Read EBERUNƆ 1

EBERUNƆ1bqp_sim

Luda Nɛ́ de malaikanↄla

¹Luda yã ò ó dizinↄnɛ yã káaku annabinↄ gãi gɛ̃̀n baaakↄ̃ zɛ́nↄ gũn dasi,²ama à yã òwɛrɛ a Nɛ́ gãi gↄrↄ kpɛde díkĩnanↄn sà. Nɛ́ pì gãin Luda andunia kɛ̀o, à dìtɛ kũ àkũ mɛ́ anigↄ̃ pↄ́ sĩnda pínki vĩ.³Àkũ mɛ́ à Luda gakuri tɛ́kɛna ũ, à de a kunna ũ sãnsãn. Àkũ mɛ́ à pↄ́ sĩnda pínki kũna kũ a yã'ona gbãnao. Durunnanↄ kɛ̃mmana gbɛra à vùtɛ musu Luda zↄ̃kↄ̃de ↄplai.⁴Lákũ tↄ́ kũ à blèe pì de malaikanↄ pↄ́la nà, lɛn a zↄ̃kↄ̃ deńla lɛ.⁵Luda yã dí ò malaika kenɛ yã yá?Ma Nɛ́mɛ n ũ, ma n i gbãra,Kesↄ̃:Manigↄ̃ de a De ũ,anigↄ̃ de ma Nɛ́ ũ.⁶Kũ Luda tò a dauduu sù andunia gũn à pì:A malaikanↄ donyĩ kɛnɛ ń pínki.⁷Malaikanↄ yã musu à pì:Adì a zĩ̀rinↄ li ĩa ũ,a zĩkɛrinↄ sↄ̃ tɛ́vura ũ.⁸A Nɛ́ yã musu sↄ̃ à pì:Luda, ĩnigↄ̃ vutɛna kíblegbaaa gↄrↄ sĩnda pínkimɛ,ndìgↄ̃ n kíkɛgo kũna yãzɛde ũ.⁹Ń ye yãmanakɛnaai, n zã vãnikɛna gu.Abire yãi Luda, n Luda, n ka kín,à pↄnna pìsimma de n gbɛ̃nↄla.¹⁰Ò pì dↄ:Dikiri, n andunia zĩni pɛ̀tɛ zaa káaku,musu bi n ↄzĩmɛ.¹¹Ń pínki ni gɛ̃tɛ, ama ĩnigↄ̃ kun.Oni zĩ kũ lán pↄ́kasa bà,¹²ĩni ń koko lán uta bà,ĩni ń litɛ lán pↄ́kasa bà.Mↄkↄ̃n sↄ̃, n kuuna dìgↄ̃ dokↄ̃nↄ,n gↄrↄ lakana vĩro.¹³À yã dí ò malaika kenɛ yã yá?Ǹ vutɛ ma ↄplaiari màgↄ̃ n ibɛrɛnↄ kɛnnɛ n tìntin ũ.¹⁴Malaikanↄ bi nini zĩkɛrinↄmɛ ń pínki. Luda dì ń zĩ de ò kpá gbɛ̃ kũ oni surabana lenↄimɛ.

EBERUNƆ 1 / bqp_sim

Luda Nɛ́ de malaikanↄla

EBERUNƆ1bqp_sim