যাকোব1
1যাকোবআ, ঈশ্বৗর আরৗ ফৗরবু যীশু খ্রীষ্টনি দাস বারো জাতিনি ঈশ্বৗরনি গাছেন মানসিফ্রা জাইফ্রা বুহুমনি গাছেননাওবৗ ছেৎখাই ফেৎখায় জানান থানায়ফৗরখৌ গৗজৗন্নায় লাহৎদৗং।2আংনি বিদা ফংবায়ফৗর আরৗ বিবো বিনানাওফৗর, জেব্লা নৗংছৗরনিয়াও বাইদিসিনা আনজাৎফৗর ছফৈয়ৗ, অব্লা নৗংছৗরৗ বিরাঠ রংজাথারনাংগৌ,3মৗনৗনা নৗংছৗরৗ মিথিগৌ যে নৗংছৗরনি ফৗথাইনায়নি আনজাৎ লাজানায়া নৗংছৗরনৗ নাংঠাবনান থানৗ বৗলৗ হৗয়ৗ।4নাংঠাবনান থানায় খামানিখৌ ফৗজৗবনৗ হৗ, অব্লাছৗ নৗংছৗরৗ গৗরৗং গৗরা, আরৗ ফুরা জানায়, জেনিবৗ অভাব জানায় অৗঙা।5যদি নৗংছৗরনি গেজেরাও ছৗরনিবা জ্ঞাননি অভাব জায়ৗব্লা, বিয়ৗ ঈশ্বৗরনিয়াও বিথৗং, জাইয়া দায় হোমামাৎনিন উদার গৗসৗয়ৈ বয়নৗবৗ হৗয়ৗ, আরৗ নৗংছৗরনৗবৗ হৗয়া জানায়।6নাথায় নৗঙৗ জেব্লা ফৗথাইনায়জৗং বিয়ৗ, অব্লা নৗঙৗ মুংবৗ গৗনৗ গৗথৗ খৗলামালাবানৗ ফৗথাইথারনাংনায়; মৗনৗনা জাইয়া গৗনৗ গৗথৗ খৗলামৗ, বিয়ৗ সাগৗর ঢেউ বাদি, বারনি বুনায়জৗং বুসাৎলাংজায়ৗ।7বি মানসিয়া ফৗরবুনিফ্রায় মাবাফৗর মৗন্নৗ আশা দাখৗলামথৗং।8বিবাদি মানসিনে গৗসৗয়া ফাৎনৈ, আরৗ বিছৗরনি গাছেন মাওনাইয়াও গৗমগৗমৈ থায়া।9হাওরিয়া বিশ্বাসিফৗরখৌ জেব্লা ঈশ্বৗরা ফৗজৌয়ৗ, অব্লা বিয়ৗ রংজানাগৌ।10নাথায় ধৗনিয়া জেব্লা ফাহায়জায়ৗ, বিছৗরনি অপমাননি থাখৈ রংজাথৗং, মানৗনা বিছৗরৗ হাগ্রানি বিবার বাদি রহায়লাঙৗ।11মানৗনা সাননা অৗংখাৎবৗয়ৗ আরৗ দুংখ্রাওনানৈ বিংফাংফৗরখৌ খামস্রেমহৗয়ৗ, বিবারনি বারনায়য়া সিরিয়ৗ; আরৗ সমাইনাইয়া জৗবলাঙৗ। বেবাদিনৗ জেব্লা ধৗনিফ্রা গাওছৗরনি বায়নায় ফাননায়াওনৗ রহায়লাঙৗ।12ধন্য জাইয়া আনজাৎ লাজানায়াও ফৗথাইনানৈ গছংথানান থায়ৗ, বিয়ৗ জেব্লা বি আনজাদখৌ বাৎগোনায়, বি মানসিয়া গৗঠাংনি মুকুটখৌ মৗননায়, ফৗরবুআ জবান হৗখাদৗং জাইয়া বিখৌ অন্নৗ।13জেব্লা আনজাৎ ছফৈয়ৗ, রাওবৗ দাবুংথৗং ঈশ্বৗরা আংখৌ আনজাৎ লাদৗং হৗন্নানৈ। মানৗনা ঈশ্বৗরা মাব্লাবাবৗ গাজ্রিজৗং আনজাৎ লাজায়া, আরৗ বিয়ৗ রাওখৌবৗ গাজ্রি মাওনৗ আনজাৎলায়া।