1 থিষলনীকীয়1
1আং পৌল, সিলাস, আরৗ তীমথিয়, থিষলনীকীয়াও থানায় বিফা ঈশ্বৗর আরৗ ফৗরবু যীশু খ্রীষ্টনি মন্ডলীনি বিদা-ফংবায়ফৗরনৗ, বে লাইজামখৌ লিৎহৗৎদৗং, অনুগ্রহ আরৗ শান্তি ঈশ্বৗরা নৗংছৗরনৗ হৗথৗং।2জৗংনি প্রার্থনাফ্রাও নৗংছৗর বয়খৌবৗ গৗসৗখাংনানৈ ঈশ্বৗরখৌ জেব্লাইবৗ ধন্যবাদ হৗয়ৗ।3নৗংছৗরনি ফৗথাইনায়জৗং মাওনায় খামানি, অন্নায়জৗং মাওখ্রুবনায় খামানি আরৗ জৗংনি ফৗরবু যীশু খ্রীষ্টনি ছায়াও ভরসা খৗলামনানৈ নৗংছৗরনি সহায়নায়, বে গাছেনখৌবৗ জৗঙৗ জৗংনি বিফা ঈশ্বৗরনি সিগাং গলে গলে গৗসৗখাংফ্লাইয়ৗ।4মানৗনা, ও জৗংনি ঈশ্বৗরজৗং অনজানায় বিদা-ফংবায়ফৗর আরৗ বিবো-বিনানাওফৗর, জৗঙৗ মিথিগৌ, বিয়ৗ নৗংছৗরখৌ সাইখবায়।5মানৗনা জৗংনি মৗজাং খবররা নৗংছৗরনিয়াও খৗথাজৗং বান ছফৈয়াখৈ নাথায় বৗলৗজৗংবৗ, গৗথার জিউজৗং আরৗ ঠাল্লায়ৈ ফৗথাইনায়জৗং ছফৈদৗং। জৗঙৗ নৗংছৗরনিয়াও থানায় সমাও নৗংছৗরনি মৗজাংনি থাখৈ মাব্রৈ থাদৗংমৗন বেখৌ নৗংছৗরৗ মিথিগৌ।6নৗংছৗরৗ বিরাঠ দুঃখ সৈনাংদৗংব্লাবৗ, গৗথার জিউনিফ্রায় মৗন্নায় রংজানায়জৗং মৗজাং খবরখৌ নাজাওনানৈ জৗংনি আরৗ ফৗরবুনি বাদি থাবায়দৗং।7মানৗনা নৗং ম্যাসিডোনিয়া আরৗ আখায়া গাছেন বিশ্বাসীফৗরনি থাখৈ মৗনছে উদাহারণ জাবায়।8মানৗনা ম্যাসিডোনিয়া আরৗ আখায়ানি মানসিফৗর বান নৗংছৗরনিফ্রায় ফৗরবুনি মৗজাং খবরখৌ মৗনদৗং, বে অৗঙা, নাথায় নৗংছৗরনি ঈশ্বৗরখৌ ফৗথাইনায়নি খৗথায়া জেরেওবৗ ছহৈবায়। বেনিখাইনৗ বে বিষয়ৈ জৗংহা জেবৗ বুংনাংগৌ গৈয়া,9মানৗনা নৗংছৗরৗ জৗংখৌ মাব্রৈ নাজাওখৗ, মূর্তিফৗর খুলুমনায়ফৗরখৌ নাগারনানৈ মাব্রৈ গৗঠাং আরৗ নংথারগৌ ঈশ্বৗরখৌ সিবিনৗ বিনি ঠিঙৈ গিদিংখৗ, বেখৌ বিছৗরৗ গাওছৗরনৗ মিথিহৗদৗং।10আরৗ জাইখৌ বিয়ৗ গৗথৈফৗরনি গেজেরনিফ্রায় ঠাংখাংফিনহৗদৗং, বে যীশু, জাইয়া ফৈগৌ রাগনি সাজানিফ্রায় জৗংখৌ বাছাইয়ৗ, বে ঈশ্বৗরনি বিসাজ্লা স্বৗর্গৗনিফ্রায় ফৈফিনগৌখৌ নেগাছেনদৗং।
The Seed Company