ইফিষীয়2
1জৗরৈ নৗংছৗরৗ গাওনি দায় আরৗ পাপমাও গৗথৈ মৗন,2বি সমাও নৗংছৗরৗ সংসারনি লামায়াও থাদৗংমৗন আরৗ নখ্রাংনি শাসনগিরিনি বাইদি মাওদৗং, দা বাদুয়া জিউয়া ঈশ্বৗরখৌ মানিয়িফৗরখৌ শাসন খৗলামদৗং, বিখৌ নৗংছৗরৗ মানিনানৈ থাবায়দৗং মৗন।3নংথারগৌয়ৈ জৗং বয়বৗ সানছে সমাও বিছৗর বাদিনৗ মৗদৗমনি আরৗ গৗসৗনি লুবৈনায়াও থানানৈ রংজাথাও মাওদৗংমৗন। যেহেতু জৗং সাফ্রৗমবৗ মানসি মৗন, বিখাইনৗ জৗং ঈশ্বৗরজৗং সাজা হৗজানাংগৌ দংমৗন।4নাথায় ঈশ্বৗরা, জাইয়া দয়াও ধৗনি, মানৗনা জৗংনি থাখৈ গেদেৎ অন্নায়,5খ্রীষ্টজৗং বিয়ৗ জৗংখৌ গৗঠাং খৗলামবায় জেব্লা জৗঙৗ পাপনি থাখৈ গৗথৈ মৗন, ঈশ্বৗরনি অনুগ্রহজৗং নৗংছৗরৗ বাছাইজাবায়।6ঈশ্বৗরা জৗংখৌ খ্রীষ্টজৗং গৗঠাং খৗলামবায় আরৗ যীশু খ্রীষ্টজৗং স্বৗর্গৗয়াও জিরাইহৗবায়।7বিয়ৗ বেখৌ মাওবায় যেন ফৈগৌ যুগয়াও রুজুজায়ি অনুগ্রহ ধৗনখৌ দিন্ঠিনৗ, গাওনি দয়াখৌ জৗংনৗ যীশু খ্রীষ্টনিয়াও ফৗরমায়দৗং।8মানৗনা অনুগ্রহনি গেজেরজৗং নৗংছৗরৗ বাছাইজাবায়, আরৗ বে ঈশ্বৗরনি দাননা নৗংছৗরনিফ্রায় জায়াখৈ নাথায় ফৗথাইনায়জৗংছৗ।9নৗংছৗরনি মাওনায়জৗং বে জায়াখৈ, বিনিখাইনৗ রাওবৗ ডুগা খৗলামনৗ নাঙা।10মানৗনা জৗঙৗ ঈশ্বৗরজৗং দাজানায়ফৗর, মৗজাং হাবাফৗর মাওনৗ থাখৈনৗ ঈশ্বৗরা জৗংখৌ যীশু খ্রীষ্টজৗং খৌছে সৗর্জিবায়। জৗংখৌ মাওহৗনৗ থাখৈনৗ ঈশ্বৗরা বেখৌ সিগাংনৗ ঠাম ঠিম খৗলামখাদৗং।11বিনিখাইনৗ, ও জৗনৗমজানায়নিফ্রায়নৗ গুবুনহারিফৗর, নৗংছৗর মা বাদিমৗন, গৗসৗখাং, যিহূদীয়ারিফ্রা নৗংছৗরখৌ “অত্বকছেদ খৗলামজায়ি” মুংখনানৈ গাওছৗরখৌ ত্বকছেদ খৗলামজানায় (জেখৌ মৗদৗমাও মানসিনি আখাইজৗং খৗলামামৗন)12গৗসৗখাং, যে বে সমাও নৗংছৗরৗ খ্রীষ্টনিফ্রায় আলাদা মৗন, নৗংছৗরৗ ইস্রায়েলয়ারি অৗঙা মৗন, আরৗ ঈশ্বৗরজৗং সাইখজানায় মানসিফৗর অৗঙা মৗন। ঈশ্বৗরা গাওনি মানসিফৗরনি থাখৈ জবান খানায় চুক্তিয়াও নৗংছৗরহা মৗংবৗ গৈয়া মৗন, আরৗ বে সংসারাও নৗংছৗরৗ আশা গৈয়িমৗন আরৗ ঈশ্বৗর হারামৗন।