2 করিন্থীয়5
1মানৗনা জৗঙৗ মিথিগৌ, জৗং থানায় বে থাম্বুয়া, বে জাবায় সংসারনি, জৗংনি বে মৗদৗমা ছিফায়জাব্লা, জৗংনি থাখৈ স্বৗর্গৗয়াও ঈশ্বৗরনি জৗবনৗ গৗয়ি ন্ব' দং, বে ন্ব'খৌ বিয়ৗ গাওনৗ লুদৗং আরৗ বে জেব্লাইবৗ থাফ্লাইনায়।2দা জৗঙৗ হাংমা ছুয়ৗ, আরৗ স্বৗর্গৗনি ন্ব' স্বৗর্গৗনি মৗদৗম মৗন্নৗ জৗং বিরাঠনৗ গৗসৗ জাদৗং,3মানৗনা জেব্লা জৗঙৗ বেখৌ মৗননায়, অব্লা জৗঙৗ লাংঠিয়া জানায় অৗংলে।4মানৗনা বে সংসারনি থাম্বুয়াও থানায় সমাও জৗঙৗ হাংমা ছুয়ৗ আরৗ গিলিৎ বিবান বান্নাংঙৗ, জৗঙৗ বে বুহুমনি মৗদৗমনিফ্রায় গনৗ হাস্থাইয়ৗ, বে অৗঙা, নাথায় জৗঙৗ স্বৗর্গৗনি গৗদান মৗদৗমখৌছৗ মৗন্নৗ হাস্থাইয়ৗ, অব্লাসৗ বে থৈনৗ গৗনাং মৗদৗমা জৗবনৗ গৈয়ি গৗঠাঙাও সৗলাইনায়।5দা বেবাদি সৗলাইহৗনৗ থাখৈনৗ ঈশ্বৗরা জৗংখৌ ঠাম ঠিম খৗলামদৗং, আরৗ বিয়ৗ জৗংনি থাখৈ বুথুমনানৈ দৗন্নায়, মৗঙাফৗরখৌ বায়না বাদি গৗথার জিউখৌ জৗংনৗ হৗবায়।6বিনিখাইনৗ জৗঙৗ জেব্লাইবৗ ফুরা ফৗথাইয়ৗ আরৗ মিথিগৌ জৗঙৗ বে মৗদৗমনি ন্ব'য়াও থাসান্দিয়াও ফৗরবুনি ন্ব'নিফ্রায় গৗজানাও থায়ৗ।7নাথায় জৗঙৗ ফৗথাইনায়জৗং থাবায়ৗ, নুনাইজৗং অৗঙা।8জৗঙৗ ফুরা ফৗথাইয়ৗ, আরৗ বে মৗদৗমখৌ নাগারনানৈ ফৗরবুনি ন্ব'য়াও থানায়খৌ হামজাসিননৗ।9জৗঙৗ মৗদৗমাও ন্ব'য়াও থা এবা বেনিফ্রায় গৗজানাও থা, জৗঙৗ বেখৌ জৗংনি ঠাংখি খৗলামৗ বিখৌ খুশি খৗলামনৗ।10মানৗনা জৗঙৗ বয়বৗ বিচার খৗলামজানৗ থাখৈ খ্রীষ্টনি সিগাঙাও নুজাথার নাংনায় সাফ্রৗমবৗ বে মৗদৗমাও থানায় সমাও জাইয়া জেরৈ মাওদৗং, মৗজাং আরৗ গাজ্রিয়ানৗ জাথৗং, গাও গাওনি মাওনায় বাদি বয়বৗ মৗননায়।11ফৗরবুখৌ গিনায়া মা, জৗঙৗ মিথিগৌ, বিনিখাইনৗ জৗঙৗ গুবুনফৗরখৌ ফৗথায়হৗনৗ হাস্থায়ৗ। ঈশ্বৗরা জৗংখৌ ঠাল্লায়ৈ মিথিগৌ, আরৗ আং আশা খৗলামৗ নৗংছৗরনি বিবেকআ আংখৌ মৗজাঙৈ মিথিগৌ।