14নাথায় সাফ্রৗমবৗ মানসিয়া গাও গাওনি গাজ্রি লুবৈনায়জৗং আনজাৎনাও বৗলাঙৗ আরৗ বুরখাইজায়ৗ।15লুবৈনাইয়া গৗর্বৗয়াও উজিয়ৗ, উজিনায়নি উনাও পাপখৌ জৗনৗম হৗয়ৗ, আরৗ পাপমা জেব্লা ফুরা বারায়লাঙৗ অব্লা থৈনায়খৌ জৗনৗম হৗয়ৗ।16আংনি অনজাগ্রা বিদা ফংবায় আরৗ বিবো বিনানাওফৗর, নৗংছৗরৗ দাছৗলৈজা।17মৗনফ্রৗমবৗ মৗজাং আরৗ সাবসিন দাননা ঈশ্বৗরনিফ্রায় ফৈয়ৗ; জাইয়া স্বৗর্গৗনি স্রাংখৌ সৗরর্জিদৗং, জাইয়া সাইখং বাদি দাবছেনিফ্রায় দাবছে সৗলাইয়া।18নংগৌনি বাক্যজৗং বিয়ৗ জৗংখৌ জৗনৗম হৗনৗ সাইখদৗং, যেন জৗং বিনি সৗরজিজানায়ফৗরনি গেজেরাও গিবি বিথাই জানৗ হায়ৗ।19আংনি দাম গৗছা বিদা ফংবায় আরৗ বিবো বিনানাওফৗর, গৗসৗয়াও লা, সাফ্রৗমবৗ গৗখ্রৈনৗ খৗনাছংথারনাংগৌ, বুংনায়াও গেনাও জা, আরৗ রাগজৗংনাইয়াওবৗ গেনাও জা।20মৗনৗনা মানসিনি রাগজৗংনাইয়া ঈশ্বৗরনি লুবৈনায় ধৗরৗমসুলাখৌ উজিহৗয়া।21বিনিখাইনৗ, মৗনফ্রৗমবৗ লেথ্রা আরৗ গাজ্রি আখলফৗরখৌ জেরাওবৗ গৗসাৎনায়খৌ গারনানৈ গুরৈ গৗসৗজৗং ঈশ্বৗরনি গায়সননায় বাক্যখৌ নাজাও, জেয়া নৗছৗরখৌ বাছাইনায়।22নৗংছৗরৗ খৗথা খৗনাছংগ্রা বান দাজা, আরৗ গাও গাওখৌ দাছৗলৈজা। নাথায় বে বুংনায় বাদি মাও।23ছৗরবায়া খৗথাখৌ খৗনাছংগ্রা বান জানানৈ খৗথা বাদি মাওয়াব্লা, বিয়ৗ আয়নায়াও গাওনি মৗখাংখৌ নাইনায় সাছে মানসি বাদি বান;24আরৗ, উনাও বিয়ৗ গাওনি মৗখাংখৌ নাইনান থাঙৗ, নাথায় গাওখৌ মা বাদি নুদৗং মৗন, বেখৌ গৗখ্রৈনৗ বাওয়ৗ।25নাথায় জাইয়া স্বাধীনতা হৗগ্রা খাট্টি আইনখৌ মৗজাঙৈ জেব্লাইবৗ নাইয়ৗ, আরৗ বিয়াও গৗসৗ হৗয়ৗ, বিয়ৗ বাওয়াজাছে জেব্লাইবৗ খৗনানায় বাদি মাওয়ৗ, নাথায় বিছৗরৗ মাওনায়মানিয়াওনৗ ঈশ্বৗরনিফ্রায় বৗর মৗননায়।26জাইফ্রা গাওখৌ ধার্মিক হৗন্নানৈ গৗসৗয়াও সান্নান লায়ৗ, নাথায় বিছৗরৗ গাওছৗরনি ছালাইখৌ হমথায়াব্লা, বিছৗরৗ গাওখৌনৗ ঠগাইয়ৗ, আরৗ বিছৗরনি ধৗরৗম ফালিনাইয়া দাম গৗয়ি।27মাওরিয়াফৗর আরৗ রান্ডিফৗরখৌ দুঃখনি সমাও জৗথৗনলানায়া আরৗ সংসারনি অন্যায়নিফ্রায় গাও গাওখৌ গৗজানাও দৗননায়ানৗ বিফা ঈশ্বৗরনি সিগাঙাও পরিষ্কার আরৗ গৗরৗন্ঠি গৈয়া ধৗরৗমা।
The Seed Company