ইব্রীয়10
1আইননা জাবায়, মৗজাং মৗঙাফৗরনি সাইখংবান জেয়া ফৈগৌ, বি ফৈনায় মৗঙাফ্রা গাওছৗরনৗ সত্যনি অৗঙা। বিনিখাইনৗ বৗছৗরফ্রৗমবৗ বে মৗনছে একই বলি হৗফ্লাইবায় ঈশ্বৗরখৌ সিবিনৗ ফৈগ্রাফৗরখৌ নিখুঁত খৗলামনৗ হায়া।2নাথেব্লা, বিছৗরৗ বুলি হৗনায়খৌ বন্ধ খৗলামনায় অৗঙা মৗন? মানৗনা সিবিগ্রাফ্রা খনছেয়াওনৗ গাছেন সমনি থাখৈ সাফা জাগৌ মৗন, আরৗ বিছৗরনি পাপফৗরনি থাখৈ গাওছৗরখৌ দোষী হৗন্নানৈ সান্নায়া থাবাওনায় অৗঙা মৗন।3নাথায় জাইফ্রা বৗছৗরফ্রৗমবৗ বুলি হৗনায়ফ্রা মানসিফৗরখৌ গাও গাওনি পাপখৌ গৗসৗখাংহৗগ্রাসৗ।4মানৗনা মৗসৌ বিসানি আরৗ বৗরমাফৗরনি থৈয়া অসম্ভব পাপফৗরনিফ্রায় গহৗনৗ।5বিনিখাইনৗ, জেব্লা খ্রীষ্টআ সংসারাও ফৈয়া মৗন, বিয়ৗ হৗন্দৗংমৗন,“নৗঙৗ বুলি হৗনৗ আরৗ বাওনৗ লুবৈয়াখৈনাথায় আংনি জুনৈ নৗঙৗমৗনছে মৗদৗম ঠাম ঠিম খৗলামবায়।6বিন্দৗয়াও পাপফৗরনি থাখৈ অয়াৎ খামহৗনায়জৗং বুলি বাওনায়খৌনৗঙৗ খুশি অৗঙা মৗন।7অব্লা আঙৗ হৗনবায়, ‘নৈ আঙৗ বেয়াওনৗ দং,আইন বিলাই টননায়াও আংনি খৗথা জেরৈ লিৎনায় দং,বেবাদিনৗ ও ঈশ্বৗর, আঙৗ নৗংনি ইচ্ছা বাদি মাওনৗ ফৈবায়।’”8সিগাং বিয়ৗ বুংনায় খৗথাফৗরখৌ খ্রীষ্টআ হৗন্দৗং, “বুলি হৗনায় আরৗ বাওনায়, অয়াৎ খামহৗনায়জৗং বুলি বাওনায়খৌ আরৗ পাপনি বুলিখৌ নৗঙৗ লুবৈয়াখৈ মৗন, কিন্বা নৗঙৗ বেফৗরজৗং খুশিবৗ জায়াখৈ মৗন।” আইন বাদি বেফৗর গাছেনবৗ বুলি হৗব্লাবৗ নাংগৌ মৗন।9অব্লা বিয়ৗ হৗন্দৗং, “নৈ আঙৗ বেয়াওনৗ দং আঙৗ নৗংনি ইচ্ছা মওনায় বাদি মাওনৗ ফৈবায়” বিয়ৗ সিগাংখৌ ফাৎছেয়াও দৗনবায় দ্বিতীয়খৌ ফছংনৗ।10আরৗ বি ইচ্ছাজৗং, যীশু খ্রীষ্টনি মৗদৗমখৌ গাছেননি থাখৈ খেবছে বুলি হৗনায়নি গেজেরজৗং জৗঙৗ গৗথার জাবায়।11আরৗ গাছেনবৗ যাজকফ্রা সানফ্রৗমবৗ গছংনানৈ যাজক হাবাখৌ মাওবায় থায়ৗ আরৗ গলে গলে বে মৗনছে একেই বুলি হৗবায় থায়ৗ, নাথায় বেবাদি বুলিয়া পাপখৌ বৗখাৎনৗ হায়া।12নাথায় বে যাজকআ খ্রীষ্ট, পাপনি বিয়ৗ জেব্লাইবৗনি থাখৈ খেবছে বান বুলি হৗনানৈ বিয়ৗ ঈশ্বৗরনি আগ্ডা ঠিঙৈ জিরাইবায়।