2 তীমথিয়2
1অব্লা নৗং, ও বিসা, তীমথিয়, যীশু খ্রীষ্টজৗং খৌছে জানানৈ মৗন্নায় অনুগ্রহয়াও, নৗঙৗ বৗলৗগ্রা জা।2আরৗ গৗবাং সাক্ষীফৗরনি সিগাঙাও যে ফৗরৗংনায়ফৗরখৌ নৗঙৗ আংনিফ্রায় খৗনাবায়, বেফৗরখৌ নৗঙৗ অৗরৈ বাদি বিশ্বস্ত মানসিফৗরনৗ গথায়নানৈ হৗদৗ জাইফ্রা আরবাও গুবুনফৗরখৌ ফৗরৗংনৗ গুনগৗনাং জানায়।3যীশু খ্রীষ্টনি মৗজাং দাওহা নাংগ্রা বাদি নৗঙৗ জৗংজৗং দুঃখ কষ্ট সৈফাদৗ।4রাওবৗ দাওহা নাংগ্রায়া সাংসারিক জাথায়ফৗরাও বাহাগৗ লাফায়া, বিয়ৗ গাওনি সাইখগিরিখৌ খুশি খৗলামনৗ লুবৈয়ৗ।5বিবাদিনৗ, ছৗরবায়া খেলোয়াড় জানানৈ বাদিজ্লাইয়ৗব্লা, বিয়ৗ নিয়ম ফালিয়ামাৎনিন বাদিজ্লাইয়ৗব্লা ডেহানায়নি বান্থাখৌ নাজাওনৗ হায়া।6জাই হালুয়া মাওখ্রুবমৗ, বিনৗ সিগাং আবাদনি ভাগৗখৌ নাজাওগ্রৗয়ৗ।7আংনি বুংনায়খৌ সান্নানৈ নাই, মানৗনা ফৗরবুআ নৗংনৗ গাছেনখৌবৗ বুজিনৗ হেফাজাব হৗনায়।8যীশু খ্রীষ্টখৌ গৗসৗখাং, থৈনায়নিফ্রায় ঠাংখাংফিনদৗং বিয়ৗ, আরৗ দায়ূদনি বংশ, বেনৗ আংনি মৗজাং খবররা,9মানৗনা বে মৗজাং খবরখৌ প্রচার খৗলামনায়নি থাখৈনৗ আঙৗ সৈনাংদৗং আরৗ আঙৗ দায় গৗনাং বাদি জিনজ্রিজৗং খাজাদৗং। নাথায় ঈশ্বৗরনি বাথ্রায়া খানানৈ দৗনজায়া।10বিনিখাইনৗ আঙৗ সাইখ'জানায় মানসিফৗরনি থাখৈ আঙৗ বেফৗর গাছেনখৌবৗ সৈদৗং, জাহাথে বিছৗরবৗ যীশু খ্রীষ্টনিয়াও দংনায় উদ্ধারখৌ লাভ খৗলামনৗ আরৗ লৗগৗছে জৗবনৗ গৈয়ি মহিমাখৌ মৗন্নৗ হানায় বাদি।11বে খৗথায়া ফৗথায়জাথাও:
“বিজৗং লৗগৗছে জৗঙৗ থৈফাবায়ব্লা, বিজৗংনৗ লৗগৗছে জৗঙৗ ঠাংনানৈবৗ থানায়।12জৗঙৗ কষ্ট সহায়ৗব্লা, জৗংবৗ বিজৗংলৗগৗছে রাইজৗ খৗলামফানায়, জৗঙৗ বিখৌ অস্বীকার খৗলামৗব্লা, বিবৗ জৗংখৌ অস্বীকার খৗলামনায়।13জৗঙৗ ফৗথায়থাওয়ৈ জায়ৗব্লাবৗ, বিয়ৗ ফৗথায়সুলা থায়ৗ, মানৗনা বিয়ৗ গাওখৌ অস্বীকার খৗলামনৗ হায়া।”