13সানছে সমাও নৗংছৗরৗ গৗজানাও দংমৗন, নাথায় দা যীশু খ্রীষ্টজৗং খৌছে জানায়খায়, খ্রীষ্টনি থৈজৗং নৗংছৗরখৌ খাঠিয়াও লাবৗনায় জাবায়।14মানৗনা বিয়ৗ গাওনৗ জৗংনি শান্তি, বিয়ৗ মৗননৈ দলখৌ মৗনছেয়াও খৗলামবায়, বেরেখা গৗসৗ জানায়খৌ আরৗ আলাদা আলাদা খৗলামনানৈ দৗন্নায় ইন্জুরখৌ বিয়ৗ গাওনি দেহাখৌ ক্রুশাও হৗনায়জৗং ছিফাইবায়।15গাওনি মৗদৗমনি গেজেরজৗং মৗননৈ হারিখৌ মৗনছে গৗদান হারি খৗলামনৗ থাখৈ বিয়ৗ আইন, আদেশফৗর আরৗ নিয়মফৗরখৌ ফৗজৗববায়, বেবাদিনৗ শান্তিখৌ হৗবায়।16গাওনি মৗদৗমখৌ ক্রুশাও দৗখ্ঠাবজানায়জৗং বিয়ৗ বিছৗরখৌ বেরেখা গৗসৗ জানায়খৌ বেংজ্লাইহৗবায়; মৗননৈ হারিখৌ ক্রুশাও মৗনছে খৗলামানৈ বিছৗরখৌ ঈশ্বৗরনিয়াও মিলাইহৗনান লাবৗফিনবায়।17বেবাদিনৗ খ্রীষ্টআ ফৈনানৈ নৗংছৗরনৗ জাইফ্রা ঈশ্বৗরনিফ্রায় গৗজানাও দংমৗন, আরৗ বে জাবায়, জাইফ্রা খাঠিয়াও দং, বিছৗর বয়নৗবৗ শান্তিনি মৗজাং খবরখৌ ফৗসাওফৈবায়।18খ্রীষ্টজৗংনৗ যিহূদীয়ারি আরৗ গুবুনহারিনি বয়বৗ মানসিফ্রা মৗনছে গৗথার জিউজৗং বিফানিয়াও ফৈনৗ হানায়।19বিনিখাইনৗ ও গুবুনহারিফৗর, নৗংছৗরৗ ঈশ্বৗরনি মানসিফৗরনি সিগাঙাও গুবুন হাদৎনি কিন্বা ছিনায়জায়িফৗর অৗংলে; নৗংছৗরৗ ঈশ্বৗরনি মানসিফৗরজৗং মৗনছে আরৗ ঈশ্বৗরনি ন্ব'খরনি মানসিফৗর জাবায়।20প্রেরিতফৗর আরৗ নবিফৗর ফছংনায় ভিঠানি ছায়াও নৗংছৗরবৗ লুজাবায়, ন্ব'নি খনানি গাহায় অন্ঠাইয়া যীশু খ্রীষ্টআনৗ।21খ্রীষ্টজৗং খৌছে জানায়াও গাছেন ন্ব মানিয়া জরা লাগাইনানৈ ফৗরবুনিয়াও মৗনছে গৗথার মন্দির লুজাবায়।22খ্রীষ্টজৗং খৌছে জানায়াও নৗংছৗরবৗ জয়ৈ ঈশ্বৗরনি জিউ থাগ্রা জায়গা লুখাংজাবায়।
The Seed Company