13আরৗ বিনি বিসারুফৗরখৌ ঈশ্বৗরা বিনি আঠেংনি খামফ্লাই খৗলামাগৌমানি বিয়ৗ লামা নাইবায় থাদৗং।14মানৗনা জাইফৗরখৌ গৗথার খৗলামবায় বিয়ৗ খেবছে বুলিজৗং জেব্লাইবৗনি থাখৈ নিখুঁত খৗলামবায়।15সিগাং বিনি গৗথার জিউয়াবৗ জৗংনি বিষয়ৈ সাক্ষী হৗয়ৗ,16“ফৗরবুআ হৗনবায়,ফৈগৌ সমাও আঙৗ বিছৗরজৗং বে চুক্তিখৌ খানায়,বিছৗরনি গৗসৗফৗরাও আং আংনি আইনফৗরখৌ দৗন্নায়,আরৗ আঙৗ বিছৗরনি গৗর্বৗয়াও লিৎনায়।”17বেনি উনাও বিয়ৗ দাজাবদৗং:“বিছৗরনি পাপ আরৗ বিছৗরনি দুষ্টুখামানিফৗরখৌ আঙৗ গৗসৗখাংবাওলে।”18আরৗ ঈশ্বৗরা নিমাহা হৗবাইব্লা, পাপফৗরনি থাখৈ জৗংহা বুলি হৗবাওনাংগৌ গৈয়া।19বিনিখাইনৗ বিদা ফংবায় আরৗ বিবো বিনানাওফৗর, যীশুনি থৈনি গেজেরজৗং বয়নিখ্রুয়ৈ গৗথার জাইগায়াও হাবহৈনৗ জৗংহা ঠাল্লায়ৈ ফুরা ফৗথাইনায় দং।20বিয়ৗ জৗংনৗ গৗদান লামাজৗং আরৗ খৗংথেনায় সি'নি ফৈসালি গেজেরজৗং, বে জাবায়, গাওনি দেহাজৗং থাংনৗ গৗঠাংনি লামাখৌ খেওবায়।21আরৗ ঈশ্বৗরনি ন্ব'নি দায়িত্বয়াও জৗংহা সাছে মহান যাজক দং।22বেনিখাইনৗ ফৈ জৗঙৗ, নংগৌ গৗসৗজৗং, বিনি ছায়াও জেবৗ গৗনৗ গৗথৗ জায়ামাৎনিন ঈশ্বৗরনি খাঠিয়াও থাংনি, আরৗ ফৗথায়নাইয়া ফুরা নিশ্চয়তায়া লাবৗয়ৗ, মানৗনা দোষী সান্নায়নিফ্রায় জৗংনি গৗসায়াও থৈ সাৎস্রৗনানৈ ফৗথার জানৗ, আরৗ গৗগৗ দৈজৗং জৗংনি মৗদৗমা ছুস্রাংজাবায়।23ফৈ, জৗঙৗ বুঙৗ যে, আশা দংখৌ গৗগৗমৈ হমথানি, মানৗনা ঈশ্বৗরা গাওনৗ জবান হৗদৗং, বিয়ৗ ফৗথাইসুলা।24আরৗ ফৈ জৗঙৗ গাওজৗং গাও সাননানৈ নায়নি, অন্নৗ আরৗ মৗজাং হাবাফৗর মাওনৗ গাওজৗং গাও গৗসৗ দুংখাং হৗজ্লাইনি।25জৗরৈ খাইছে মানসিফ্রা খৗলামৗ, ফৈ জৗং দাখৗলাম, নাথায় বিনি বদলৈ লৗগৗছে জুথুমনায়াও জানৗ থাখৈ দানাগার,
নাথায় গাওজৗং গাও বাংসিনছাও বাংসিন উৎসাহ হৗজ্লাই ফৗরবুনি ফৈফিন্নায় দিননা খাঠেইনিফ্রায় খাঠেইসিন জাবায়খায়।26ঈশ্বৗরনি নংগৌখৌ মিথিনাইনি উনাও জৗঙৗ সানৈ হুয়ৈ পাপ মাওবায় থায়ৗব্লা, জৗংনি পাপফৗরনি থাখৈ গুবুন বুলি গৈয়া।27নাথায় জাইফ্রা ঈশ্বৗরনি বিরুদ্ধ গছংঙৗ, বিছৗরৗ গিথাওথাও ফৈগৌ বিচার আরৗ অয়ৎজৗং খামজানায়খৌ বান, নেবায় থানায় জানায়।