Read Yeremi 2

Yeremi2bqp_sim

Isirelibɑn sikɑdobɑn durum

¹Yinni Gusunɔ u mɑn sɔ̃ɔwɑ u nɛɛ,²n doo n bɛɛ Yerusɑlɛmugibu sɔ̃ n nɛɛ,u yɑɑye nge mɛ i nùn kĩɑ yellu nge kurɔ kpɑo,i kɑ nùn swĩi gbɑbu tèn mi gɑ̃ɑnu ku rɑ kpi.³Bɛɛ Isirelibɑ, i rɑɑ wɑ̃ɑwɑ wi turon sɔ̃.I sɑ̃ɑwɑ win ɑrumɑni ye u tii gɔsiɑ.Wi u nɑ u bɛɛ gurɑ, wɑhɑlɑ yɑ rɑ yɛ̃ro deemɛwɑ.Wi, Yinni Gusunɔwɑ u yeni geruɑ.⁴Tɛ̃, bɛɛ Isirelibɑ,bɛɛ be i sɑ̃ɑ Yɑkɔbun bweseru,i swɑɑ dɑkio i nɔ.⁵Yinni Gusunɔ u nɛɛ,torɑ terɑ̀ bɛɛn sikɑdobɑ bɑ nùn wɑɑsi bɑ kɑ nùn deri,bɑ dɑ bɑ kɑm swĩi,mɑ ben tii bɑ kɑm kuɑ.⁶Bɑ ǹ tii bikie bu nɛɛ,mɑnɑ wi, Yinni Gusunɔ u wɑ̃ɑ, wi, wi u bu yɑrɑmɑ Egibitin di.Mɑnɑ u wɑ̃ɑ, wi, wi u kɑ bu dɑ gbɑburɔ mi gɑ̃ɑnu ku rɑ kpi.Gbɑbu te sɔɔ, nim sɑri,dɔkɔ kpirinɑ nu yibɑ,wɑ̃ɑrɑ mɑɑ sɛ̃ mi.Yen sɔ̃nɑ goo kun wɑ̃ɑ mi,goo ku rɑ mɑɑ sĩ mi.⁷Yen biru, u kɑ bu dɑ mi tem gem wɑ̃ɑ,kpɑ bu kɑ mɛn dɑ̃ɑ bii duronu kɑ mɛn dĩɑ geenu di.Adɑmɑ ye bɑ turɑ mi,bɑ tem mɛ sɑnkɑ,bɑ mu disi doke.⁸Ben yɑ̃ku kowobu bɑ ǹ bikie bu nɛɛ,mɑnɑ Yinni Gusunɔ u wɑ̃ɑ.Mɛyɑ mɑɑ woodɑ yɛ̃robu bɑ ǹ nùn gie.Ben wirugibu bɑ nùn seesi.Bũu wi bɑ mɔ̀ Bɑɑli, win gɑriyɑ Gusunɔn sɔmɔbu bɑ swĩi bɑ kɑ gɑri mɔ̀.Mɑ bɑ dɑ bɑ bũnu sɑ̃wɑ ni nu ǹ bu ɑrufɑɑni gɑɑ wɛ̃ɛmɔ.⁹Yen sɔ̃nɑ u koo bɛɛ kɑ bɛɛn bibun bweseru siribu soku.¹⁰I be bɑ wɑ̃ɑ nim wɔ̃kun tem bure te bɑ sokumɔ Sipu mɛɛrio.I goo gɔrio Kedɑɑɔu mɛɛri sɑ̃ɑ sɑ̃ɑ u kɑ wɑbɑ̀ n mɔ̀ nge bɛɛ,¹¹u kɑ wɑ bweseru gɑru tɑ̀ n ten bũnu kɔsirebɑɑ mɛ nu ǹ sɑ̃ɑ gem,nge mɛ bɛɛ, i Gusunɔ deriwi u sɑ̃ɑ bɛɛn bɛɛrɛ.Mɑ i wurɑ yè sɔɔ i ǹ ɑrufɑɑni gɑɑ wɑsi.¹²Yinni Gusunɔ u nɛɛ,bɛɛ wɔllugibu, i biti sooro yenin sɔ̃,kpɑ i wɛ̃nu wurɑ.¹³Wee win tɔmbu bɑ durum yiru kuɑ.Bɑ nùn deri, wi, wi u sɑ̃ɑ nge nim gem mɛ mu koo nɔrurɑ,mɑ bɑ dɑ bɑ bũnu swĩi ni nu sɑ̃ɑ nge dɔkɔ kpiri ni nu ǹ nim nɛnumɔ.