14বেফৗরখৌ নৗঙৗ বিছৗরনৗ গৗসৗখাংনানৈ হৗদৗ, আরৗ ঈশ্বৗরনি সিগাঙাও বিছৗরখৌ সাবধান খৗলামদৗ, জাহাথে বিছৗরৗ খৗথাফৗরখৌ লানানৈ দানাংজ্লাইথৗং, মানৗনা বেফৗরজৗং জেবৗ লাভ জায়া বরং জাইফ্রা বেফৗরখৌ খৗনাছঙৗ বিছৗরখৌ নাশ খৗলামৗ।15অৗরৈ বাদি সাছে গনাইঠি মৗননায় মানসি বাদি সাবসিনথার মাওনানৈ নৗঙৗ গাওখৌ ঈশ্বৗরনি খাঠিয়াও সাছে মৗজাং মাওগ্রা দিন্ঠিনৗ হাস্থায়দৗ, জাইয়া লাজিনাঙা আরৗ জাইয়া ঈশ্বৗরনি নংথারগৌ বৗচৗনখৌ সৈথৗয়ৈ বাহাইয়ৗ।16ঈশ্বৗরহারা খৗথা বুংজ্লাইনাই নিফ্রায় এংগারনানৈ থা, মানৗনা জাইফ্রা বেফৗরবাদিয়াও গৗসৗহৗয়ৗ, বিছৗরৗ গাওছৗরখৌ ঈশ্বৗরনিফ্রায় বাংসিন গৗজানাও দৈদেনলাঙৗ।17আরৗ বিছৗরনি ফৗরৗংনাইয়া মৗদৗমখৌ ফেছেওগ্রা গারাইবাদি গৗসারলাঙৗ। হুমিনায় আরৗ ফিলীত, বিছৗরনি গেজেরাও,18জাইফ্রা নংগৌ লামানিফ্রায় ফাৎছে ঠিঙৈ এরখেলাংবায়। বিছৗরৗ বুঙৗ, ঠাংখাংফিন্নায়া সিগাঙাওনৗ জাখাবায়, আরৗ বেবাদি বুংনায়জৗং বিছৗরৗ খাইছে খাইছেখৌ ফৗথাইনায়নিফ্রায় উনফিনহৗয়ৗ।19অব্লাবৗ, ঈশ্বৗরনি ফছংনায় ভিঠায়া গৗরায়ৈনৗ গছৗঙৗ “জাইয়ানৗ ফৗরবুনি নামখৌ স্বীকার খৗলামৗ বিয়ৗ গাজ্রি মাওনায়নিফ্রায় গৗজানাও থাথারথৗং।”20গংছে গেদেৎ ন্ব'য়াও সোনা এবা রুপানি বান ভারা-খরা থায়া, ডংফাংনি আরৗ হ্বানি মৗঙাফৗরবৗ থায়ৗ, বিফৗরনি খাইছেখৌ মান গৗনাং খামানিফৗরাও আরৗ খাইছেখৌ গৗলৈ খামানিফৗরাও বাহায়ৗ।21যদি ছৗরবায়া গাওখৌ বেফৗরনিফ্রায় গৗগৗ খৗলামৗ, অব্লা বিয়ৗ মান গৗনাং হাবাফৗরাও বাহায়জানায় ভারা-খরা বাদি জানায়, গৗথার খৗলামজাবায় আরৗ বৈগৗমানি গাছেন মৗজাং খামানিয়াও বাহায়জানৗ থাখৈ থিয়ারি থানায়।22নৗঙৗ জৗহৗলাও বৈসৗনি গাজ্রি লুবৈনায়ফৗর নিফ্রায় খাৎখৗমা, আরৗ জাইফ্রা গৗগৗ গৗসৗজৗং ফৗরবুনি নামখৌ গাবজ্রিয়ৗ, বিছৗরজৗং লৗগৗছে ধার্মিকয়ৈ জেব্লাইবৗ, ফৗথাইনায়, অন্নায় আরৗ শান্তিখৌ হৗছৗদৗ।