12জৗঙৗ নৗংছৗরনি সিগাঙাও গাওখৌ গাও মৗজাং দিন্ঠিনৗ হাস্থাইয়াখৈ, নাথায় জৗংখৌ লানানৈ নৗংছৗরৗ ডুগা খৗলামনৗ হানায় বাদি, জাইফ্রা বরং গৗসৗনিফ্রায়বৗ জেখৌ নুয়ৗ বেহা গৗগা খৗলামৗ বেফৗরবাদি মানসিফৗরখৌ অব্লাসৗ নৗংছৗরৗ বুংফিন্নৗ হানায়।13অৗংথারগৌয়ৈ “জৗঙৗ আন্দাইমাৎদৗং নামা,” ঈশ্বৗরনি থাখৈছৗ; যদি জৗঙৗ ঠিক গৗসৗ জাদৗংব্লাবৗ, নৗংছৗরনি মৗজাংনি থাখৈনৗ।14মানৗনা খ্রীষ্টনি অন্নায়ানৗ জৗংখৌ দৈদেননৗ, দা জৗঙৗ মিথিবায়, সাফ্রৗমনিবৗ বিচারনি থাখৈ সাছে মানসিয়া থৈবায়, বিনি থৈনায়াও জৗং বয়বৗ ভাগৗ মৗনফাবায়।15গৗঠাঙৈ থানায়াও গাওছৗরনি থাখৈ গৗঠাঙৈ থাবাওয়ৈ বাদি নাথায় বিনি থাখৈ বান জাইয়া বিছৗরনি থাখৈ থৈবায় আরৗ ঠাংখাংফিনবায়।16বিনিখাইনৗ মানসিনি সান্নায় বাদি জৗং রাওখৌবৗ সানলে। সানছে সমাও খ্রীষ্টখৌবৗ জৗঙৗ মানসিনি সান্নায় বাদি সান্দৗং মৗন, নাথায় দা জৗঙৗ বেবাদি সানলে।17বিনিখাইনৗ জেব্লা সাছে মানসিয়া খ্রীষ্টনিয়াও খৌছে জায়ৗ, অব্লা বিয়ৗ গৗদান জায়ৗ: গৗজামা থাঙৗ, গাছেনবৗ গৗদান জায়ৗ!18বেফৗর গাছৈখৌবৗ ঈশ্বৗরা মাওবায়, জাইয়া খ্রীষ্টনিয়াও জৗংখৌ গাওজৗং বেংজ্লাইহৗবায়, আরৗ বিয়ৗ গুবুনফৗরখৌবৗ গাওজৗং বেংজ্লাইহৗনায়নি বিবানখৌ জৗংনৗ হৗবায়:19জৗংনি খৗথানায় মৗজাং খবরা বেনৗ ঈশ্বৗরা খ্রীষ্টজৗং গাওনৗ সংসারখৌ বেংজ্লাইহৗবায়, বিয়ৗ বিছৗরনি পাপখৌ হমবাওলে। আরৗ বেংজ্লাইনায়নি মৗজাং খবরখৌ খৗথানায়নি বিবানখৌ বিয়ৗ জৗংনৗ গথাইবায়।20জৗঙৗ খ্রীষ্টনি খবরিয়াফৗর, ঈশ্বৗরা গাওনৗ জৗংজৗং মানসিফৗরখৌ খাওলাইদৗং। বিনিখাইনৗ জৗঙৗ খ্রীষ্টনি জানানৈ খাওলায়ৗ: নৗংছৗরৗ ঈশ্বৗরজৗং বেংজ্লাইদৗং!21খ্রীষ্টনিয়াও পাপ গৈয়া, নাথায় জৗঙৗ বিজৗং খৌছে জানানৈ ঈশ্বৗরজৗং ধৗরৗমিয়া সানজানায় বাদি ঈশ্বৗরা জৗংনি পাপখৌ বিনি ছায়াও হৗবায়।
The Seed Company