28ছৗরবায়া জাই মোশিনি আইনখৌ মানিনৗ অস্বীকার খৗলামৗ, সানৈ কিন্বা সাথাম সাক্ষী হৗনায়জৗং দোষী জায়ৗব্লা, দয়া গৈয়িজাছে বিখৌ সিথাৎনায় জায়ৗ।29সাননানৈ নায় ছৗরবায়া ঈশ্বৗরনি বিসাজ্লাখৌ মুগৈয়ৗ, বিখৌ ফৗথারনায় ঈশ্বৗরনি চুক্তিনি থৈখৌ দাম গৈয়ি সাননৗ, আরৗ অনুগ্রহ খৗলামগ্রা জিউখৌ নিন্দিয়ৗ, বিহা মা জানায়? সান্নানৈ নাইছায়, বিয়ৗ বেছে গৗব্রাবসিন সাজা মৗনথারনাংগৌ।30মানৗনা জৗঙৗ বিখৌ মিথিগৌ জাইয়া হৗন্দৗং, “ফাল্টা লানায়া আংনি খামানি; আঙৗ ফাল্টা লানায়,” বিখৌ জৗঙৗ মিথিগৌ আরৗ বিয়ৗ হৗনবাওদৗং, “ফৗরবুআ গাওনি মানসিফৗরখৌ বিচার খৗলামনায়।”31গৗঠাং ঈশ্বৗরনি আখাইয়াও গৗগ্লৈনাইয়া গিথাওথাওথার।32নৗংছৗরৗ সিগাংনি বি দিনফৗরখৌ গৗসৗখাং, জেব্লা নৗংছৗরৗ স্রাংখৌ নাজাওনানৈ ভুগিদৗং আরৗ গৗরা জুজিনান সৈনাংদৗংমৗন।33মাব্লাবা মাব্লাবা নৗঙৗ প্রকাশ্য অপমান আরৗ নাছয়জাদৗং, নৗঙৗ গুবুন সমাও গছংফাদৗংমৗন জাইফ্রা বেবাদি ব্যাবহার খৗলামদৗং।34নৗংছৗরৗ জৗবজানায়ফৗরজৗংবৗ সৈফাদৗং, আরৗ নৗংনি সম্পত্তিফৗরখৌ সেখনানৈ লাংজানায়খৌ রংজানায়জৗং নাজাওদৗং, মানৗনা বেফৗরনিখুরৈ মৗজাংসিন আরৗ জৗবনৗ গৈয়ি ধৗন নৗংছৗরহা দংখায়ৗ হৗন্নানৈ নৗংছৗরৗ মিথিদৗংমৗন।35বিনিখাইনৗ নৗংছৗরৗ হাল দানাগার, বেজৗং নৗংছৗরৗ গেদেৎ বান্থা মৗননায়।36ঈশ্বৗরনি গৗসৗ বাদি মাওনানৈ বিনি জবান হৗনায়খৌ মৗন্নৗ থাখৈ নৗংছৗরৗ সৈছৗথারনাংনায়।37মানৗনা লিৎনায় দং,“জাইয়া ফৈগৌ বিয়ৗ ফৈনায়দান্দৈছেনি গেজেরাও,গৗবাও খৗলামনায় অৗঙা।”38আরৗ, “নাথায় আংনি ধৗরৗমিয়া মানসিফৗরনি ফৗথাইনায়জৗং ঠাংনানৈ থানায়।আরৗ বিছৗরনি ছৗরবা সাছেয়া গৗসৗনি সানখৗমানাই গিদিংফিননৗব্লা বিনি ছায়াও আঙৗ খুশি জায়া।”39নাথায় জৗঙৗ গৗসৗনি সানখৗমানাইয়াও গৗমাগ্রা মানসিনি গিদিংফিনগ্রা অৗঙা, নাথায় জৗঙৗ জাইফৗরহা ফৗথাইনায় দং আরৗ বাছাইজাবায়।