23নাথায় নংবাং-জাবাং আরৗ সান্নৗ রৗঙি তর্ক বিতর্কয়াও লৗগৗ দালা, মানৗনা নৗঙৗ মিথিগৌ বেফৗরৗ নাংজ্লাইনায়ফৗরাওছৗ দৈদেনৗ।24আরৗ ফৗরবুনি দাসফ্রা নাংজ্লাইনৗ নাংথারা, নাথায় বয়খৌবৗ অনগ্রা জানাংগৌ, মৗজাং ফৗরৗংনৗ হানায়, আরৗ সৈছৗনৗ হানায় আখল জানাংনায়।25জাইফ্রা বিনি বিরুদ্ধনাও জিখাঙৗ, বিছৗরখৌ গুরৈয়ৈ ফৗরৗংনানৈ ফেংনাংগৌ, মানৗনা গৗসৗ সৗলায়নানৈ নৗংগৌখৌ মিথিনৗ ঈশ্বৗরা বিছৗরনৗ সুযোগ হৗনৗবৗ হাগৌ।26আরৗ অব্লাছৗ গাওনি গৗসৗ বাদি শয়তানা বিছৗরখৌ মাওহৗদৗংমৗন হৗন্নানৈ মিথিনৗবৗ হাগৌ, আরৗ শয়তাননি ফানদৗনিফ্রায় খাৎগোবৗনৗবৗ হাগৌ।
“বিজৗং লৗগৗছে জৗঙৗ থৈফাবায়ব্লা, বিজৗংনৗ লৗগৗছে জৗঙৗ ঠাংনানৈবৗ থানায়।12জৗঙৗ কষ্ট সহায়ৗব্লা, জৗংবৗ বিজৗংলৗগৗছে রাইজৗ খৗলামফানায়, জৗঙৗ বিখৌ অস্বীকার খৗলামৗব্লা, বিবৗ জৗংখৌ অস্বীকার খৗলামনায়।13জৗঙৗ ফৗথায়থাওয়ৈ জায়ৗব্লাবৗ, বিয়ৗ ফৗথায়সুলা থায়ৗ, মানৗনা বিয়ৗ গাওখৌ অস্বীকার খৗলামনৗ হায়া।”14বেফৗরখৌ নৗঙৗ বিছৗরনৗ গৗসৗখাংনানৈ হৗদৗ, আরৗ ঈশ্বৗরনি সিগাঙাও বিছৗরখৌ সাবধান খৗলামদৗ, জাহাথে বিছৗরৗ খৗথাফৗরখৌ লানানৈ দানাংজ্লাইথৗং, মানৗনা বেফৗরজৗং জেবৗ লাভ জায়া বরং জাইফ্রা বেফৗরখৌ খৗনাছঙৗ বিছৗরখৌ নাশ খৗলামৗ।15অৗরৈ বাদি সাছে গনাইঠি মৗননায় মানসি বাদি সাবসিনথার মাওনানৈ নৗঙৗ গাওখৌ ঈশ্বৗরনি খাঠিয়াও সাছে মৗজাং মাওগ্রা দিন্ঠিনৗ হাস্থায়দৗ, জাইয়া লাজিনাঙা আরৗ জাইয়া ঈশ্বৗরনি নংথারগৌ বৗচৗনখৌ সৈথৗয়ৈ বাহাইয়ৗ।16ঈশ্বৗরহারা খৗথা বুংজ্লাইনাই নিফ্রায় এংগারনানৈ থা, মানৗনা জাইফ্রা বেফৗরবাদিয়াও গৗসৗহৗয়ৗ, বিছৗরৗ গাওছৗরখৌ ঈশ্বৗরনিফ্রায় বাংসিন গৗজানাও দৈদেনলাঙৗ।