Isirelibɑn nɑɑnɛ sɑrirun ɑre

¹⁴Isirelibɑ, i ǹ sɑ̃ɑ yobu.Bɑ ǹ bɛɛ mɑrɑ yoru sɔɔ.Ǹ n mɛn nɑ, mbɑn sɔ̃nɑ bɛɛn yibɛrɛbɑ bɑ bɛɛ nɑɑ swĩi nge gbeeku yɛɛ.¹⁵Wee bɑ bɛɛ kukirisi nge gbee sinɑnsu.Bɑ bɛɛn tem yɑ̃nu gurɑ,mɑ bɑ bɛɛn wusu dɔ̃ɔ mɛniki,goo mɑɑ sɑri mi.¹⁶Nɔfu kɑ Tɑpɑnɛsigibun tiibɑ koo bɛɛ kɔni bu pɔɔru wokɑbu kɑ bɛɛ yoru mwɛɛri.¹⁷Yeni yɑ koo bɛɛ deemɑ,domi i Gusunɔ bɛɛn Yinni deri sɑnɑm mɛ u bɛɛ kpɑre swɑɑ geɑ sɔɔ.¹⁸Ì n dɑ i tii Asirigibuǹ kun mɛ Egibitigibu wɛ̃,i ben dɑɑrun nim nɔrumɔ,mbɑ i ko wɑ.¹⁹I n yɛ̃ mɑ bɛɛn nuku kɔ̃suru kɑ bɛɛn nɑɑnɛ sɑriru tɑ koo bɛɛ nɔni sɔ̃.Sɑɑ ye sɔɔrɑ i ko wɑ,kpɑ i giɑ mɑ gɑ̃ɑ kɔ̃sunɑ i kuɑ mi,ye i kɑ mɑn deri,i ǹ mɑɑ mɑn nɑsie.Nɛ, Gusunɔ wɔllu kɑ tem Yinniwɑ nɑ yeni geruɑ.

Isirelibɑ bɑ sɑ̃ɑwɑ nge kurɔ

wi u kun nɑɑnɛ mɔ

²⁰Yinni Gusunɔ u nɛɛ,sɑɑ yellun di, i tii yoru yɑrɑ,i sugu kɑ yɔni yi bɑ rɑɑ bɛɛ doke kɑsukɑ.Mɑ i nɛɛ, i ǹ mɑɑ kĩ i mɑn yoru diiyɑ.Mɑ i dɑ gungunu wɔllɔ kɑ dɑ̃ɑ kubenɔi bũnu gɑsirimɔ i sɑ̃ɑmɔ.²¹Yellu, nɑ bɛɛn bweseru duurɑwɑnge resɛm dɑ̃ɑ geeru te tɑ kpuro kere,ɑdɑmɑ tɛ̃, i kɔsɑ i kuɑnge resɛm dɑ̃ɑ te tɑ yinɑ.²²Bɑɑ ì n woburɑ kɑ werem mɛ mu gɛm durom mɔ,kɑ mɛ, ko nɑ n bɛɛn disi yi wɑɑmɔwɑ.Nɛ, Yinni Gusunɔwɑ nɑ yeni geruɑ.²³Amɔnɑ i ko kpĩ i siki i nɛɛ,i ǹ tii disi koosi,i ǹ bũu wi bɑ mɔ̀ Bɑɑli sɑ̃wɑ.I bɛɛn nɑɑsun yirɑ mɛɛrio wɔwɑ sɔɔ.I de i wurɑ ye i kuɑ,bɛɛ be i sɑ̃ɑ nge yooyoo niuge gɑ bɔsu gɑ durɔbu kɑsu.²⁴Bɛɛ be i sɑ̃ɑ nge gbeeku kɛtɛku niuge gɑ gbɑburun dɔɔnɛ mɔ.Gen yɔɔbun sɑɑ sɔɔ,gɑ rɑ n yɔ̃ɔkumɔwɑ,goo kun kpɛ̃ u gu yɔ̃rɑsiɑ.Kɛtɛku dwɑɑ ye yɑ gu kɑsu kpuro,yɑ ku rɑ wɑsire yu kɑ gu wɑ.Domi yɑ rɑ gu deemɛwɑ gen yɔɔbun sɑɑ sɔɔ.²⁵Bɛɛ Isirelibɑ, nɑ nɛɛ,i ku bũnu gɑsiri sere bɛɛn bɑrɑnu nu diirɑ,kpɑ nim nɔru gu bɛɛ go.Adɑmɑ i ǹ wure.Mɑ i nɛɛ, n ǹ koorɔ,domi niyɑ i kĩ,i ko mɑɑ nu swĩi i sɑ̃wɑ.

