে আংখৌ মহিমা গৗনাং খৗলামদৗ।”6বে সংসারনিফ্রায় নৗং জাইফৗরখৌ আংনি নামৈ হৗবায়, বিছৗরনৗ আঙৗ নৗংখৌ নুজাহৗবায়। বিছৗরৗ নৗংনিনৗ মৗন, নৗঙৗ বিছৗরখৌ আংনৗ হৗবায়, আরৗ বিছৗরৗ নৗংনি খৗথাখৌ মানিবায়।7নৗং আংনৗ হৗনায় মানিয়ানৗ নৗংনিফ্রায় হৗন্নানৈ দা বিছৗরৗ মিথিবায়।8নৗং আংনৗ হৗনায় বাথ্রাফৗরখৌ আং বিছৗরনৗ হৗবায়, আরৗ বেখৌ বিছৗরৗ নাজাওবায়; আঙৗ গৗখ্রৈনৗ নৗংনিফ্রায় ফৈদৗং হৗন্নানৈ বিছৗরৗ থারৈনৗ মিথিবায়, আরৗ নৗঙৗ আংখৌ থৗনহৎদৗং হৗন্নানৈ বিছৗরৗ ফৗথাইবায়।9আঙৗ সংসারনি থাখৈ প্রার্থনা খৗলামমা নাথায় নৗঙৗ জাইফৗরখৌ আংনৗ হৗবায়, আঙৗ বিছৗরনি থাখৈ খাওলাইয়ৗ, মানৗনা বিছৗরৗ নৗংনিনৗ।10আংনি গাছেন দংনায় মানিয়ানৗ নৗংনি, আরৗ নৗংনি মানিয়ানৗ আংনি। আরৗ বিছৗরজৗংনৗ আংনি মহিমায়া নুজাবায়।11আঙৗ বে সংসারাও বাডা গৗবাও থানায় অৗংলে, নাথায় বিছৗরৗ দাসিমবৗ সংসারাও দং, আরৗ আং নৗংনিয়াও ফৈগৌছৈ। ও গৗথার আফা! নৗংনি বৗলৗজৗং বিছৗরখৌ রৈখা খৗলামদৗং, জাই নামখৌ নৗং আংনৗ হৗদৗং বি নামনি বৗলৗজৗং বিছৗরখৌ, জৗং জৗরৈ সাছে, বিবাদিনৗ বিছৗরবৗ মৗনছে জানৗ হানায় বাদি।12জেব্লা আং বিছৗরজৗং দংমৗন, নৗং আংনৗ হৗনায় নৗংনি নামনি বৗলৗজৗং, আঙৗ বিছৗরখৌ রৈখা খৗলামদৗং। আঙৗ বিছৗরখৌ বেংবৗদৗং। জাইয়া গৗমাথার নাংগৌ দংমৗন বিখৌ বাদ হৗনানৈ বিছৗরনি রাওবৗ গৗমায়াখৈ। মানৗনা শাস্ত্রনি খৗথায়া জাফুংনাংগৌখাই বে জাদৗং।13দা আং নৗংনিয়াও ফৈনায়ছৈ, নাথায় আং সংসারাও থানায়াওনৗ বেফৗরখৌ বুংদৗং, যেন বিছৗরৗ আংনি রংজানায়জৗং বুংফাওনায় বাদি।14আঙৗ বিছৗরনৗ নৗংনি বৗচৗনখৌ হৗবায়, আরৗ সংসারা বিছৗরখৌ মুগৈবায়; মানৗনা বিছৗরবৗ সংসারনি অৗংলে, জেরৈ বাদি আংবৗ সংসারনি অৗঙা।15আংনি খাওলায়নায়া বে অৗঙা যে বিছৗরখৌ সংসারনিফ্রায় লাংহৗনাইনি থাখৈ অৗঙা, নাথায় বিছৗরখৌ গাজ্রিনিফ্রায় রক্ষাখৗলামনৗ।16বিছৗরৗ সংসারনি অৗঙা, জেরৈ আঙৗ সংসারনি অৗঙা।17নংগৌজৗং বিছৗরখৌ গৗথার খৗলাম; নৗংনি বৗচৗননা নংগৌথার।18জেরৈ নৗঙৗ আংখৌ সংসারাও থৗনহৎদৗং, বিবাদিনৗ আংবৗ বিছৗরখৌ সংসারাও থৗনহৎবায়।19বিছৗরনি থাখৈ আং গাওখৌনৗ গৗথার খৗলামৗ, যেন বিছৗরবৗ নংথারগৌয়ৈ গৗথার খৗলামজায়ৗ।20আংনি খাওলায়নায়া বিছৗরনি থাখৈ বান অৗঙা, নাথায় বিছৗরনি বাথ্রানি গেজেরজৗং জাইফ্রা আংখৌ ফৗথায়নায়, বিছৗরনি থাখৈবৗ খাওলায়ৗ,21বিছৗরৗ মৗনছে জানায় বাদি আঙৗ প্রার্থনা খৗলামৗ, আফা, জেরৈ নৗঙৗ আংনিয়াও আরৗ আংবৗ নৗংনিয়াও। বিছৗরবৗ জৗংনিয়াও থানৗ হানায় বাদি, যেন সংসারা ফৗথাইয়ৗ যে নৗংনৗ আংখৌ থৗনহৎদৗং হৗন্নানৈ।22নৗং আংনৗ যে মহিমাখৌ হৗবায় আংবৗ বিছৗরনৗ হৗবায়, অব্লাছৗ নৗং আরৗ আং জেরৈ সাছে, বিবাদিনৗ মৗনছে জানায়।23আঙৗ বিছৗরনিয়াও আরৗ নৗঙৗ আংনিয়াও; যেন বিছৗরৗ গাছেন জৗং ফুরা মৗনছেগুবৈ জানায়াও নৗংনৗ আংখৌ থৗনহৎদৗং আরৗ আংখৌ জেরৈ অন্নৗ, বিবাদিনৗ নৗঙৗ বিছৗরখৌবৗ অন্নৗ হৗন্নানৈ সংসারা মিথিথৗং।24ও আফা, আং লুবৈয়ৗ, নৗং জাইখৌ আংনৗ হৗবায়, যেন বিছৗরবৗ বিহা আংজৗং থানায় বাদি, বিছৗরৗ নৗং আংনৗ মহিমাখৌ হৗবায় নুনায় বাদি, মানৗনা সংসারখৌ সৗর্জিনায়নি সিগাংনিফ্রায়নৗ নৗঙৗ আংখৌ অনবায়।25“ধৗরৗমসুলা আফা, সংসারা নৗংখৌ মিথিয়া, নাথায় আঙৗ নৗংখৌ মিথিগৌ, আরৗ নৗং আংখৌ থৗনহৎদৗং হৗন্নানৈ বিছৗরবৗ মিথিয়ৗ।26আঙৗ নৗংখৌ বিছৗরনি গেজেরাও মিথিহৗবায়, আরৗ আংনি নামনি থাখৈ নৗংনি অন্নায়া বিছৗরনিয়াও থানায় বাদি আরৗ আংবৗ বিছৗরনিয়াও থাফ্লাইনায় বাদি, আঙৗ নৗংখৌ মিথিফ্লাইহৗনায়।”
The Seed Company