17আরৗ বিছৗরনি ফৗরৗংনাইয়া মৗদৗমখৌ ফেছেওগ্রা গারাইবাদি গৗসারলাঙৗ। হুমিনায় আরৗ ফিলীত, বিছৗরনি গেজেরাও,18জাইফ্রা নংগৌ লামানিফ্রায় ফাৎছে ঠিঙৈ এরখেলাংবায়। বিছৗরৗ বুঙৗ, ঠাংখাংফিন্নায়া সিগাঙাওনৗ জাখাবায়, আরৗ বেবাদি বুংনায়জৗং বিছৗরৗ খাইছে খাইছেখৌ ফৗথাইনায়নিফ্রায় উনফিনহৗয়ৗ।19অব্লাবৗ, ঈশ্বৗরনি ফছংনায় ভিঠায়া গৗরায়ৈনৗ গছৗঙৗ “জাইয়ানৗ ফৗরবুনি নামখৌ স্বীকার খৗলামৗ বিয়ৗ গাজ্রি মাওনায়নিফ্রায় গৗজানাও থাথারথৗং।”20গংছে গেদেৎ ন্ব'য়াও সোনা এবা রুপানি বান ভারা-খরা থায়া, ডংফাংনি আরৗ হ্বানি মৗঙাফৗরবৗ থায়ৗ, বিফৗরনি খাইছেখৌ মান গৗনাং খামানিফৗরাও আরৗ খাইছেখৌ গৗলৈ খামানিফৗরাও বাহায়ৗ।21যদি ছৗরবায়া গাওখৌ বেফৗরনিফ্রায় গৗগৗ খৗলামৗ, অব্লা বিয়ৗ মান গৗনাং হাবাফৗরাও বাহায়জানায় ভারা-খরা বাদি জানায়, গৗথার খৗলামজাবায় আরৗ বৈগৗমানি গাছেন মৗজাং খামানিয়াও বাহায়জানৗ থাখৈ থিয়ারি থানায়।22নৗঙৗ জৗহৗলাও বৈসৗনি গাজ্রি লুবৈনায়ফৗর নিফ্রায় খাৎখৗমা, আরৗ জাইফ্রা গৗগৗ গৗসৗজৗং ফৗরবুনি নামখৌ গাবজ্রিয়ৗ, বিছৗরজৗং লৗগৗছে ধার্মিকয়ৈ জেব্লাইবৗ, ফৗথাইনায়, অন্নায় আরৗ শান্তিখৌ হৗছৗদৗ।23নাথায় নংবাং-জাবাং আরৗ সান্নৗ রৗঙি তর্ক বিতর্কয়াও লৗগৗ দালা, মানৗনা নৗঙৗ মিথিগৌ বেফৗরৗ নাংজ্লাইনায়ফৗরাওছৗ দৈদেনৗ।24আরৗ ফৗরবুনি দাসফ্রা নাংজ্লাইনৗ নাংথারা, নাথায় বয়খৌবৗ অনগ্রা জানাংগৌ, মৗজাং ফৗরৗংনৗ হানায়, আরৗ সৈছৗনৗ হানায় আখল জানাংনায়।25জাইফ্রা বিনি বিরুদ্ধনাও জিখাঙৗ, বিছৗরখৌ গুরৈয়ৈ ফৗরৗংনানৈ ফেংনাংগৌ, মানৗনা গৗসৗ সৗলায়নানৈ নৗংগৌখৌ মিথিনৗ ঈশ্বৗরা বিছৗরনৗ সুযোগ হৗনৗবৗ হাগৌ।26আরৗ অব্লাছৗ গাওনি গৗসৗ বাদি শয়তানা বিছৗরখৌ মাওহৗদৗংমৗন হৗন্নানৈ মিথিনৗবৗ হাগৌ, আরৗ শয়তাননি ফানদৗনিফ্রায় খাৎগোবৗনৗবৗ হাগৌ।
The Seed Company