Bɑ koo Isirelibɑ sɛɛyɑsiɑ

²⁶Nge mɛ sekuru tɑ rɑ gbɛnɔ mwɛbɑ̀ n nùn mwɑ subɑru sɔɔ,nge mɛyɑ bɛɛ Isirelibɑ kɑ bɛɛn sinɑmbukɑ bɛɛn wirugibu kɑ bɛɛn yɑ̃ku kowobukɑ Gusunɔn sɔmɔbu i ko i sekuru wɑ.²⁷Domi i bũu dɑ̃ru sokumɔ bɛɛn bɑɑbɑ,mɑ i mɑɑ kperu sokumɔ bɛɛn mɛro.Wee bɛɛ Isirelibɑ kpuro i mɑn biru kisi,i ǹ mɑɑ mɑn mɛɛrimɔ.Adɑmɑ ì n wɑ̃ɑ wɑhɑlɑ sɔɔ,i rɑ nɛɛwɑ, n seemɑ n bɛɛ fɑɑbɑ ko.²⁸Bɛɛ Yudɑbɑ, bɛɛn bwɑ̃ɑroku ni i tii sekuɑnu kɑ bɛɛn wusu geeru nɛ mi,mɑnɑ nu wɑ̃ɑ.Nu seewo nu bɛɛ fɑɑbɑ ko wɑhɑlɑn sɑɑ sɔɔnù n koo kpĩ.

²⁹Mbɑn sɔ̃nɑ i kɑ mɑn sikirinɑmɔ.Wee bɛɛ kpuro i ǹ kɑ mɑn yɔ̃re.³⁰Kɑm sɔɔrɑ nɑ bɛɛ sɛɛyɑsiɑ.I ǹ nɛn sɛɛyɑsiɑ bi gɑrisi gɑ̃ɑnu.I Gusunɔn sɔmɔbu wɔri i gonge mɛ gbee sunɔ gɑ rɑ yɑɑ wɔri gu go.³¹Bɛɛ Isirelibɑ, bɛɛ be i tie, i nɛ, Yinni Gusunɔn gɑri swɑɑ dɑkio i nɔ.Nɑ bɛɛ sɑ̃ɑwɛwɑ nge tem mi gɑ̃ɑnu ku rɑ kpi?Nɑ bɛɛ sɑ̃ɑwɛwɑ nge yɑm wɔ̃ku nɑnumgiru?Mbɑn sɔ̃nɑ bɛɛ nɛn tɔmbu i gerumɔ i mɔ̀,i tii mɔ,i ǹ gɔsirɑmɑmɔ nɛn mi.³²Wɔndiɑ u rɑ win burɑ yɑ̃nu duɑri ro?Kurɔ kpɑo u rɑ win sɔnditiɑ duɑri?Amɔnɑ bɛɛ nɛn tɔmbu i kɑ mɑn duɑri n kɑ tɛ mɛ,nɑ ǹ mɑm yen tɔ̃nun geeru yɛ̃.³³I durɔ dɑmɑ bwisi mɔ sere kurɔ tɑnɔbu bɑ yi giɑmɔ bɛɛn min di.³⁴Wee tɔn be bɑ ǹ toren yɛm mu yibɑ bɛɛn yɑbenɔbe, be i ǹ kɑ gɑ̃ɑ kɔ̃sunu gɑnu mwɛ.³⁵Kɑ mɛ, i tii sokumɔ be bɑ dɛɛre.Mɑ i mɔ̀, nɛ, Yinni Gusunɔn mɔru yu bɛɛ doonɑri.Adɑmɑ kon bɛɛ siribu soku yèn sɔ̃ i mɔ̀, i ǹ durum mɔ.