নাথায় গাওজৗং গাও বাংসিনছাও বাংসিন উৎসাহ হৗজ্লাই ফৗরবুনি ফৈফিন্নায় দিননা খাঠেইনিফ্রায় খাঠেইসিন জাবায়খায়।26ঈশ্বৗরনি নংগৌখৌ মিথিনাইনি উনাও জৗঙৗ সানৈ হুয়ৈ পাপ মাওবায় থায়ৗব্লা, জৗংনি পাপফৗরনি থাখৈ গুবুন বুলি গৈয়া।27নাথায় জাইফ্রা ঈশ্বৗরনি বিরুদ্ধ গছংঙৗ, বিছৗরৗ গিথাওথাও ফৈগৌ বিচার আরৗ অয়ৎজৗং খামজানায়খৌ বান, নেবায় থানায় জানায়।28ছৗরবায়া জাই মোশিনি আইনখৌ মানিনৗ অস্বীকার খৗলামৗ, সানৈ কিন্বা সাথাম সাক্ষী হৗনায়জৗং দোষী জায়ৗব্লা, দয়া গৈয়িজাছে বিখৌ সিথাৎনায় জায়ৗ।29সাননানৈ নায় ছৗরবায়া ঈশ্বৗরনি বিসাজ্লাখৌ মুগৈয়ৗ, বিখৌ ফৗথারনায় ঈশ্বৗরনি চুক্তিনি থৈখৌ দাম গৈয়ি সাননৗ, আরৗ অনুগ্রহ খৗলামগ্রা জিউখৌ নিন্দিয়ৗ, বিহা মা জানায়? সান্নানৈ নাইছায়, বিয়ৗ বেছে গৗব্রাবসিন সাজা মৗনথারনাংগৌ।30মানৗনা জৗঙৗ বিখৌ মিথিগৌ জাইয়া হৗন্দৗং, “ফাল্টা লানায়া আংনি খামানি; আঙৗ ফাল্টা লানায়,” বিখৌ জৗঙৗ মিথিগৌ আরৗ বিয়ৗ হৗনবাওদৗং, “ফৗরবুআ গাওনি মানসিফৗরখৌ বিচার খৗলামনায়।”31গৗঠাং ঈশ্বৗরনি আখাইয়াও গৗগ্লৈনাইয়া গিথাওথাওথার।32নৗংছৗরৗ সিগাংনি বি দিনফৗরখৌ গৗসৗখাং, জেব্লা নৗংছৗরৗ স্রাংখৌ নাজাওনানৈ ভুগিদৗং আরৗ গৗরা জুজিনান সৈনাংদৗংমৗন।33মাব্লাবা মাব্লাবা নৗঙৗ প্রকাশ্য অপমান আরৗ নাছয়জাদৗং, নৗঙৗ গুবুন সমাও গছংফাদৗংমৗন জাইফ্রা বেবাদি ব্যাবহার খৗলামদৗং।34নৗংছৗরৗ জৗবজানায়ফৗরজৗংবৗ সৈফাদৗং, আরৗ নৗংনি সম্পত্তিফৗরখৌ সেখনানৈ লাংজানায়খৌ রংজানায়জৗং নাজাওদৗং, মানৗনা বেফৗরনিখুরৈ মৗজাংসিন আরৗ জৗবনৗ গৈয়ি ধৗন নৗংছৗরহা দংখায়ৗ হৗন্নানৈ নৗংছৗরৗ মিথিদৗংমৗন।35বিনিখাইনৗ নৗংছৗরৗ হাল দানাগার, বেজৗং নৗংছৗরৗ গেদেৎ বান্থা মৗননায়।36ঈশ্বৗরনি গৗসৗ বাদি মাওনানৈ বিনি জবান হৗনায়খৌ মৗন্নৗ থাখৈ নৗংছৗরৗ সৈছৗথারনাংনায়।37মানৗনা লিৎনায় দং,“জাইয়া ফৈগৌ বিয়ৗ ফৈনায়দান্দৈছেনি গেজেরাও,গৗবাও খৗলামনায় অৗঙা।”38আরৗ, “নাথায় আংনি ধৗরৗমিয়া মানসিফৗরনি ফৗথাইনায়জৗং ঠাংনানৈ থানায়।আরৗ বিছৗরনি ছৗরবা সাছেয়া গৗসৗনি সানখৗমানাই গিদিংফিননৗব্লা বিনি ছায়াও আঙৗ খুশি জায়া।”39নাথায় জৗঙৗ গৗসৗনি সানখৗমানাইয়াও গৗমাগ্রা মানসিনি গিদিংফিনগ্রা অৗঙা, নাথায় জৗঙৗ জাইফৗরহা ফৗথাইনায় দং আরৗ বাছাইজাবায়।
The Seed Company